Aktualitet

​Gjakova pa barnatore kujdestare gjatë natës

Kjo çështje është ngritur edhe në mbledhjen e Asamblesë Komunale sot gjatë ditës.

Published

3 years ago

on

Mungesa e operimit të barnatoreve pas mesnatës dhe ditën e diel mbetet shqetësim për qytetarët e Gjakovës. Një çështje e tillë është ngritur edhe në mbledhjen e Asamblesë Komunale të ditës së mërkurë, ku këshilltarët komunalë të Lëvizjes Vetëvendosje kanë kërkuar që orari i kujdestarisë të bëhet me rregullore, por kryetari Ardian Gjini ka thënë se nuk ka bazë ligjore për një gjë të tillë.

Asamblisti i Lëvizjes Vetëvendosje, Ledian Rexha, deklaroi se vetë farmacistët muaj më parë kanë mbajtur takim ku kanë diskutuar çështjen e kujdestarisë por kanë kërkuar garancinë e zbatimit të orarit nga Drejtoria e Shëndetësisë dhe Asambleja e Komunës së Gjakovës.

“Sikur se shume prej qytetarëve besoj që dhe shumë nga ne në këtë sallë jemi rastisur përballë një urgjence mjekësore, urgjenca të cilat nuk kanë orare të caktuara, ashtu siç nuk kane orare as institucionet që e ofrojnë mjekimin e saj, e orare të caktuar s’duhet të kenë as barnatoret që janë hallka e fundit në renditje e aspak nga rëndësia në trajtimet mjekësore… Përderisa në spital dhe në Qendrën Kryesore të Mjekësisë Familjare jepen shërbime kujdestarie, është e logjikshme dhe gjithsesi e paevitueshme që të njëjtën gjë ta bëjnë dhe barnatoret të cilat janë pjesa integrale e përfundimit të ciklit të mjekimit”, tha Rexha.

Mirëpo, kryetari i Gjakovës, Ardian Gjini, deklaroi se nuk ka bazë ligjore që të rregullohet kjo çështje. Sipas tij, Komuna nuk mund të urdhërojë një barnatore të punojë në një ditë të caktuar e në orar të caktuar.

Sipas tij, farmacistët duhet të mblidhen vetë dhe të sjellin një propozim të tyre ëpr orar që më pas Komuna ta mbështesë të njëjtën.

“Deri tash nuk kam gjetur bazë ligjore, as zyra ime nuk ka gjetur bazë ligjore në bazë të të cilës unë e urdhëroj një barnatore të punojë kujdestare. Nuk ka bazë të tillë ligjore edhe nëse votohet këtu. Cila është mënyra elegante për të kryer këtë punë se e di që është me rëndësi? Është nëse shoqata e farmacistëve pajtohet, e bën një rregullore të veten, e prezanton një plan, ose një orar të vetin dhe ne atëherë e marrim masat qoftë përmes Inspektoratit, ose i shkruajmë policisë që të kenë kujdes te ato barnatore… Komuna nuk mundet t’ju jap urdhër barnatoreve të punojnë kujdestare, kështu është interpretimi që unë e marr. Nëse barnatoret kërkojnë, nëse qytetarët kërkojnë, e kanë shumë të thjeshtë, munden të ulen bashkë, të bëjnë një orar tyre dhe ne e mbështesim dhe e legjitimojmë”, deklaroi Gjini.

Mirëpo Rexha tha se kërkesat e qytetarëve tashmë ekzistojnë ashtu sikurse ka një dakordim edhe nga vetë farmacistët. Ndërsa në lidhje me bazën ligjore, ai solli shembullin e disa komunave, që sipas tij mund të adaptohet edhe nga ajo e Gjakovës.

