Lajmet

Deli Lekaj ndër të parët që filloi organizimin e luftës së UÇK-së

Kryetari i kësaj komune, Bashkim Ramosaj vlerësoi lartë kontributin e Deli Lekajt dhe familjes së tij.

Published

4 years ago

October 6, 2022

Betim Gashi

Ish-komandanti i Ushtrisë Çlirimtare të Kosovës, Deli Lekaj ishte ndër pjesëtarët e parë të Ushtrisë Çlirimtare, i cili u plagos rëndë në vijat e frontit të hapur, mirëpo luftën nuk e ndali deri në çlirimin e Kosovës. Kështu u tha në mbledhjen komemorative të organizuar nga Komuna e Deçanit, me rastin e vdekjes së ish-invalidit të luftës.

Kryetari i kësaj komune, Bashkim Ramosaj vlerësoi lartë kontributin e Deli Lekajt dhe familjes së tij, për të cilën tha se ka dhënë kontribut edhe në familjen e gjaqeve.

“Deçani dikur është ndjerë krenar dhe ndihet krenar edhe sot, sidomos me të kaluarën e këtij qytetit, për arsyeje se Lumbardhit iu ka dëgjuar zëri prej aktiviteteve që familja e Deliut, bashkëfshatarët e këtij fshati e kanë dhënë një kontribut, sidomos në aktivitetin për pajtimin e gjaqeve, duke u nisur kjo nga ky fshat e pikërisht njëri nga akterët ka qenë edhe Delia në atë ngjarje…Megjithatë, njerëzit sfidohen në këtë jetë, obligim i gjithë familjes, obligim i yni është që me lehtësu me aq sa kemi mundësi këtë dhimbje dhe ta shohim perspektiven përpara”, tha ai.

Komandanti i zonës operative të Dukagjinit, Ramush Haradinaj ka kujtuar ish-komandantin Lekaj si një figurë e lartë e një luftëtari shqiptar. Haradinaj tha se Delia ka qenë ndër të parët që ka organizuar luftën e UÇK-së.

“Deli Lekaj e ka marrë përsipër organizimin e UÇK-së, jo vetëm në vendin e vet Lumbardh por në atë zonë, ka qenë ndër të parët që e ka filluar organizimin e luftës së UÇK-së…Gjatë luftës ka pas shumë vështirësi, se si po ndodh lufta dhe si po shkon, por për Deliun s’ka pas rëndësi, ai e ka ditë që është në vendin e vet e që po lufton për lirinë e vet dhe ka mbet i tillë. Nuk ka pas dilema asnjëherë në rrugën e vet për liri, njëkohësisht edhe në paqe ka mbajtur drejtimin, rrugën, bindjen e vet por një rruge e atdheut dhe e kombit”, tha ai.

Ai po ashtu tha se ish-komandanti ka lënë shumë vepra dhe porosi të mira që vendi ndihet krenar për të.

Ndërsa, vëllai i ish-komandantit, Esat Lekaj në një fjalë rasti falënderoi të gjithë për pjesëmarrjen.

Në prill të vitit 1998, Deli Lekaj ishte ndër pjesëtarët e parë të Ushtrisë Çlirimtare, i cili u plagos rëndë në vijat e frontit të hapur, mirëpo luftën nuk e ndali deri në çlirimin e Kosovës.

Pas përfundimit të luftës, kontributin e tij për shtetndërtim e vazhdoi në Trupat Mbrojtëse të Kosovës, ku shërbeu si shef i operatives në zonën 3-të TMK-së, me Gradën e Kapitenit, të cilën detyrë e vazhdoi deri në transformimin e Trupave Mbrojtëse të Kosovës në Forcën e Sigurisë së Kosovës, ku u bë edhe pjesë e saj, por për shkak të plagëve të luftës, u pensionua para kohës. Deliu ishte invalid i luftës së UÇK-së.

Vendi

Tensione te Kuvendi për ndryshimet në ligjin për Specialen

Published

32 minutes ago

October 5, 2026

UBTNews

Situata rreth Kuvendit të Kosovës është tensionuar mbrëmjen e sotme, ku janë parë forca të shumta policore të dislokuara në hyrje-daljet e oborrit të ndërtesës. Ndërhyrja e policisë erdhi pasi protestuesit tentuan të bllokojnë rrugëkalimet për të parandaluar largimin e deputetëve nga objekti.

Kërkesa kryesore e protestuesve është miratimi i plotë në lexim të dytë i ndryshimeve ligjore për Gjykatën Speciale, proces ky që aktualisht mbetet në pikëpyetje.

