Lajmet

​Hoti: Këto ditë do të fillojnë gërmimet në një lokacion në Serbi

Ai ka deklaruar që kërkesë urgjente e Kosovës mbesin imazhet satelitore.

Published

on

Kryetari i Komisionit Qeveritar për Persona të Pagjetur, Andin Hoti ka bërë të ditur se këto ditë në Serbi do të fillojnë gërmimet në një lokacion të dyshuar për varrezë masive. Ai ka deklaruar që kërkesë urgjente e Kosovës mbesin imazhet satelitore përmes së cilave do të arrihej më lehtë zbardhja e fatit të personave të zhdukur.

Hoti ka thënë se përmes Kryqit të Kuq Ndërkombëtar kanë bërë kërkesa për imazhe satelitore në vendet partnere të Kosovës, por sipas tij ene nuk kanë marrë ndonjë përgjigje.

“Këto ditë delegacioni i Kosovës, në Serbi do të fillojë gërmimet edhe në një lokacion të radhës. Por natyrisht ne kemi pritur dhe vazhdojmë me urgjencë t’i kërkojmë imazhet satelitore sepse ne kemi pasur disa informacione për lokacione të ndryshme në Serbi por jo të mjaftueshme. Bazuar në praktikat e mëhershme, bazuar Rudnicë e Kizhevak, të dyja kanë bërë dhjetë vite gërmim, dhjetë vite hulumtim nga ekipet tona, nuk duhet me qenë e njëjta sot, nuk mundemi të shkojmë pesë vite me një lokacion për shkak se dikujt i teket me na sillë rrotull duke mos na treguar informacionin e saktë të varrezave masive”, ka thënë Hoti.

Ai ka deklaruar se lokacionin në të cilin do të gërmohet në Serbi do ta bëjnë të ditur së shpejti.

I biri i Ukshin Hotit, veprimtarit të zhdukur, ka thënë se shteti vazhdon të kërkojë dokumente e incizime, sekrete apo jo, të cilat sipas tij i ka Serbia.

Hoti ka deklaruar që kërkesë mbetet hapja e të gjitha dokumenteve sekretë të Serbisë të kohës së lutës në Kosovë.

“Me presion e kemi provuar që 20 vite më shumë dhe presioni nuk ka mjaftuar dhe si rrjedhojë ende i kemi edhe 1617 persona duke përfshirë edhe babin tim edhe djalin e bacës Bajram. Prandaj kushtëzimi është ajo që kemi kërkuar në Bruksel, kam qenë katër herë në bisedime me zotin Lajcak kërkesa jonë e parë është kushtëzimi ndaj Serbisë, kurse kërkesa e dytë ka qenë garancia e Bashkimit Evropian që të ketë një afat kohor kur Serbia detyrohet të jap informacionet për persona te zhdukur”, ka thënë ai.

Ndërsa drejtuesi i Qendrës Burimore për Personat e Zhdukur, Bajram Qerkini, i cili përfaqëson familjet e të pagjeturve, ka thënë se në Bruksel ende nuk është bërë asnjë hap drejt zbardhjes së fatit të familjarëve të zhdukur.

“Në Bruksel e kanë qitë një pikë kanë thënë pika e parë e rendit të ditës është për të pagjeturit dhe aty ka mbet, rendi i parë, kur vinë thonë i kemi të pagjeturit. Thonë se në rend ditë është të pagjeturit, kur t’ju vijë shumë keq, diqysh, e gjejnë të pagjeturit. Asnjë hap nuk është bërë, asnjë hap nuk e kanë bërë prej asaj dite që kanë thënë se duhet të flitet për persona të pagjetur”, ka thënë Qerkini.

Qerkini ka thënë se kërkesë e familjarëve është që Kosova të kërkojë nga ndërkombëtarët presion mbi Serbinë në mënyrë që kjo e fundit të tregojë lokacionet e varrezave masive.

“Unë e di që kjo çështje nuk do të kryhet shpejtë unë e di se ne kemi probleme dhe plagë të pashënuara plot që 23 vjet, unë e di që sa herë u kemi drejtuar kësaj ndërtese, këtyre njerëzve të cilët duhet të na ndihmojnë, por jo vetëm këtyre por ju kemi drejtuar edhe ndërkombëtarëve. Ende po shkojnë punë të zhagitura apo mos kujdesi i tyre sa duhet”, ka thënë Qerkini.

Ai ka thënë se çështja e të pagjeturve është politizuar dhe nuk po shënohet përparim andaj ka theksuar se kërkesa e tyre është që kjo të trajtohet si çështje humane.

“Nënat tona, baballarët, motrat, vajzat, djemtë janë duke prit plot që 23 vjet, vajin që o na e bëjnë, po i drejtohem obeliskut që e shihni në pjesën anash po sillen e ne i kemi çu duart nuk po dimë çka me bë se nuk po mundemi me ardh, ata po na thërrasin me vajin në buzë ‘hajde merrna’, ne nuk po dimë ku i kemi. Kush duhet me na tregu, a e ndjejnë vetën të obliguar ata që ua dhamë votat dhe na udhëheqin”, ka thënë ai.

