Sport

​Flet Majlinda Kelmendi, zbulon problemin e xhudistëve të rinj dhe këshillën e artë të Driton Kukës

Pasi theu të gjitha barrierat, Majlinda Kelmendi tashmë ka nisur misionin e saj të ri.

Published

on

Pasi theu të gjitha barrierat duke u shpallur si xhudistja më e mirë në botë në të gjitha kategoritë në vitin 2014, e pasuar tutje edhe me medaljen e artë në Lojërat Olimpike 2016 dhe shumë trofe të tjera, Majlinda Kelmendi tashmë ka nisur misionin e saj të ri.

Ajo po e ushtron profesionin e trajneres së xhudos dhe është e fokusuar në zbulimin dhe përgatitjen e xhudistëve të rinj për suksese ndërkombëtare, duke pasur gjithmonë mbështetjen e trajnerit më të mirë në botë, Driton Kuka.

Vitin e parë të saj si trajnere, Kelmendi e konsideron si të vështirë, por thotë se e kanë bërë të lumtur sukseset e xhudos të arritura në arenën ndërkombëtare gjatë vitit 2022.

“Në përgjithësi viti 2022 për mua ka qenë një vit me plotë sfida duke marrë parasysh që kam filluar një karrierë të re si trajnere dhe realisht fillimi si në çdo punë tjetër ka qenë i vështirë, mirëpo e kam cekur gjithmonë që jam shumë me fat që e kam Tonin afër dhe kam prej kujt të mësoj. Në përgjithësi ka pasur vështirësi, por ka pasur edhe suksese të mëdha. Jam shumë e lumtur që ekipit iu kanë bashkangjitur edhe emra të rinj. Sivjet Laura është bërë kampione evropiane, është bërë e dyta në Masters, pikë të reja olimpike, kështu që në përgjithësi ka qenë vit i suksesshëm duke marrë parasysh që edhe kemi marrë medalje në Kampionat Botëror, në Kampionatin Evropian edhe Distria është bërë e bronztë, kështu që vit i suksesshëm”, thotë Kelmendi.

Kelmendi thotë se puna me të rinjtë është bërë shumë e vështirë për shkak se rrjetet sociale po e marrin vëmendjen e tyre. E për ta tejkaluar këtë, ajo thotë se ka marrë një këshillë të artë nga Driton Kuka.

“Problemi kryesor kur kam filluar të punojë si trajnere që unë për vete kam qenë punëtore jashtëzakonisht e madhe, edhe kam pritur që edhe garuesit tjerë ta kenë atë, përderisa një ditë ka ardhur Toni ka thënë ‘hej këta nuk janë ti, nuk e kanë kokën tënde, përkushtimin tënd, fokusin, kështu që duhet secilit t’i qasesh ndryshe-ndryshe. Ta gjesh formën si ta bësh secilin veç e veç, ta jep maksimumin në stërvitje’. Kështu që realisht shumë e vështirë, ndoshta edhe fajin e kanë rrjetet sociale, shumë e vështirë me ua sjellë atë fokusin në stërvitje, mirëpo, pavarësisht kësaj, prapë se prapa po arrijmë me e nxjerrë maksimumin prej sportistëve, por realisht jo lehtë”, thotë Kelmendi.

Por, ajo është e bindur se e ardhmja e xhudos në Kosovë është e ndritur.

“Realisht kemi edhe talentë të rinj, kemi djem e vajza të cilët janë shumë të talentuar dhe që po merrem me ata, katër apo pesë orë në ditë dhe progresi tash e një vit që ia kemi filluar me u marrë me ata më seriozisht, është shumë i madh, kështu që nuk po dyshoj aspak që edhe në të ardhmen do të kemi emra të rinj ndoshta për kadetë, juniorë e pse jo edhe seniorë”, tha Kelmendi.

Për vitin 2023, Kelmendi sfidon të gjithë xhudistët. Ajo kërkon medalje në secilën garë që do të marrin pjesë.

