Lajmet

​Haradinaj e quan të pjesshëm vendimin e Qeverisë për kthimin e pronave nga komunat tek AKP

Kreu i AAK-së e ka konsideruar shqetësues hapjen e valës së re të privatizimit.

Publikuar

2 vjet më parë

më

Kryetari i Aleancës për Ardhmërinë e Kosovës, Ramush Haradinaj u shpreh se përmes procesit të brendshëm zgjedhor që është duke u zhvilluar kjo parti do të dëshmojë para qytetarëve seriozitetin e saj. Kreu i AAK-së e ka konsideruar shqetësues hapjen e valës së re të privatizimit, kurse vendimin për kthim të pronave tek AKP-ja nga komunat e quan të pjesshëm.

Haradinaj në një konferencë për medie ku foli për mbarëvajtjen e zgjedhjeve të brendshme të AAK-së u shpreh se deri tani janë mbajtur mbi 340 kuvende të nëndegëve, të strukturave të rinisë dhe të gruas.

“Tani demokracia në Kosovë vërtetë ka nevojë për demokraci të brendshme të partive edhe ka nevojë për parti të hapura dhe të afta me i marr përgjegjësitë në vend dhe Aleanca deri tash ka dëshmuar se është serioze në përgjegjësitë e veta edhe besoj me këtë proces zgjedhor dhe me Kuvendin e Përgjithshëm do t’jua vërtetojmë qytetarëve seriozitetin tonë me përgjegjësitë që marrim”, u shpreh Haradinaj.

Ndërsa, tregoi se risi e këtyre zgjedhjeve të brendshme është rikthimi i Aleancës së Gruas, ku tashmë kryetare është zgjedhur, Diellza Kukaj.

E vetë Kukaj u shpreh se Aleanca për Ardhmërinë e Kosovës është subjekt politik që rolin e gruas në politikë e ka trajtuar me kujdes.

“Aleanca ka qenë dhe mbetet një ndër subjektet që rolin e gruas në politikë e ka trajtuar me kujdes të veçantë. Duke e konsideruar gruan si shtyllë të fortë të proceseve politike dhe jo vetëm AAK ka rikthyer strukturwn e Aleancës së Gruas. Ditën e mërkurë më 25 maj është Kuvendi Qendror i Aleancës së Gruas në të cilin morën pjesë mbi 140 delegate… Procesi zgjedhor ka qenë mjaftë dinamik, AAK tashmë po shtrihet në tw gjithë Kosovën struktura e Aleancës së Gruas dhe me kënaqësi iu them se AAK në kuadër të Aleancës së Gruas ka gra të zonja e profesioniste që janë të gatshme të marrin përgjegjësi”, theksoi ajo.

Vendimin e rikthimit të pronave të disa komunave në menaxhim të AKP-së, kreu i Aleancës për Ardhmërinë e Kosovës, Ramush Haradinaj e ka quajtur si vendim të pjesshëm. Ai tha se e shqetëson edhe vala e re e privatizimi që tashmë është hapur, për çka tha se ndoshta njerëz të Vetëvendosjen po dëshirojnë me ble prona.

“Qeveria e ka marr një vendim të pjesshëm nuk e di se e ka arsyetuar atë qëndrim, mirëpo ajo që më shqetëson është një valë e re e privatizimeve edhe po duket se këto janë të ndërlidhura, pra qeveria Kurti ka nxjerr në privatizim rreth 55 prona shoqërore dhe nuk e ka deklaruar më herë ndonjë vizion pse i nxjerr në privatizim çka dëshiron me arrit apo ndoshta vetëm Vetëvendosja dëshiron me i ble disa prona ose njerëzit e tyre, pra është pak e habitshme kjo zinxhiri i këtyre temave… Çdo qeveri e ka një vizion nëse dëshirojmë të bëjmë zhvillim ekonomik rritje të vendeve të punës, aftësim të komunave atëherë iu jep mundësi. Tani vendimi i Kurtit i pjesshëm është i habitshëm pra i ka prekur disa komuna e jo disa të tjera në këtë rast ju po i veçoni disa serbe që nuk i ka prekur. Është me rëndësi që ai ta sqaroj pse nëse është vetë baza ligjore, nëse është një ndëshkim për disa komuna për disa komuna kuptohet ne kemi thënë disa herë se krejt logjika qeverisëse dhe krejt logjika është jo rritje ekonomike, jo vlerë e shtuar, jo rritjes së vendeve të punës kjo Qeveri lavdërohet me disiplinim fiskal me transparencë dhe me evidencë të të punësuarave por po shihet që do të kemi vështirësi në ekonomi me këtë qasje”, u shpreh ai.

