Lajmet

​Eklipsi diellor do të ndodh së shpejti, çfarë duhet të dini?

Kjo është një mundësi e rrallë për shkencëtarët.

Published

3 years ago

on

Një eklips diellor unazor i quajtur “unaza e zjarrit” do të shfaqet në qiejt mbi Amerikën Veriore, Qendrore dhe Jugore më 14 tetor, duke krijuar një spektakël të veçantë – dhe një mundësi të rrallë për shkencëtarët.

Nofka “unaza e zjarrit” vjen nga shfaqja e eklipseve diellore unazore, të cilat janë si eklipset diellore totale, përveç se hëna është në pikën më të largët në orbitën e saj nga Toka, kështu që ajo nuk mund ta bllokojë plotësisht diellin. Në vend të kësaj, drita e zjarrtë e diellit rrethon hijen e hënës, duke krijuar të ashtuquajturën “unazë zjarri”.

Nëse lejohet nga moti, një eklips i pjesshëm diellor në formë të gjysmëhënës, ku vetëm një pjesë e diellit mbulohet nga hëna, do të jetë i dukshëm më 14 tetor në të 49 shtetet kontinentale të SHBA-së, përfshirë Alaskën, sipas NASA-s.

Nëse nuk mund ta shihni eklipsin, NASA do të bëjë një transmetim të drejtpërdrejtë duke filluar nga ora 11:30 ET në ditën e eklipsit, duke ndarë pamje nga Albuquerque, New Mexico, Kirbyville, Texas dhe White Sands, New Mexico, sipas Kelly Korreck, menaxhere e programit të eklipsit në NASA, shkruan CNN.

Nuk është kurrë e sigurt të shikosh drejtpërdrejt diellin pa përdorur mbrojtje të specializuar dhe nuk ka asnjë fazë të një eklipsi unazor që është e sigurt për t’u parë me sy të lirë, sepse drita e diellit nuk bllokohet kurrë plotësisht.

Prandaj, për të parë eklipsin unazor, vini syze eklipsi të certifikuara ose përdorni një shikues diellor. Ju po ashtu mund të vëzhgoni diellin me teleskop, dylbi ose kamerë që ka një filtër të veçantë diellor në pjesën e përparme, i cili vepron në të njëjtën mënyrë si syzet e eklipsit.

Related Topics:
Continue Reading

Vendi

Mbi 100 gramë kokainë dhe marihuanë kapen në Vërmicë

Published

16 hours ago

on

June 19, 2026

By

Dogana e Kosovës, në bashkëpunim me Policinë e Kosovës, ka zbuluar dy raste të substancave narkotike gjatë kontrolleve në Pikën Kufitare të Vërmicës.

Në rastin e parë, gjatë kontrollit të një automjeti që po hynte në Kosovë, janë gjetur 104.90 gramë substancë e dyshuar si kokainë, e fshehur në çantën personale të një udhëtari.

Ndërkaq, në rastin e dytë janë zbuluar 5.53 gramë substancë e dyshuar si marihuanë, e fshehur në bagazhin e një automjeti. Gjatë kontrollit është gjetur edhe një thikë kuzhine e padeklaruar.

Rastet janë proceduar për hetime të mëtejshme nga autoritetet kompetente.

/A.K/

Continue Reading

Vendi

Mbyten dy vajza të mitura në Tale

Published

17 hours ago

on

June 19, 2026

By

Një ngjarje e rëndë ka ndodhur mesditën e sotme në plazhin e Tales, ku dy vajza të mitura, të moshës 11 dhe 9 vjeçe, janë mbytur në det.

Sipas njoftimit zyrtar të Policisë, tragjedia ka ndodhur rreth orës 12:50. Pas marrjes së informatës, zyrtarët policorë kanë dalë menjëherë në vendngjarje dhe, në bashkëpunim të ngushtë me pushuesit e tjerë, kanë bërë të mundur gjetjen dhe nxjerrjen e trupave të pajetë në breg.

“Në bashkëpunim me pushuesit, është bërë e mundur gjetja dhe nxjerrja e trupave të pajetë në breg“, thuhet në njoftimin e policisë.  /E.A/

Continue Reading

Vendi

Dyshime për cilësinë: Bllokohen mbi 1 mijë e 400 infuzione në Spitalin e Mitrovicës

Published

18 hours ago

on

June 19, 2026

By

Shërbimi Spitalor Klinik dhe Universitar i Kosovës (ShSKUK) ka njoftuar se ka bllokuar përkohësisht 1,432 njësi të një produkti mjekësor në Spitalin Rajonal “Sami Haxhibeqiri” në Mitrovicë, pas dyshimeve se ai mund të mos jetë brenda specifikave të kërkuara të cilësisë.

Bëhet fjalë për infuzionet e llojit Compound Sodium Lactate (500 ml). Alarmi u ngrit fillimisht nga farmacistja përgjegjëse e spitalit, gjë që vuri në lëvizje Inspektoratin Farmaceutik dhe Agjencinë e Kosovës për Produkte dhe Pajisje Medicinale (AKPPM).

Pas një inspektimi të dytë të kryer më 17 qershor, autoritetet urdhëruan bllokimin e menjëhershëm të këtij kontingjenti deri në pranimin e rezultateve nga analizat laboratorike. ShSKUK ka njoftuar opinionin publik se ky është një masë parandaluese dhe se mbetet e përkushtuar për të garantuar sigurinë e plotë të pacientëve dhe cilësinë e barnave nëpër spitalet publike. /E.A/

Continue Reading

Lajmet

KQZ gati për rezultatet përfundimtare: Përfundon rinumërimi i 185 vendvotimeve

Published

20 hours ago

on

June 19, 2026

By

Komisioni Qendror i Zgjedhjeve (KQZ) ka përmbyllur zyrtarisht procesin e rinumërimit për të gjitha 185 vendvotimet e kontestuara. Sipas zëdhënësit të KQZ-së, Valmir Elezi, procesi ka përfunduar sot në orën 12:00 dhe të dhënat e reja tashmë janë përditësuar në platformën zyrtare të rezultateve.

Me këtë hap, KQZ-ja ka mbyllur teknikisht të gjitha aktivitetet e administrimit të votave dhe është gati për shpalljen e rezultateve përfundimtare të zgjedhjeve të 7 qershorit.

Megjithatë, përpara shpalljes zyrtare, duhet të respektohen afatet ligjore për ankesat e mundshme. Elezi sqaroi se sot përfundon afati për ankesat lidhur me administrimin e numërimit nga dita e mërkurë (17 qershor), ndërsa po ashtu do të pritet nëse do të ketë ankesa për procesin e rinumërimit të përmbyllur sot.

Për më tepër, para se të procedohet tutje, KQZ-ja do të kërkojë një konfirmim zyrtar nga Paneli Zgjedhor për Ankesa dhe Parashtresa (PZAP) për të vërtetuar nëse ka ndonjë ankesë tjetër ende në shqyrtim.

Në fund, Qendra e Numërimit dhe Rezultateve (QNR) do të hartojë një raport të detajuar për gjetjet në secilin prej 185 vendvotimeve. Ky raport synon të konfirmojë se procesi i parë i numërimit nëpër komuna është zhvilluar me saktësi dhe në përputhje të plotë me vullnetin e shprehur të qytetarëve, raporton Ekonomia Online. /Ekonomia Online/ /E.A/

Continue Reading

Të kërkuara