“Cikli olimpik të shkojë sa më mirë që është e mundshme. Të marrim medalje pothuajse në secilën garë që të shkojmë sepse niveli i garuesve është i lartë dhe është shumë çudi nëse ndonjëri prej garuesve që janë në ekip të marrë mos të marrin medalje. Të mos ketë lëndime çfarë është shumë me rëndësi, lëndimet janë ndoshta pjesa më e vështirë e një sportisti, të mbajnë larg stërvitjeve, larg garave. Të mos kemi lëndime dhe përgatitjet për Lojërat Olimpike në Paris të shkojnë sa më mirë që është e mundur”, shton ajo.

Në fund, ajo dha një koment për Distria Krasniqin, xhudisten që po thyen rekorde të reja me rezultate kulminante evropiane e botërore. “Ajo është për çdo lëvdatë”, thotë Majlinda Kelmendi.

“Distria të gjithë e dimë që ka kaluar në kategorinë 52 kilogramë edhe për një vit ka arritur të bëhet e para në ranglistën botërore, diçka e jashtëzakonshme. Distria e ka xhudon shumë të mirë, shumë me ndjesi edhe është punëtore, është shumë gjakftohtë, i di qëllimet e saj edhe nuk e ka ndërprerë punën asnjëherë. Pas Lojërave Olimpike, dy javë dhe menjëherë është kthyer në stërvitje edhe e ka ditur cakun e saj, kështu që është për çdo lëvdatë”, thotë ajo.

Në vitin 2013, Majlinda renditej në vendin e parë në renditjen ndërkombëtare nga Federata Ndërkombëtare e Xhudos për kategorinë 52 kilogramë, ndërsa në Kosovë, një vit më vonë u dekorua me titullin “Medalja Presidenciale e Meritave”.

Rajoni

UBT organizon Konferencën Ndërkombëtare të Sportit, Shëndetit dhe Shoqërisë – fokus në kërkimet më të fundit shkencore për shëndetin dhe performancën fizike

Published

on

UBT ka organizuar me sukses Konferencën Ndërkombëtare të Sportit, Shëndetit dhe Shoqërisë, e cila mblodhi studiues, profesorë dhe ekspertë të sportit, shëndetit dhe shkencave mjekësore nga Kosova, Evropa dhe më gjerë.

Konferenca synoi të trajtojë çështjet bashkëkohore të lidhura me aktivitetin fizik, shëndetin publik, rehabilitimin, performancën sportive dhe inovacionin në shkencat e sportit.

Koordinatori i konferencës, Prof. Dr. Milaim Berisha, hapi aktivitetin me një fjalë mirëseardhjeje, duke theksuar rëndësinë që UBT i kushton kërkimeve shkencore dhe bashkëpunimit ndërkombëtar. Më pas, Drejtori i Fakultetit të Shkencave të Shëndetit dhe Sportit mbajti fjalimin hyrës, duke përmendur rolin kyç që ka kjo konferencë në afirmimin e shkencës sportive në Kosovë dhe në ndërlidhjen e praktikës me kërkimin shkencor.

Sesioni i parë (Chair: Milaim Berisha, Abedin Bahtiri)

  • Paolo Parisi: Sport, Health and Society – An Introductory Overview
  • Harald Tschan: Exercise in Medicine – Exercise Therapy an Accredited Sport Science Profession
  • Antonio Testtore: Next-Gen Football: A Holistic Strategy to Integrate Recovery and Monitoring in Players’ Periodization

Sesioni i dytë (Chair: Masar Gjaka, Agron Thaqi)

  • Vanesa Bojku: The Impact of Sodium Citrate, Phosphates, and Carnitine on Sports Performance: A Literature Review
  • Sami Sermaxhaj: Match Intensity in the Kosovo Women’s National Football Team
  • Shkumbin Hoxha, Blerim Sylejmani, Agron Thaqi: The New Era FitScore Test: A Comprehensive General Fitness Assessment
  • Florent Miftari: Physical Fitness of an Active Soldier: A Case Study

