Lajmet

​Komunat rrezikojnë të mbesin pa buxhet, hesht Ministria e Financave

Pasojat që mund të dalin në realizimin e projekteve.

Publikuar

2 vjet më parë

më

Përveç opozitës, edhe kryetarë të komunave dhe shoqëria civile kërkojnë nga Qeveria e Kosovës zhbllokimin e buxhetit për komunat ose publikimin e Qarkores së dytë Buxhetore.

Kryetari i komunës së Gjakovës, Ardian Gjini thotë për KosovaPress se vonesa e lëshimit të Qarkores së dytë buxhetore shkakton probleme në përgatitjen e buxhetit për vitin 2023.

Kryetari Gjini tha se komunat po rrezikohen të mbesin pa buxhet. Derisa në Ministrinë e Financave, Punës dhe Transfereve nuk janë përgjigjur për Kosovapress, se kur pritet të lëshohet kjo qarkore ose pse nuk është publikuar deri tash.

“Patjetër që mund të shndërrohet në problem, për shkak se sivjet kemi pasur vonesa për buxhet. Ndërsa, nëse vonohet, mund të ketë vonesa për buxhetin e vitit 2023, këto mandej shkaktojnë edhe vonesa për gjithçka tjetër… A mund të rrezikohet komunat për Buxhet? Patjetër. Megjithatë ende ka kohë, mendoj se mundet me ndodhur këto ditë, brenda afateve optimale qarkorja e dytë, mirëpo nëse vonohet patjetër se na nxjerrë problem”, thotë Gjini.

Hulumtuesi në Iniciativa për Progres (INPO), Diell Haxhimusa ka ftuar Ministrinë e Financave që sa më parë të publikojë Qarkoren e dytë buxhetore, për arsye se kjo lidhet ngushtë me funksionimin e mirëfilltë të komunave për buxhetin e vitit të ardhshëm.

“Ftoj ministrinë që sa më shpejt të publikojë qarkoren e dytë, për arsye se lidhen ngushtë me funksionimin e mirëfilltë të komunave për buxhetin e vitit të ardhshëm. Sipas ligjit, më 1 shtator bëhet votimi në asambletë komunale për buxhetin e ardhshëm dhe gjithçka përfundon aty me komunën. Ndërsa, tash jemi në gusht, mirëpo Ministria ende nuk e ka publikuar qarkoren e dytë për komunat”, thekson ai.

Hulumtuesi Haxhimusa ka treguar edhe pasojat që mund të dalin në realizimin e projekteve. Sipas tij, edhe vitin e kaluar është publikuar me vonesë Qarkorja e dytë, më 12 gusht, për çka ka pasur probleme në konsolidimin e buxheteve të tyre.

“Si pasojë e kësaj vonese, komunat mund të fusin projekte të paplanifikuara mirë ose mund të bëjnë veprime të paplanifikuara mirë, të cilat bien ndesh me ligjin për planifikimin e projekteve, të cilat nuk janë reale me nevojat e qytetarëve. Këto ndryshime pastaj mund të prodhojnë pasoja për vitin e ardhshëm”, thotë ai.

Gjatë ditës ka reaguar edhe kryetari i PDK-së, Memli Krasniqi, i cili ka thënë se për inate politike Qeveria Kurti po i sjell qytetarët dhe komunat e Kosovës buzë kolapsit, duke bllokuar buxhetet dhe projektet investive të tyre.

“Tani, nëse Qeveria nuk e merr parasysh kërkesën e Asociacionit të Komunave të Kosovës për ta lëshuar Qarkoren e dytë Buxhetore sa më parë para datës 1 shtator, në afatin e paraparë kur komunat duhet ta dorëzojnë buxhetin për miratim në Kuvendet e Komunave – ajo me qëllim po e zvarritë realizimin e shumë projekteve në interes të qytetarëve anekënd Kosovës”, ka shkruar Krasniqi.

