Kryeministrja e Estonisë, Kaja Kallas, theksoi nga Tirana se progresi i dialogut mes Kosovës dhe Serbisë nuk mund të arrihet pa normalizimin e plotë të marrëdhënieve mes dy shteteve. Ajo bëri këto deklarata gjatë një vizite të rëndësishme në Shqipëri, ku u takua me kryeministrin Edi Rama. Kallas vlerësoi Shqipërinë si një partner të fortë të Bashkimit Evropian dhe theksoi rëndësinë e bashkëpunimit rajonal për stabilitetin e Ballkanit Perëndimor, sidomos në lidhje me sigurinë e Bosnjë Hercegovinës.

Kalla theksoi se Shqipëria është në përputhje të plotë me politikat e sigurisë të BE-së, duke përmendur sanksionet ndaj Rusisë dhe mbështetjen për Ukrainën si një dëshmi të përkushtimit të vendit për të mbrojtur vlerat evropiane. Ajo nënvizoi se Shqipëria është një partner i dobishëm për të krijuar një mjedis të sigurt në Bosnjë Hercegovinë dhe për forcimin e bashkëpunimit rajonal, që është jetik për paqen dhe stabilitetin e rajonit.

Kosova-Serbi: Normalizimi, kusht për ecurinë e dialogut

Sa i përket dialogut Kosovë-Serbi, Kallas theksoi rëndësinë e normalizimit të marrëdhënieve mes dy shteteve për të arritur përparim të vërtetë në proceset e integrimit evropian të të dyja vendeve. Ajo u shpreh se pa një marrëveshje të plotë të normalizimit mes Kosovës dhe Serbisë, nuk mund të ketë ecuri në dialogun për integrimin në Bashkimin Evropian. Kallas theksoi se ky proces është jetik jo vetëm për stabilitetin rajonal, por edhe për avancimin e Ballkanit Perëndimor në BE.

Vizita në Bosnjë Hercegovinë për qetësimin e situatës

Kallas po përgatitet për një vizitë në Bosnjë Hercegovinë, ku do të takohet me liderët lokalë dhe ndërkombëtarë për të diskutuar situatën aktuale dhe për të siguruar një angazhim të fuqishëm për qetësimin e tensioneve të mundshme. “Unë do të shkoj në Bosnjë dhe do të takohem me palët atje në mënyrë që të qetësohet situata,” theksoi ajo. Kjo vizitë është pjesë e një angazhimi më të gjerë të Estonisë dhe Bashkimit Evropian për të promovuar paqen dhe sigurinë në Ballkan, veçanërisht pas tensioneve që janë shfaqur kohët e fundit në rajon.

Kallas theksoi se Shqipëria ka luajtur një rol të rëndësishëm në nxitjen e stabilitetit rajonal dhe se angazhimi i saj për të mbajtur të forta lidhjet me BE-në është një model i rëndësishëm për të gjitha shtetet e Ballkanit Perëndimor.

Zyrtarët e lartë të Departamentit të Mbrojtjes së Shteteve të Bashkuara të Amerikës po e shqyrtojnë një propozim për t’i tërhequr deri në 10 mijë trupa nga Evropa.

Sipas NBC News, kjo do të shkaktojë shqetësim në të dy kontinentet se do ta forconte presidentin rus, Vladimir Putin.

Trupat që janë në shqyrtim për t’u tërhequr janë 20 mijë pjesëtarë të personelit që administrata Biden i dërgoi në vitin 2022 për ta forcuar mbrojtjen e shteteve që kufizohen me Ukrainën, pas invazionit rus.

Diskutimet e brendshme për zvogëlimin e nivelit të trupave amerikane në Rumani dhe Poloni po ndodhin në një kohë kur presidenti Donald Trump po përpiqet të bindë Putinin të pranojë një armëpushim.

Ndërsa Sekretari amerikan i Mbrojtjes, Pete Hegseth, tha se Shtetet e Bashkuara do të përqendrohen në sigurimin e kufirit të jugut dhe kundërshtimin e Kinës.

Presidenti amerikan, Donald Trump, ka reaguar kundër propozimit të Bashkimit Evropian për një përjashtim të plotë dhe reciprok nga tarifat për produktet industriale, përfshirë makinat, duke e konsideruar këtë lëvizje të papërshtatshme për heqjen e masave që ai shpalli javën e kaluar. Në një deklaratë të tij, Trump e quajti reagimin e BE-së të pamjaftueshëm për të arritur një marrëveshje që do të ndihmonte në uljen e deficitit tregtar.

“Jo, kjo nuk mjafton”, u shpreh Trump, duke theksuar se Bashkimi Evropian po i trajtonte SHBA-të shumë keq, një qëndrim që ai e ka mbajtur vazhdimisht gjatë periudhës së tij në Shtëpinë e Bardhë. Ai akuzoi BE-në për një politikë të padrejtë tregtare dhe kërkoi që të ketë një rritje të ndjeshme të blerjeve evropiane të produkteve energjetike amerikane për të balancuar deficitin tregtar.

Në lidhje me deficitin tregtar, Trump e citoi shumën prej 350 miliardë dollarësh, një vlerë që është dukshëm më e lartë se ajo e raportuar nga autoritetet amerikane dhe Eurostat, ku diferenca me BE-në në vitin 2024 ishte më e ulët, rreth 235 miliardë dollarë. Sidoqoftë, Trump beson se një rritje në blerjet e energjisë amerikane mund të ndihmojë në eliminimin e këtij deficiti.

“Evropa duhet të angazhohet të blejë energji të barabartë me këtë deficit tregtar”, shtoi ai, duke i dhënë një presion të fortë Bashkimit Evropian për të rritur blerjet nga SHBA.

Për më tepër, ai la të kuptohet se tarifat e shpallura mund të mbeten në fuqi, përderisa ai nuk dha një konfirmim të qartë nëse propozimi i BE-së mund të rezultojë në një heqje të tyre. Pas reagimeve të Trump, von der Leyen nga Komisioni Evropian theksoi se BE-ja është gjithashtu e gatshme të mbrojë interesat e veta me kundërmasa dhe të arrijë një marrëveshje të drejtë dhe të balancuar me SHBA-në./UBTNews/