Lajmet

​“Gratë në Energji”, një hap më afër kapërcimit të hendekut gjinor në sektorin e energjisë në Kosovë

Kështu u tha të hënën me rastin e përfundimit të programit 5-vjeçar “Gratë në Energji”.

Published

2 years ago

on

Qindra gra kanë përfituar drejtpërdrejt nga programi “Gratë në Energji”, përmes një qasjeje inovative dhe të ndërthurur të bursave, punës praktike, si dhe granteve për bizneset e grave kosovare në sektorin e energjisë.

Kështu u tha të hënën me rastin e përfundimit të programit 5-vjeçar “Gratë në Energji”, program ky që po kontribuon drejt kapërcimit të hendekut të madh gjinor në sektorin e energjisë në Kosovë.

Me këtë rast, përfaqësues nga Korporata e Sfidave të Mijëvjeçarit (MCC) nga Uashington, Ambasada Amerikane në Kosovë, institucionet e Kosovës, organizatat kryesore vendore dhe ndërkombëtare, si dhe qindra gra-përfituese të programit ‘Gratë në Energji’, vlerësuan lartë të arriturat nga ky program.

Presidentja e Kosovës, Vjosa Osmani theksoi se Kosova ka nevojë për profesionistë të sektorit të energjisë pasi vendi po përballet me sfida energjetike.

E para e vendit, Osmani tha se pjesëmarrja e grave në sektorin e energjisë ende është e ulët, prandaj nevojitet një fuqizim edhe më i madh i grave në këtë sektor.

“Programi Gratë në energji, jo vetëm që ka ndihmuar jetën e grave perfituese, mirëpo ka ndërruar edhe dizajnin dhe fatin e sektorit të energjisë në Kosovë… E dimë që nuk ka qenë fare e lehtë dhe do të jetë sfiduese kohë pas kohe puna, por ne kemi nevojë për profesionistë të sektorit të energjisë meqenëse ne ballafaqohemi me sfida të energjisë globale… Për fat të keq Kosova nuk ka shumë dallim nga pjesa tjetër e botës, sepse pjesëmarrja e grave në sektorin e energjisë është tejet e ulët, ne ende jemi me shifra dyshifrore”, tha Osmani.

Nicholas J. Giacobbe, zëvëndësambasador në Ambasadën e ShBA-së në Kosovë, theksoi se programi ka qenë efektiv dhe ka ndihmuar Kosovën të marrë veprime fillestare në sektorin e energjisë në pronësi të grave.

“Programi për Gratë në energji ka qenë efektiv dhe ka ndihmuar Kosovën në diversitetin gjinor në sektorin e energjisë. Shtetet e Bashkuara të Amerikës janë krenare në arritjen e programit të grave në energji. Ky program ka krijuar mundësi të reja dhe rrugë për karrierë për shumë gra të reja kosovare dhe tani gjithashtu kontribuon një gjithëpërfshirëse në sektorin e energjisë. Qindra gra kanë përfituar drejtpërdrejt nga programi, ndërsa 26 gra kosovare kanë pranuar bursa në lidhje me energjinë në ShBA”, theksoi ai.

Edhe Alicia Phillips Mandaville, zëvëndëspresidente e Korporates së Sfidave të Mijëvjecarit (MCC), tha se pjesëmarrja e grave në sektorin e energjisë është më e ulëta në botë. Ajo theksoi se programi ka një inspirim për gratë që të bëhen lidere në sektorin e energjisë.

“235 gra janë punësuar në praktika të energjisë për të fituar aftësi të mjaftueshme për të krijuar një karrierë. Kjo për perspektivën e programit i ka tejkaluar pritjet tona dhe kjo po ashtu tregon që mundësitë për përcaktimin e grave në fushën e dominuar nga burrat”, theksoi ajo.

Një fjalë rasti ka mbajtur edhe Diella Shabani, ish-studente e Programit të Bursave në kuadër të Programit “Gratë në Energji”.

“Jam e lumtur që kam pasur rastin të jem pjesë e bursës së Grave në energji për shkak se përfshihen dy tema të rëndësishme ajo për fuqizimin e grave dhe kontributi në ruajtjen e planetit tonë”, theksoi Shabani.

