

Lajmet
Hamza-Qeverisë: 200 milionë euro t’i shpërndahen sektorit privat të prekur nga pandemia
Published
4 years agoon
By
Betim GashiPartia Demokratike e Kosovës (PDK) ka reaguar lidhur me vendosjen e masave të reja antiCOVID-19 të vendosura nga Qeveria e Kosovës, të cilat sipas tyre po shkaktojnë dëme në ekonominë e vendit.
Lidhur me këtë nënkryetari i PDK-së, Bedri Hamza ka kërkuar nga Qeveria të zbatojë Ligji për Rimëkëmbje Ekonomike i aprovuar në Kuvendin e Republikës së Kosovës dhe të fillojnë të shpërndahen 200 milionë eurot për sektorin privat të prekur nga pandemia. Në konferencën për media, Hamza i bëri thirrje Qeverisë që të sigurojë edhe vaksina të tjera.
“Kemi parë gjatë kësaj periudhe është se ka masa disekulibruara mes jetës së shëndetit të të qytetarëve dhe në anën tjetër kemi parë masat e duhura totalisht të pamjaftuara në trajtimin e gjendjes ekonomike në vend. Kërkesa jonë konsiston në atë që të zbatohet ligji. Që këto 200 milionë të aprovuar nga Kuvendi i Kosovës të fillohet t’iu shpërndahet bizneseve. Është e vërtetë që sektori i gastronomisë është një prej sektorëve më të goditur por nuk është sektori i vetëm por ka edhe sektorë të tjerë. Nuk prodhon efekte negative mbyllja e gastronomisë veç për gastronomin, dhe kur don me mbyll është mirë me paralajmëru më herët sepse shumë prej ndërmarrjeve kanë ushqim e që i përdorin e të cilat mund të prishen, është kosto shtesë për këto biznese. Duhet të ketë masa të qarta, të sakta dhe të zbatohet ligji”, tha Hamza.
Sa i përket kompensimit të pagave të punëtorëve dhe qerave të sektorit të gastronomisë, Hamza tha se këto nuk janë halli i vetëm duke thënë se përtej këtyre bizneset pësojnë edhe humbje të të hyrave.
“Dëgjoj që do të merren vendime dhe do të kompensohen pagat e të punësuarve dhe do të kompensohen qeratë. Por përtej këtyre, këta kanë humbje tjera. Ka biznese në gastronomi që nuk paguajnë fare qera por ka obligime tjera, ka humbje, ka kredi, nuk ka obligim vetëm qiranë dhe pagat, ai ka fitimin e humbur. Prandaj është kërkesa jonë dhe do të jemi shumë kërkuese që të zbatohet ligji që këto 200 milionë euro të ndara të kalojnë në biznes dhe ato 30 milionë euro të ndara për kompensimin e gjithë atyre që kanë humbur vendet e punës t’i marrin paratë ata që kanë humbur vendin e punës dhe kërkojmë prej qeverisë një program të veçantë për rimëkëmbje ekonomike. Nëse shohim të dhënat dhe vlerësimeve del që Kosova është mesin e vendeve të Ballkanit Perëndimore që do ta ketë rënien ekonomike më të mëdha”, tha ai.
Hamza ka theksuar edhe çështjen e furnizimit me vaksina antiCOVID-19, ku në konferencën për media tha se duhet sa më shpejt të sigurohen vaksina edhe me furnitorë të tjerë, meqë nga kjo varet edhe ekonomia e vendit.
“Jemi vonë që të zbatohet ligji që është aprovuan në Kuvendin e Kosovës. Nëse mjetet janë brenda buxhetit, janë nda pse ne nuk kemi kontratë me një kompani serioze për furnizim me vaksinë. Është e vetmja gjë që mundëson që ekonomia të hapet. Vendet tjera kanë arritur që të kenë kontrata me tre—katër furnizonte kurse Kosova deri tash ka pranuar një numër simbolik të vaksinave atë si donacion, paratë brenda buxhetit të Kosovës kontrata nuk kemi, vaksina nuk kemi. Kuptojë nëse nuk ka, e kuptoj kur nuk ka para dhe nuk është lehtë me ardh deri te ato kontrata por nëse vendet e regjionet kanë ardh deri tek tre-katër furnizues”, potencoi Hamza.
Rajoni
Në UBT Ferizaj u organizua sesioni informues për bursën prestigjioze Chevening Scholarship
