

Lajmet
Konjufca nga Krusha: Do ta padisim Serbinë për gjenocid
Published
4 years agoon
By
Betim GashiKryetari i Kuvendit të Republikës së Kosovës, njëherit edhe ushtruesi i detyrës së Presidentit, Glauk Konjufca, me rastin e 22-vjetorit të masakrave, bëri homazhe në Krushë të Madhe dhe në Krushë të Vogël.
Ushtruesi i detyrës së presidentit, Glauk Konjufca tha se Kosova ka tri plagë që ende janë të hapura. Sipas tij, plaga e parë është masakra që kanë përjetuar populli, plaga e dytë të zhdukurit dhe e treta është mungesa e drejtësisë për familjarët që humbën të dashurit e tyre.
“Krushjanët e kanë përjetuar tmerrin e një masakre e cila ka lënë qindra e qindra të vdekur, plaga e dytë është që këtu ka edhe varreza të zbrazura, disa prej varrezave janë të zbrazura që na e kujton edhe njëherë se Serbia i ka rrëmbyer më të dashurit tanë e familjarët tanë fati i tyre ende nuk është zbardhur. Dhe kjo është një plagë e hapur në trupin e shtetit tonë, popullit tonë dhe plaga e tretë do të thosha që është drejtësia e munguar, nuk ka pasur drejtësi kurrë për familjarët të cilët i humbën më të dashuritë e tyre. Ata u masakruan u rrëmbyen, nuk dihet për një pjesë të tyre për fatin e tyre dhe familjarët tash e 22 vite prej asaj date jetojnë për çdo ditë me peshën e me vuajtjen e rëndë për fatin e pazbardhur të familjarëve të tyre”, tha ai.
Konjufca tha se gjaku i krushjanëve të Krushës të Madhe dhe të Vogël qëndron në themelet e shtetit tonë dhe themelet e lirisë së Republikës se Kosovës.
Konjufca tha se qeveria e re me kryeministër Kurtin ka premtuar që do të padisë shtetin e Serbisë për gjenocidin dhe kjo do të ndodhë dhe se do të vazhdojnë të kërkojnë të drejtat tona në dialogun me Serbinë.
“Qeveria që ka ardhur në krye me kryeministrin Albin Kurti ka premtuar se do t’ia bëjë së pari një padi për gjenocid shtetit të Serbisë kjo do të ndodhë e para, e pastaj edhe për çdo fazë që të jemi të përgatitur që ne t’i kërkojmë të drejtat tona duke filluar ne dialogun me Serbinë e në të gjitha fazat e tjera në shtet ndërtimin e Kosovës”, tha ai.
Konjufca gjithashtu homazhet i vazhdoi edhe në Krushë të Vogël, ku tha së Serbia nuk e ka marrë ende dënimin e merituar si shtet për krimet e kryera në Kosovë.
“Çka është më e keqja përmes politikës së sotme të cilën po e zhvillojnë përfaqësuesit shtetërorë të Serbisë po na tregojnë që Serbia në masë të madhe nuk është shkëputur nga ajo logjikë e atij pushteti që e ka shkaktuar gjenocidin në Kosovë”, shtoi ai.
Krusha e Madhe është edhe vendlindja e intelektualit të madh, Ukshin Hoti, i cili u zhduk në muajin maj të vitit 1999 nga forcat policore të Serbisë duke mos u ditur më asgjë për fatin e tij.
Bota
Scholz: Nuk mund ta imagjinojë Netanyahun të arrestohet në Gjermani
Published
10 hours agoon
April 3, 2025By
UBT NEWS
Kancelari gjerman, Olaf Scholz, ka shprehur se nuk mund ta imagjinonte ekzekutimin e një urdhërarresti kundër kryeministrit izraelit, Benjamin Netanyahu, gjatë një vizite të tij në Gjermani. Kjo deklaratë erdhi pas lëshimit të një urdhërarresti nga Gjykata Ndërkombëtare Penale (ICC) në nëntor, lidhur me veprimet e qeverisë izraelite në Gazë, dhe pas mbërritjes së Netanyahut në Budapest, udhëtimi i tij i parë në Evropë që nga lëshimi i këtij urdhri.
Scholz, gjatë një konference për shtyp në Berlin së bashku me mbretin e Jordanisë, Abdullah II, tha se qeveria gjermane kishte bërë të qartë qëndrimin e saj lidhur me arrestimin e Netanyahut, duke deklaruar: “Nuk mund ta imagjinoj se do të ketë një arrestim në Gjermani.”
Në një ditë kur Hungaria njoftoi planet për t’u tërhequr nga vendimi i ICC-së, ministrja e Jashtme gjermane, Annalena Baerbock, e kritikoi ashpër këtë vendim, duke theksuar se ishte një ditë e keqe për të drejtën penale ndërkombëtare dhe duke kujtuar se në Evropë, askush nuk është mbi ligjin.
Traktati i Romës, që është dokumenti themelues i ICC-së, kërkon që shtetet anëtare të zbatojnë urdhrat e gjykatës. Si anëtare të ICC-së, edhe Hungaria dhe Gjermania janë të detyruara ligjërisht të arrestojnë Netanyahu nëse ai hyn në territorin e tyre. Megjithatë, vendimi i Hungarisë ka ngritur shqetësime dhe diskutime për zbatimin e ligjit ndërkombëtar dhe përgjegjësitë e shteteve anëtare të ICC-së.

