Lajmet

​Hoti: Në Kosovë ka më shumë persona pro demokracisë, se sa shamive të kuqe

Published

5 years ago

on

Kandidati i Lidhjes Demokratike të Kosovës, i cili garon për shef të ekzekutivit në zgjedhjet e 14 shkurtit, po shprehet i bindur se do të fitojnë këto zgjedhje.

Për këtë, Avdullah Hoti po thotë se qytetarët e Kosovës janë pro demokracisë, e jo pro shamive të kuqe dhe kthimit të sistemit të autokracisë. Madje, sipas tij, të gjithë ata që për vjet të tëra kanë kundërshtuar ata, do të mbesin pakicë.

Në tubimin në Viti, kandidati për kryeministër, Avdullah Hoti tha se nga sot duhet të festohet fitorja e zgjedhjeve nacionale të parakohshme të së dielës. Sipas tij, ka më shumë persona që e duan demokracinë, se sa atyre që i përkasin shamive të kuqe e të orientuar nga lindja.

“Kudo që po shkojmë në komuna, Zoti verë e ka bërë gjithkah, edhe sot është ditë e mrekullueshme këtu në Viti. Edhe të hapet rruga, të çelen dyert kur ke miq të mirë. Unë jam i bindur që të dielën do të festojmë me fitore, sepse kudo që shkojmë, nëpër degë tona, ku do që bisedojmë qoftë me biznese, bujq, me arsimtarë, me mjekë, me bashkatdhetarë tonë nga mërgata, jam i bindur që shumica e qytetarëve janë njerëz që e duan demokracinë, jo njerëz që duan të kthejnë vendin prapa në autokraci”, ka thënë Hoti.

Bartësi i Listës së Lidhjes Demokratike e Kosovës shtoi se Kosova ka më shumë njerëz të arsyeshëm, të cilët e duan demokracinë dhe janë të bindur që e vetmja rrugë është miqësia me Shtetet e Bashkuara të Amerikës.

“Në zhurmën e madhe mediatike, zëri i arsyeshëm nuk ka mund të dalë në sipërfaqe, sa duhet. Edhe pse e kemi thënë qartë, zhurma e madhe mediatike me qëllime destruktive nuk ka lejuar të dalë në sipërfaqe zëri i arsyeshëm. Puna që është bërë gjatë këtyre gjashtë muajve bazohet në trashëgiminë e madhe të LDK-së. E kemi gjetur këtë vend të izoluar, me sanksione ekonomike, për disa javë kemi shkuar në Shtëpinë e Bardhë e kemi nënshkruar marrëveshjen 1 miliard dollarë”, ka thënë Hoti.

Hoti theksoi se në marrjen e mandatit, kanë marrë kërcënime për tërheqjen e trupave amerikane, por që viti u përmbyll me vendimin që Ushtria e Kosovës të bëhet pjesë e asaj amerikane. Ai u zotua se kanë mbështetje të mëdha, për çka tha se fitorja e tyre nuk është vetëm e partisë, por e gjithë qytetarëve të Kosovës.

“Janë të njëjtit njerëz që kanë kërkuar të marrin pjesë në zgjedhjet e Serbisë në fillim të viteve të 90-ta, janë të njëjtit njerëz që kanë kundërshtuar marrëveshjen e Rambujesë. Janë të njëjtit njerëz që i kanë nxjerrë në sheshet në Prishtinë dhe njerëzit janë vrarë për planin e Ahtisaarit që e ka sjellë pavarësinë e Kosovës. Edhe sot janë të njëjtit njerëz, por gjithmonë kanë qenë pakicë në Kosovë, prandaj ne kemi për të fituar. Do të mbesin gjithmonë pakicë, sepse shpirti i lirë i qytetarëve të Kosovës është pro demokracisë, jo pro autokracisë. Jo pro shamive të kuqe, jo pro kthimit të sistemit të mëparshëm. Ata që janë gjeneratë më e vjetër, e dinë se çfarë do të thotë ajo”, ka deklaruar Hoti.

