Lajmet

​Deklarata për Personat e Zhdukur, zyrtarë qeveritarë përplasen me deputetë opozitarë

Kurti dhe Vuçiq më 2 maj në Bruksel kanë nënshkruar Deklaratën për Personat e Zhdukur.

Published

2 years ago

on

Nënshkrimi i Deklaratës për Personat e Zhdukur më 2 maj në Bruksel është bërë temë debati në seancën e sotme (e enjte) të Kuvendit të Kosovës.

Nga Qeveria e Kosovës kanë thënë se përmes kësaj deklarate, Serbia pranon për herë të parë krimet e bëra gjatë luftës në Kosovë, mirëpo deputetët opozitarë kritikuan kryeministrin Kurti se ka gabuar ku ka pranuar të largohet termi “persona të zhdukur me dhunë”, i cili sipas tyre njihet edhe në konventat ndërkombëtare. Por zëvendëskryeministri, njëherësh kryenegociator i dialogut me Serbinë, Besnik Bislimi tha se ka dokumente të Gjykatës Evropiane të Drejtave të Njeriut që i referohen termit “persona të zhdukur me forcë”, siç figuron në deklaratën e nënshkruar.

Madje Bislimi paraqiti një dokument që sipas tij është dakorduar në vitin 2020 nga Qeveria Hoti, që sipas tij, ka zero brengë për personat e zhdukur. Përkitazi me këtë, ai tha se s’ka asnjë barazim në krime në Deklaratën për Personat e Zhdukur.

“Kjo është deklarata që është dakorduar në Bruksel me 7 shtator 2020 nga ish-kryeministri Hoti. Kjo deklaratë i ka vetëm shtatë fjali, gjashtë prej tyre tregojnë se kush do të jetë kryesues i komisionit, si do të bëhet ai dhe kur do të kryhet puna. Pra ka zero brengë dhe sqarime për atë se sa është i rëndësishëm gjetja e personave të zhdukur. Ka edhe titullin ‘persona të pagjetur’. Këtu thuhet se me çështjen e të pagjeturve do të merremi 1 vit pasi të kemi marrëveshjen finale me Serbinë. Njëherë marrëveshja finale me Serbinë, pastaj do të merremi me këtë temë, pra zero urgjencë në trajtimin e kësaj çështje. Me 8 shtator 2020 i kemi deklaratat e zotëri Selmanaj i cili thotë se kjo temë është konsumuar dhe ezauruar. Kjo është brenga e deputetëve të LDK-së për temën e të pagjeturve. Deklarata që ne jemi dakorduar më 2 maj 2023 e ka titullin deklarata e kryeministrit Albin Kurti. Më tregoni nga data e fillimit të negociatave në Bruksel në vitin 2011 deri në këtë dokument kur një udhëheqësi të Kosovës i është referuar me titullin kryeministër apo president. Ju po thoni keni gabuar se keni hequr termin persona të zhdukur me dhunë, tregoni kur e keni futur ju në dokument që ne e kemi larguar. Këtu thotë ‘forcibly disappeared persons’, unë mund t’iu gjej dokumente të Gjykatës Evropiane të të Drejtave të Njeriu që i referohet personave të zhdukur me dhunë apo ‘forcibly disappeared persons’ në kuadër të drejtësisë ndërkombëtare. Është mirë vetëm të identifikoni një fjali këtu që vendos barazi në krime, personat e zhdukur nuk janë kategori e re, dihet me emra dhe mbiemra kush janë zhdukur. Është idiotësi me thënë se po barazohen krimet”, tha Bislimi.

Të kundërtën e kësaj e tha deputeti i LDK-së, Driton Selmanaj, i cili theksoi se nënshkrimi i deklaratës ku hiqet termi “persona të zhdukur me dhunë” është gabim historik dhe kombëtar i Kosovës. Ndërkaq shtoi se Qeveria Hoti e ka pasur top prioritet çështjen e personave të zhdukur.

“Ne jemi kujdesur shumë që as mos të amnistojmë shtetin e Serbisë, as mos të barazojmë institucionalisht argumentet dhe faktet. Sigurisht jemi kujdes në fund që palët të kenë të drejtë të kërkojnë kompensim. Unë jam i bindur se ka gabuar rëndë Qeveria e Kosovës që ka pranuar që zhdukja me dhunë të hiqet nga dokumenti. Zhdukja me dhunë sipas konventës së OKB-së, neni 2 i saj flet qartazi se zhdukjen me dhunë e bëjnë agjentë shtetërorë në mënyrë të organizuar… Kjo është gabim historik dhe kombëtar që i është bërë shtetit të Kosovës. Referenca se Kosova paska dokumente edhe para vitit 2008 është gabim, gabim i madh, pasi Kosova s’ka asnjë dokument”, tha ai.