Ndërsa, Bordi i Asociacionit të Komunave të Kosovës, dje ka kërkuar urgjentisht nga ministri i Financave dhe Tranfereve Hekuran Murati që të lëshojë Qarkoren e dytë Buxhetore, e cila iu mundëson komunave të Kosovës të fillojnë procesin final të planifikimit buxhetor.

“Si proces është shumë i vonuar dhe i rrezikon komunat të mos kenë mundësi teknike ta dorëzojnë buxhetin me kohë pranë Kuvendeve të Komunave, me saktësisht më datën 1 shtator që është obligim ligjor që buxheti t’i dorëzohet Kuvendit të Komunës”, thuhet në reagim.

Po ashtu, potencohet se mos dorëzimi i buxhetit më datën 1 shtator i kushton komunave me humbje të pikëve në Raportin e Performancës dhe si i tillë i penalizon komunat nga përfitimet financiare nga granti i performancës.

Etiketa
Vazhdo të lexosh

Lajmet

Kushtetuesja i jep të drejtë Qeverisë për Ligjin për pagën minimale

Publikuar

11 minuta më parë

më

26 Qershor, 2024

nga

Gjykata Kushtetuese i ka dhënë të drejtë Qeverisë për Ligjin për pagën minimale, pas shqyrtimit të kërkesës së deputetëve të Aleancës për Ardhmërinë e Kosovës për vlerësim.

Sipas publikimit të mërkurën, Kushtetuesja ka vendosur që ndryshimet e ligjeve për veteranët e luftës së Ushtrisë Çlirimtare të Kosovës, për të verbrit, për personat paraplegjikë dhe tetraplegjikë nuk janë në kundërshtim me nenin për barazi para ligjit.

“… njëzëri, të shpallë, që në bazë të nenit 43 (Afati) të Ligjit nr.03/L-121 për Gjykatën Kushtetuese të Republikës së Kosovës, Ligji nr.08/L-142 për Ndryshimin dhe Plotësimin e Ligjeve që Përcaktojnë Shumën e Beneficionit në Lartësi të Pagës Minimale, Procedurat e Caktimit të Pagës Minimale dhe Shkallët Tatimore në të Ardhurat Personale Vjetore, i dërgohet Presidentes së Republikës së Kosovës për shpallje”, thuhet në njoftimin e Kushtetueses.

Ligji i ri i Pagës minimale nuk i përfshin veteranët. Deri tash pensioni i tyre lidhej me pagën minimale që ishte 170 euro. Tash ajo është rritur në 264 euro, por vetëm për punëtorët.

Vazhdo të lexosh

Lajmet

​Mbi 530 mijë ushtarë rusë të vrarë deri më tani në Ukrainë

Publikuar

19 minuta më parë

më

26 Qershor, 2024

nga

Humbjet totale luftarake të trupave ruse në Ukrainë nga 24 shkurt 2022 deri më 26 qershor 2024 arrijnë në rreth 538 mijë e 60, duke përfshirë 1 mijë e 220 persona të tjerë gjatë ditës së kaluar. Kështu thuhet në faqen kryesore në Facebook të Shtabit të Përgjithshëm të Forcave të Armatosura të Ukrainës, transmeton Ukrinform.

Gjithashtu, Forcat e Mbrojtjes së Ukrainës shkatërruan 8039 (+4) tanke ruse, 15450 (+19) automjete luftarake të blinduara, 14321 (+40) sisteme artilerie, 1108 (+0) MLRS, 863 (+0) sisteme të mbrojtjes ajrore, 359 (+0) avionë, dhe 326 (+0) helikopterë, UAV operativë dhe taktikë – 11435 (+22), raketa lundrimi – 2324 (+0), anije/varka – 28 (+0), nëndetëse – 1 (+0), automjete dhe cisterna – 19407 (+45), pajisje speciale – 2409 (+6).

Siç raportoi Ukrinform, që nga fillimi i pushtimit në shkallë të gjerë të Rusisë, Ministria e Mbrojtjes e Ukrainës ka kodifikuar dhe lejuar pothuajse 40 modele të automjeteve të blinduara të huaja dhe vendase që të përdoren në Forcat e Mbrojtjes, duke përfshirë automjetet luftarake të këmbësorisë Abrams, Leopard, Challenger dhe Bradley.

