Lajmet

​Dita Ndërkombëtare e Fëmijëve shënohet me aktivitete të larmishme në Prishtinë

Komuna e Prishtinës në sheshin “Zahir Pajaziti” ka organizuar aktivitete të ndryshme, me këngë, valle e balet.

Published

4 years ago

on

Kryetari i Komunës së Prishtinës Përparim Rama u është bashkangjitur sot fëmijëve në aktivitetet e shumta që mbahen me rastin e Ditës Ndërkombëtare të Fëmijëve, 1 qershori.

Komuna e Prishtinës në sheshin “Zahir Pajaziti” ka organizuar aktivitete të ndryshme, me këngë, valle e balet.

Kryetari Rama tha se gjatë qeverisjes së tij lokale pikë kryesore do të kenë transformimin e hapësirave publike për fëmijët, në mënyrë që këta të fundit të kenë mundësi të merren me aktivitete të ndryshme kulturore e sportive.

“Në të gjithë qendrën e kryeqytetit, siç po shihet kemi një seri të madhe të aktiviteteve për Ditën Ndërkombëtare të fëmijëve. Ne si qeveri e re lokale, pikë qendrore kemi transformimin e Prishtinës, duke e marrë si pikë kyçe fëmijën. Nëse në krijojmë, zhvillojmë, hapësirat publike, shkollat, rrugët, çdo infrastrukturë e pjesës së jetesës, e cila e ngritë sigurinë edhe vetëbesimi te fëmijët tanë, atëherë ne e kemi përfunduar një punë të madhe për të gjithë shoqërinë. Për këtë arsye sot kemi treguar që hapësirat publike duhet t’iu kthehen qytetarëve, fëmijëve. Kjo është një iniciativë që jemi duke u marrë që pjesë të mëdha të kryeqytetit të bëhen zona publike, pa makina, për këmbësorë, për të rinjtë, me vende për rekreacion, për aktivitete të ndryshme, për performancë të ndryshme siç po e shihni edhe sot në çdo cep të qendrës së Prishtinës”, ka thënë Rama.

Rama ka theksuar se në katërvjeçarin e ardhshëm shtatë shkolla do të rregullohen, ndërsa 50 për qind prej tyre do të bëhen me qëndrim ditor.

“Kemi shtatë shkolla me program për t’i zhvilluar gjatë katërvjeçarit të ardhshëm, po ashtu me 50 për qind të gjitha shkollat t’i bëjmë tërë-ditore, në mënyrë që të mundësojmë aktivitete shtesë dhe që fëmijët të kenë qasje edhe në art, kulturë dhe sporte të ndryshme”, tha Rama.

Kryetari i Prishtinës theksoi se shkollat do të jenë prioritet i qeverisjes lokale.

“Shpresoj se fëmijët po kënaqen sot. Kemi bërë një transformim të qytetit për të mirën e kryeqytetit. Çdo gjë fillon me hapësira publike. Fëmijët janë e ardhmja jonë dhe për këtë arsye shkollave iu kemi dhënë rëndësi të madhe që në programin tonë të bëjmë transformim”, tha ai.

Dita e Fëmijëve shënohet më 1 qershor në mbarë botën, pasi në këtë datë është mbajtur Konferenca Botërore e Mirëqenies së Fëmijëve në Gjenevë në vitin 1925.

Related Topics:
Continue Reading

Lajmet

Hamza refuzon ftesën e Kurtit: PDK rikonfirmon qëndrimin për të mbetur në opozitë

Published

3 hours ago

on

August 3, 2026

By

Kryetari i Partisë Demokratike të Kosovës, Bedri Hamza, ka refuzuar zyrtarisht ftesën për takim të dërguar nga lideri i Lëvizjes Vetëvendosje, kryeministri në detyrë Albin Kurti.

Përmes një letre kthyese drejtuar Kurtit, Hamza ka bërë të ditur se PDK-ja nuk do të jetë pjesë e takimeve konsultative, duke rikonfirmuar vendimin e partisë për të qëndruar në opozitë.

“Duke iu referuar takimit tonë të datës 10 korrik 2026 dhe qëndrimit publik të PDK-së, ju rikonfirmoj se, në rrethanat aktuale, qëndrimi ynë është që të vazhdojmë të qëndrojmë në opozitë”, thuhet në përgjigjen e Hamzës.

Përveç refuzimit të ftesës, kreu i PDK-së i ka bërë thirrje Kurtit që të kërkojë marrëveshje me subjektet e tjera politike për krijimin e institucioneve të reja. /E.A/

 

Continue Reading

Lajmet

Moska fajëson Ukrainën për shpërthimin vdekjeprurës në një restorant:

Published

4 hours ago

on

August 3, 2026

By

Rusia ka akuzuar Ukrainën për organizimin e një shpërthimi në një restorant luksoz në qendër të Moskës, nga i cili mbetën të vdekur pesë persona dhe u plagosën 19 të tjerë. Ngjarja ka nxitur dyshime të forta se shënjestra e sulmit ishte komandanti i lartë ushtarak rus, kolonel-gjenerali Aleksandr Chayko.