Në Kosovë nesër shënohet Dita e të Pagjeturve derisa nuk dihet fati i më shumë se 1 mijë e 600 personave të zhdukur me dhunë nga Serbia gjatë luftës në Kosovë.

Botë

Një nënë ruse dhe fëmijët e saj të gjetur në një shpellë indiane kthehen në shtëpi

Published

on

By

Një grua ruse që bëri bujë globale pasi u gjet duke jetuar në një shpellë në Indi me dy vajzat e saj të vogla është kthyer në vendin e saj, tha një zyrtar për BBC-në.

Nina Kutina, 40 vjeç, dhe vajzat e saj – gjashtë dhe pesë vjeç – u shpëtuan më 9 korrik nga policë gjatë një patrullimi rutinë në një pyll në shtetin jugor të Karnatakas.

Gruaja, e cila nuk kishte dokumente të vlefshme për të qëndruar në Indi, ishte dërguar në një qendër paraburgimi për të huaj së bashku me vajzat e saj.

Javën e kaluar, gjykata e lartë e Karnatakas i kërkoi qeverisë federale t’u lëshonte dokumente Kutinës dhe vajzave të saj për t’u kthyer në shtëpi./D.B/KP

Continue Reading

Aktualitet

Kurti takohet me Kongresistin Torres, e njofton për progresin ekonomik e demokratik të vendit

Published

on

Kryeministri në detyrë i Kosovës, Albin Kurti, takoi në Washington D.C. kongresistin amerikan nga radhët e Partisë Demokratike, Ritchie Torres.

Gjatë takimit, Kryeministri Kurti e falënderoi Torres për qëndrimet e tij të hapura dhe të zëshme në mbështetje të Kosovës dhe në takim e informoi për progresin ekonomik dhe demokratik që vendi ka shënuar vitet e fundit, si dhe për zhvillimet më të fundit në Kosovë dhe rajon.

“Në takim, Kryeministri theksoi aspiratën e palëkundur të Kosovës për integrim në Bashkimin Evropian dhe në NATO, si orientim dhe objektiva strategjike të shtetit tonë. Kryeministri gjithashtu nënvizoi planet e mëdha investive në vend, përfshirë projektin e hekurudhës Prishtinë–Durrës, zhvillimin e hovshëm të sektorit të teknologjisë dhe mundësitë që kompanitë amerikane të bashkëpunojnë e të investojnë në Kosovë”, thuhet në njoftimin e zyrës së kryeministrit./S.K/EO/

Continue Reading

Lajmet

​Spektakël në Ligën e Kampionëve, sonte zhvillohen përballje të zjarrta

Published

on

Liga e Kampionëve rikthehet sonte me një seri supersfidash, ku në total janë dhjetë ndeshje që do të luhen në kuadër të fazës së grupeve, të ndara në dy orare.

Nga ora 18:45, Atalanta do të përballet me Club Brugge, ndërsa kampionët rekord të kësaj gare, Real Madrid, udhëtojnë drejt Kazakistanit për sfidën kundër Kairat Almaty.

Në orën 21:00, vëmendja zhvendoset tek përballjet gjigante ku Atlético Madrid pret Eintracht Frankfurt në “Civitas Metropolitano”, Bodo/Glimt synon të surprizojë Tottenhamin, Chelsea ndeshet me Benficën në “Stamford Bridge”, Galatasaray përballet me Liverpoolin në një duel të zjarrtë mes dy tifozërive të njohura për atmosferën elektrizuese, si dhe Interi sfidon Slavia Pragën në “San Siro”.

Përballja mes vazhdon ku Marseille pret Ajaxin në një klasike europiane, dhe Pafos nga Qiproja synon të bëjë historinë kundër Bayern Munichut.

Këto sfida janë shumë të rëndësishme në luftën për kualifikim në fazën e eliminimit direkt, ndërkohë që klubet më të mëdha të kontinentit kërkojnë të tregojnë forcën e tyre./S.K/KP/

Continue Reading

Lajmet

​Zyrtare: Merret vendimi për stadiumin ikonik “Giuseppe Meazza”

Published

on

Në mëngjesin e hershëm, Këshilli i Qytetit të Milanos miratoi rezolutën për shitjen e zonës së San Siros te AC Milan dhe Inter për 197 milionë euro. Vendimi u mor pas një seance maratonë me tensione të shumta dhe protesta brenda e jashtë sallës.

Rezultati i votimit ishte 24 pro, 20 kundër dhe 2 abstenime, ndërsa rolin vendimtar e luajti abstenimi i këshilltarëve të Forza Italia.

Investimi i parashikuar për projektin arrin në mbi 1.2 miliardë euro, duke përfshirë ndërtimin e stadiumeve të reja dhe rigjenerimin urban të zonës.

Ky vendim i hap rrugën një epoke të re për futbollin milanez, ndërsa San Siro historik do të hyjë në proces transformimi./S.K/KP/

Continue Reading

Të kërkuara