Kronika e zezë

​Kërkohet paraburgim për bashkëpronarët e “Prishtina Jet”

Publikuar

Prokuroria Themelore në Prishtinë, ka njoftuar se është kërkuar caktimi i paraburgimit për të pandehurit M.K., dhe A.B., në drejtim të veprave penale “Mashtrimi” dhe “Shmangia nga tatimi”, të parapara sipas KPRK-së.

Prishtinë, 5 gusht 2022– Prokuroria Themelore në Prishtinë, njofton opinionin publik se, prokurori i çështjes ka kërkuar caktimin e paraburgimit në gjykatën kompetente për të pandehurit M.K., dhe A.B., në drejtim të veprave penale “Mashtrimi” dhe “Shmangia nga tatimi”, të parapara sipas KPRK-së. Sipas kërkesës, të pandehurit e lartcekur në vazhdimësi dhe në bashkëkryerje me qëllim që vetit t’i sjellin përfitim pasuror në mënyrë të kundërligjshme i kanë vu në lajthim një numër të konsiderueshëm bashkatdhetarësh, tani të dëmtuar, ku përmes Agjencisë Turistike “Prishtina Jet”, u kanë shitur të dëmtuarve bileta fiktive për udhëtim me aeroplan nga shtetet e perëndimit për në Kosovë, duke ju ofruar oferta për blerje të biletave fiktive me një çmim shumë më të lirë se sa çmimi real, të cilat fluturime kanë qenë fiktive dhe si të tilla nuk janë realizuar përkundër pagesave që janë bërë nga të dëmtuarit, çka me këtë përpos dëmeve të mëdha financiare, të dëmtuarve dhe familjarëve të tyre u kanë shkaktuar edhe maltretime psiqike duke i braktisur dhe lënë nëpër aeroporte të ndryshme të perëndimit pa i realizuar fluturimet e premtuara rrejshëm nga të pandehurit. Me këtë, të pandehurit në bashkëkryerje e kanë kryer veprën penale “Mashtrimi”, nga nenin 323 të KPRK-së. Ndërsa, i pandehuri M.K., në cilësinë e personit përgjegjës të subjektit afarist të lartcekur, me qëllim të përfitimit të kundërligjshëm pasuror ka bërë shmangie nga pagesa e tatimeve të parapara me legjislacionin tatimor në Kosovë, në atë mënyrë që i njëjti nuk i ka deklaruar saktë të hyrat dhe arkëtimet e realizuara nga qarkullimi i biznesit të tij te organet kompetente, respektivisht te ATK-ja”, thuhet në komunikatën e prokurorisë themelore në Prishtinë. 

Kronika e zezë

Vidhen stoli me vlerë mbi 12 mijë euro dhe 1 mijë euro para të gatshme, arrestohet një 49 vjeçar

Hetimet në lidhje me këtë rast do të vazhdojnë.

Publikuar

nga

Një 49 vjeçar u arrestua dje në Mitrovicë për veprën penale “Blerja, pranimi ose fshehja e sendeve te përfituara me kryerjen e veprës penale’’.

Policia sot informoi se më 3 nëntor në Stacionin Policor Jugu Mitrovicë ishte raportuar një rast i vjedhjes, ku në një fshat të Mitrovicës persona të panjohur kishin hyrë në një shtëpi, duke shfrytëzuar rastin kur në shtëpi nuk kishte qenë asnjë person dhe kishin vjedhur stoli ari me vlerë rreh 12 mijë e 100 € dhe para të gatshme prej 1 mijë e 100 €.

Lidhur me këtë u arrestua i dyshuari N.H, 49 vjeçar, me ç’rast, me urdhër të gjyqtarit të procedurës paraprake, u kontrollua një lokal argjendarie në Mitrovicë, ndërsa pas kontrollit u sekuestruan stolitë e arit, të cilat dyshohen se ishin vjedhur me datën 03.11.2022 dhe ishin blerë nga i dyshuari.

“I njëjti është intervistuar nga ana e hetuesve në prezencën e avokatit mbrojtës ndërsa pas procedurës së intervsitimit me urdhër të prokurorit të dyshuarit i është caktuar masa e ndalimit policor prej 48 orësh.”, bëri të ditur Policia.

Hetimet në lidhje me këtë rast do të vazhdojnë.

Vazhdo të lexosh

Kronika e zezë

​Pesë të dehur sulmojnë fizikisht infermierin në Mitrovicë

Të dyshuarit thuhet se kanë qenë të dehur kur kanë shkuar pranë Emergjencës së këtij spitali në ora 03:20.

Publikuar

nga

Një infermier i Spitalit të Përgjithshëm “Dr. Sami Haxhibeqiri” në Mitrovicë është sulmuar fizikisht nga pesë persona në orët e para të së hënës.

Të dyshuarit thuhet se kanë qenë të dehur kur kanë shkuar pranë Emergjencës së këtij spitali në ora 03:20 dhe kanë sulmuar infermierin me inicialet F.M.

“Në oborrin e spitalit kanë ardhur 5 qytetarë të cilët kanë qenë nën ndikim të alkoolit dhe kanë kërkuar nga infermieri që të dal jashtë objektit te spitalit për t’i dhënë shërbim pacientit, ku, infermieri ka refuzuar dhe ka thënë qe pacienti duhet të sillet në repart që paraprakisht të kontrollohet nga doktori kujdestar. Pas refuzimit të infermierit për të dal jashtë objektit ai është sulmuar fizikisht”, u tha nga spitali “Dr. Sami Haxhibeqiri” në Mitrovicë.

Ky spital dënon ashpër sulmin fizik ndaj çdo punëtori shëndetësor.

Vazhdo të lexosh

Kronika e zezë

1 mijë e 359 gjoba trafiku në 24 orët e fundit në Kosovë

Kështu thuhet në njoftimin e PK-së.

Publikuar

nga

Policia e Kosovës njofton se 1 mijë e 359 gjoba trafiku janë shqiptuar në 24 orët e fundit në vendin tonë.

Gjatë kësaj periudhe kanë ndodhur edhe 11 aksidente me të lënduar dhe 13 më dëme materiale.

Në 24 orët e fundit janë arrestuar 16 persona dhe 14 janë dërguar në mbajtje.

Vazhdo të lexosh

Kronika e zezë

Kokainë e marihuanë në veturë e shtëpi, arrestohen dy persona

Gjatë bastisjes në shtëpitë e të dyshuarve janë gjetur e konfiskuar edhe 264.9 gramë marihuanë.

Publikuar

nga

Dy persona janë arrestuar në Prishtinë, pasi që njësitet policore gjatë kontrollit në veturën me të cilën ishin duke lëvizur kanë gjetur dhe konfiskuar katër qese me substancë të dyshuar narkotike të llojit kokainë 2.2 gram, marihuanë 4.9 gramë dhe para të gatshme.

Në konsultim me prokurorin dhe GjPP-së, gjatë bastisjes në shtëpitë e të dyshuarve janë gjetur e konfiskuar edhe 264.9 gramë marihuanë, 81.4 gramë hashash, tri peshore digjitale, një telefon celular dhe disa qese plastike të zbrazura.

Të dyshuarit pas intervistimit me vendim të prokurorit janë dërguar në mbajtje. 

Vazhdo të lexosh

Të kërkuara