Në debat u përfshi edhe ministrja e Drejtësisë, Albulena Haxhiu, e cila tha se përmes nënshkrimit të Deklaratës për Personat e Zhdukur, Serbia pranon për herë të parë krimet e bëra në Kosovë gjatë luftës së fundit. Ajo përmendi edhe disa deklarata të ish-eksponentëve të PDK-së që sipas saj kërkonin të amnistoheshin gjitha krimet e bëra gjatë luftës në Kosovë.

“Nënshkrimi i Deklaratës për të Zhdukurit e bën Serbinë përgjegjëse për krimet e zhdukjes me forcë të qytetarëve tanë. Për herë të parë përmes një dokumenti zyrtar Serbia pranon krimin e bërë dhe obligohet që të jap informacione për varrezat masive ku ende i mban qytetarët tanë. Po ashtu obligohet që mos t’i pengojë gërmimet siç ka ndodhur në vazhdimësi. Pra me atë deklaratë, Serbia pranon krimet shtetërore mbi popullin e Kosovës dhe qytetarët tanë. Për mua është e papranueshme që një deputet i Kuvendit të Kosovës thotë se Serbinë nuk e obligon ky dokument. Kjo është e papranueshme, pasi kjo është ajo çka Serbia dëshiron të dëgjojë… Ka pasur përpjekje nga qeveritë e kaluara, kur ato janë udhëhequr nga njerëzit e PDK-së që të amnistohen krimet që Serbia i ka bërë në Kosovë”, theksoi ajo.

Në anën tjetër, në reagimin e saj deputetja e PDK-së, Eliza Hoxha, u shpreh e habitur me këto deklarata të ministres Haxhiu. Ajo insistoi se termin “të zhdukur me forcë” nuk njihet në konventat ndërkombëtare.

“Për besë habitem me çfarë komoditeti del dhe flisni këtu. Më gjeni në ndonjë dokument ndërkombëtar të drejtësisë dhe konventave ndërkombëtare që merren me çështjen dhe mbrojtjen e personave të zhdukur me dhunë, termin ‘forcibly disappeared persons’. Më gjej dhe më thuaj”, tha deputetja Hoxha.

Në debat u inkuadrua edhe deputeti tjetër i LDK-së, Kujtim Shala, i cili paraqiti argumentet e tij se pse në Deklaratën për Personat e Zhdukur, Kosova barazohet me Serbinë për këtë çështje.

“Nëse shihni tekstin e deklaratës, pas kokës së saj që e bënë preambulën ka një formulim të tillë ‘Angazhohemi së bashku’. Pra kemi të bëjmë me dy palë të cilat marrin përsipër gjithçka që përmbajnë deklarata. Aq sa merr përsipër Serbia, merr përsipër edhe Kosova për të njëjtën çështje. Ky është barazim, kaq”, tha ai.

Kryeministri i Kosovës, Albin Kurti dhe presidenti i Serbisë, Aleksandër Vuçiq,

Nënshkrimi i Deklaratës për Personat e Zhdukur më 2 maj në Bruksel është bërë temë debati në seancën e sotme (e enjte) të Kuvendit të Kosovës. Nga Qeveria e Kosovës kanë thënë se përmes kësaj deklarate, Serbia pranon për herë të parë krimet e bëra gjatë luftës në Kosovë, mirëpo deputetët opozitarë kritikuan kryeministrin Kurti se ka gabuar ku ka pranuar të largohet termi “persona të zhdukur me dhunë”, i cili sipas tyre njihet edhe në konventat ndërkombëtare.

Por, zëvendëskryeministri, njëherësh kryenegociator i dialogut me Serbinë, Besnik Bislimi tha se ka dokumente të Gjykatës Evropiane të Drejtave të Njeriut që i referohen termit “persona të zhdukur me forcë”, siç figuron në deklaratën e nënshkruar.

Madje, Bislimi paraqiti një dokument që sipas tij është dakorduar në vitin 2020 nga Qeveria Hoti, që sipas tij, ka zero brengë për personat e zhdukur.