Ngjarja ndodhi të shtunën në mbrëmje pranë hyrjes së restorantit italian “Balzi Rossi”, i vendosur në një nga rrokaqiejt historikë të epokës së Stalinit në Sheshin Kudrinskaya. Sipas prokurorëve rusë, një grua e paidentifikuar që mbante një mjet shpërthyes të improvizuar u përpoq të hynte brenda, por u ndalua nga roja e sigurisë, çka çoi në shpërthimin e lëndës plasëse pak çaste më vonë në hyrje të objektit.

Përmes një deklarate zyrtare, Ministria e Jashtme e Rusisë e cilësoi ngjarjen si akt terrorist të udhëhequr nga Kievi, duke u shprehur se “tentakulat e përgjakshme të bandës terroriste të Zelenskyt kanë arritur deri te restoranti italian ‘Balzi Rossi’ në Moskë”.

Ndonëse autoritetet ruse nuk kanë publikuar emrat e viktimave apo shënjestrën e sulmit, blogerë ushtarakë pro-Kremlinit dhe media të pavarura raportojnë se mbledhja private organizohej për ditëlindjen e 55-të të gjeneralit Aleksandr Chayko. Pamjet e publikuara në rrjete sociale nga eventi tregonin sfondin me mbishkrimin “Aleksandr 55”.

Chayko, i cili ka udhëhequr më parë mësymjen ruse ndaj Kievit në vitin 2022 përpara se të merrte drejtimin e forcave ajrore-hapësinore, ka shpëtuar pa lëndime. Mirëpo, sipas kanalit informativ “VChK-OGPU”, nga shpërthimi në tarracën e restorantit ka mbetur i vrarë dhëndri i tij, Daniil Peredriy, ndërsa e bija, Maria, ka pësuar lëndime të rënda. /BBC/

Continue Reading

Lajmet

17-vjeçari nga Ferizaj gjen portofolin me mbi 2,600 euro e dokumente dhe e dorëzon në polici

Published

4 hours ago

on

August 3, 2026

By

Policia e Kosovës përmes një njoftimi ka bërë të ditur së një i ri 17-vjeçar me inicialet A.N nga fshati Bablak i Ferizajt është paraqitur vullnetarisht në stacionin policor pasi kishte gjetur një portofol pranë një pike karburanti në fshatin Lloshkobare.

Pas verifikimeve nga zyrtarët policorë, u bë i mundur identifikimi i pronarit, K.S., 40 vjeç nga Gjakova, të cilit iu kthyen të gjitha mjetet monetare në vlerë prej 2,435 eurosh e 270 frangash, së bashku me dokumentet e tij të identifikimit.

Drejtoria Rajonale e Policisë në Ferizaj ka shprehur falënderimin dhe vlerësimin e lartë për veprimin e A. Nuhës, duke e cilësuar ndershmërinë e tij si një shembull të shkëlqyer për të gjithë komunitetin. /E.A/

Continue Reading

Lajmet

IKShPK konfirmon 99 të prekur me fruth dhe apelon për vaksinim të menjëhershëm të fëmijëve

Published

4 hours ago

on

August 3, 2026

By

Instituti Kombëtar i Shëndetësisë Publike të Kosovës (IKShPK) ka nxjerrë një përditësim mbi situatën epidemiologjike në vend, ku njofton se nga 16 prilli deri më 3 gusht 2026 janë konfirmuar gjithsej 99 raste me fruth. Vetëm përgjatë javës së fundit janë regjistruar 21 raste të reja, duke shënuar një rritje të ndjeshme krahasuar me të njëjtën periudhë të vitit të kaluar, ku ishin raportuar 65 raste.

Sipas të dhënave të institutit, vatrat kryesore të infeksionit mbeten Prishtina me 33 raste dhe Fushë-Kosova me 25 raste, të ndjekura nga Ferizaj me 12 dhe Kaçaniku me 7 raste. Rastet e tjera janë shpërndarë në numër më të vogël në komunat si Drenas, Lipjan, Obiliq, Gjilan, Skenderaj, Shtime, Vushtrri, Deçan, Graçanicë, Podujevë, Shtërpcë dhe Viti.

Për shkak të shkallës së lartë të infektueshmërisë dhe rrezikut nga komplikimet e mundshme, IKShPK u ka bërë thirrje të gjithë prindërve dhe kujdestarëve që të verifikojnë kartelat e vaksinimit dhe të sigurojnë imunizimin e fëmijëve në Qendrat e Mjekësisë Familjare sipas kalendarit të rregullt. Po ashtu, instituti u bën apel qytetarëve që me shfaqjen e simptomave të para — si temperaturë e lartë, skuqje në lëkurë, kollë apo rrufë — të paraqiten menjëherë për kontroll në institucionet shëndetësore. /E.A/

Continue Reading

Të kërkuara