Lajmet

​Hoti: Të sistemohet dokumentacioni arkivor për njerëzit që u sakrifikuan për liri

Published

4 years ago

on

Për nder të 13-vjetorit të Pavarësisë së Kosovës sot është hapur ekspozita “Veprimtaria atdhetare e heroit të kombit Sali Çekaj”, ku u shtrua nevoja e sistemimit të dokumentacionit arkivor në mënyrë që të prezantohet siç duhet historia e Kosovës.

Në hapjen e kësaj ekspozite u bë e ditur se këtë vit do të fillojë ndërtimi i kullës së heroit Salih Çekaj.

Kryeministri në detyrë, Avdullah Hoti tha se është e rëndësishme që të sistemohet i gjithë dokumentacioni arkivor për njerëzit që kanë sakrifikuar për lirinë. Ai tha se ndihet i nderuar të marrë pjesë në hapjen e ekspozitës për veprimtarinë e Salih Çekajt jo vetëm si kryeministër, por edhe si individ.

Lirinë që gëzon Kosova sot, Hoti tha se është meritë e heroit Salih Çekaj dhe gjithë bashkëluftëtarëve të tij.

“20 vjet pas luftës është tepër e rëndësishme që të sistemojmë gjithë dokumentacionin e nevojshëm arkivor për gjeneratat e ardhshme, për njerëzit që kanë sakrifikuar më së shumti për lirinë të cilën e gëzojmë sot. 13 vjet prej se kemi shpallur pavarësinë dhe kur shihemi me miq ndërkombëtarë dhe kur kthehemi në Kosovë e shohim ndryshimin që ka ndodhur me kohë gjatë viteve dhe unë ndihem krenar që në mesin tonë kemi njerëz që kanë kontribuar për këtë ditë, me këtë ekspozitë. I kemi borxh këtij, familjarëve të tij, gjithë bashkëluftëtarëve për lirinë dhe pavarësinë që gëzojmë sot”, tha ai.

Ministrja në detyrë e Kulturës, Rinisë dhe Sportit, Vlora Dumoshi bëri të ditur se këtë vit do të fillojnë projektin për ndërtimin e kullës së heroit Salih Çekaj.

“Në këtë ditë pavarësie ne sot po e hapim një ekspozitë tematike falë autorëve. Njëkohësisht, si ministre e Rinisë, Kulturës dhe Sportit bëj thirrje që të angazhohemi të gjithë t’i mbledhim dokumentet, fotografitë, gjësendet tjera që ne ta prezantojmë historinë tonë. 20 vjet pas luftës ne ende nuk kemi një dokumentacion të plotë se çka ka ndodhur në Kosovën tonë… Ju njoftoj që me vendimin tim do të ndërtohet Kulla e Salih Çekajt në fshatin e tij dhe sivjet menjëherë do të fillojmë me projektin”, tha ajo.

Ndërsa drejtori i Muzeut Kombëtar, Ajet Geci bëri të ditur se ekspozita e hapur sot është bërë nga seksioni i historisë, në mënyrë që të mos harrohet jeta dhe vepra e heroit Salih Çekaj.

“Organizimi i ekspozitës për veprimtarinë e heroit Salih Çekaj në 13-vjetorin e pavarësisë së Kosovës na nderon si institucion. Ne si Muze Kombëtar i Kosovës do të jemi çdo herë në përkrahje të vlerave të trashëgimisë tonë kombëtare dhe luftës së lavdishme të UÇK-së, sepse vetëm duke respektuar të kaluarën tonë historike, ndërtojmë të ardhmen. Sot nderojmë sakrificën e gjithë brezave që kanë rënë për liri”, tha Geci.

Në emër të familjes Çekaj, vëllai i heroit, Musë Çekaj tha sesa më i bashkuar që të jetë kombi, aq më i fortë do të jetë.

“Të jemi së bashku gjithmonë, sa më shumë të bashkuar”, tha ai.

Ndërsa në emër të shoqatës humanitare “Salih Çeku” në Zvicër, të pranishmit i përshëndeti Xhemajl Haxhiu.

Autorë të ekspozitës “Veprimtaria atdhetare e heroit të kombit Sali Çekaj” janë Besnik Rraci dhe Sadik Krasniqi. Ekspozita përfshinë 300 fotografi që pasqyrojnë veprimtarinë e heroit, dokumente arkivore, artistike e të tjera. Ndërsa projekti i fundit i paraparë nga këta autorë është botimi i një libri për jetën dhe veprën e Salih Çekajt.

Related Topics:
Continue Reading

Bota

Ish-udhëheqësi i Hezbollah do të varroset të dielën

Published

7 hours ago

on

February 21, 2025

By

Hezbollah ka njoftuar se ish-udhëheqësi i tij, Hasa Nasrallah, do të varroset të dielën pas pesë muajsh që nga vdekja e tij. Nasrallah humbi jetën më 27 shtator 2024, në një sulm ajror të kryer nga Izraeli, ndërkohë që ai ishte duke u takuar me komandantët e lëvizjes Hezbollah.

