Aktualitet

​Gjashta fshatra të Shtimes mbesin pa ujë

Published

on

Gjashtë fshatra të Komunës së Shtimes kanë mbetur pa ujë që nga mbrëmë. Kompania Rajonale Ujësjellësit “KRU-Prishtina” kanë njoftuar se kjo për shkak të një defekti që ka ndodhur mbrëmë në pompën zhytëse 22 kë në stacionin kryesor të fshatit Rashinicë të Shtimes.

“Të nderuar konsumatorë, ju njoftojmë se gjatë natës së mbrëmshme kemi pasë një defekt në pompën zhytëse 22 kë në stacionin kryesor të fshatit Rashincë( komuna e Shtimes), i cili ka lënë pa furnizim me ujë të pijshëm fshatrat e rrafshit si: Rashincë, Davidovc, Muzeqinë, Gllavicë, Vojnovc dhe Gjurkovc”, thuhet në komunikatën e “KRU-Prishtina”.

Në komunikatën për media thuhet se ekipet e mirëmbajtjes janë duke punuar për ndërrimin e pompës në mënyrë që të rifunksionalizojë këtë sistem. Theksohet se deri në fund të ditës do të rikthehet furnizimi me ujë për këto gjashtë fshatra.

“Ekipi i mirëmbajtjes dhe operimit të rrjetit nga Njësia Operative e Ujësjellësit Shtime është duke punuar intensivisht në ndërrimin e pompës në mënyrë që të rifunksionalizohet ky sistem. Shpresojmë që deri në fund të ditës së sotme do të rikthehet furnizimi me ujë për këto gjashtë fshatra”, përfundon komunikata.

Bota

Studenti ra për vdekje nga konvikti, protesta të dhunshme në Kinë

Published

on

Vdekja e një studenti të ri në qytetin Pucheng të provincës Shaanxi, Kina, shkaktoi protesta të dhunshme, pas dyshimeve për mbulim të incidentit nga autoritetet. Adoleshenti, i identifikuar si Dang, ra për vdekje më 2 janar në konviktin e shkollës së tij. Autoritetet lokale deklaruan se ishte një aksident, por akuza për mbulimin e të vërtetës shpërthyen në mediat sociale.

Protestuesit, të shumtë mes tyre të rinj, u përleshën me policinë, duke hedhur objekte dhe duke kërkuar të vërtetën mbi ngjarjen. Video të shpërndara në internet tregojnë skena dhune, me policinë që rreh dhe ndalon demonstruesit. Protestat u përhapën për disa ditë, duke përfshirë edhe vajtime dhe rituale zie para shkollës.

Protestat shprehën zemërimin ndaj dyshimeve për ngacmim dhe mbulim të mundshëm nga autoritetet, ndërkohë që bullizmi është bërë një çështje e ndjeshme në Kinë pas rasteve të ngjashme të dhunës ndaj studentëve. Autoritetet kanë kërkuar ndalimin e thashethemeve dhe përhapjen e informacionit të pa verifikuar. /UBTNews/

 

Continue Reading

Bota

Weidel: Merkel shkatërroi Gjermaninë

Published

on

Në një bisedë me miliarderin amerikan Elon Musk, liderja e partisë ekstremiste të djathtë, “Alternativa për Gjermaninë” (AfD), Alice Weidel, e ka akuzuar ish-kancelaren Angela Merkel se ka “shkatërruar vendin tonë”.

Weidel i ka drejtuar kritika të forta Merkelit, veçanërisht për politikat e saj mbi migracionin gjatë vitit 2015, kur Gjermania u përball me një fluks të madh emigrantësh, kryesisht nga Siria dhe rajone të tjera. Ajo ka thënë se Merkel ka hapur kufijtë e Gjermanisë, duke shkelur vullnetin e popullit.

Po ashtu, Weidel ka kritikuar Merkelin për politikën e saj energjetike, duke e cilësuar atë “të neveritshme”, duke përfshirë vendimin për të hequr gradualisht përdorimin e energjisë bërthamore në vend.

Në këtë diskutim, i cili u zhvillua në anglisht në platformën sociale “X” (dikur Twitter) që është nën pronësinë e Musk, ky i fundit, një mbështetës i njohur i presidentit të zgjedhur të SHBA-së, Donald Trump, ofroi mbështetje për AfD, një parti që është konsideruar ekstremiste nga partitë kryesore gjermane, të cilat kanë deklaruar se nuk do të bashkëpunojnë me të në qeveri./UBTNews/

Continue Reading

Bota

Të paktën 12 minatorë të bllokuar pas shembjes së minierës së qymyrit në Pakistan

Published

on

By

Të paktën 12 minatorë janë bllokuar pasi një minierë qymyri në Pakistanin jugperëndimor u shemb pas një shpërthimi metani, thanë zyrtarët këtë mëngjes.

Një operacion për të shpëtuar minatorët është duke u zhvilluar dhe deri më tani asnjë minator nuk është shpëtuar, tha inspektori i minierave Abdul Ghani, raportoi AP.

Ghani tha se shpërthimi ndodhi të enjten në mbrëmje në Singidi, një qytet në provincën Balochistan.

Zëdhënësi i qeverisë së Balochistanit, Shahid Rind tha se një hetim është nisur për të përcaktuar shkakun e shembjes së minierës. Aksidentet në mina kanë qenë të shpeshta në Pakistan vitet e fundit.

Continue Reading

Bota

Sulmi ajror ushtarak i Mianmarit vret rreth 40 njerëz, 20 të tjerë të plagosur

Published

on

Një sulm ajror i ushtrisë së Mianmarit ka shkaktuar vdekjen e rreth 40 njerëzve dhe ka plagosur të paktën 20 të tjerë në fshatin Kyauk Ni Maw, në ishullin Ramree, një zonë nën kontrollin e Ushtrisë Arakan, një grupi të armatosur të pakicës etnike. Ngjarja ka ndodhur, kur një avion luftarak bombardoi fshatin, duke shkaktuar gjithashtu një zjarr që ka shkatërruar më shumë se 500 shtëpi.

Sipas zëdhënësit të Ushtrisë Arakan, Khaing Thukha, të gjithë të vdekurit ishin civilë, përfshirë gra dhe fëmijë. Ai gjithashtu tha se shumë shtëpi u dogjën për shkak të flakëve të shkaktuara nga sulmi ajror. Ushtria e Mianmarit ende nuk ka dhënë një deklaratë zyrtare për këtë sulm.

Ky është një tjetër episod i dhunës në Mianmar, që ka shpërthyer pas grushtit të shtetit të ushtrisë më 2021, kur qeveria e zgjedhur e Aung San Suu Kyi u rrëzua. Që prej atij momenti, vendi është përfshirë në një konflikt të përshkallëzuar, me një pjesë të madhe të popullsisë që ka marrë armët për të kundërshtuar regjimin ushtarak./UBTNews/

Continue Reading

Të kërkuara