Përkitazi me këtë, ai tha se s’ka asnjë barazim në krime në Deklaratën për Personat e Zhdukur.

Bisilimi: Ka dokumente të Gjykatës Evropiane të Drejtave të Njeriut që i referohen personat e zhdukur me forcë

Video

“Kjo është deklarata që është dakorduar në Bruksel me 7 shtator 2020 nga ish-kryeministri Hoti. Kjo deklaratë i ka vetëm shtatë fjali, gjashtë prej tyre tregojnë se kush do të jetë kryesues i komisionit, si do të bëhet ai dhe kur do të kryhet puna. Pra ka zero brengë dhe sqarime për atë se sa është i rëndësishëm gjetja e personave të zhdukur. Ka edhe titullin ‘persona të pagjetur’. Këtu thuhet se me çështjen e të pagjeturve do të merremi 1 vit pasi të kemi marrëveshjen finale me Serbinë. Njëherë marrëveshja finale me Serbinë, pastaj do të merremi me këtë temë, pra zero urgjencë në trajtimin e kësaj çështje. Me 8 shtator 2020 i kemi deklaratat e zotëri Selmanaj i cili thotë se kjo temë është konsumuar dhe ezauruar. Kjo është brenga e deputetëve të LDK-së për temën e të pagjeturve. Deklarata që ne jemi dakorduar më 2 maj 2023 e ka titullin deklarata e kryeministrit Albin Kurti. Më tregoni nga data e fillimit të negociatave në Bruksel në vitin 2011 deri në këtë dokument kur një udhëheqësi të Kosovës i është referuar me titullin kryeministër apo president. Ju po thoni keni gabuar se keni hequr termin persona të zhdukur me dhunë, tregoni kur e keni futur ju në dokument që ne e kemi larguar. Këtu thotë ‘forcibly disappeared persons’, unë mund t’iu gjej dokumente të Gjykatës Evropiane të të Drejtave të Njeriu që i referohet personave të zhdukur me dhunë apo ‘forcibly disappeared persons’ në kuadër të drejtësisë ndërkombëtare. Është mirë vetëm të identifikoni një fjali këtu që vendos barazi në krime, personat e zhdukur nuk janë kategori e re, dihet me emra dhe mbiemra kush janë zhdukur. Është idiotësi me thënë se po barazohen krimet”, tha Bislimi.

Të kundërtën e kësaj e tha deputeti i LDK-së, Driton Selmanaj, i cili theksoi se nënshkrimi i deklaratës ku hiqet termi “persona të zhdukur me dhunë” është gabim historik dhe kombëtar i Kosovës.

Ndërkaq, shtoi se Qeveria Hoti e ka pasur top prioritet çështjen e personave të zhdukur.

Selmanaj: Qeveria e Kosovës ka gabuar me deklaratën për personat e zhdukur

Video

“Ne jemi kujdesur shumë që as mos të amnistojmë shtetin e Serbisë, as mos të barazojmë institucionalisht argumentet dhe faktet. Sigurisht jemi kujdes në fund që palët të kenë të drejtë të kërkojnë kompensim. Unë jam i bindur se ka gabuar rëndë Qeveria e Kosovës që ka pranuar që zhdukja me dhunë të hiqet nga dokumenti. Zhdukja me dhunë sipas konventës së OKB-së, neni 2 i saj flet qartazi se zhdukjen me dhunë e bëjnë agjentë shtetërorë në mënyrë të organizuar… Kjo është gabim historik dhe kombëtar që i është bërë shtetit të Kosovës. Referenca se Kosova paska dokumente edhe para vitit 2008 është gabim, gabim i madh, pasi Kosova s’ka asnjë dokument”, tha ai.

Në debat u përfshi edhe ministrja e Drejtësisë, Albulena Haxhiu, e cila tha se përmes nënshkrimit të Deklaratës për Personat e Zhdukur, Serbia pranon për herë të parë krimet e bëra në Kosovë gjatë luftës së fundit.

Ajo përmendi edhe disa deklarata të ish-eksponentëve të PDK-së që sipas saj kërkonin të amnistoheshin gjitha krimet e bëra gjatë luftës në Kosovë.