Çmimet e naftës regjistruan një rënie të ndjeshme më 3 prill 2025, pas masave të reja tregtare të presidentit amerikan, Donald Trump. Rënia e çmimeve është lidhur me shqetësimet e tregjeve financiare për ndikimin që mund të ketë këto tarifa mbi rritjen ekonomike globale dhe kërkesën për naftë.
Çmimi i një fuçie nafte “West Texas Intermediate” (WTI), standardi amerikan, për dërgesë në maj, ra me 5,15%, duke arritur në 68,02 dollarë. Ndërkaq, çmimi i një fuçie nafte “Brent” të Detit të Veriut për dorëzimin e qershorit ra me 4,78%, duke u ulur në 71,37 dollarë.
Përveç pasigurisë nga tarifat e reja të Trump, OPEC-u njoftoi një rritje më të mprehtë të prodhimit të naftës se sa ishte pritur, që gjithashtu ka kontribuar në uljen e çmimeve të naftës.
Lajmet
Policia gjobit shoferin që drejtoi veturën në anën e kundërt në autostradë
Published
10 hours agoon
April 3, 2025By
UBT NEWS
Policia e Kosovës ka gjobitur një shofer me 500 euro pasi ai drejtoi veturën e tij në anën e kundërt të autostradës. Incidenti ka ndodhur në Autostradën “Dr. Ibrahim Rugova” dhe është bërë publik më 3 prill 2025 përmes një video-incizimi që u shpërnda në rrjetet sociale.
Shoferi ka marrë gjithashtu pesë pikë negative dhe i është ndaluar drejtimi i automjetit për një periudhë prej dymbëdhjetë muajsh. Mjeti është larguar nga trafiku përmes një kompanie të autorizuar për tërheqje. Policia, përmes një njoftimi, ka bërë të ditur se njësia për Kontroll të Autostradave në bashkëpunim me njësinë kufitare ka identifikuar dhe ndaluar shoferin që kryente shkeljen e rrezikshme në autostradë.
Lajmet
Zëdhënësit e Speciales: Gjykata e Hagës mban përgjegjës individët, jo grupet etnike, organizatat apo komunitetet
Published
10 hours agoon
April 3, 2025By
UBT NEWS
Zëdhënësit e Gjykatës Speciale, Michael Doyle dhe Angela Griep, kanë zhvilluar një konferencë për media, ku kanë sqaruar disa çështje lidhur me procesin gjyqësor që po zhvillohet në Hagë ndaj ish-krerëve të Ushtrisë Çlirimtare të Kosovës (UÇK). Gjatë konferencës, ata theksuan se Gjykata është e themeluar në përputhje me Kushtetutën e Kosovës dhe se përgjigjet për legjitimitetin e saj mund të gjenden aty. Ata nënvizuan se qëllimi i Gjykatës është të sigurojë gjykime të drejta, të pavarura dhe të paanshme për individët që ndiqen penalisht nga Prokuroria Speciale, si dhe për të mbrojtur dëshmitarët dhe për të siguruar dinjitetin e viktimave.
Zëdhënësit theksuan se Gjykata Speciale merret vetëm me përgjegjësi penale individuale dhe mbajnë përgjegjësi vetëm individët për krimet që u janë ngarkuar në aktakuzë. Ata gjithashtu sqaruan se Gjykata nuk merret me grupe etnike, organizata apo komunitete, por fokusohet tek përgjegjësia individuale.
Gjatë konferencës, ata përmendën edhe ankesën e mbrojtjes së Hashim Thaçit për pyetjet e bëra nga gjyqtarët ndaj dëshmitarëve, duke sqaruar se gjyqtarët kanë të drejtën dhe detyrën të bëjnë pyetje për të përcaktuar të vërtetën. Ata theksuan se kufizimi i mundësisë së gjyqtarëve për të bërë pyetje mund të cenonte rolin e tyre si gjetës të fakteve.

Scholz: Nuk mund ta imagjinojë Netanyahun të arrestohet në Gjermani

Çmimi i naftës bie pas tarifave të Trump

Policia gjobit shoferin që drejtoi veturën në anën e kundërt në autostradë

Zëdhënësit e Speciales: Gjykata e Hagës mban përgjegjës individët, jo grupet etnike, organizatat apo komunitetet

Rubio: SHBA do të vijojë të qëndrojë në NATO, e rëndësishme forcimi i aleancës

Pse nuk duhet t’i mbyllni perdet gjatë ditës?

Kurti pret në takim ambasadorin suedez, flasin për aktualitetin politik në vend

Po bëni gabim, ja sa shpesh duhen pastruar furçat e grimit

Billie Eilish tregon se cilët janë artistët e saj të preferuar
Të kërkuara
-
Bota2 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months ago
Fluturimet e dëbimit kanë filluar, thotë Shtëpia e Bardhë
-
Bota2 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Bota3 months ago
Trump zbulon listën e zezë të Shtëpisë së Bardhë