Sport

Gjiganti francez ofron dy milionë euro për Ermal Krasniqin

Sipas “prosport”, ka bisedime të vazhdueshme për një transferim të Ermal Krasniqit në Francë.

Published

3 years ago

August 1, 2023

Betim Gashi

Gjiganti francez ofron dy milionë euro për Ermal Krasniqin Ofertat po vazhdojnë te skuadra rumune CFR Cluj, edhe pas shitjes së Burcas, Scuffet, Yuri, Boateng, Braun dhe Petrilas. Por, CFR Cluj po përgatitet që të marrë ofertën më të mirë të kësaj merkatoje verore, në aspektin financiar.

Sipas “prosport”, ka bisedime të vazhdueshme për një transferim të Ermal Krasniqit në Francë, dhe oferta e fundit është tejet joshëse për krerët e klubit rumun.

Bëhet fjalë për gjigantin francez, Bordeaux, i cili po e kërkon me ngulm yllin kosovar, Ermal Krasniqin.

Bordeaux, i cili tani i bën garat në Ligën 2 franceze, është i përgatitur që të paguajë dy milionë euro për Krasniqin, i cili iu bashkua CFR Clujit në janar.

Por, oferta është refuzuar nga CFR Cluji, pasi që ia kanë bërë me dije se do ta shesin Krasniqin vetëm nëse ofrohen tre milionë euro.

Bisedimet po vazhdojnë dhe ka shumë gjasa që transferimi të ndodh.

Vendi

Akil Gjakova mbyll garën pa medalje në Abu Dhabi

Published

2 days ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

2 days ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

2 days ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/