Ndërsa, Sarah Olmstead, drejtoreshë për Kosovë në Korporatën e Sfidave të Mijëvjeçarit, theksoi se ka pasur një entuziazëm nga gratë kosovare për përfshirjen në sektorin e energjisë.

“Një prej gjërave më të rëndësishme që do të theksoja është që ka shumë entuziazëm nga gjithë komuniteti dhe kjo është diçka që na ka befasuar qoftë për bizneset e grave në energji që kemi mbështetur dhe në kuptimin e praktikës dhe pastaj të bursave”, tha ajo.

Kurse, Petrit Selimi, drejtor ekzekutiv në Fondacionin e Mileniumit të Kosovës, shpreson që edukimi nga ky program do ta ushqejë edhe më tej angazhimin MCC-së për edukimin në sektorin e energjisë.

“Kemi filluar me 3 bursa, por pastaj pamë që qindra gra që ishin shumë të suksesshme…Shpresoj që një pjesë të edukimit që kemi marrë nga ky Program do ta ushqejë këtë angazhim të mëtutjeshëm të MCC me Qeverinë e Kosovës. Po ashtu, shpresojmë që donatorët të arrijnë të marrin materialet e raportet”, tha ai.

26 gra kosovare morën bursa për të studiuar fusha të lidhura me energjinë në Ioëa, ShBA; mbi 200 gra u kyçën në sektorin e energjisë përmes punës praktike me pagesë; dhe mbi 400 biznese në pronësi të grave u mbështetën financiarisht për të investuar në efiçiencën e energjisë. Të gjitha këto aktivitete kanë çuar në pjesëmarrje më të madhe të grave kosovare në sektorin e energjisë.

Fondacioni i Mileniumit të Kosovës i mbështetur nga Korporata e Sfidave të Mijëvjecarit (MCC) dhe në partneritet me organizatat kryesore vendore dhe ndërkombëtare, ka implementuar një program 5-vjecar me qëllim që përvojat e fituara dhe mësimet e nxjerra deri tani, të shërbejnë për hartimin e projekteve të ngjashme në të ardhmen, nga komuniteti i donatorëve si dhe institucionet qeveritare të Kosovës.

Related Topics:
Continue Reading

Bota

Komiteti i OKB-së: Metodat e luftës të Izraelit ngjasojnë me gjenocid

Published

6 hours ago

on

November 14, 2024

By

Komiteti i posaçëm i Kombeve të Bashkuara ka akuzuar Izraelin për përdorimin e metodave lufte që përkojnë me karakteristikat e gjenocidit gjatë operacioneve të tij ushtarake në Rripin e Gazës. Në një raport të publikuar më 14 nëntor 2024, komiteti theksoi se veprimet e Izraelit, përfshirë “përdorimin e urisë si metodë lufte” dhe shkatërrimin e shërbimeve themelore, po shkaktojnë një katastrofë të madhe humanitare dhe mjedisore në këtë rajon.

Komiteti, i cili ka hetuar për dekada shkeljet e të drejtave të njeriut në territoret palestineze, shprehu shqetësimin e tij për numrin e madh të viktimave civile dhe kushtet e jetesës për palestinezët. Sipas raportit, Izraeli ka shkaktuar vdekje, uri dhe lëndime të rënda përmes rrethimit të Gazës, pengimit të ndihmave humanitare dhe sulmeve të shënjestruara, pavarësisht thirrjeve të vazhdueshme nga OKB-ja dhe urdhrave të Gjykatës Ndërkombëtare të Drejtësisë.

Në raport, Komiteti i OKB-së tha se metodat e luftës që përdor Izraeli “përkojnë me karakteristikat e gjenocidit”, duke përfshirë përdorimin e urisë si një “armë” dhe ndëshkimin kolektiv të popullsisë palestineze. Dëshmitë nga terreni tregojnë se veriu i Gazës është përfshirë nga një situatë ekstreme urie, e cila po përkeqësohet me kalimin e kohës.

