Lajmet

​Dyfishohet numri i pjesëmarrësve në Panairin Ndërkombëtar të Edukimit

Panairi do të jetë i hapur edhe të premten në sallën “1 Tetori”, në kryeqytet.

Published

2 years ago

on

Në edicionin e 15-të të Panairit Ndërkombëtar të Edukimit që është hapur sot në Prishtinë, po marrin pjesë mbi 95 subjekte vendore e ndërkombëtare.

Organizatori i këtij panairi, Bekim Xhafa deklaroi se krahasuar me vitet e kaluara, numri i pjesëmarrësve në panair është dyfishuar. Xhafa u shpreh se interesimi i shkollave fillore dhe të mesme për të vizituar këtë panair është shumë i lartë.

“Mund të them se është një rritje e dyfishuar në raport me herën e kaluar, sepse kanë ardhur shumë institucione që kanë ardhur shumë institucione që ofrojnë mundësi shkollimi të gjitha niveleve jashtë vendit. Kemi disa nga regjionet dhe shumë shkolla profesionale dhe qendra karrierës që kemi brenda Kosovës që janë prezent në këtë panair. Më e mira kësaj është se janë nga të gjitha komunat e Kosovës. Interesimi i shkollave fillore dhe të shkollave të mesme për të vizituar këtë panair është shumë i lartë”, deklaroi ai.

Të kënaqur me organizimin e këtij panairi janë shprehur edhe institucionet që po marrin pjesë.

Mësimdhënësja e gjuhës angleze në njërën nga shkollat në Kosovë, Qamile Mehmeti u shpreh se panairet e tilla janë mundësi shumë e mirë për të promovuar shkollat. Sipas saj, duhet të ketë më shumë panaire në mënyrë që të dëgjohen më shpesh sukseset e shkollave.

“Shkolla jonë nuk është hera parë që po merr pjesë në panairin e edukimit, kemi marrë pjesë edhe viteve të kaluara. Kjo është një mundësi shumë e mirë e promovimit të shkollës tonë, mundësitë që ne i ofrojmë dhe sukseset që i kemi pas deri tash. Panairi i edukimit është diçka shumë e mirë, e po ashtu duhet të ketë më shpesh panaire të tilla në mënyrë që të depërtojnë sukseset e të dëgjohen me gjerë”, tha Mehmeti.

Edhe Agron Hoxha, drejtori i njërit prej universiteteve nga Shqipëria, tha se panairet e tilla ndihmojnë jashtëzakonisht shumë në promovimin e turizmit. Hoxha po ashtu kërkoi nga qeveritë e dy vendeve më shumë punë në këtë drejtim.

“Panairet e kësaj këtyre shërbejnë shumë për gjithë institucionet e arsimit të mesëm dhe të lartë. Tashmë Kosova dhe Shqipëria janë më afër se kurrë më parë dhe natyrshëm edhe mobiliteti dhe lëvizja e studenteve në të dy anët e kufirit është me e lehte se kurrë më parë… Por, panairet e tilla duhet me qenë edhe më të shpeshta në të dy anët e kufirit, edhe ne afrohemi më shumë afër njërit tjetrit, por edhe institucionet njihen dhe afrohen më shumë me njeri tjetrin. Natyrisht janë edhe qeveritë që duhet bërë edhe pak më shumë në këtë aspekt”, tha Hoxha.

Se panairet ndihmojnë jashtëzakonisht shumë e tha edhe Argesa Mazreku nga Qendra e Kompetencës nga Komuna e Malishevës.

“Realisht panairet na ndihmojnë shumë sepse edhe pak kohë ne do të bëjmë një panair në shkollën tonë dhe marrim si mostra se si duhet të shkojë procesi i panairit… Na ndihmojnë në zhvillimin e komunikimit e po ashtu të shohim produkte e prezantime të shkollave të ndryshme, që të përmirësohemi sa më shumë”, tha Mazreku.

Organizimi i panairit të Edukimit bëhet me qëllim që të kontribuoj në ngritjen e vetëdijes së studenteve rreth informimit, përzgjedhjes dhe avancimit të tyre profesional gjithashtu dhe mundësisë së përfitimit të fondeve (bursa, intership etj).

Panairi do të jetë i hapur edhe të premten në sallën “1 Tetori”, në kryeqytet.

Related Topics:
Continue Reading

Lajmet

Ambasadori Hargreaves i shkon në zyrë Dimal Bashës

Published

55 minutes ago

on

September 4, 2025

By

Kryeparlamentari Dimal Basha priti sot në takim ambasadorin britanik në Kosovë, Jonathan Hargreaves me të cilin ka biseduar mbi zhvillimet e fundit politike në vend, me theks të veçantë për procesin e seancës konstituive të Kuvendit.

Basha shprehu mirënjohjen e thellë të popullit të Kosovës ndaj Britanisë së Madhe për rolin e saj gjatë luftës, dhe mbështetjen e vazhdueshme në fuqizimin e shtetit, ekonomisë dhe institucioneve demokratike të vendit tonë.

Ai tha se Kosova mbetet e palëkundur në mbrojtjen e interesave dhe të drejtave të të gjithë qytetarëve të saj, si dhe qëndron e vendosur në avancimin e integrimit në familjen evropiane, dhe synimin e qartë për anëtarësim në NATO.

Ndërsa, ambasadori Hargreaves ri-konfirmoi gatishmërinë për bashkëpunim dhe intensifikim të raporteve të vendit të tij me Kuvendin dhe qytetarët e Kosovës, thuhet në njoftimin e Kuvendit të Kosovës./D.B/KP

Continue Reading

Bota

Numri i viktimave nga tërmeti i fuqishëm në Afganistan arrin në 2200

Published

2 hours ago

on

September 4, 2025

By

Operacionet e kërkim-shpëtimit nga tërmeti i fuqishëm i së dielës në Afganistanin lindor po vazhdojnë, me numrin e të vdekurve që tejkalon 2.200, sipas zyrtarëve.

Hamdullah Fitrat, zëvendës zëdhënës i administratës së përkohshme, tha në kompaninë amerikane të mediave sociale X se numri i të vdekurve u rrit në 2,205, ndërsa numri i të plagosurve arriti në 3.640, vetëm në provincën Kunar.

“Me shumë njerëz ende të bllokuar nën rrënoja, numri i të vdekurve mund të rritet më tej ndërsa operacionet e kërkimit për të mbijetuarit vazhdojnë“, tha më parë Rahimullah Hamzala, zëdhënës i forcave lokale të sigurisë në provincën Kunar.

Autoritetet në Kabul kanë frikë gjithashtu se numri i të vdekurve mund të rritet, ndërsa ndajnë të dhëna nga provincat Nangarhar, Laghman dhe Panjshir, të cilat u goditën gjithashtu. Të paktën 12 vdekje janë raportuar tashmë në Nangarhar.

Agjencitë humanitare paralajmërojnë se shkalla e shkatërrimit kërkon mbështetje urgjente ndërkombëtare për të parandaluar një krizë të përkeqësuar.

Turqia këtë javë dërgoi 25 ton ndihma në vend, duke përfshirë materiale strehimi, pako higjienike dhe kuti ushqimore.

Pakistani fqinj gjithashtu ka dërguar 105 ton ndihma, ndërsa Irani, Kina dhe India, si dhe vendet perëndimore, janë zotuar të dërgojnë ndihmë./D.B/KP

Continue Reading

Lajmet

Më 22 shtator shpallet konkursi për pranimin e 60 ushtarëve nga radhët e komuniteteve jo shumicë

Published

2 hours ago

on

September 4, 2025

By

Më 22 shtator do të shpallet konkursi për pranimin e gjashtëdhjetë (60) ushtarëve aktiv nga radhët e komuniteteve jo shumicë.

Kështu ka bërë të ditur përmes një njoftimi në Facebook, ministri në detyrë i Mbrojtjes, Ejup Maqedonci.

“Të gjithë të rinjët e të rejat e interesuara për t’iu bashkuar Forcës së Sigurisë së Kosovës mund të gjejnë kushtet e konkursit në web faqen https://mod.rks-gov.net/Page/16 / që do të bëhet publik me rastin e hapues së konkursit”, thuhet në njoftimin e tij.

 

Continue Reading

Bota

​Rutte thekson garanci të forta sigurie për Ukrainën, të mbështetura nga Evropa, Kanadaja e SHBA

Published

2 hours ago

on

September 4, 2025

By

Sekretari i Përgjithshëm i NATO-s, Mark Rutte, tha se presidenti amerikan Donald Trump e theu bllokimin me presidentin rus Vladimir Putin dhe “tani Evropa dhe Kanadaja me SHBA-në duhet të hartojnë garanci sigurie për të siguruar që Ukraina të ketë mbështetje të plotë në bisedime”.

Duke folur në konferencën e përbashkët për shtyp me kryeministrin çek Peter Fiala në Pragë, Rutte theksoi se bashkësia ndërkombëtare po koordinohet ngushtë për të përgatitur garanci sigurie që do të siguronin që Ukraina të ketë mbështetjen e plotë të anëtarëve dhe partnerëve të NATO-s jashtë aleancës, së bashku me një mbrojtje të fortë kombëtare, raporton KosovaPress.

Shefi i NATO-s tha se pas takimit të 15 gushtit në Alaska midis Trump dhe Putin, “tani është për ne të hartojmë garancitë e sigurisë si evropianë dhe Kanadaja me SHBA-në për t’u siguruar që kur të fillojnë bisedimet, presidenti ukrainas e di se ka mbështetjen e plotë të SHBA-së, të Kanadasë, evropianëve, të gjithë neve në NATO, por edhe të vendeve tona jashtë NATO-s”.

Ai shtoi se themeli i këtyre garancive duhet të jetë forcimi i forcave të armatosura të Ukrainës.

Fiala theksoi qëndrimin e unifikuar të aleatëve të NATO-s, duke vënë në dukje nevojën për të vazhduar mbështetjen për Ukrainën në mënyrë që ajo të mund të mbrohet dhe të mbajë presionin mbi Rusinë, duke krijuar njëkohësisht kushte për një paqe të qëndrueshme.

Duke iu referuar takimit të koalicionit të të vullnetshmëve në Paris, udhëheqësi çek tha se ekziston gjithashtu një konsensus i fortë se duhet të ketë garanci të forta sigurie, të cilat do ta dekurajonin Rusinë nga agresioni i mëtejshëm.

Continue Reading

Të kërkuara