Nasrallah, i cili ka luajtur një rol të rëndësishëm në krijimin dhe drejtimin e Hezbollah, është konsideruar një nga liderët më të respektuar të botës arabe, për shkak të ndikimit të madh që ka pasur në rajon dhe përpjekjeve të tij për të krijuar një lëvizje ushtarake islamike me përmasa globale. Kjo ngjarje ka tronditur shumë komunitete, veçanërisht në Lindjen e Mesme.

Të dielën, pas pesë muajsh, trupi i tij do të varroset në një ceremoni të pritur me shumë vëmendje, që pritet të tërheqë vëmendjen e udhëheqësve politikë dhe ushtarakë nga e gjithë bota arabe.

Continue Reading

Lajmet

Arrestohet ish-kryetarja e Nishit, Dragana Sotirovski

Published

8 hours ago

on

February 21, 2025

By

Ministria e Punëve të Brendshme (MPB) ka njoftuar arrestimin e katër personave, përfshirë ish-kryetaren e Nishit, Dragana Sotirovski, dhe ish-komandantin e Shtabit të Situatave Emergjente të qytetit, nën dyshimin se kanë keqpërdorur pozitën zyrtare dhe kanë shkaktuar dëme të konsiderueshme në qytetin e Nishit.

Sipas njoftimit të MPB-së, dyshimet lidhen me një dëm të vlerësuar prej 460 milionë dinarësh (afro katër milionë euro), i cili është shkaktuar përmes angazhimit të kompanive të caktuara për punime ndërtimore. Gjatë kontrollit të zhvilluar nga policia, janë sekuestruar 11 automjete, si dhe një sërë mjetesh të tjera, duke përfshirë kamionë dhe makineri pune që dyshohet të kenë lidhje me veprimtarinë kriminale.

Sotirovski, gjatë periudhës nga 16 marsi 2022 deri më 9 korrik 2024, ka angazhuar dy kompani, “DN PR” dhe “Sim puk gradnja”, për kryerjen e punëve ndërtimore në qytetin e Nishit, duke shkelur ligjin dhe rregulloret për zvogëlimin e rrezikut nga fatkeqësitë dhe menaxhimin e emergjencave.

Dyshuarit janë ndaluar për 48 orë dhe do të dërgohen në prokurorinë kompetente me kallëzim penal.

Ish-kryetarja e Nishit, Sotirovski, ka shërbyer në këtë post nga viti 2020 deri në vitin 2024. Para arrestimit, u raportua se ajo ishte në shënjestër të hetimeve, megjithatë ajo e ka mohuar çdo akuzë./UBTNews/

Continue Reading

Lajmet

KQZ: Votat me kusht dhe ato nga Diaspora numërohen javën e ardhshme

Published

8 hours ago

on

February 21, 2025

By

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

“Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi për Ekonomia Online, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

 “Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Continue Reading

Lajmet

Abdixhiku pas takimit me ambasadorët: LDK e respekton vullnetin qytetar, as nuk dëshiron e as nuk pretendon ta anashkalojë

Published

9 hours ago

on

February 21, 2025

By

Kreu i Lidhjes Demokratike të Kosovës (LDK), Lumir Abdixhiku, ka njoftuar për takimet që ka zhvilluar këtë javë me ambasadorët e huaj në Kosovë, pas zhvillimeve të fundit zgjedhore.

Abdixhiku tha se është diskutuar për procesin zgjedhor dhe se partia e tij do të respektojë vullnetin e qytetarëve, duke theksuar se LDK nuk do të anashkalojë dhe do të veprojë sipas këtij vullneti.

“Gjatë kësaj jave, prita në takim ambasadorët e SHBA-ve, Britanisë së Madhe, Bashkimit Evropian, Francës e Italisë. Me të gjithë, diskutuam mbi procesin zgjedhor, rezultatet e deritanishme, e domosdoshmërinë për pritjen e numërimit të secilës votë, përfshirë dhe ato të mërgatës. Siç kam deklaruar në vazhdimësi, LDK e respekton vullnetin qytetar në plotni. As nuk dëshiron e as nuk pretendon ta anashkalojë. LDK do të sillet konform këtij vullneti me plot përgjegjësi; siç dhe do të përfaqësojë denjësisht zërin e votuesit tonë” tha Abdixhiku.

Kreu i LDK-së gjithashtu shprehu mirënjohjen për mbështetjen e vazhdueshme nga aleatët ndërkombëtarë.

“Falënderime të pafundme për mbështetjen e aleatëve tanë në çdo sfidë të Republikës,” tha Abdixhiku, duke theksuar rëndësinë e partneriteteve ndërkombëtare për zhvillimin e vendit.

Continue Reading

Të kërkuara