Më 5 qershor Aleanca për Ardhmërinë e Kosovës do të mbajë Kuvendin Zgjedhor për të zgjedhur struktura udhëheqëse të kësaj partie.

Etiketa
Vazhdo të lexosh

Lajmet

​Papa i thotë “jo” legalizimit të drogës

Publikuar

20 sekonda më parë

më

26 Qershor, 2024

nga

Papa Françesku tha se legalizimi i drogës nuk është mënyra për të luftuar shtimin, këtë e tha gjatë audiencës së tij të përgjithshme javore në Vatikan të mërkurën e cila këtë javë bie në Ditën Ndërkombëtare kundër abuzimit me drogën dhe trafikut të paligjshëm.

“Duke ditur kaq shumë histori tragjike të të varurve nga droga dhe familjeve të tyre, jam i bindur se është një detyrë morale t’i japim fund prodhimit dhe trafikimit të këtyre substancave të rrezikshme”, tha Papa argjentinas.

“Reduktimi i varësisë nga droga nuk arrihet duke legalizuar përdorimin e drogës, siç është propozuar ose zbatuar tashmë, në disa vende” Ai i përshkroi njerëzit e përfshirë në tregtinë e drogës si “trafikantë të vdekjes” të cilët janë “të shtyrë nga logjika e pushtetit dhe e parasë me çdo kusht “Kjo plagë, e cila prodhon dhunë dhe mbjell vuajtje dhe vdekje, kërkon një akt guximi nga shoqëria në tërësi”, tha ai.

Françesku tha se abuzimi me drogën duhet të luftohet “nëpërmjet parandalimit”, duke thënë se kjo bëhet “duke promovuar drejtësi më të madhe, duke edukuar të rinjtë në vlerat që ndërtojnë jetën personale dhe komunitare, duke shoqëruar ata në nevojë dhe duke dhënë shpresë për të ardhmen”. /Ansa/

Vazhdo të lexosh

Lajmet

​Vendimi i Kushtetueses, Haxhiu e ashpër: Beteja për reforma vazhdon, byroja do të bëhet

Publikuar

4 minuta më parë

më

26 Qershor, 2024

nga

Ministrja e Drejtësisë, Albulena Haxhiu, ka reaguar pas vendimit të Gjykatës Kushtetuese në lidhje me Ligjin për Byronë për Verifikim dhe konfiskim të pasurisë së pajustifikueshme.

Në llogarinë e saj në Facebook, Haxhiu tha se vullneti i qytetarëve për drejtësi po tentohet të përmbyset nga një grusht njerëzish që ende u shërbejnë dhe i kanë borxhe nomenklaturës së vjetër, por që beteja për reforma do të vazhdojë dhe se byroja do të bëhet. Haxhiu ka shtuar se PDK e dërgoi në Kushtetuese këtë projektligj për të bllokuar e sabotuar reformën në drejtësi. Ajo tha se arsyet për këtë i kanë të qarta të gjithë.

E para e Ministrisë së Drejtësisë tha se Kushtetueses iu deshën 16 muaj për të vlerësuar përputhshmërinë e këtij projektligji. Ajo shtoi se 5 nga 9 gjyqtarët vendosën që “Ligjin më të rëndësishëm në kuadër të pakos kundër korrupsionit e keqpërdorimit të detyrës zyrtare ta shpallin të pavlefshëm”. Ajo ka thënë se kanë inkorporuar secilin rekomandim të Komisionit të Venediktit.

