Lajmet

Konjufca kërkon verifikimin e marrëveshjeve nga dialogu me Serbinë

Published

4 years ago

June 15, 2021

Betim Gashi

Kryetari i Kuvendit të Kosovës Glauk Konjufca ka kërkuar sot nga institucionet e vendet të bëjnë një verifikim të kujdesshëm të marrëveshjeve të arritura deri më tani në kuadër të procesit të dialogut me Serbinë.

Në tryezën e KDI-së me kryetarët e komisioneve parlamentare mbi rolin mbikëqyrës të dialogut Kosovë – Serbi, Konjufca tha se Serbia po përdorë standarde të dyfishta, duke mos implementuar marrëveshjet sikur ajo e diplomave, derisa kërkon themelim të asociacionit të cilën Gjykata Kushtetuese e ka rrëzuar.

“T’i thërrasim edhe një herë mendjes që institucionet e Kosovës, nuk janë këtu thjesht për ta rivlerësuar sa janë të domosdoshme implementimi i marrëveshjeve. Po ashtu edhe për të argumentuar që ato që quhen ngecje, nuk duhet të shihen si të tilla, por si një lloj verifikimi edhe të njëhershëm me shumë kujdes i asaj që është arritur, i asaj që është nënshkruar me disa shpjegime të atëhershme që këto do ta sjellin integrimin e shpejtë në integrim evropian”, tha Konjufca.

Ndërsa pala serbe këmbëngulë në formimin e asociacionit të komunave me shumicë serbe, Konjufca ka kujtuar se marrëveshja për asociacionin i shkelë fondamentet Kushtetuese të Kosovës.

“Serbia dëshiron të përfitojë diçka nga dialogu” tha ai.

“Ajo çfarë Serbia po konsideron si një pozicionim strategjik, se ne do të na kërkoj ato që janë nënshkruar, e ne faktikisht përmes institucioneve tona dhe rendit kushtetuese i kemi hedhur poshtë sepse vërtet marrëveshja për ‘Zajednicën’ ka qenë e tillë, i ka shkelë fundamentet kushtetuese të Kosovës”, tha Konjufca.

Ndërsa, kryetari i komisionit për Punë të Jashtme, Haki Abazi tha se institucionet e vendit nuk do të pranojnë marrëveshje që dëmtojnë interesin, pavarësisht çmimit të forcimit të subjektivitetit ndërkombëtar.

Ndërsa Jeta Krasniqi nga KDI ka kërkuar të ketë më tepër transparencë sa i përket ecurisë së procesit të dialogut ndërmjet Kosovës dhe Serbisë.

“Synimi jonë ka qenë transparenca, pasi ky proces nuk shquhet për transparencë të madhe duke e ditur se është një proces konfidencial. Ka ende marrëveshje që nuk janë plotësisht të zbatuara, siç është plani për marrëveshjen e drejtësisë, i cili nuk është ende publik”, tha Krasniqi.

Gjatë ditës së sotme ka rifilluar dialogu Kosovë-Serbi, ku kryeministri Albin Kurti ka zhvilluar takim me presidentin serb, Aleksandër Vuçiq.

Rajoni

Zbardhen detajet e vrasjes të gjyqtarit: Detektori e sinjalizoi prezencën e metaleve, roja qëndroi në karrige

Published

6 minutes ago

October 7, 2025

UBTnews

Policia në Tiranë ka dhënë detajet për vrasjen e gjyqtarit Astrit Kalaja në moshën 60 vjeçare në Tiranë. Aty tregohet se si i dyshuari kaloi nëpër detektor me armë, dhe roja qëndronte ulur në karrigen e tij. Gjithçka thuhet të jetë vërtetuar nga pamjet e kamerave.

