Policia e Kosovës ka njoftuar për dy raste të ndara të ngacmimit në Prishtinë, për të cilat janë ndërmarrë veprime procedurale ndaj të dyshuarve.

Rasti i parë ka ndodhur më 28 shkurt 2026 rreth orës 17:15, ndërsa më 2 mars 2026 janë intervistuar dy persona të dyshuar, të cilët dyshohet se kanë ngacmuar një viktimë bukur. Pas intervistimit, me vendim të prokurorit, të dyshuarit janë liruar në procedurë të rregullt.

Ndërkaq, në një rast tjetër që i referohet datës 12 janar 2023 rreth orës 13:30, më 2 mars 2026 është siguruar prezenca e një të dyshuare femër, e cila ishte në kërkim policor. Edhe ajo, pas intervistimit dhe me vendim të prokurorit, është liruar në procedurë të rregullt.

Në  Raportin njëditor të Policisë së Kosovës janë raportuar tri raste të ndara të vjedhjeve të rënda në komunat e Lipjanit dhe Podujevë.

Sipas njoftimeve zyrtare, në Lipjan janë evidentuar dy raste të njëjta, ku persona të panjohur dyshohet se kanë depërtuar me forcë brenda objekteve fetare.

Nga këto objekte është vjedhur arka e bamirësisë që përmbante një shumë të pacaktuar parash të gatshme. Rrethanat e sakta të ngjarjeve janë duke u hetuar, ndërsa rastet janë në procedurë hetimore nga organet kompetente.

Ndërkohë, në Podujevë, rreth orës 18:40, një qytetar ka raportuar se persona të panjohur kanë hyrë me forcë në shtëpinë e tij dhe kanë vjedhur tri armë zjarri me leje përkatëse, në vlerë prej rreth 2,150 euro.

Lidhur me këtë rast është njoftuar prokurori kujdestar, i cili ka urdhëruar nisjen e hetimeve.

Dy persona janë arrestuar në Gjilan nën dyshimin për veprat penale “Vrasje në tentativë” dhe “Pjesëmarrje në rrahje”.

Sipas raportit shtesë të Policisë se Kosovës, rasti ka ndodhur më 28 shkurt 2026 rreth orës 22:40 në Gjilan.

Pas zhvillimit të hetimeve, më 1 mars 2026 janë arrestuar dy të dyshuar burra.

Me vendim të prokurorit kompetent, të dyshuarit janë dërguar në mbajtje, ndërsa hetimet lidhur me rastin janë duke vazhduar.

Një rast i sulmit ndaj personit zyrtar është raportuar mbrëmjen e 1 marsit në Viti, sipas Raportit një ditorë të Policisë se Kosovës.

Sipas informacionit zyrtar, tre persona të dyshuar kanë sulmuar një person brenda një lokali. Si pasojë e sulmit, viktima ka pësuar lëndime trupore dhe ka pranuar tretman mjekësor.

Njëri nga të dyshuarit është shoqëruar në stacionin policor, por me vendim të prokurorit është liruar në procedurë të rregullt. Ndërkaq, dy të dyshuarit e tjerë janë shpallur në kërkim policor.

Rasti është duke u hetuar nga organet kompetente.