“Në mënyrë që gjithçka të jetë përbrenda parimeve dhe standardeve më të larta të BE-së, kemi inkorporuar secilin rekomandim të institucionit më të lartë të Këshillit të Evropës siç është Komisoni i Venedikut”, deklaroi ajo.

Vazhdo të lexosh

Lajmet

Vuçiq në Bruksel: Nuk presim asgjë nga takimi me Kurtin

Publikuar

1 orë më parë

më

26 Qershor, 2024

nga

Kryeministri i Republikës së Kosovës, Albin Kurti e presidenti i Serbisë, Aleksandar Vuçiq, pritet që sot pasdite të takohen në kryeqendrën evropiane për herë të parë që nga shtatori i vitit të kaluar. Vuçiq ka theksuar se nuk pret asgjë nga takimi me kryeministrin Albin Kurti.

“Çfarë presim nga takimi me Kurtin? Asgjë. Dhe çfarë pres që do të dramatizoj të bërtas, deri sa ti them pak të ndalet si zakonisht dhe kështu do te behet dhe kaq. Pastaj ai do të dalë përsëri për të thënë Putin i vogël nuk e di se çfarë ka folur e bërë si gjithmonë, asgjë e veçantë. Për sa i përket Borellit, Lajçakut do të dëgjojë me kujdes, sigurisht do ti kenë këto”, ka thënë Vuçiq pas takimit me Komisioneri për Fqinjësinë dhe Zgjerim i Bashkimit Evropian, Oliver Varhelyi.

Kryeministri Albin Kurti e Aleksandar Vuçiq do të zhvillojnë takime të ndara me shefin e Politikës së Jashtme të BE-së, Josep Borrell, e më pas edhe një takim të përbashkët mes tyre.

Vazhdo të lexosh

Kronika e zezë

Antidroga në aksion, shkatërrohen 28 bimë të kanabisit në rajon të Gjilanit

Publikuar

1 orë më parë

më

26 Qershor, 2024

nga

Policia e Kosovës pas dyshimeve se një person i dyshuar mashkull kosovar është duke kultivuar bimë narkotike të llojit Kanabis Sativa, ka ndërmarrë veprime operative dhe hetimore, të cilat kanë rezultuar me kryerjen e një bastisje dhe gjetjen e një sasie të bimëve të lartcekura.

Me datën 26.06.2024 DHTN – Gjilan pas njoftimit të prokurorit kompetent dhe urdhrit verbal të gjyqtarit të procedurës paraprake kanë kryer një bastisje në shtëpinë e të dyshuarit mashkull kosovar nga fshati Mogillë – Kllokot, ku gjatë kësaj bastisje rreth 100 metra larg shtëpisë së tij, është gjetur një serrë (kopsht), në të cilën i njëjti dyshohet se kishte mbjellë rreth 28 bimë të shkurres së bimës Kanabis Sativa në gjatësi rreth 3 metra.

Lidhur me rastin në vendin e ngjarjes kanë dalë Njësia e Forenzikës për procesim të vendit të ngjarjes, ku edhe në cilësi të provave materiale janë sekuestruar 3 bimë (mostra), ndërsa me urdhër të prokurorit të shtetit sasia tjetër është asgjësuar në vendin e ngjarjes përmes procesit të djegies, ku edhe është bërë “procesverbali mbi shkatërrimin e bimëve narkotike të llojit Kanabis Sativa”.

Në konsultim me prokurorin kompetent i njëjti ka urdhëruar që pas intervistimit të të dyshuarit i njëjti të ndalohet për 48 orë, derisa njësitë përkatëse policore po vazhdojnë me procedurat e mëtejme hetimore.

Vazhdo të lexosh

Të kërkuara