Haxhiu: Serbia për herë të parë pranon krimet e bëra, njerëz të PDK-së kanë kërkuar amnistimin e krimeve

Video

“Nënshkrimi i Deklaratës për të Zhdukurit e bën Serbinë përgjegjëse për krimet e zhdukjes me forcë të qytetarëve tanë. Për herë të parë përmes një dokumenti zyrtar Serbia pranon krimin e bërë dhe obligohet që të jap informacione për varrezat masive ku ende i mban qytetarët tanë. Po ashtu obligohet që mos t’i pengojë gërmimet siç ka ndodhur në vazhdimësi. Pra me atë deklaratë, Serbia pranon krimet shtetërore mbi popullin e Kosovës dhe qytetarët tanë. Për mua është e papranueshme që një deputet i Kuvendit të Kosovës thotë se Serbinë nuk e obligon ky dokument. Kjo është e papranueshme, pasi kjo është ajo çka Serbia dëshiron të dëgjojë… Ka pasur përpjekje nga qeveritë e kaluara, kur ato janë udhëhequr nga njerëzit e PDK-së që të amnistohen krimet që Serbia i ka bërë në Kosovë”, theksoi ajo.

Në anën tjetër, në reagimin e saj deputetja e PDK-së, Eliza Hoxha, u shpreh e habitur me këto deklarata të ministres Haxhiu. Ajo insistoi se termin “të zhdukur me forcë” nuk njihet në konventat ndërkombëtare.

Hoxha: Habitem me komoditetin e juaj ministre Haxhiu

Video

“Për besë habitem me çfarë komoditeti del dhe flisni këtu. Më gjeni në ndonjë dokument ndërkombëtar të drejtësisë dhe konventave ndërkombëtare që merren me çështjen dhe mbrojtjen e personave të zhdukur me dhunë, termin ‘forcibly disappeared persons’. Më gjej dhe më thuaj”, tha deputetja Hoxha.

Në debat u inkuadrua edhe deputeti tjetër i LDK-së, Kujtim Shala, i cili paraqiti argumentet e tij se pse në Deklaratën për Personat e Zhdukur, Kosova barazohet me Serbinë për këtë çështje.

“Nëse shihni tekstin e deklaratës, pas kokës së saj që e bënë preambulën ka një formulim të tillë ‘Angazhohemi së bashku’. Pra kemi të bëjmë me dy palë të cilat marrin përsipër gjithçka që përmbajnë deklarata. Aq sa merr përsipër Serbia, merr përsipër edhe Kosova për të njëjtën çështje. Ky është barazim, kaq”, tha ai.

Kryeministri i Kosovës, Albin Kurti dhe presidenti i Serbisë, Aleksandër Vuçiq, më 2 maj në Bruksel kanë nënshkruar Deklaratën për Personat e Zhdukur.

Related Topics:
Continue Reading

Lajmet

Sërish s’ka konstituim të Kuvendit, Nisma pret sinjal pozitiv nga LVV-ja

Published

7 hours ago

on

July 19, 2025

By

Deputetët e Kuvendit të Kosovës dështuan për të 49-tën herë me radhë për të konstituuar përbërjen parlamentare të dalë nga zgjedhjet e shkurtit.

Seanca e së shtunës u mbajt mes paralajmërimeve se më vonë gjatë ditës kreu i Lëvizjes Vetëvendosje, Albin Kurti, do të takohet me udhëheqësin e Nismës Socialdemokrate, Fatmir Limaj, në përpjekje për të arritur një marrëveshje për dalje nga ngërçi politik.

Seanca e radhës do të mbahet më 21 korrik në orën 11:00. 

Para seancës, deputetja e Nismës Socialdemokrate, Xhevahire Izmaku, tha se pret që sot të ndodhë takimi dhe të ketë vullnet poliitk nga Kurti.

“Ne presim që sot të zhvillohet takimi. Jemi në afatet e fundit kushtetuese. Unë pres një sinjal pozitiv nga ky takim, që besoj që sot do të ndodhë, dhe vulllnet politik nga lideri i LVV-së”, tha ajo për gazetarët.

Sipas Izmakut, partia e saj pret që Limaj të bëhet kryeparlamentar dhe LVV-ja të udhëheqë Qevernë.

Ajo tha se nuk ka ofertë tjerët, por shtoi se kjo është alternativa e vetme që vendi të dalë nga ngërçi dhe shteti të ketë institucione.

Izmaku po ashtu pretendoi se Limaj ka mbështetjen edhe të deputetëve e partive të tjera.