Një tjetër çështje e ngritur nga komiteti është shkatërrimi i infrastrukturës thelbësore të Gazës, përfshirë sistemet e ujit, kanalizimeve dhe furnizimin me ushqime. Raporti nënvizon se bombardimet ajrore izraelite kanë shkatërruar mbi 25,000 tonë mjete shpërthyese, një sasi që është e barabartë me dy bomba bërthamore, duke shkaktuar një krize mjedisore dhe shëndetësore që do të ketë pasoja afatgjata për brezat e ardhshëm.

Komiteti shprehu gjithashtu shqetësim për përdorimin e inteligjencës artificiale nga Izraeli për avancimin e sistemeve të tij të shënjestrimit gjatë operacioneve ushtarake. Ky përdorim i teknologjisë ka ngritur pyetje rreth ndikimit të saj në shkallën dhe precizitetin e sulmeve, që shpesh kanë shënjestruar civilët dhe objektet civile.

Në fund, Komiteti i OKB-së bëri thirrje për një reagim urgjent nga shtetet e tjera për të ndërprerë luftën dhe për të ushtruar presion ndaj Izraelit, duke theksuar se disa shtete po vazhdojnë të ofrojnë mbështetje ushtarake dhe ndihmë tjetër, pavarësisht shkeljeve të drejta të njeriut dhe shkatërrimeve të shkaktuara në Gaza./REL/

Continue Reading

Bota

Kroacia planifikon të blejë 394 raketa HIMARS me rreze veprimi deri në 80 km

Published

6 hours ago

on

November 14, 2024

By

Kroacia ka njoftuar planet për blerjen e një sërë raketash GMLRS, me rreze veprimi deri në 80 km, për sistemin raketor HIMARS, një hap i rëndësishëm në modernizimin e forcave të saj të armatosura. Sekretari i Shtetit në Ministrinë e Mbrojtjes, Branko Hrg, ka bërë të ditur se do të blihen gjithsej 394 raketa GMLRS, që janë pjesë e një marrëveshjeje të mundshme për forcimin e kapaciteteve ushtarake të Kroacisë.

Hrg shpjegoi se ky prokurim është pjesë e një iniciative më të gjerë për modernizimin e ushtrisë kroate, duke theksuar rëndësinë e rritjes së ndarjes së fondeve për mbrojtjen. Ai bëri një krahasim me vitin 2016, duke theksuar se buxheti për mbrojtjen ka pësuar një rritje prej 142% që nga ajo periudhë. “Aktualisht, ne jemi në përputhje me standardet e NATO-s për ndarjen e fondeve, me 2% të GDP-së për mbrojtjen dhe 20% për pajisjet ushtarake,” tha Hrg.

Në lidhje me blerjen e raketave për HIMARS, Hrg nënvizoi se sistemi HIMARS është një nga teknologjitë më moderne dhe se, si pjesë e bashkëpunimit me Shtetet e Bashkuara, procesi i prokurimit është i qartë dhe i njohur. Ai e përshkroi HIMARS si një sistem shumë efikas dhe të besueshëm për forcën e tij raketore.

Kur u pyet se pse Kroacia nuk ka vendosur të blejë raketa me rreze më të gjatë, si ER GMLRS apo ATACMS, Hrg e sqaroi këtë duke theksuar se Kroacia nuk ka “afinitete sulmi” dhe nuk ka nevojë për raketa me rreze të gjata që mund të mbulonin territore të largëta. Megjithatë, ai nuk e përjashtoi mundësinë e blerjes së këtyre raketave në të ardhmen, duke lënë hapësirë për mundësi të tjera nëse situata strategjike kërkon një ndryshim të kursit.

Ky hap i Kroacisë për të forcuar kapacitetet e saj ushtarake është një pjesë e përpjekjeve të vazhdueshme të vendit për të rritur standardet e mbrojtjes dhe për të kontribuar më shumë në sigurinë e përgjithshme të Aleancës së NATO-s, duke i dhënë prioritet teknologjive moderne dhe sistemeve raketore efikase./UBTNews/

 

 

Continue Reading

Lajmet

BE-ja e gjobit Meta-n me gati 800 milionë euro për praktika “abuzive”

Published

7 hours ago

on

November 14, 2024

By

Komisioni Evropian e ka gjobitur të enjten Meta-n, kompaninë që zotëron Facebook-un, me 797.72 milionë euro, për shkak të praktikave abuzive nga të cilat përfitoi tregu online në Facebook, i njohur si Martkerplace.

