

Lajmet
Gastronomët nisin mbështetjen e fëmijëve të braktisur “SOS Mik”
Kryetari i Shoqatës së gastronomeve, Petrit Kllokoqi ka treguar qëllimin e kësaj fushate.
Published
3 years agoon
By
Betim GashiShoqata e Gastronomëve të Kosovës në bashkëpunim me SOS Fshatrat e Fëmijëve Kosovë, sot kanë nisur fushatën “SOS Mik”‘, me ç‘rast e kanë vizituar SOS Fshatin e Fëmijëve në Prishtinë.
Kryetari i Shoqatës së gastronomeve, Petrit Kllokoqi ka treguar qëllimin e kësaj fushate. Sipas tij, secili anëtar i shoqatës se gastronomëve kontribuon për një periudhë të caktuar, me misionin që asnjë fëmijë të mos rritet i vetëm.
“Fushata “SOS Mik” ka për qëllim mbledhjen e fondeve përmes anëtarëve të Shoqatës së Gastronomeve, ku secili anëtarë kontribuon për një periudhë të caktuar me një shumë simbolike duke kontribuar kështu në misionin e përbashkët që asnjë fëmijë të mos rritet i vetëm dhe në të njëjtën kohë të bëhet Mik i SOS Fshatrave të Kosovës”, tha ai.
Në mënyrë që të ketë sa më shumë përkrahje për fëmijët e SOS Fshatrave, ai tha se të gjithë të interesuarit mund të kontribuojnë drejtpërdrejt në xhirollogarinë e përfituesit me të dhënat: SOS Fshatrat e Fëmijëve Kosovë. Derisa ka shtuar se kanë krijuar një fond, mirëpo presin një përkrahje më të madhe nga anëtarësia e shoqatës.
Albanë Zogu-Morina, udhëheqëse e zyrës për mbledhjen e fondeve, tha se më këtë bashkëpunim do të ndihmojnë më shumë fëmijët të cilët kanë nevojë për përkrahje.
“Përmes këtij bashkëpunimi të arrijmë që sa më shumë gastronomë të Kosovës që të ndihmojmë sa më shumë fëmijë që janë pa përkujdesje prindërore apo edhe në rrezik të braktisjes së fëmijëve… E kemi shumë të rëndësishëm që numri i miqve tanë të jetë sa më i madh për SOS Fshatrat e Fëmijëve në mënyrë që këta fëmijë të sigurohemi që jetojnë në një familje të ngrohtë dhe të lumtur, gjë që është edhe motoja jonë…3:03 Shuma e cila do të jepet donacion është shumë simbolike, por për ne është e rëndësishme si organizatë që gjithë ata miq që bëhen miq të SOS Fshatit, nuk është e rëndësishme shuma, sa është e rëndësishme që të kemi miq afatgjatë”, tha ajo.
Ajo ka kërkuar edhe nga gastronomët tjerë t’i bashkëngjiten kësaj fushate.
SOS Fshatrat e Fëmijëve është organizatë joqeveritare që ofron kujdes dhe përkrahje për fëmijë pa përkujdesje prindërore dhe në rrezik të braktisjes. SOS Fshatrat e Fëmijëve veprojnë që nga viti 1999 dhe deri më tani kanë ofruar kujdes dhe përkrahje përmes formave të ndryshme për mbi 2 mijë e 500 fëmijë dhe të rinj.
Aktualisht në SOS Fshatrat e Fëmijëve jetojnë 34 fëmijë pa përkujdesje prindërore nga 0 deri në 18 vjeç dhe 11 të rinj mbi 18 vjeç, si dhe përkrahin mbi 600 fëmijë dhe të rinj në rrezik te braktisjes.
Aktualitet
”Paketa e Maleve”, Elbasani miraton 4 zona të reja zhvillimi
Published
1 minute agoon
October 2, 2025By
UBT News
Këshilli Bashkiak i Elbasanit aprovoi shpalljen e 4 zonave malore prioritare për zhvillim si pjesë e nismës qeveritare “Paketa e Maleve”, për të nxitur zhvillimin ekonomik dhe investimet në zonat malore të Shqipërisë.
Ky vendim bazohet në ligjin “Për Paketën e Maleve” si dhe në udhëzimet përkatëse të miratuara nga Ministria e Pushtetit Vendor, duke synuar nxitjen e zhvillimit të qëndrueshëm, turizmit rural e natyror.
Kryetari i Bashkisë Elbasan, Gledian Llatja, tha se zonat e përzgjedhura janë njësitë administrative Gjinar, Funar, Tregan dhe Shushicë të cilat përbëjnë një potencial të rëndësishëm ekonomik, turistik e mjedisor për qytetin dhe rajonin.