Deputeti nga AAK-ja, Lah Brahimaj, para nisjes së seancës pretendoi se Nisma, LVV-ja dhe Lista Serbe veçse kanë një marrëveshje në parim. Ai tha se kjo mbështetet në sjelljen e tyre, pasi pas çdo dështimi të seancës, deputetët e Nismës, LVV-së dhe Listës Serbe lëshojnë sallën plenare, ndërkaq partitë e tjera jo.

Sipas tij, AAK-ja nuk ka vota për Limajn kryeparlamentar.

Nga PDK-ja kishte qëndrime të ndryshme para nisjes së seancës. Nait Hasanaj tha se nuk do ta votonte Limajn për kryeparlamentar, por Fadil Nura tha se partia e tij ka interes që vendi të ketë institucione sa më shpejt.

“Shpresoj që PDK-ja do t’ia japë voton Fatmir Limajt”, tha ai.

Deputetët e Partisë Demokratike të Kosovës (PDK), Lidhjes Demokratike të Kosovës (LDK), Aleancës për Ardhmërinë e Kosovës (AAK) dhe Listës Serbe, që nga 1 maji po refuzojnë të propozojnë anëtarë për një komision që do të mbikëqyrte votimin e fshehtë për zgjedhjen e kryeparlamentarit.

LVV-ja, si parti fituese e zgjedhjeve, e ka të drejtën ekskluzive të propozimit të kryeparlamentarit, e ka propozuar Albulena Haxhiun për kryetare të organit ligjvënës. Megjithatë, Haxhiu është konsideruar si figurë përçarëse nga PDK-ja dhe AAK-ja që kanë kërkuar nga LVV-ja të ndryshojë propozimin, ndërkaq LDK-ja ka thënë se nuk do të votojë asnjë emër të partisë fituese për këtë post.

Lidhur me çështjen e konstituimit të Kuvendit, Gjykata Kushtetuese ka obliguar deputetët që brenda 30 ditësh – deri më 26 korrik – të zgjedhin kreun e ri të Kuvendit dhe më pas të votojnë nënkryetarët, duke përmbyllur kështu konstituimin e organit ligjvënës.

Deputetja e Kuvendit të Kosovës nga Nisma Socialdemokrate, Xhevahire Izmaku i ka thënë të premten Radios Evropa e Lirë se partia e saj qëndron në kërkesën që Limaj të zgjidhet kryeparlamentar.

“Ne qëndrojmë me kërkesën tonë – që mendojmë se është e arsyeshme – për pozitën e kryetarit të Kuvendit. Votat i kemi. Nëse propozohet emri i Fatmir Limajt, atëherë të hënën mund të konstituohet Kuvendi”, ka thënë Izmaku për Radion Evropa e Lirë.

Sipas saj, deri më tani nuk ka ndonjë sinjal të qartë nga Lëvizja Vetëvendosje se mund të arrihet një marrëveshje me Nismën Socialdemokrate, por “ekziston një ambient pozitiv”.

“Por, nuk mund të them se si do të jetë vendimmarrja. Situata është e paparashikueshme”, ka thënë mes tjerash ajo.

Teksa afati i caktuar nga Gjykata Kushtetuese po afrohet, presidentja e Kosovës, Vjosa Osmani, më herët gjatë javës paralajmëroi se nëse këto ditë nuk konstituohet Kuvendi, atëherë javën e ardhshme e para e shtetit do t’i drejtohet Kushtetueses.

Partitë që mandatin e kaluar ishin në opozitë argumentojnë se ndryshimi i votimit nga kryesuesi i seancës, Avni Dehari, për kryeparlamenetarin – nga i hapur në të mbyllur – është jokushtetues. Por, LVV-ja argumenton të kundërtën.

LVV-ja kërkon që për Albulena Haxhiun të votohet vetëm një herë përmes votimit të fshehtë dhe nëse nuk i siguron 61 votat e nevojshme, ajo do të tërhiqet nga gara.

Ajo nuk i ka siguruar votat e nevojshme në disa seanca radhazi që janë mbajtur me votim të hapur.

Pjesëtarë të shoqërisë civile kanë protestuar disa herë para ndërtesës së Kuvendit duke i thirrur deputetët në përgjegjësi.

Continue Reading

Lajmet

Popoviq në mbajtje për 48 orë pas fjalimit kundër UÇK-së, i sekuestrohen dy telefona

Published

8 hours ago

on

July 19, 2025

By

Igor Popoviq, ndihmësdrejtor i të ashtuquajturës “Zyrë për Kosovë” në Qeverinë e Serbisë, është ndaluar nga Policia e Kosovës dhe dërguar në mbajtje për 48 orë, pasi u arrestua të premten në pikën kufitare të Bërnjakut.

