Sport

Ibrahimoviç: Nuk pensionohem pa fituar trofe me Milanin

“E ardhmja ime është futbolli, bota ime është futbolli”, tha Ibrahimovic.

Published

5 years ago

February 28, 2022

UBT news

Zlatan Ibrahimovic paralajmëron se nuk ka ndërmend të pensionohet derisa të fitojë trofe me skuadrën e tij aktuale, Milanin.

Reprezentuesi suedez është 40 vjeç dhe nuk ka luajtur ende në vitin 2022 për shkak të një problemi të përsëritur në tendinën e Akilit.

“E ardhmja ime është futbolli, bota ime është futbolli”, tha Ibrahimovic.

“Jam i zhgënjyer që nuk jam në gjendje të luaj për momentin, kjo më dhemb shumë, veçanërisht kur skuadra po shkon mirë. Unë dua të jem atje dhe të ndihmoj ekipin, ne kemi bërë gjëra të mëdha që kur erdha dhe tani na mungon vetëm një element: një trofe”, vazhdoi ai.

“Ne po luftojmë për ta arritur këtë, nuk do të heq dorë derisa të kem fituar diçka me këtë skuadër të Milanit”.

Ka dy opsione për sezonin aktual që Milani të fitojë trofe, pasi kuqezinjtë janë në krye të tabelës së Serisë A, por gjithashtu do të përballen me Interin në gjysmëfinalen e Kupës së Italisë dhe ndeshja e parë është të martën.

Vendi

Akil Gjakova mbyll garën pa medalje në Abu Dhabi

Published

2 days ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

2 days ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

2 days ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/