Aktualitet

​Hapet qendra për testim falas për HIV/AIDS në sheshin “Zahir Pajaziti”

Sipas drejtorit të shëndetësisë në Prishtinë, po vazhdon rritja e numrit të të infektuarve me këtë sëmundje.

Publikuar

10 muaj më parë

më

Në kuadër të Ditës botërore të luftës kundër sëmundjes së HIV/AIDS, Drejtoria e Shëndetësisë e Prishtinës ka hapur Qendrën Mobile për testim në sheshin “Zahir Pajaziti”.

Drejtori i Shëndetësisë në Komunën e Prishtinës, Izet Sadiku tha se ngjarjet e fundit në botë kanë ndikuar në qasjen ndaj HIV/AIDS, derisa ndër vite po vazhdon rritja e numrit të të infektuarve me këtë sëmundje.

Ai tha se janë të vetëdijshëm që fillimisht nuk do të ketë interesim të lartë nga qytetarët për testim, por sipas tij qëllimi është të promovohet si aktivitet.

“Ne jemi në dijeni që parandalimi i HIV/AIDS është një prej armëve kryesore që e kemi sot në botë. Jemi të vetëdijshëm jo vetëm ne, por edhe bota që pandemia COVID-19 dhe ngjarjet tjera në botë, ka ndikuar në qasjen ndaj HIV/AIDS, dhe sot parashikimi që ka qenë para disa viteve nuk janë përmbushur edhe në botë. Realisht ka ngecje dhe në vitin 2021 kemi pas 1.5 milionë të rinj të infektuar me HIV, ndërsa projeksionet kanë qenë një milion më pak, gjë që tregon se po vazhdon rritja e numrit gjatë këtyre viteve, për shkak të mos qasjes drejt. Motoja këtë vit është barazi me qëllim të krijojmë sa më shumë barazi për qasjen në këto shërbime. Ne jemi të vetëdijshëm që qendra që është hapur sot në Prishtinë nuk do të jetë qendër që do të ketë shumë të interesuar, por qëllimi është të promovohet si aktivitet. Testi bëhet komplet në kushte të anonimitetit dhe konfidenciale”, tha Sadiku.

Izeti tha se brenda javës do t’i kthejnë shërbimet në Ambulancën e Mjekësisë Familjare në Qendrën e Studentëve, të cilat nuk kanë funksionuar që para pandemisë dhe po bëjnë përgatitje me organizata të ndryshme ndërkombëtare në Kosovë që ta hapin një qendër për qëllim dhe testim për HIV/AIDS në qendrën e studentëve, pasi sipas tij duke shumica e pacientëve që e vizitojnë këtë ambulancë janë të rinj.

Arbër Nuhiu, drejtor ekzekutiv në organizatën Csgd, tha se përveç testit të HIV-it, falas janë edhe disa teste tjera të infeksionit seksualisht të transmetueshëm.

“Sot përveç testit të HIV-it, në të cilën të gjitha testet janë falas, janë edhe tri teste tjera të infeksion seksualisht transmetuese”, tha Nuhiu.

Safet Blakaj, drejtor ekzekutiv në qendrën Labyrinth tha se kanë tendencë që ta hapin një qendër të vazhdueshme dhe jo të përkohshme. Derisa tha se janë të fokusuar te përdoruesit e drogave intravenozë, të cilat janë të rrezikuar nga këto infeksion, posaçërisht te hepatiti C.

“Na vjen mirë që Komuna e Prishtinës e përkrah këtë aktivitet. Tendenca është që të hapet një qendër e vazhdueshme, pavarësisht se këtë javë do të jenë këtu me njësinë mobile. Sa i përket kësaj ne jemi të fokusuar tek përdoruesit e drogave intravenoz të cilat janë të rrezikuar nga këto infeksion, posaçërisht te hepatiti C”, tha Blakaj.

Fushata është realizuar nga organizatat Csgd dhe Labyrinth me përkrahje të Komunës, e cila do të jetë e hapur deri më datën 7 dhjetor në sheshin “Zahir Pajaziti” në kryeqytet.

Etiketa
Vazhdo të lexosh

Aktualitet

Britania ngrin asetet dhe vendos ndalimin e udhëtimit për zyrtarët në rajonet e aneksuara të Ukrainës

Në listën e sanksioneve janë shtuar Alexander Kurenkov, ministri rus i emergjencave.

Publikuar

1 ditë më parë

më

29 Shtator, 2023

nga

Mbretëria e Bashkuar ka vendosur sanksione të reja kundër zyrtarëve nga rajonet e aneksuara të Ukrainës, Zaporizhzhia, Kherson, Donetsk dhe Krimea, duke ngrirë asetet e tyre dhe duke vendosur ndalime të udhëtimit.

Në listën e sanksioneve janë shtuar Alexander Kurenkov, ministri rus i emergjencave dhe Natalya Alekseevna Budarina, sekretare e Komisionit Qendror të Zgjedhjeve Ruse.

James Cleverly, sekretari i jashtëm, tha se Mbretëria e Bashkuar “nuk do t’i njohë kurrë pretendimet e Rusisë ndaj territorit ukrainas” pas njoftimit. Ky veprim është pjesë e sanksioneve më të gjera të Westminsterit kundër Rusisë./UBTNews/

Vazhdo të lexosh

Aktualitet

Sulmet me dronë çojnë në ndërprerje të energjisë elektrike në Rusi

Ministria fajësoi Ukrainën për ato që i quajti “sulme terroriste nga një UAV i tipit aeroplan”.