Arrestimi i Popoviqit vjen pas fjalimit të tij në Hoçë të Madhe të Rahovecit, ku ai akuzoi Ushtrinë Çlirimtare të Kosovës, duke e quajtur “organizatë terroriste” dhe duke krahasuar veprimet e saj me ato në Rripin e Gazës. Fjalimi u mbajt në një ceremoni përkujtimore.

Sipas raportit 24-orësh të Policisë, ndaj Popoviqit është iniciuar procedurë për veprën penale “Nxitje e përçarjes dhe e mosdurimit”, ndërsa gjatë ndalimit i janë sekuestruar edhe dy telefona.

Ministri i Brendshëm në detyrë, Xhelal Sveçla, deklaroi se “institucionet e sigurisë nuk do të tolerojnë ofendimet dhe shtrembërimet e historisë së Kosovës”, duke shtuar se ndaj Popoviqit do të veprohet në përputhje me ligjet në fuqi.

Ndërkohë, drejtori i të ashtuquajturës “Zyrë për Kosovë”, Petar Petkoviq, reagoi duke e cilësuar arrestimin si “të padrejtë” dhe pretendoi se Popoviq “vetëm tha të vërtetën”./BetimipërDrejtësi

Continue Reading

Lajmet

14-vjeçari ndalohet me armë zjarri dhe sprej në Ferizaj

Published

8 hours ago

on

July 19, 2025

By

Policia e Kosovës ka ndaluar një të mitur 14-vjeçar në Ferizaj, nën dyshimin për armëmbajtje pa leje dhe posedim të sprejit, në orët e para të mëngjesit të së shtunës.

Sipas njoftimit zyrtar, reagimi i policisë erdhi pas marrjes së një informacioni se një person i mitur po mbante me vete armë zjarri dhe sprej. Njësia policore ka ndërhyrë menjëherë, ka identifikuar të dyshuarin dhe e ka ndaluar në vendngjarje.

Gjatë kontrollit fizik, tek i mituri janë gjetur një armë zjarri pa fishekë dhe një sprej, të cilat janë sekuestruar si prova materiale.

I dyshuari është shoqëruar në stacionin policor dhe është intervistuar në prani të prindit dhe avokatit të caktuar sipas detyrës zyrtare. Me urdhër të prokurorit kujdestar, 14-vjeçari është liruar në procedurë të rregullt, ndërkohë që hetimet do të vazhdojnë.

Policia e Kosovës  u ka bërë thirrje qytetarëve që të raportojnë çdo rast të tillë për të garantuar sigurinë publik.

Continue Reading

Lajmet

Sot tentimi i 49-të për konstituimin e Kuvendit

Published

8 hours ago

on

July 19, 2025

By

Deputetët e zgjedhur do të mblidhen sot për herë të dyzet e nëntë herë (49), në vazhdimin e seancës për konstituimin e legjislaturës së nëntë duke filluar nga ora njëmbëdhjetë.

Vazhdimi i kësaj seance vjen pas më shumë se pesë muaj pesë që nga mbajtja e zgjedhjeve parlamentare në Kosovë.

Vazhdimet e deritanishme të seancës për konstituimin e legjislaturës së re kanë dështuar pasi koalicioni Lëvizja Vetëvendosje, Guxo dhe Alternativa nuk kanë votat e mjaftueshme për zgjedhjen e kryetarit të ri të Kuvendit.

Albulena Haxhiu ka dështuar në gjashtë përpjekje për të marrë votat e nevojshme në votim të hapur, dhe po ashtu ka dështuar edhe formimi i komisionit për votim të fshehtë.

Presidentja Vjosa Osmani ka thënë se nëse nuk konstituohet Kuvendi i Kosovës deri më 26 korrik, afat i përcaktuar nga Gjykata Kushtetuese, duhet të ketë pasoja juridike për deputetët.

Ajo theksoi se janë duke përgatitur lëndën për interpretim kushtetues për krizën politike, dhe nëse nuk ka formim të institucioneve as gjatë këtij vikendi, atëherë në fillim të javës së ardhshme do ta dërgojnë çështjen në organin më të lartë juridik të vendit.

Continue Reading

Të kërkuara