Sesioni i tretë (Chair: Masar Gjaka, Blerta Abazi)

  • Shqiprim Imeri, Kushtrim Berisha, Ardonit Xhemajli: The Relationship between Physical Activity Outside of School and Postural Deformities in Primary School Children
  • Blerta Abazi: Perceptuo-Motor Profiling of 7–9-Year-Olds in Kosovo to Spot Table Tennis Potential
  • Abedin Bahtiri: Table Tennis in Schools: A Pilot Project
  • Burim Peli: Conventional Physiotherapy vs Specific Manual Manipulations in Cervicogenic Headache Treatment
  • Masar Gjaka: Prevalence of Injuries in Professional Basketball Players in Kosovo (2023–2024)
  • Altin Erindi, Elton Spahiu, Lindita Agolli: Gender-Based Differences in Cardiovascular Response during Isometric Exercise

Sesioni i katërt (Chair: Sami Sermaxhaj, Nagip Lenjani)

  • Era Deva, Milaim Berisha: The New Era FitScore Test: A Comprehensive General Fitness Assessment
  • Nora Gjakova, Milaim Berisha: Non-surgical Management of Proximal Hamstring Injury in Judo: The Case of Olympic Gold Medalist
  • Agron Thaqi: Comparative Analysis of Body Composition in Elderly Residents of Nursing Homes in Kosovo
  • L.J. Zhu, J. Hell V., Klissouras: Beyond Consensus, Into Action: Kosovo’s Response to Elite Athlete Mental Health Challenges
  • Milaim Berisha: Fjalë mbyllëse

Konferenca përfundoi me një diskutim të hapur mes pjesëmarrësve, ku u theksua nevoja për bashkëpunim rajonal dhe ndërkombëtar në fushën e shkencave të sportit dhe shëndetit publik.

UBT, si institucion lider në arsim dhe kërkim shkencor në rajon, vazhdon të krijojë ura bashkëpunimi dhe të frymëzojë brezat e rinj drejt një jete aktive, të shëndetshme dhe të bazuar në dije shkencore.

Continue Reading

Rajoni

UBT organizoi me sukses Konferencën e parë Ndërkombëtare të Mjekësisë Sportive

Published

on

Në Parkun Shkencor, Inovativ dhe Teknologjik të UBT-së në Lipjan, u mbajt me sukses Konferenca e parë Ndërkombëtare e Mjekësisë Sportive (IC-SM 2025) – një ngjarje e nivelit të lartë që shënoi një moment historik për zhvillimin e kësaj fushe në Kosovë dhe rajon.

Në këtë konferencë morën pjesë figura të njohura ndërkombëtare të mjekësisë sportive, përfshirë Presidentin e Federatës Ndërkombëtare të Mjekësisë Sportive (FIMS), Prof. Dr. Fabio Pigozzi nga Italia, Prof. Dr. Norbert Bachl nga Austria, Annika Hangleiter, M.Sc. nga Universiteti Teknik i Mynihut (Gjermani), dhe Prof. Dr. Gobert von Skrbensky nga Austria, së bashku me shumë ekspertë vendorë dhe ndërkombëtarë.

Në hapje të konferencës, Rektori i UBT-së, Prof. Dr. Edmond Hajrizi, theksoi se që nga themelimi, UBT ka qenë e përkushtuar ndaj dijes, inovacionit dhe krijimit të një shoqërie të zgjuar, ku shkenca, teknologjia dhe praktika bashkohen për të krijuar ndikim të qëndrueshëm në shoqëri.

“Mjekësia sportive është një nga fushat që mishëron më së miri këtë filozofi – duke bashkuar shëndetin, edukimin, performancën dhe inovacionin teknologjik”, u shpreh Rektori Hajrizi, duke theksuar se përmes Themelimit të Qendrës për Mjekësi Sportive në UBT, është hapur një kapitull i ri për zhvillimin e kësaj fushe në Kosovë.