Për të menaxhuar situatën dhe për të shmangur përshkallëzimin e mëtejshëm, në perimetrin e Kuvendit janë zhvendosur edhe njësite speciale policore për kontrollin e turmave. Ndërtesa vazhdon të mbetet nën monitorim të rreptë sigurie. /E.A/

Aktualitet

Përfundon takimi mes Kurtit dhe Hamzës

Published

2 hours ago

October 5, 2026

UBTNews

Ka përfunduar takimi mes kryeministrit Albin Kurti dhe kryetarit të Partisë Demokratike të Kosovës, Bedri Hamza.

Siç bëhet e ditur pas takimit është parë të mblidhet grupi parlamentar i PDK-së.

Ende nuk ka deklarime për media.

Vendi

United Hospital pasuron ekipin mjekësor me ortopedin dhe traumatologun Dr. Arzen Balidemaj

Published

2 hours ago

October 5, 2026

UBTNews

United Hospital ka mirëpritur në ekipin e saj mjekësor Dr. Arzen Balidemaj, specialist i Ortopedisë dhe Traumatologjisë, duke zgjeruar kështu gamën e shërbimeve profesionale për trajtimin e sëmundjeve dhe dëmtimeve të sistemit muskuloskeletal. Përmes sjelljes së ekspertizës bashkëkohore, përvojës ndërkombëtare dhe qasjeve të reja diagnostikuese e trajtuese, spitali po i jep një dimension të ri mjekësisë moderne dhe po krijon mundësi që pacientët të marrin shërbime të specializuara me standarde të avancuara.

Dr. Balidemaj sjell në United Hospital përvojën dhe njohuritë e fituara në fushën e ortopedisë, si dhe standarde të trajtimit të bazuara në praktikat evropiane.

Sipas njoftimit të spitalit, ai është i certifikuar nga AGA dhe EndoCert në Gjermani.

United Hospital fuqizon mjekësinë moderne me ekspertë të njohur dhe profesionistë të rinj

United Hospital po vazhdon të ndërtojë një standard të ri në shërbimet shëndetësore në Kosovë, duke zgjeruar vazhdimisht ekipin me mjekë të dëshmuar, kuadro me renome dhe profesionistë të fushave të ndryshme të mjekësisë.

Përmes sjelljes së ekspertizës bashkëkohore, përvojës ndërkombëtare dhe qasjeve të reja diagnostikuese e trajtuese, spitali po i jep një dimension të ri mjekësisë moderne dhe po krijon mundësi që pacientët të marrin shërbime të specializuara me standarde të avancuara.

Në këtë rrugëtim të zhvillimit dhe inovacionit, United Hospital po e pasuron ekipin e vet edhe me emra të rinj të mjekësisë, të cilët me profesionalizmin, përkushtimin dhe përvojën e tyre po sjellin energji të re dhe po kontribuojnë në ngritjen e cilësisë së kujdesit shëndetësor.

Një nga këta profesionistë është edhe Dr. Arzen Balidemaj, specialist i Ortopedisë dhe Traumatologjisë, i cili tashmë i është bashkuar ekipit të United Hospital. Me përvojën e tij dhe kualifikimet profesionale, ai sjell ekspertizë të avancuar në trajtimin e sëmundjeve dhe dëmtimeve të nyjeve, ortopedisë sportive dhe traumatologjisë.

Ky është vizioni i United Hospital: të sjellë ekspertizën te pacienti, të hapë rrugë për risi në mjekësi dhe të ndërtojë një ekip ku profesionalizmi, teknologjia dhe përkushtimi ndaj pacientit bashkohen në një standard të ri të kujdesit shëndetësor.

Fokusi i tij profesional përfshin trajtimin e problemeve të nyjeve, dëmtimeve sportive dhe rasteve traumatologjike, ndërsa ndër shërbimet që do të ofrojë janë:

Endoprotetika e nyjeve të mëdha, përfshirë shpatullën, gjurin dhe kërdhokullën;

Kirurgjia artroskopike dhe minimalisht invazive;

Ortopedia sportive dhe trajtimet për ruajtjen e nyjeve;

Ndërhyrjet kirurgjikale në shpatull, kërdhokull, gju, dorë, bërryl dhe shputë.

Me angazhimin e Dr. Balidemajt, United Hospital synon të vazhdojë zgjerimin e shërbimeve të specializuara dhe t’u ofrojë pacientëve qasje në trajtime bashkëkohore në fushën e ortopedisë dhe traumatologjisë.

Për të caktuar një vizitë:
📞 046 60 70 70
📍 M2 Prishtinë–Ferizaj, Km 7, Prishtinë, Kosovë

United Hospital – kujdes i specializuar për shëndetin e nyjeve dhe sistemit muskuloskeletal./rajonipress/