Kryetari i Vitisë, Sokol Haliti tha se nuk ka dilemë se kjo komunë dhe gjithë Kosova është me Lidhjen Demokratike të Kosovës. Sipas tij, anëtarët, veteranët, forumet dhe qytetarët janë me filozofinë e Ibrahim Rugovës, e cila siç tha ai, trasohet edhe sot.

“LDK është udhëhequr nga akademikët, nga ajka e mendimit intelektual politik, prej presidentit Rugova, akademik Aganit, por edhe sot në listën e LDK-së është ajka e mendimit aktual politik, e cila në program qeverisës në preambulë i ka orientimet euroatlantike, inkuadrimin e Kosovës në Bashkimin Evropian në OKB e NATO dhe miqësinë me Shtetet e Bashkuara të Amerikës. LDK nuk lëshon pe nga kjo, por konkurron me program dhe jo me protesta”, ka deklaruar ai.

Në ditën e tetë të fushatës zgjedhore, para qytetarëve të Vitisë, Avdullah Hoti shtoi se kanë projekt 4 miliardë eurosh, ku 1 miliard janë të kontraktuara nga marrëveshja e Shtëpisë së Bardhë. 

Related Topics:
Continue Reading

Lajmet

Turqia ndalon ankorimin e anijes turistike LGBTQ+ me mbi 1,000 pasagjerë amerikanë

Published

4 minutes ago

on

July 3, 2026

By

Autoritetet turke kanë ndaluar ankorimin në portet e vendit të një anijeje turistike që u shërben udhëtarëve amerikanë LGBTQ+, duke përmendur “standardet morale” dhe “vlerat familjare”, sipas drejtuesit ekzekutiv të kompanisë organizatore Atlantis Events.

Anija turistike “Athinë–Venecia”, e cila ishte planifikuar të nisej nga Greqia më 5 korrik dhe të ndalonte në qytetin portual Kuşadasi, si dhe më pas në Stamboll, nuk është lejuar të ankorohet në Turqi. Anija, e quajtur “Scarlet Lady” dhe në pronësi të Virgin Voyages, pritej të transportonte mbi 1,000 pasagjerë nga SHBA.

Sipas kompanisë organizatore, autoritetet lokale në Turqi e kanë anuluar ndalimin e planifikuar, duke e arsyetuar vendimin me pretendime se aktiviteti i organizuar nga grupi është “i papajtueshëm me strukturën shoqërore dhe vlerat morale”.

Pas këtij vendimi, itinerari i lundrimit është ndryshuar dhe pritet të përfshijë ndalesa në Kajro të Egjiptit dhe në ishullin grek të Kretës, në vend të Turqisë./A.K/

Continue Reading

Lajmet

Xhelal Sveçla paraqitet në Gjykatë për rastin e gazit lotsjellës në Kuvendin e Kosovës

Published

7 minutes ago

on

July 3, 2026

By

Ministri në detyrë i Punëve të Brendshme, Xhelal Sveçla, është paraqitur në Gjykatë në lidhje me rastin e përdorimit të gazit lotsjellës në Kuvendin e Kosovës në mars të vitit 2018.

Gjykata më herët kishte vendosur që të ndajë procedurën penale ndaj Sveçlës nga ajo e të pandehurve të tjerë në këtë rast, ku përfshihen ish-deputetët Salih Zyba, Fitore Pacolli-Dalipi dhe Drita Millaku.

Sipas aktakuzës, më 21 mars 2018, gjatë një seance plenare në Kuvendin e Kosovës ku po diskutohej ratifikimi i demarkacionit me Malin e Zi, është përdorur gaz lotsjellës brenda sallës nga ora 12:10 deri në 15:40, duke detyruar ndërprerjen e seancës dhe largimin e deputetëve.