Ai gjithashtu përmendi se falë kësaj nisme, Kosova është bërë për herë të parë anëtare e Federatës Ndërkombëtare të Mjekësisë Sportive (FIMS), përmes Shoqatës së Mjekësisë Sportive dhe Ushtrimeve të Kosovës (KASEM) — një arritje që e rendit vendin përkrah mbi 117 shteteve anëtare të kësaj organizate prestigjioze.

Në fjalën e tij përshëndetëse, Prof. Dr. Fabio Pigozzi, President i FIMS-it, vlerësoi kontributin e UBT-së në zhvillimin e mjekësisë sportive dhe theksoi rëndësinë e bashkëpunimit ndërkombëtar për avancimin e kërkimit dhe praktikave klinike në këtë fushë.

Në hapje të konferencës morën fjalën edhe: Fitim Arifi, përfaqësues i Komitetit Olimpik të Kosovës; Agim Krasniqi, Kryetar i KASEM; Iber Alaj, Drejtor i Departamentit të Sportit në Ministrinë e Kulturës, Rinisë dhe Sportit.

Pjesa kryesore e konferencës përfshiu sesionet shkencore me ligjërata nga:

Prof. Dr. Fabio Pigozzi (Itali) – “Sudden Cardiac Death in Sports and Exercise”

Prof. Dr. Norbert Bachl (Austri) – “Sports Medicine as a Specialty in Europe: Shaping Precise Prevention”

Prof. Dr. Edmond Hajrizi (Kosovë) – “UBT Smart City – An Integrated Platform of Emerging Technologies and Smart Support for Sports Medicine Education, Research, Innovation, and Clinical Services”

Annika Hangleiter, M.Sc. (Gjermani) – “Wearable Technologies in Personalized Prevention: The Future is Already Present”

Prof. Dr. Gobert von Skrbensky (Austri) – “Concepts in Sports Surgery Following Knee Trauma: The Role of Activity Level and Biological Age”

Prezantimet shkencore dhe punimet kërkimore

Në sesionin e dytë të konferencës, të udhëhequr nga Dr. Milaim Berisha dhe Dr. Agron Thaqi, u prezantuan punime shkencore të recenzuara, ndër të cilat:

“The New Era FitScore Test: A Comprehensive General Fitness Assessment” – Era Deva, Milaim Berisha

“The Success Ratio of Non-Surgical Management of Proximal Hamstring Injury in Judo: The Case of Olympic Gold Medalist” – Nora Gjakova, Milaim Berisha

“Beyond Consensus, Into Action: Kosovo’s Response to Elite Athlete Mental Health Challenges” – L.J., Zhu., J., Hell & V. Klissouras

“Comparative Analysis of Body Composition in Elderly Residents of Nursing Homes in Kosovo” – Agron Thaqi

Konferenca IC-SM 2025 shërbeu si një platformë e rëndësishme ndërkombëtare për bashkëpunim, shkëmbim përvojash profesionale dhe prezantim të trendeve më të fundit në mjekësinë sportive. Ngjarja synon të nxisë kërkimin shkencor, inovacionin në rehabilitim, edukimin profesional dhe ndërtimin e rrjeteve ndërkombëtare në fushën e sportit dhe shëndetit.

Konferenca u organizua nga UBT, në bashkëpunim dhe mbështetje të:

  • Kosovo Association of Sports and Exercise Medicine (KASEM),
  • International Federation of Sports Medicine (FIMS),
  • Komitetit Olimpik të Kosovës, dhe
  • Sport, Health and the People – A Western Balkan University Network (SHAPE Project).

IC-SM 2025 u vlerësua si një ngjarje që shënon fillimin e një tradite të re shkencore në Kosovë, duke e pozicionuar vendin në hartën ndërkombëtare të kërkimit në mjekësinë sportive dhe shëndetin publik.

Continue Reading

Sport

Muriqi mund të thyejë disa rekorde këtë edicion te Mallorca

Published

on

Sulmuesi kosovar Vedat Muriqi ka pasur startin e tij më të mirë me klubin e Mallorcas që nga ardhja në vitin 2022.