Publikuar

2 ditë më parë

më

29 Shtator, 2023

nga

Njëmbëdhjetë dronë u rrëzuan mbi territorin rus gjatë natës, sipas ministrisë së mbrojtjes.

Ajo fajësoi Ukrainën për ato që i quajti “sulme terroriste nga një UAV i tipit aeroplan”.

Ministria nuk dha asnjë detaj mbi dëmet apo viktimat, por Roman Starovoit, guvernatori i Kursk, tha se një dron hodhi “dy pajisje shpërthyese në një nënstacion” në vendbanimin Belaya në rrethin Belovsky./UBTNews/

Vazhdo të lexosh

Aktualitet

Dita Botërore e Zemrës

Dita Botërore e Zemrës mbahet në nivel global çdo vit më 29 shtator.

Publikuar

2 ditë më parë

më

29 Shtator, 2023

nga

Çdo vit Organizata Botërore e Shëndetësisë në bashkëpunim me Federatën Botërore të zemrës organizojnë Ditën Botërore të Zemrës.

Dita Botërore e Zemrës mbahet në nivel global çdo vit më 29 shtator, me qëllimin kryesor të saj ndërgjegjësimin informimin dhe edukimin e njerëzve lidhur me sëmundjet kardiovaskulare (SKV), të cilat janë shkaku kryesor i vdekjeve në të gjithë botën.

Dita Botërore e Zemrës gjithashtu, synon të promovojë masa parandaluese që zvogëlojnë rrezikun e sëmundjeve kardiovaskulare.

Ka shumë lloje sëmundjesh që mund të japin goditje në zemër ose goditje në tru, prandaj, për lehtësi, këto sëmundje i ndajmë në tre grupe të mëdha: në sëmundje që ndikojnë drejtpërdrejt në zemër, në tru dhe në sistemin periferik të qarkullimit të gjakut.

Sëmundjet kardiovaskulare (SKV) janë shkaktari kryesor i vdekshmërisë në botë. Sipas Organizatës Botërore të Shëndetësisë (OBSH), çdo vit vdesin më shumë njerëz nga SKV-të, sesa nga çdo sëmundje tjetër.

5 milionë njerëz vdiqën nga SKV-të në vitin 2012, dhe shifrat janë në rritje duke përfaqësuar kështu 31% të të gjitha vdekjeve në nivel global. Nga këto 7.4 milionë ishin si pasojë e sëmundjeve koronare të zemrës, dhe 6.7 milionë si pasojë e goditjes në zemër.

Deri në vitin 2030, pritet që çdo vit, 23 milionë njerëz në botë të vdesin nga SKV-të. Më shumë se tri të katërtat e vdekjeve nga SKV-të ndodhin në vendet me nivel ekonomik të ulët dhe të mesëm.

Sëmundjet kardiovaskulare shkaktohen në përgjithësi nga kombinimi i një sërë shkaqesh të përbashkëta e të shumta, duke filluar me karakteristikat social-biologjike si: presioni i lartë i gjakut, kolesteroli i lartë, mbipesha dhe obeziteti, diabeti apo faktorët e mënyrës së jetesës si dieta jo e shëndetshme, duhanpirja, mungesa e aktivitetit fizik, konsumi i shtuar i alkoolit, të cilat rrisin probabilitetin për të pasur një problem të enëve koronare apo cerebrovaskulare.

Për sa i përket barrës së vdekjeve, faktor kryesor rreziku i SKV-ve është presioni i lartë i gjakut, të cilit i atribuohet 13 % e vdekjeve globale, ndjekur nga përdorimi i duhanit 9 %, sheqeri i ngritur i gjakut 6%, pasiviteti fizik 6 % dhe mbipesha e obeziteti 5%.

Sot në botë, të gjithë ekspertët e shëndetësisë besojnë se SKV-të janë dukshëm të parandalueshme, duke evituar një numër të madh vdekjesh të parakohshme.

Sëmundjet kardiovaskulare, si të gjitha sëmundjet kronike, fillojnë që në barkun e nënës dhe shtohen me moshën; është provuar se pesha e ulët në lindje është e lidhur me një rrezik të shtuar për hipertension, sëmundje zemre, cerebrovaskulare dhe diabet në jetën adulte.

Vazhdo të lexosh

Aktualitet

Sulmet me dronë synojnë tre rajone të Ukrainës

Kiper vlerësoi mbrojtjen ajrore të rajonit.

Publikuar

3 ditë më parë

më

28 Shtator, 2023

nga

Zyrtarët ukrainas thanë se tre rajone – Mykolaiv dhe Odesa në jug dhe Kirovohrad në Ukrainën qendrore – ishin shënjestruar nga dronët dhe disa kishin goditur objektivat e tyre, por ata nuk thanë se çfarë ishte dëmtuar.

“Kemi pasur një natë jashtëzakonisht të vështirë”, shkroi Andriy Raikovych, guvernatori i Kirovohrad, në Telegram. “Disa nga Shahedët [dronët] mbi rajon u shkatërruan. Megjithatë, pati edhe goditje”. Nuk pati viktima dhe asnjë dëmtim në infrastrukturën civile, shtoi ai.

Guvernatori i Odesa-s, Oleh Kiper vlerësoi mbrojtjen ajrore të rajonit, duke thënë se “nuk kishte asnjë goditje apo shkatërrim. Nuk ka pasur viktima”./UBTNews/

Vazhdo të lexosh

Të kërkuara