Sport

Interi udhëton drejt Liverpoolit për të bërë histori

Nicolò Barella është i pezulluar për këtë ballafaqim.

Published

4 years ago

March 7, 2022

UBT news

Interi do të vizitojë Liverpoolin në “Anfield Road” të martën, duke e ditur se atë që duhet ta bëjnë ata ndaj skuadrës angleze e ka bërë vetëm Manchester United, skuadër e cila u kualifikua në raundin tjetër pasi humbi ndeshjen e parë në shtëpi me rezultat 2-0.

Skuadra e Simone Inzaghit mori një humbje 2-0 në stadiumin “Giuseppe Meazza” në shkurt dhe do të shpresojnë të rikthehen në ndeshjen e dytë në Angli nesër mbrëma. “Nerazzurrët” iu rikthyen fitoreve të premten duke mposhtur 5-0 Salernitanan në Serie-A, kështu që besimi është i lartë përpara udhëtimit të tyre në Angli.

Nicolò Barella është i pezulluar për këtë ballafaqim, por pjesa tjetër e ekipit është në dispozicion të Inzaghit. Interi do të duhet të shkojë përtej mundësive të tyre për t’u kualifikuar në çerekfinale.

Manchester United është skuadra e vetme në historinë e Ligës së Kampionëve që është kualifikuar tutje pasi kishte humbur ndeshjen e parë në shtëpi me dy gola disavantazh. Në sezonin 2018-19, gjigantët e Premier Ligës mundën PSG-në e Gigi Buffonit 3-1 në Paris, pasi humbën 2-0 në “Old Trafford”. Një gabim i portierit veteran në ndeshjen e kthimit ndihmoi skuadrën e Ole Gunnar Solskjaer të kualifikohej në çerekfinale.

I njëjti rezultat nuk do të mjaftonte për t’u kualifikuar këtë sezon pasi është hequr rregulli i golit si mysafir. Një fitore e Interit 3-1 në Liverpool nesër mbrëma do të bënte që ndeshja të shkonte në vazhdime.

Lajmet

DONJETA SADIKU SHPALLËT KAMPIONE, MPOSHT SERBEN NË FINALEN E TARANTO 2026

Published

33 minutes ago

August 27, 2026

UBTNews

Donjeta Sadiku ka triumfuar në finalen e kategorisë deri në 60 kilogramë në Lojërat Mesdhetare “Taranto 2026”.

Boksierja kosovare ka mposhtur përfaqësuesen e Serbisë, Kristina Kuluhova, ndërsa kundërshtarja u tërhoq që në minutat e para të duelit.

Kështu, Sadiku e mbyll me medaljen e artë aventurën e saj në Taranto, duke i sjellë Kosovës një tjetër sukses të madh në arenën ndërkombëtare.

Një triumf i veçantë për boksieren kosovare, e cila edhe një herë dëshmoi nivelin e saj dhe u ngjit në podiumin më të lartë.

DONJETA SADIKU – KAMPIONE E MESDHEUT!

Foto: RTK

D.L

Sport

Serbia tërhiqet nga 3×3, shmanget përballja me Kosovën në Taranto

Published

4 hours ago

August 27, 2026

UBTNews

Serbia ka vendosur të tërheqë ekipin e saj nga gara e basketbollit 3×3 në Lojërat Mesdhetare “Taranto 2026”, duke bërë që të mos zhvillohet përballja e planifikuar me Kosovën.

Kosova dhe Serbia ishin shortuar në të njëjtin grup, ndërsa dueli mes tyre ishte paraparë të zhvillohej më 29 gusht.

Pas tërheqjes së Serbisë dhe Maqedonisë së Veriut, organizatorët kanë njoftuar për ndryshime në orarin e garave.

Për këtë zhvillim kanë raportuar disa gazetarë nga vendi i ngjarjes në Taranto, ndërsa deri tani nuk është bërë e ditur ndonjë arsye zyrtare për vendimin e Serbisë.

Tërheqja ka ngjallur vëmendje, veçanërisht për faktin se Kosova dhe Serbia ishin në të njëjtin grup dhe do të përballeshin më 29 gusht.

Zhvillimet e fundit nga Taranto vazhdojnë të përcillen nga afër.

D.L

Sport

Mbappé shpërthen me “hat-trick” në rikthimin e Mourinhos në “Bernabéu”

Published

8 hours ago

August 27, 2026

UBTNews

Kylian Mbappé ka shkëlqyer me një “hat-trick” në ndeshjen e veçantë të José Mourinhos në stolin e Real Madridit.

Për trajnerin portugez, sfida e së mërkurës mbrëma ishte e para në “Santiago Bernabéu” pas rikthimit të tij te klubi madrilen.

Real Madridi triumfoi ndaj Real Sociedadit në kuadër të xhiros së parë të La Ligës.

Mbappé ishte protagonisti kryesor i takimit, duke shënuar në minutat 40’, 60’ dhe 80’, ndërsa një tjetër gol për madrilenët e realizoi Vinicius Junior në minutën e 68-të.

Golin e vetëm për Real Sociedadin e shënoi Luka Sučić në minutën e 44-t.

Pas dy ndeshjeve, Real Madridi, Sevilla dhe Real Betisi kanë nga gjashtë pikë.

D.L

Sport

Shorti i Ligës së Kampionëve zhvillohet sot, 36 skuadra në pritje

Published

8 hours ago

August 27, 2026

UBTNews

Sot, nga ora 18:00, do të hidhet shorti për fazën e ligës së Ligës së Kampionëve.

Në këtë fazë do të garojnë 36 skuadra, me ekipet e fundit që siguruan pjesëmarrjen pas ndeshjeve të plejofit të zhvilluara të mërkurën mbrëma.

Në vazon e parë janë disa prej gjigantëve të futbollit evropian: Paris Saint-Germain, Bayern Munich, Real Madrid, Liverpool, Inter, Manchester City, Arsenal, Barcelona dhe Atletico Madrid.

Shorti do të përcaktojë përballjet e para të kësaj faze të re të garës.

Ndeshjet e para të Ligës së Kampionëve do të zhvillohen më 8 shtator.

D.L