Sulmuesi i Mallorcas po kalon sezonin e tij të pestë në klub dhe me një total prej pesë golash, “Pirati” ka vendosur rekord për shënimin e golave në tetë ndeshjet e para të këtij edicioni në ishull që nga transferimi i tij zyrtar në sezonin 2022/2023.

Muriqi, kujtojmë se nuk ka shënuar më herët pesë gola në tetë ndeshjet e tij të para për Mallorcan.

Sezoni i tij më i mirë në Mallorca

Në sezonin 2022/2023, Vedat Muriqi luajti sezonin e tij të parë të plotë me fanellën e Mallorcas. Atë kohë, me të madhin Lee Kang-in në sulm, kosovari regjistroi rekordin e tij më të mirë personal që nga koha e tij te Fenerbahçe, me 15 gola dhe tre asistime në kampionat.

Nga këto 15 golat, Muriqi ndihmoi Mallorcan të fitonte nga tre pikë në shtatë raste në një sezon në të cilin skuadra përfundoi në vendin e nëntë me 50 pikë. Deri më tani dhe padyshim ky është sezoni i tij më i mirë me fanellën e kuqe.

Por edhe atëherë, ai nuk arriti të shënonte pesë gola në tetë ndeshjet e para.

Në fakt, goli i tij i katërt i sezonit u realizua në javën e tetë, dhe vetëm në javën e 11-të ai shënoi golin e tij të pestë, pasi kishte humbur dy ndeshjet e mëparshme për shkak të pezullimit. Pra, nëse vazhdon në trajektoren e tij aktuale, Muriqi mund të tejkalojë edhe rekordin e tij personal- 17 gola, një shifër që e ka arritur në tre raste të ndryshme.

Muriqi mund të bëhet golashënuesi më i mirë në histori të Mallorcas.

Nëse shkojmë edhe më tej për atë që Vedat Muriqi mund të arrijë këtë sezon, shohim se kalimi në vendin e dytë për golashënuesin më të mirë të të gjitha kohërave të Mallorcas është i arritshëm, dhe në fakt, thjesht çështje kohe.

Me 38 gola në 117 ndeshje në La Liga, Muriqi është gjashtë gola prapa Juan Arangos, i cili shënoi 45 gola në 183 ndeshje në La Liga. Një shifër krejtësisht e arritshme në muajt në vijim që mund ta kalojë legjendën e klubit.

Rekordin për gola të shënuar e mban Samuel Eto’o i cili ka shënuar 53 gola në 133 ndeshje.

Megjithatë, me një kontratë deri në vitin 2029, duket gjithashtu se është çështje kohe para se “Pirati kosovar” të bëhet sulmuesi me më së shumti gola në historinë e ekipit elitar të Spanjës./S.K/EO

Continue Reading

Lajmet

Shkëndija, skuadra e parë në RMV që arrin fitore në fazën e grupeve të Ligës së Konferencës

Published

on

Skuadra nga Tetova, Shkëndija, ka arritur të shkruajë historinë e futbollit të Maqedonisë së Veriut, duke regjistruar fitoren e parë dhe tri pikët e para në fazën e grupeve të Ligës së Konferencës.

Skuadra kuqezi triumfoi me rezultat minimal 1-0 ndaj ekipit irlandez Shelburn, në ndeshjen e zhvilluar në stadiumin “Todor Proeski” në Shkup.

Goli vendimtar erdhi në minutat shtesë, pas një goditjeje të fortë të Ronaldo Webster, që u devijua nga Patrik Barnet, duke përfunduar në rrjetën e skuadrës mysafire.

Me këtë fitore, Shkëndija jo vetëm që regjistroi triumfin e parë në historinë e saj në fazën e grupeve të një gare evropiane, por gjithashtu u bë skuadra e parë nga Maqedonia e Veriut që arrin një sukses të tillë./S.K/EO/

Continue Reading

Të kërkuara