“Komisioni Evropian e gjobiti Meta-n… për shkeljen e rregullave të BE-së duke e lidhur shërbimin e vet online për reklama të klasifikuara, Facebook Marketplace, me rrjetin e vet social personale, Facebook, dhe duke vendosur kushte të padrejta komerciale ndaj shërbimeve të tjera online për reklama të klasifikuara”, tha Komisioni Evropian.

Meta njoftoi se do të ankohet ndaj këtij vendimi, por në ndërkohë, do të bashkëpunojë dhe do të punojë pa humbur kohë për të gjetur zgjidhje për adresimin e çështjeve të ngritura.

Ky vendim i Komisionit Evropian vjen dy vjet pasi ai e kishte akuzuar gjigantin amerikan të teknologjisë se i kishte dhënë përparësi të padrejtë shërbimit të vet për reklama të klasifikuara, Facebook Marketplace, duke i bashkuar dy shërbimet.

Bashkimi Evropian nisi një hetim formal ndaj dyshimeve për sjellje kundër konkurrencës nga Facebook në qershor 2021. Në dhjetor 2022, BE-ja ngriti shqetësime se Meta e lidh rrjetin e vet social mbizotërues, Facebook, me shërbimet e veta online për reklama të klasifikuara.

Facebook e lansoi tregun online Marketplace në vitin 2016 dhe e zgjeroi atë në disa vende evropiane një vit më pas.

BE-ja argumenton se Meta ua imponon Facebook Marketplace njerëzve të cilët e përdorin Facebook-un me një “lidhje” të jashtëligjshme, por Meta tha se ky argument e shpërfill faktin se përdoruesit e Facebook-ut mund të zgjedhin nëse duan të shkojnë në Marketplace, dhe shumë prej tyre nuk e bëjnë.

Meta tha se Komisioni Evropian pretendoi se Marketplace ka mundësi ta pengojë rritjen e tregjeve të mëdha të reja online në BE, por nuk gjeti prova për të dëshmuar se kjo i dëmton konkurrentët.

Continue Reading

Lajmet

​Etiopia regjistron 7.3 milionë raste malarie për gati 10 muaj

Published

7 hours ago

on

November 14, 2024

By

Më shumë se 7.3 milionë njerëz u diagnostikuan me malarie dhe 1.157 vdekje u raportuan në Etiopi nga 1 janari deri më 20 tetor, sipas Organizatës Botërore të Shëndetësisë (OBSH).

Në raport thuhet se ky është numri më i lartë i rasteve vjetore të regjistruara në shtatë vjetët e fundit të shkaktuara nga pickimi i mushkonjave femra të infektuara Anopheles.

Transmetimi i malaries është gjithashtu i mundur përmes transfuzionit të gjakut, transplantimit të organeve ose ndarjes së gjilpërave ose shiringave të kontaminuar me gjak të infektuar. Sëmundja gjithashtu mund të transmetohet nga nëna te fëmija para ose gjatë lindjes.

Malaria paraqet një sfidë të rëndësishme të shëndetit publik në Etiopi, ku afërsisht 75% e masës tokësore konsiderohet të jetë endemike e sëmundjes, tha OBSH.

“Rreth 69% e popullsisë në këto zona përballen me rrezikun e infeksionit ku shpërthimet periodike kontribuojnë në deri në 20 për qind të vdekjeve në mesin e fëmijëve nën moshën pesë vjeç,” thuhet në raport.

OBSH tha se po ofron mbështetje për Ministrinë e Shëndetësisë së Etiopisë në koordinimin e përpjekjeve të reagimit ndaj malaries përmes platformave të integruara së bashku me një strukturë të menaxhimit të incidenteve shumë emergjente.

Continue Reading

Të kërkuara