“Komuna e Mitrovicës, e Podujevës, e Vushtrrisë, e Rahovecit e kanë të rregulluar me rregullore dhe me vendim. Si shembull le kam sjellë rregulloren e Komunës së Vushtrrisë e cila në nenin 14, pika 2 dhe 3 e rregullon shumë qartë këtë çështje që mund ta rregullojmë edhe si komunë. Po ashtu është edhe një vendim mbi caktimin e orarit të barnatoreve kujdestare e Komunës së Rahovecit e cila është ndërmarrë nga barnatoret, Drejtoria e Shëndetësisë, e Inspektimit dhe Stacioni Policor në Rahovec që të impelmentohet një gjë e tillë… Besoj që na duhet pak vullnet politik që ta rregullojmë dhe ta zbatojmë këtë çështje”, vijoi Rexha.

Kreu i Gjakovës tha se nuk është kundër që barnatoret të kujdestarojnë dhe tha se nëse ka ardhur ndonjë propozim nga barnatoret atëherë do ta shqyrtojnë me shpejtësi.

“Nuk jam kundër që në Gjakovë të kemi barnatore kujdestare, jam në gjendje të bëj gjithë çfarë është në fuqinë time që me ndodhë, por nuk mund ta marr vendim unë e as ju. Pa e ditur e përmenda si duhet të ndodhë. Duhet të vijë një propozim prej barnatoreve, duhet të mbështetet prej Komunës, prej policisë dhe e bëjmë. Nëse ka ardhur propozimi e mund të mos e di, kërkoj falje dhe e shohim shpejt”, tha Gjini. 

Related Topics:
Continue Reading

lajme

FIFA flet pas triumfit të Kosovës: Një hap larg Kupës së Botës

Published

10 hours ago

on

March 26, 2026

By

Fitorja spektakolare e Kosovës ndaj Sllovakisë me rezultat 4-3 nuk ka kaluar pa u vënë re as në skenën ndërkombëtare, teksa edhe vetë FIFA ka reaguar pas ndeshjes, duke e cilësuar Kombëtaren e Kosovës vetëm një hap larg kualifikimit për Kupën e Botës.
Në një postim zyrtar, FIFA theksoi se “është vetëm edhe një hap për Kosovën drejt Botërorit”, duke e shoqëruar mesazhin me imazhe nga festa e lojtarëve pas një ndeshjeje dramatike.

Kosova arriti këtë fitore pas një përballjeje të vështirë, ku Sllovakia e nisi më mirë dhe mori epërsinë, duke e vendosur në presion ekipin kosovar. Megjithatë, “Dardanët” reaguan me karakter, duke barazuar dhe më pas duke përmbysur rezultatin në pjesën e dytë me një lojë të organizuar dhe efikase në sulm. Edhe pse vendasit tentuan të rikthehen në fund dhe e bënë rezultatin të ngushtë, Kosova arriti ta menaxhojë avantazhin dhe të sigurojë një fitore shumë të rëndësishme.

Ky triumf jo vetëm që i mban gjallë shpresat për kualifikim, por e vendos Kosovën shumë pranë një arritjeje historike në arenën ndërkombëtare. Tashmë, gjithë vëmendja është te sfida e radhës ndaj Turqisë, një ndeshje që mund të vulosë fatin e Kosovës dhe ta dërgojë drejt Botërorit, aty ku do të ishte një moment historik për futbollin kosovar.

Continue Reading

Aktualitet

Kosova përmbys Sllovakinë në një dramë të çmendur, tani gjithçka vendoset ndaj Turqisë

Published

10 hours ago

on

March 26, 2026

By

Kosova ka marrë një fitore të madhe dhe plot emocion ndaj Sllovakisë me rezultat 4-3, në një ndeshje ku “Dardanët” treguan karakter dhe kthyen gjithçka në favorin e tyre pas një nisjeje të vështirë.

Vendasit e filluan më mirë takimin dhe kaluan të parët në epërsi, duke goditur herët dhe duke marrë kontrollin e lojës, ndërsa para pushimit arritën ta rikthejnë avantazhin edhe një herë pas barazimit të Kosovës.

Megjithatë, pjesa e dytë foli krejtësisht për Kosovën. Ekipi reagoi fuqishëm, barazoi shpejt rezultatin dhe më pas mori kontrollin e ndeshjes duke realizuar dy gola të tjerë që e çuan drejt një epërsie të rëndësishme. Kur u duk se gjithçka po mbyllej qetë, Sllovakia ngushtoi rezultatin në fund dhe rihapi dramën, por Kosova arriti ta ruajë avantazhin dhe të dalë me një fitore të madhe.

Ky triumf i jep një shtysë të fortë Kosovës në garën për kualifikim, ndërsa tani vëmendja kalon te sfida e radhës ndaj Turqisë, një përballje që pritet të jetë vendimtare për ëndrrën e “Dardanëve” drejt Botërorit.

Continue Reading

Vendi

Policia kërkon ndihmën e qytetarëve për identifikimin e një të moshuari që u gjet pa shenja jete në Prizren

Published

16 hours ago

on

March 26, 2026

By

Policia e Kosovës ka kërkuar bashkëpunimin e qytetarëve për identifikimin e një burri rreth 70-vjeçar, i cili u gjet i vdekur në rrugën “Edit Durham” në Prizren, saktësisht pranë banesave të ish-TMK-së.

Sipas njoftimit zyrtar, mjekët ligjorë kanë konstatuar se vdekja ka ndodhur rreth 2-3 orë para mbërritjes së ekipeve në vendngjarje.

“Patrulla policore, së bashku me ekipin kujdestar të hetuesisë dhe ekipin e krim-teknikës, kanë dalë në vendin e ngjarjes, i cili gjendet tek banesat e ish TMK-së. Sipas informatave fillestare viktima është mashkull i moshuar, rreth 70 vjeçar, ende i paidentifikuar. Ekipi i Urgjencës ka konstatuar se viktima ka ndërruar jetë të paktën 2–3 orë para mbërritjes së mjekëve. Nuk janë vërejtur shenja të një vdekjeje të dhunshme”, thuhet në njoftimin policor.

Në vendin e ngjarjes kanë dalë njësitë e krim-teknikës dhe prokurori i shtetit, i cili e ka cilësuar rastin si “hetim i vdekjes”. Me urdhër të prokurorit, trupi i pajetë është dërguar në Institutin e Mjekësisë Ligjore për obduksion.

Policia u bën thirrje të gjithë atyre që mund të kenë informacione mbi identitetin e viktimës të lajmërohen në stacionin më të afërt ose të telefonojnë në numrin emergjent 192.

 

Continue Reading

Lajmet

Izraeli raporton vrasjen e komandantit të marinës iraniane

Published

19 hours ago

on

March 26, 2026

By

Izraeli thotë se ka vrarë shefin e marinës së Iranit, i cili mbikëqyrte bllokadën e Ngushticës së Hormuzit.

Alireza Tangsiri u emërua komandant i Marinës së Korpusit të Gardës Revolucionare Islamike (IRGC) në vitin 2018, ndërsa më parë kishte shërbyer si zëvendëskomandant i kësaj marine që nga viti 2010.

Një llogari në rrjetin social X, që i atribuohet atij, ka qenë aktive që nga 10 marsi i këtij viti, me mediat iraniane që citonin postimet e tij. Në këto postime, ai kishte shkruar disa herë për Ngushticën e Hormuzit, duke deklaruar se “asnjë anije e lidhur me agresorët kundër Iranit nuk ka të drejtë të kalojë”.

Tangsiri njihej si një komandant i ashpër, i cili në të kaluarën kishte bërë deklarata të shumta kundër SHBA-së dhe Izraelit. Në vitin 2019, ai kishte kërcënuar se do të mbyllte Ngushticën e Hormuzit nëse pengoheshin eksportet e naftës së Iranit. Tangsiri u sanksionua nga Thesari i SHBA-së bashkë me komandantë të tjerë të IRGC-së në vitin 2019, pasi Irani rrëzoi një dron vëzhgues amerikan pranë ngushticës./BBC/

Continue Reading

Të kërkuara