Ai u shpreh se prioritet mbetet zhvillimi i qëndrueshëm dhe shfrytëzimi i burimeve natyrore në shërbim të qytetarëve dhe rajonit.
“Elbasani ka gjithçka për t’u kthyer në një destinacion të rëndësishëm turistik, dhe ne po i hapim rrugë këtij zhvillimi”, tha Llatja.
Gjinari, i njohur si “xhevahiri natyror” i Elbasanit, ofron potencial për zhvillimin e turizmit malor, ekoturizmit dhe përpunimit të bimëve mjekësore.
Funari, me pyjet e pasura dhe liqenet e tij natyrale, shihet si një destinacion i ardhshëm për turizëm kulturor, rural dhe sporte e aventurës.
Ndërsa Tregani, me ujërat termale, mbetet një atraksion i veçantë për turizmin shëndetësor e relaksues dhe aktualisht është zona më e frekuentuar e Elbasanit me mbi 9 mijë vizitorë çdo vit.
Ndërsa Shushica, vetëm pak kilometra nga qyteti, konsiderohet një zonë me potencial për turizëm familjar, bujqësi dhe kulinari tradicionale.
Sipas të dhënave zyrtare, deri në fillim të gushtit në qarkun e Elbasant ka pasur 348 aplikime. Aplikimet mbeten të hapura deri në fund të vitit 2025, ndërsa 500 aplikantët e parë do të përfitojnë lehtësira fiskale për 10-vjet, thuhet në njoftim./S.K/KP/ElbasaniNews/
Aktualitet
Ali Ahmeti nderohet me titullin “Doctor Honoris Causa” nga Universiteti Europian i Tiranës
Published
5 minutes agoon
October 2, 2025By
UBT News
Kryetari i BDI-së, Ali Ahmeti ka pranuar titullin “Doctor Honoris Causa” nga Universiteti Europian i Tiranës.
Përmes rrjeteve sociale, Ahmeti tha se ky vlerësim lidhet ngushtë me rrugëtimin e përbashkët për sigurimin e të drejtave të shqiptarëve, ndërtimin e paqes dhe përparimin drejt integrimit euroatlantik të Maqedonisë së Veriut.
“Sot pata nderin e veçantë të pranoj titullin “Doctor Honoris Causa” nga Universiteti Europian i Tiranës. Ky vlerësim lidhet ngushtë me rrugëtimin tonë të përbashkët për sigurimin e të drejtave të shqiptarëve, ndërtimin e paqes dhe përparimin drejt integrimit euroatlantik të Maqedonisë së Veriut”, ka shkruar Ahmeti.
Ahmeti u shpreh mirënjohës për këtë nderim duke thënë se ky çmim nuk i përket vetëm atij por të gjithë atyre që kanë ndarë të njëjtën rrugë, sakrificë dhe përpjekje.
“Ky çmim nuk është vetëm për mua, por për të gjithë ju, për çdo sakrificë, çdo përpjekje dhe çdo hap që kemi bërë së bashku në këtë rrugë të gjatë.Jam mirënjohës për këtë nderim dhe i vendosur që të vazhdojmë punën për çështjen kombëtare dhe për të ardhmen evropiane të vendit tonë”, shkruan ai.
“Doctor Honoris Causa” është një titull nderi i lartë akademik që një universitet i jep një individi për arritje të jashtëzakonshme në një fushë të caktuar, për të nderuar kontributin ose ndikimin e madh të një personi./S.K/KP/
Aktualitet
Komercialja dënon me rreth 550 mijë euro kompaninë “Sigal” për dëmin e pa siguruar
Published
9 minutes agoon
October 2, 2025By
UBT News
Gjykata Komerciale e Kosovës ka obliguar kompaninë e sigurimeve “Sigal” që të paguajë 548 mijë euro, pavarësisht se kjo kompani kishte ofruar zero euro për disa dëme materiale që mund të vinin nga procese natyrore sikurse rrëshqitja e dheut.
Gjykata Komerciale ka urdhëruar “Sigal Uniqa Group Austria” të paguajë dëmshpërblim ndaj “Eurokos Holding”, edhe pse në policën e sigurimit ishte shënuar qartë se rrëshqitja e dheut dhe fatkeqësi të ngjashme nuk mbuloheshin financiarisht.
