Sport

​Finalja e Ligës së Kampionëve mund të mos zhvillohet në stadiumin “Ataturk”

Published

on

UEFA është duke kërkuar informacione urgjente nga Turqia pasi vendi ka hyrë në bllokim total në përpjekje për të ndaluar rritjen e rasteve me Covid-19, vetëm pesë javë para finales së Ligës së Kampionëve që do të luhet në Turqi.

Banorëve turq do t’u kërkohet të qëndrojnë kryesisht në shtëpi nën një “bllokim të plotë” mbarëkombëtar duke filluar nga e enjta deri më 17 maj, ka njoftuar presidenti Tayyip Erdogan.

Finalja e Ligës së Kampionëve do të zhvillohet në Stadiumin Olimpik “Ataturk” në Stamboll më 29 maj. Të paktën 9 mijë tifozë pritej të lejoheshin në stadium nga të dy klubet.

Sidoqoftë, përsëri planet e UEFA-së janë prishur nga pandemia Covid-19 dhe zyrtarët e saj po përpiqen të vlerësojnë situatën e fundit në Turqi.

Ndeshjet e para gjysmëfinale të kësaj gare do të zhvillohen këtë javë, me Chelsean që luan kundër Real Madridit dhe Manchester City kundër Paris Saint-Germain.

UEFA ka përjashtuar transferimin e finales në stadiumin “Wembley” në Angli sepse nuk përjashtohet që të luhet një finale angleze ndërmjet Chelseat dhe Manchester City.

Tani u takon autoriteteve turke të vendosin nëse tifozët do të lejohen të marrin pjesë në ndeshjen finale në Stamboll muajin tjetër.

Sport

E goditi gjyqtarit e futbollit në Zvicër, merret vendimi për prindin e futbollistit që pretendohet se është nga Kosova

Published

on

Prindi i një futbollisti të ri me prejardhje nga Kosova që u bë lajm në fund të muajit maj pasi goditi një gjyqtar të futbollit në Zvicër, është dënuar për sulmin e bërë.

Incidenti kishte ndodhur në Schoftland të Zvicrës, ndërsa ndeshja ishte ndaj Villmergen. Ishte raportuar se burri kishte humbur durimin se djali i tij ishte fauluar padrejtësisht. Autori i dyshuar është babai i një lojtari të ri nga Villmergen.

Një rrëmujë shpërtheu gjatë një ndeshjeje futbolli të ekipit C-Juniors në Schöftland kundër ekipit FC Villmergen më 31 maj. Një baba e goditi gjyqtarin me grusht. Burri thuhet se humbi durimin sepse djali i tij ishte fauluar padrejtësisht. Autori i dyshuar i krimit është babai i një lojtari të ri nga ekipi Villmergen.

Incidenti u filmua dhe shkaktoi zemërim në të gjithë Zvicrën. Shoqata e Futbollit të Aargaut (AFV) tani ka reaguar.

Sipas mediumit 20min.ch, burrit i është ndaluar të hyjë në të gjitha stadiumet deri më 3 korrik 2028. Klubi i përfshirë, FC Villmergen, duhet të paguajë gjithashtu një gjobë prej 3,500 frangash.

Sipas AFV-së, Komiteti i Kontrollit dhe Disiplinës e sanksionoi babanë e lojtarit nga Kosova për hyrje të paautorizuar në fushë dhe sulm fizik ndaj gjyqtarit. Shoqata deklaroi se sjellja e burrit ishte “masivisht dhe haptazi josportive” dhe binte ndesh me vlerat themelore të futbollit.

Në deklaratën e saj, AFV vlerësoi bashkëpunimin me FC Villmergen, duke thënë se klubi kishte “bashkëpunuar në mënyrë shembullore”. Pavarësisht bashkëpunimit të tyre, klubi është gjobitur.

Në anën tjetër, sulmi ndaj gjyqtarit mbetet ende një çështje që u takon gjykatave, pavarësisht procedurave ligjore sipas ligjit sportiv. Procedurat penale dhe civile mbeten ende për t’u shqyrtuar.

Continue Reading

Sport

Ivan Rakitiq pensionohet nga futbolli

Published

on

Mesfushori kroat, Ivan Rakitiq, ka vendosur t’i japë fund karrierës së tij. Lajmi u bë i ditur nga vet ai, përmes një shkrimi në Instagram.

Gjatë karrierës së tij, ai luajti për skuadrat si Baseli, Schalke, Sevilla, Barcelona, Al-Shabab dhe së fundi te Hajduk Split.

Suksesin më të madh në karrierë e kishte në Spanjë ku fitoi 2 herë Europa League me Sevillën si dhe po ashtu ishte pjesë e asaj skuadre të Barcelonës që fitoi “Tripletën” , në vitin 2015 ku edhe shënoi në finale ndaj Juventusit.

Ai po ashtu kishte sukses edhe me Kroacinë, ku shkoj në finale të Botërorit në vitin 2018.

Continue Reading

Sport

​Drita e nis sot rrugëtimin në Ligën e Kampionëve

Published

on

By

Sonte në mbrëmje, Drita e Gjilanit do të përballet me kampionët e Luksemburgut, FC Differdange, në stadiumin “Fadil Vokrri”, në ndeshjen e parë të raundit të parë kualifikues të Ligës së Kampionëve 2025/26.

Kampionët e Kosovës, të drejtuar nga trajneri Zekirija Ramadani, vijnë në këtë sfidë pas një sezoni dominues në Superligë dhe disa ndeshjeve miqësore përgatitore. Drita kërkon të vazhdojë formën pozitive në shtëpi, ku ka humbur vetëm tre ndeshje që nga vera e kaluar.

Në anën tjetër, Differdange, fitues i kampionatit dhe Kupës së Luksemburgut, është përgatitur me tri miqësore dhe ka treguar formë të mirë jashtë fushe gjatë vitit 2025. Megjithatë, kujtimet e eliminimit në raundin e parë sezonin e kaluar nga Klaksvik mund të jenë ende të freskëta.

Sfida pritet të jetë e fortë, me Dritën që synon të hedhë hapin e parë drejt një kualifikimi historik në raundin tjetër./KosovaPress/

Continue Reading

Sport

Jamal Musiala pëson lëndim të rëndë në ndeshjen Bayern – PSG

Published

on

By

Gjatë ndeshjes së Bayernit ndaj Paris Saint-Germain, ylli i Bayern Munich, Jamal Musiala, pësoi një lëndim serioz në nyjen e këmbës. Në një duel në fund të pjesës së parë, portieri i PSG-së, Gianluigi Donnarumma, shkaktoi përdredhjen e gjurit të Musialas, duke e detyruar atë të largohet nga fusha me ndihmën e stafit mjekësor.

Lëndimi duket shqetësues dhe ka alarmuar jo vetëm skuadrën dhe tifozët, por edhe vetë Donnarumman, i cili u shfaq i tronditur nga incidenti.

Bayerni reagoi menjëherë në rrjetin social “X”, duke shprehur mbështetjen për lojtarin: “Jamal Musiala duhet të tërhiqet jashtë fushës pas një lëndimi të rëndë. Jemi me ty, Jamal!”

Situata e Musialas mbetet nën vëzhgim, ndërsa klubi dhe tifozët presin lajme më të detajuara për gjendjen e tij.

Continue Reading

Të kërkuara