Vazhdo të lexosh

Lajmet

Gërvalla: Kosova të anëtarësohet sa më shpejtë në KiE

Publikuar

24 minuta më parë

më

26 Qershor, 2024

nga

Anëtarësimi i plotë dhe pa vonesa i Republikës së Kosovës në Këshillin e Evropës dhe vazhdimi i bashkëpunimit të shkëlqyer në rrugën e integrimit të Kosovës në mekanizma ndërkombëtar, ishin në fokus të takimit mes Zëvendëskryeministres, Ministres së Punëve të Jashtme dhe Diasporës, Donika Gërvalla dhe deputetit gjerman, kryesuesit të Grupit Socialist, Demokrat dhe të Gjelbër, Frank Schwabe.

Gjatë këtij takimi Ministrja Gërvalla shprehu mirënjohje të thellë edhe për rolin personal të Frank Schwabe për arritjen e mbështetjes për anëtarësimin e Kosovës në Këshillin e Evropës duke theksuar se ndihma e tij ka qenë thelbësore për arritjen e një shumicë bindëse të votave në Asamblenë Parlamentare të Këshillit të Evropës.

I mbetet Këshillit të Ministrave të marrë sa më shpejtë vendimim për zbatimin e rekomandimit të Asamblesë Parlamentare të Këshillit të Evropës dhe të ftojë Republikën e Kosovës për t’u anëtarësuar në këtë organizatë ndër më të rëndësishmet në Evropë.

Anëtarësimi i plotë dhe pa vonesa i Republikës së Kosovës në Këshillin e Evropës dhe vazhdimi i bashkëpunimit të shkëlqyer në rrugën e integrimit të Kosovës në mekanizma ndërkombëtar, ishin në fokus të takimit mes Zëvendëskryeministres, Ministres së Punëve të Jashtme dhe Diasporës, Donika Gërvalla dhe deputetit gjerman, kryesuesit të Grupit Socialist, Demokrat dhe të Gjelbër, Frank Schwabe.

Gjatë këtij takimi Ministrja Gërvalla shprehu mirënjohje të thellë edhe për rolin personal të Frank Schwabe për arritjen e mbështetjes për anëtarësimin e Kosovës në Këshillin e Evropës duke theksuar se ndihma e tij ka qenë thelbësore për arritjen e një shumicë bindëse të votave në Asamblenë Parlamentare të Këshillit të Evropës.

I mbetet Këshillit të Ministrave të marrë sa më shpejtë vendimin për zbatimin e rekomandimit të Asamblesë Parlamentare të Këshillit të Evropës dhe të ftojë Republikën e Kosovës për t’u anëtarësuar në këtë organizatë ndër më të rëndësishmet në Evropë.

Vazhdo të lexosh

Lajmet

Protestuesit izraelitë bllokojnë rrugët duke kërkuar lirimin e robërve

Publikuar

41 minuta më parë

më

26 Qershor, 2024

nga

Aktivistët antiqeveritar izraelitë janë mbledhur pranë sheshit Dizengoff të Tel Avivit dhe kanë bllokuar një kryqëzim të madh pranë Haifës, duke kërkuar nga qeveria të arrijë një marrëveshje për të sjellë në shtëpi robërit izraelitë nga Gaza, raporton faqja e lajmeve Ynet.

Pamjet e postuara në mediat sociale izraelite, shfaqin turmat e protestuesve që mbanin në duar shenja dhe pankarta përmes së cilave bëjnë thirrje për lirimin e robërve.

Për muaj të tërë, protestat antiqeveritare, të mbështetura nga të afërm të shumtë të robërve izraelitë, janë zhvilluar, duke ushtruar presion të jashtëzakonshëm mbi qeverinë e Netanyahut ndërsa lufta në Gaza po zvarritet./UBTNews/

Vazhdo të lexosh

Të kërkuara