Prokuroria pretendon se si pasojë e veprimeve të të akuzuarve është pamundësuar vazhdimi i punës së Kuvendit gjatë seancës së jashtëzakonshme./A.K/

Continue Reading

Lajmet

Aktakuzë ndaj gjashtë personave për keqpërdorim në prokurimin publik në Suharekë

Published

9 minutes ago

on

July 3, 2026

By

Prokuroria Themelore në Prizren ka ngritur aktakuzë ndaj gjashtë personave, prej tyre katër zyrtarë komunalë në Suharekë dhe dy pronarë të operatorëve ekonomikë, nën dyshimin për keqpërdorim të pozitës zyrtare dhe mashtrim në prokurim publik.

Sipas aktakuzës, të pandehurit D.M. dhe A.K., në cilësinë e menaxherit dhe mbikëqyrësit të kontratës, dyshohet se kanë tejkaluar kompetencat e tyre gjatë zbatimit të kontratave për ndërtimin e rrugëve lokale në fshatin Javor, duke aprovuar punime të papërfunduara dhe duke lejuar pagesa në vlerë prej 29,458.20 euro. Në disa raste, sipas prokurorisë, rrugë të kontraktuara nuk ishin ndërtuar fare, duke i shkaktuar komunës dëm financiar dhe duke mundësuar përfitim të kundërligjshëm për operatorin ekonomik.

Po ashtu, E.SH. dhe I.H. akuzohen për veprime të ngjashme në projekte të tjera rrugore në Javor dhe Luzhnicë, ku janë miratuar pagesa prej 17,124.10 euro, ndonëse disa prej punimeve nuk ishin realizuar.

Ndërkohë, XH.K. dhe A.S., në cilësinë e përfaqësuesve të operatorëve ekonomikë, akuzohen se kanë paraqitur dokumentacion të rremë mbi përfundimin e punimeve, duke përfituar mjete publike në mënyrë të kundërligjshme dhe duke dëmtuar buxhetin e Komunës së Suharekës.

Prokurori i çështjes ka propozuar që të akuzuarit të shpallen fajtorë pas përfundimit të procedurës gjyqësore, si dhe ka kërkuar ndalimin e ushtrimit të funksioneve në shërbimin publik për të pandehurit./A.K/

Continue Reading

Lajmet

Ekrem Bajroviq dënohet me 12 vjet burgim për krime lufte në Saradran të Istogut

Published

13 minutes ago

on

July 3, 2026

By

Ekrem Bajroviq është shpallur fajtor edhe në rigjykim dhe është dënuar me 12 vjet burgim për krime lufte ndaj popullatës civile në Saradran të Istogut.

Sipas aktakuzës, Bajroviq, si polic në Stacionin Policor në Gurrakoc në kuadër të Ministrisë së Punëve të Brendshme të Serbisë, në bashkëpunim me të tjerë, më 8 maj 1999 kishte ndaluar një kolonë civilësh shqiptarë që po lëviznin drejt Shqipërisë. Nga ajo kolonë ishin marrë 16 burra, të cilët fillimisht ishin dërguar në një shtëpi ku ishin rrahur dhe keqtrajtuar.

Më pas, sipas aktakuzës, viktimat janë dërguar një nga një dhe janë pushkatuar, ndërsa i mbijetuari i vetëm ka qenë N.E., i cili kishte pësuar lëndime të rënda dhe ishte gjuajtur si i vdekur në mesin e trupave të tjerë.

Gjithashtu, Bajroviqi ngarkohet edhe për pjesëmarrje në arrestimin dhe keqtrajtimin e 84 civilëve shqiptarë më 7 maj 1999 në fshatin Saradran, të cilët fillimisht ishin plaçkitur dhe më pas dërguar në Gurrakoc, ku ishin maltretuar dhe torturuar.

Ndërkohë, dëshmitarët e rastit kanë shprehur pakënaqësi me dënimin prej 12 vitesh burg, duke e konsideruar atë të pamjaftueshëm për krimet e kryera gjatë luftës./A.K/

Continue Reading

Të kërkuara