“Pranohet pjesërisht kërkesëpadia e paditësit Eurokos Holding, e datës 20 janar 2022, ndaj të paditurës Shoqëria e Sigurimit SIGAL UNIQA GROUP AUSTRIA, me seli në Prishtinë. Obligohet e paditura që paditësit t’i paguajë shumën prej 548 mijë e 168 euro me kamatë ligjore, prej ditës së padisë, deri në pagesën përfundimtare, si dhe shpenzimet procedurale në shumën prej 3 mijë e 500 euro”, thuhet në vendim.
Rasti lidhet me dëmet e shkaktuara gjatë ndërtimit të hidrocentralit “Lepenc 3”, ku ndodhi rrëshqitje dheu që solli dëme të konsiderueshme materiale.
“Eurokos Holding” dhe “Hidroenergji” kërkuan kompensim nga kompania e sigurimeve, duke pretenduar se policat e lidhura garantonin mbulim për këto rreziqe.
Dokumenti i policës së sigurimit përfshinte një listë të gjerë rreziqesh si zjarri, përmbytjet, tërmetet, madje edhe rrëshqitjet e dheut. Megjithatë, pranë këtij të fundit dhe disa rreziqeve të tjera ishte vendosur shuma zero euro mbulim, një formulim kontraktual që në praktikën e sigurimeve do të thotë se ato rreziqe nuk mbulohen.
Gjykata Komerciale vendosi të aprovojë pjesërisht kërkesën e “Eurokos Holding”, duke e detyruar siguruesin të paguajë mbi gjysmë milion euro për dëmet materiale të provuara./S.K/KP/
Aktualitet
Rrënohen ndërtimet pa leje në Valbonë, Rama: Ndaleni këtë sport në hapësirat publike
Published
12 minutes agoon
October 2, 2025By
UBT News
Kryeministri i Shqipërisë, Edi Rama tha se operacioni kundër antiligjit në ndërtim shtrihet edhe në Parkun Kombëtar të Valbonës, teksa edhe ndau pamje nga heqja e ndërtimeve pa leje në luginën e Alpeve.
Inspektoriati Kombëtar i Mbrojtës së Territorit (IKMT) njoftoi se shembi objektin 3 katësh me nënçati, me konstruksion betonarme dhe muraturë tulle, i ndërtuar në kundërshtim me ligjin.
Rama shtoi se duhet të ndalen të gjithë ata që e vazhdojnë këtë sport të ulët, në hapësirat publike të qytetit, në bregdet a në male.
“Është e kotë, vetëm do të humbni lekë e kohë dhe pas vendimeve më të fundit të qeverisë, do të përballeni me pasoja të rënda”, theksoi më tej kreu i qeverisë.
Lirimi i hapësirave publike nga ndërtimet e paligjshme i paraprin zbatimit të programit “Rilindja Urbane 2.0”, i cili synon të kthejë ligjshmërinë në territor duke sjellë zhvillim për komunitetet.
E konceptuar si një ndërhyrje sistematike në terren dhe jo një aksion i përkohshëm, kjo nismë, e cila ka nisur nga zbatimi në muajin korrik, po vijon me prioritet në gjithë territorin e vendit.
Për goditjen e fenomenit të ndërtimeve pa leje, në Kodin e ri Penal parashikohen ndëshkime më të ashpra./S.K/KP/

”Paketa e Maleve”, Elbasani miraton 4 zona të reja zhvillimi

Ali Ahmeti nderohet me titullin “Doctor Honoris Causa” nga Universiteti Europian i Tiranës

Komercialja dënon me rreth 550 mijë euro kompaninë “Sigal” për dëmin e pa siguruar

Rrënohen ndërtimet pa leje në Valbonë, Rama: Ndaleni këtë sport në hapësirat publike

Oktoberfest në Gjermani mbyllet përkohësisht për shkak të kërcënimit me bombë

Trepça largon përkohësisht nga puna udhëheqësit e terminalit doganor

Osmani në samitin EPC, pritet nga mbreti e mbretëresha daneze

Trump: Soja do të jetë tema kryesore e takimit me presidentin kinez

Rusia: Do të gjejë një përgjigje nëse SHBA furnizon Ukrainën me raketa Tomahawk
Të kërkuara
-
Aktualitet1 month ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Kërkime3 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet4 weeks ago
Votoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën