Sport

​Fury për Wilderin: Ai mund të ta përfundojë karrierën me një goditje

Fury dhe Wilder do të ballafaqohen të shtunën me 9 tetor.

Published

4 years ago

on

Tyson Fury e ka vlerësuar lartë kundërshtarin e tij të ardhshëm në pesha të rënda Deontay Wilderin duke e cilësuar si njëri nga boksirët më të rrezikshëm në botë, derisa ka shtuar se ai është në gjendje që ta përfundojë karrierën e një boksieri me një goditje.

Fury dhe Wilder do të ballafaqohen të shtunën me 9 tetor dhe Fury e ka komentuar këtë luftë pak ditë para zhvillimit të saj.

“Unë kam vetëm një luftë në mendjen time për momentin, dhe kjo është me Deontay Wilderin”, tha Fury gjatë një konference në platformën “Zoom” të mërkurën. “Ai është boksieri i peshave të rënda më i rrezikshëm në planet dhe mund ta përfundojë karrierën tuaj me një goditje. Pra, nuk mund të mendoj për atë që ndodhi në lufta të tjera”, tha Fury.

33-vjeçari Fury iu referua humbjes së Anthony Joshuas ndaj Oleksandr Usyk në luftën e tyre për titullin e peshave të rënda të shtunën mbrëma në Londër. Humbja e Joshuas me 12 raunde, me vendim unanim siguroi që Fury do të duhej të gjente një kundërshtar tjetër për luftën e tij të parë të vitit 2022, nëse e mposht Wilderin, sepse Usyk është i detyruar kontraktualisht t’i japë Joshuas një ripërsëritje të menjëhershme të meçit.

“Unë nuk kam asnjë shqetësim për asgjë tjetër, përveç Deontay Wilderit”, tha Fury. “Unë kam një detyrë përpara, një luftë vërtetë të rrezikshme që nuk po e anashkaloj, që po i kushtoj njëqind për qind kohën time. Dhe nuk më intereson se me kë luftoj pas kësaj. Kushdo që të jetë sfiduesi tjetër, më lejoni të kaloj së pari Wilderin. Pastaj, të dielën në mëngjes, ju mund të flisni me mua, siç bëni gjithmonë”, tha në fund ai.

Related Topics:
Continue Reading

Sport

Xherdan Shaqiri zgjedhet lojtari më i mirë i javës në ligën elitare të Zvicrës

Published

6 hours ago

on

May 14, 2025

By

Ylli kosovar Xherdan Shaqiri është zgjedhur lojtari më i mirë i javës në kampionatin elitar të Zvicrës.

Swiss Football League ka shkruar se ky ndoshta ishte vendimi më i lehtë i gjithë sezonit.

Kjo pasi që nga rikthimi i XS te skuadra e Bazelit, sulmuesi ka shkëlqyer gjatë edicionit.

Shaqiri ka përjetuar një sezon të jashtëzakonshëm në Superligën e Zvicrës, duke arritur ta rikthejë ekipin te titulli kampion pas tetë vitesh.

Continue Reading

Sport

Xabi Alonso, së shpejti trajner i Real Madridit

Published

2 days ago

on

May 12, 2025

By

Shumë shpejt, Xabi Alonso pritet të të konfirmohet si trajner i ri i Real Madridit.

Spanjolli ka njoftuar ditë më parë për largimin e tij nga Bayer Leverkuseni, ndërsa tani ka arritur marrëveshje me klubin e madrilenëve.

Kjo,sipas ekspertit të transferimeve, Fabrizio Romano.

“Xabi Alonso te Real Madrid! Historia e konfirmuar dhe marrëveshja e nënshkruar për Xabin si trajner i ri deri në vitin 2028. Stafi i kompletuar, kontrata në fuqi dhe një marrëveshje tre-vjeçare për Alonson, me Realin që planifikon që ai fillojë në Kupën e Botës për Klube”.

“Lamtumira e Ancelottit së shpejti, pastaj epoka e Xabit”, ka shkruar Romano.

Continue Reading

Sport

Legjenda e mundjes Sabu vdes në moshën 60 vjeçare

Published

2 days ago

on

May 12, 2025

By

Sabu , një nga legjendat e mundjes profesionale , ndërroi jetë papritur në moshën 60 vjeç. Shkaku i vdekjes së mundësit, emri i vërtetë i të cilit ishte Terry Branc, ende nuk është bërë i ditur.

Sabu e kishte bërë ndeshjen e tij të fundit një javë më parë, gjë që shënoi tërheqjen e tij nga ringu, ai ishte bërë i famshëm për ndeshjet e tij jashtë fushave me shkallë, karrige, tavolina, tela me gjemba dhe objekte të tjera.

Nuk ishte rastësi që atij iu dha nofka: Maniaku vetëvrasës, vrasës dhe që sfidon vdekjen.

Sabu, i cili ishte nipi i The Sheik, një ish-yll i mundjes, kishte qenë dy herë kampion i peshave të rënda ECW dhe tre herë kampion i tag teams. Mundësi 60-vjeçar e kaloi pjesën më të madhe të karrierës së tij në ECW në vitet ’90 përpara se të transferohej në WWE në mesin e viteve 2000.

Continue Reading

Sport

Reali një zhgënjim, Ançeloti pas humbjes me Barcelonën: Gabuam në sulm dhe e paguam

Published

2 days ago

on

May 12, 2025

By

Trajneri i Realit të Madridit, Karlo Ançeloti, ka qenë kritik pas humbjes në Barcelonë, që me shumë gjasa mbylli çështjen e titullit dhe etapën e tij të dytë në stolin e bardhë.

Duke analizuar takimin në “Montjuiç”, Karleto ka nënvizuar se skuadra ka gabuar si në mbrojtje, duke marrë shumë gola, ashtu dhe në sulm, ku ka shpërdoruar shumë gola.

 “Bëmë disa gabime të dukshme. Ato na kushtuan disa gola. Rastet që patëm ishin të qarta. Sulmuam mirë pas mbrojtësve. Shënuam tre gola e mund të kishim shënuar më shumë. Në sulm, skuadra kishte një plan të qartë, por duhej të kishim shënuar më shumë.

Mund të ishim mbrojtur më mirë. Në 30 minutat e para, duhet të kishim luajtur më mirë. Nuk duhet të harrojmë se mungonin pesë mbrojtës në takim e të luash kundër Barcelonës me kaq pak resurse nuk është e lehtë. Duhej të mbroheshim më mirë. U mbrojtëm dobët, kaq. Jo sepse bllokuam ulët. Humbëm disa shanse dhe ata na ndëshkuan”, deklaroi Ançeloti.

KRITIKAT – Ançeloti nuk ka dashur të fajësojë askënd nga skuadra, duke preferuar të mos përmendë emra konkretë.

“Patëm mundësinë të shënonim 4-4 dy herë. Ishte ndeshje e ekuilibruar, konkurruese dhe e luftuar fort deri në sekondën e fundit. Shënuam dhe ishte jashtë loje. Kështu e pashë unë. Kundër një skuadre të shkëlqyer, dy skuadrave të shkëlqyera, nuk kam asgjë për të fajësuar skuadrën time sa i përket qëndrimit dhe përkushtimit. Nuk shkoi mirë, por ne konkurruam”, shtoi ai.

FUNDI – Me titullin në duart e Barcelonës, Ançeloti ka folur dhe për takimet e mbetura, duke pretenduar më të mirën nga skuadra e tij.

Continue Reading

Të kërkuara