Published
2 hours agoon
October 3, 2025By
Driton Iseni
UBT Ferizaj ishte mikpritës i një sesioni të veçantë informues për bursën prestigjioze Chevening Scholarship, me pjesëmarrjen e përfaqësuesve të Ambasadës Britanike në Kosovë, në bashkëpunim me Chevening Alumni Foundation in Kosovo.
Gjatë këtij aktiviteti, studentët e UBT-së në Ferizaj u njohën me procesin e aplikimit, kriteret e përzgjedhjes dhe afatet e rëndësishme, si dhe morën këshilla praktike për një aplikim të suksesshëm.
Ky aktivitet synoi të nxisë interesimin e studentëve për të aplikuar në bursën Chevening dhe të ofronte njohuri të thelluara mbi mundësitë që kjo bursë ofron pas përfundimit të studimeve, si zhvillimi i aftësive profesionale dhe krijimi i perspektivave të reja karrierike.
Lajmet
Kosova e Turqia vazhdojnë bashkëpunimin në fushën e mbrojtjes
Published
2 hours agoon
October 3, 2025By
UBTnews
Komandanti i Forcës së Sigurisë së Kosovës, gjenerallejtënant Bashkim Jashari, ka pritur sot në takim shefin e Mbrojtjes së Turqisë, gjeneral Selçuk Bayraktaroğlu, me të cilin ka biseduar për zgjerimin e bashkëpunimit në fushat e trajnimeve, edukimit dhe mbështetjes në ngritjen e kapaciteteve ushtarake të FSK-së.
Jashari me këtë rast falënderoi Bayraktaroğlu për mbështetjen e vazhdueshme që Turqia i ka dhënë FSK-së në ngritjen e kapaciteteve profesionale, raporton KosovaPress.
Ndërsa, shefi i Mbrojtjes së Turqisë ri-konfirmoi përkushtimin e vendit të tij për të vazhduar dhe thelluar bashkëpunimin me FSK-në, duke vlerësuar lart zhvillimin dhe profesionalizmin e ushtrisë së Kosovës.
Të dy gjeneralët u pajtuan për vazhdimin e zgjerimit të mëtutjeshëm të bashkëpunimit bilateral në fushën e mbrojtjes, thuhet në njoftimin e FSK-së./D.B/KP
Rajoni
UBT dhe AMIK nisin projektin “Inkuadrimi i Vajzave në Ndërmarrësi” me trajnimin e parë
Published
3 hours agoon
October 3, 2025By
Driton Iseni
Në ambientet e Parkut Shkencor, Inovativ dhe Teknologjik të UBT-së u zhvillua hapja e projektit “Inkuadrimi i Vajzave në Ndërmarrësi”, një iniciativë e organizuar nga UBT në bashkëpunim me AMIK – Asociacioni i Institucioneve Mikrofinanciare të Kosovës.
Ky aktivitet ka për qëllim fuqizimin e vajzave dhe grave të reja përmes ofrimit të njohurive praktike, mentorimit dhe krijimit të mundësive të reja për angazhim në botën e ndërmarrësisë. Pjesëmarrëset do të pajisen me shkathtësi të rëndësishme për të ndërmarrë iniciativa profesionale dhe për të kontribuar në zhvillimin ekonomik dhe social të vendit, duke rritur mundësitë e tyre për punësim, krijim të bizneseve të vogla dhe inovacion.
Në hapje të aktivitetit, u theksua rëndësia e partneritetit mes institucioneve akademike dhe sektorit financiar për mbështetjen e gjeneratës së re të sipërmarrësve.
Rektori i UBT-së, Prof. Dr. Edmond Hajrizi, vuri në pah se projektet e tilla janë të nevojshme për të krijuar një platformë të qëndrueshme për ndërmarrësi dhe zhvillim ekonomik në nivel vendi, dhe se bashkëpunimi me sektorin financiar dhe organizatat që mbështesin inovacionin është kyç për suksesin e vajzave të reja.
Zëvendësguvernatorja e Bankës Qendrore të Kosovës, Nesrin Shileku-Shala, i inkurajoi pjesëmarrëset duke theksuar rëndësinë e edukimit financiar, planifikimit dhe guximit për të ndërmarrë iniciativa të reja, duke u bërë modele suksesi për komunitetet e tyre.
Drejtori i Bordit të AMIK, Adrian Alo, theksoi se fuqizimi i vajzave përmes projekteve të ndërmarrësisë kontribuon në stabilitetin ekonomik dhe përfshirjen sociale, duke nxitur edhe zhvillimin e sektorit mikrofinanciar dhe inovacionin në vend.
Përfaqësuesi i AMIK, Prof. Shpresim Vranovci, nënvizoi rëndësinë e mentorimit dhe krijimit të rrjetit të kontakteve për pjesëmarrëset, si një element kyç për arritjen e suksesit profesional dhe zhvillimin e projekteve të reja sipërmarrëse.
Ndërsa, Drejtori i Departamentit për Edukim dhe Zhvillim Profesional në UBT, Prof. Dr. Besnik Skenderi, theksoi se institucioni mbetet i përkushtuar të ofrojë platforma praktike për zhvillimin e studentëve dhe të rinjve, duke i lidhur ata me sektorët strategjikë të ekonomisë dhe aktorë që kontribuojnë drejtpërdrejt në krijimin e mundësive të reja për punësim, ndërmarrësi dhe inovacion.
Ky projekt shënon një hap të rëndësishëm drejt përfshirjes së vajzave dhe grave në ekonominë inovative dhe ndërmarrëse të vendit, duke nxitur një kulturë të barazisë, sipërmarrësisë dhe zhvillimit të qëndrueshëm ekonomik dhe social.
Rajoni
Shqipëria dorëzon në Komisionin Evropian dokumentacionin e plotë për Kapitullin e Doganave
Published
3 hours agoon
October 3, 2025By
UBTnews
Administrata Doganore e Shqipërisë ka dorëzuar zyrtarisht pranë Komisionit Evropian paketën e plotë të dokumentacionit për përmbushjen e kushteve përmbyllëse në kuadër të Kapitullit 29 “Bashkimi doganor”, duke shënuar një hap të rëndësishëm drejt aderimit të vendit në familjen e madhe evropiane.
Administrata Doganore përgatiti dhe dorëzoi kalendarin legjislativ dhe tabelat e konformitetit me acquis të BE-së; strategjitë kryesore të administratës në fushat e biznesit, burimeve njerëzore dhe trajnimit; masat për rritjen e integritetit dhe performancës së strukturës doganore; planin kombëtar shumëvjeçar për sistemet IT dhe masat për ndërveprimin me sistemet e BE-së; informacion mbi ratifikimin e Protokollit të Konventës Kuadër për Kontrollin e Duhanit; raportin vjetor “Libri Jeshil-Dogana 2024 dhe Prioritetet 2025”, i botuar për të katërtin vit radhazi.
Administrata Doganore thotë se mbetet e angazhuar për të vijuar përmbushjen e të gjitha detyrimeve të Kapitullit 29, duke garantuar përafrimin legjislativ, forcimin e kapaciteteve administrative, avancimin e sistemeve digjitale doganore dhe thellimin e bashkëpunimit me BE në luftën kundër tregtisë së paligjshme.
“Ky është një moment historik që i shërben jo vetëm integrimit të Shqipërisë në BE, por edhe ndërtimit të një administrate moderne, të besueshme dhe në shërbim të qytetarëve e biznesit”, thuhet në postimin e ADSH-së në Facebook./D.B/KP

Halloween në Netflix! Top 5 filma horror që duhet të shikoni

Rekordi i Chris Waddle mund të thyhet nga Granit Xhaka

Si të trajtoni një ndrydhje të kyçit të këmbës?

Vajzat e Emily Blunt nuk e marrin seriozisht famën e saj

Në UBT Ferizaj u organizua sesioni informues për bursën prestigjioze Chevening Scholarship

Syzet inteligjente, prioriteti i ri i Apple

Po e rrezikoni shëndetin, zgjatuesit nuk e përballojnë fuqinë e këtyre pajisjeve!

Kosova e Turqia vazhdojnë bashkëpunimin në fushën e mbrojtjes

UBT dhe AMIK nisin projektin “Inkuadrimi i Vajzave në Ndërmarrësi” me trajnimin e parë
Të kërkuara
-
Lajmet nga UBT1 month ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Rajoni2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Lajmet nga UBT3 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Vendi4 weeks ago
Votoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën