Sport

Drejtuesit e Komitetit Olimpik të Francës po qëndrojnë në Kosovë

Zëvendësministrja Osmani falënderoi delegacionet për vizitën dhe bashkëpunimin e mirë me KOK-un.

Published

4 years ago

January 16, 2023

Betim Gashi

Komiteti Olimpik i Kosovës (KOK) është duke mirëpritur delegacionet e Komiteteve Olimpike të Francës, Shqipërisë dhe Malit të Zi, të cilat bashkë edhe me KO të Maqedonisë së Veriut, do të nënshkruajnë sot memorandumin e bashkëpunimit “Balkan Cooperation 5”.

Delegacionet, të shoqëruar nga drejtuesit e lartë të KOK-ut, sot janë pritur nga zëvendësministrja për Kulturë, Rini e Sport, Daulina Osmani.

Zëvendësministrja Osmani falënderoi delegacionet për vizitën dhe bashkëpunimin e mirë me KOK-un, derisa foli për sfidat dhe sukseset e sportit tonë, me theks të veçantë mbështetjen për KOK-un dhe federatat sportive, si dhe hartimin e strategjisë për sportin.

Zëvendëspresidenti i KO të Francës, Pierre Siutat, u shpreh i lumtur që ndodhej në Kosovë, për të nisur një bashkëpunim mes KO të Kosovës, por edhe Komiteteve tjera Olimpike fqinje.

Presidenti i KOK-ut, Ismet Krasniqi, duke falënderuar zëvendësministren për takimin, e quajti ditë historike nënshkrimin e memorandumit të bashkëpunimit me Francën, duke thënë se bashkë me KO fqinje do të rrugëtojnë drejt Paris 2024.

I pari i lëvizjes olimpike në Shqipëri, Fidel Ylli, vlerësoi lartë projektin e përbashkët, duke thënë se Kosova tashmë njihet më shumë për nga sporti, ndërsa përmendi edhe projektin gjigant në vlerë 5 milionë eurosh të fituar nga qeveria shqiptare për shkollat.

Sekretari i përgjithshëm i KO të Malit të Zi, Igor Vushuroviq, theksoi se ky ky bashkëpunim na lidh edhe më shumë mes vete, derisa vlerësoi lartë punën e KOK dhe mbështetjen e MKRS.

Palët diskutuan edhe për përgatitjet për Lojërat Olimpike Paris 2024, në të cilat pikërisht KO i Francës është mikpritës.

Vendi

Akil Gjakova mbyll garën pa medalje në Abu Dhabi

Published

14 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

14 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

16 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/