“Në orën 13:42, në ambientet e sallës së pritjes për publikun të Gjykatës janë futur dhe kanë kaluar nga pajisja skaner (detektor), njëri pas tjetrit, shtetasit E. Sh. dhe G. Sh. Në ekranin e detektorit është sinjalizuar prezenca e metaleve duke ndezur dritat e kuqe, por shtetasi B. K., me detyrë punonjës sigurie pranë Gjykatës së Apelit Tiranë, ka qëndruar i ulur në karrige dhe nuk ka kryer asnjë veprim për kontrollin fizik të këtyre shtetasve apo regjistrimin e tyre në librin e protokollit, ku duhet të evidentohen të gjithë personat që hyjnë dhe dalin nga ambientet e Gjykatës”, thuhet mes tjerash./D.B/EO

Lajmet

Arrestohen dy persona, sekuestrohen 40 mijë euro të falsifikuara

Published

17 minutes ago

October 7, 2025

UBTnews

Janë arrestuar dy persona dhe janë sekuestruar 40 mijë euro të falsifikuara në një operacion policor që ndodhi në Prishtinë.

“Me urdhër të Prokurorisë Speciale të Kosovës, në orët e mbrëmjes të martën janë ndaluar dy persona të dyshuar për veprën penale ‘Falsifikim i Parasë’ .Hetuesit policorë nga Drejtoria për Hetimin e Krimeve Ekonomike dhe Korrupsionit, pas hetimeve disa mujore, në bazë të urdhrit të lëshuar nga Gjykata Themelore në Prishtinë dhe nën udhëheqjen e Prokurorisë Speciale të Kosovës, kanë zhvilluar një operacion policor në Prishtinë. Në bashkëpunim me Njësinë e Reagimit të Shpejtë të Policisë së Kosovës, është ndaluar një veturë në të cilën gjendeshin dy personat e dyshuar, S.T dhe A.Th. Pas kontrollit të ushtruar, janë gjetur dhe sekuestruar para të falsifikuara në valutën euro, në shumën totale prej 40,000.00 (katërdhjetë mijë), të cilat gjatë testimit fillestar kanë rezultuar se janë të falsifikuara”, thuhet në komunikatën e Prokurorisë Speciale.

Hetuesit kanë kryer kontrolle edhe në dy lokacione: në shtëpitë dhe objektet përcjellëse të banimit të personave të dyshuar.

Më tej u tha se “Prokuroria Speciale e Kosovës në koordinim me Policinë e Kosovës, është duke i ndërmarrë të gjitha veprimet e nevojshme hetimore në përputhje me dispozitat e Kodit të Procedurës Penale”./D.B/EO

Lajmet

Zhduket një person në Malishevë

Published

18 minutes ago

October 7, 2025

UBTnews

Një burrë është raportuar i zhdukur në fshatin Janqisht të Malishevës.

Sipas Policisë së Kosovës, rasti ka ndodhur paraditen e së dielës dhe është raportuar nga bashkëshortja e tij.

“Fsh. Janqisht, Malishevë 05.10.2025 – 10:00. Ankuesja femër kosovare ka raportuar se bashkëshorti i saj, viktima mashkull kosovar, ka dalë nga shtëpia dhe nuk dihet për vendndodhjen e tij”, thuhet në raportin 24-orësh të policisë.

Autoritetet policore po merren me rastin dhe hetimet janë në vazhdim./D.B/UBTnews/

Lajmet

Një grua raporton se është dhunuar në Podujevë

Published

23 minutes ago

October 7, 2025

UBTnews

Një grua në Podujevë ka raportuar në polici se është dhunuar.

Sipas raportit 24-orësh të Policisë së Kosovës, rasti ka ndodhur më 6 tetor 2025, kur viktima, shtetase e Kosovës, ka njoftuar autoritetet se është dhunuar nga një person i dyshuar, gjithashtu shtetas kosovar.

Në lidhje me rastin është njoftuar prokurori, ndërsa hetimet janë duke vazhduar.

“Më 06.10.2025 viktima femër kosovare, ka raportuar se është dhunuar nga i dyshuari mashkull kosovar. Në lidhur me rastin është njoftuar prokurori. Rasti nën hetime.” thuhet në njoftim nga Policia e Kosovës./D.B/UBTNews