Lajmet

​COVID-19: Vdekjet janë si pasojë e një infeksioni bakterial

Viruset dhe bakteret punojnë në ekipe.

Published

4 years ago

on

Flitet shpesh për dhjetëra miliona vdekje të shkaktuara nga pandemia e gripit spanjoll të vitit 1918: por a jemi të sigurt se ishte vërtet virusi H1N1 që vrau të sëmurët?

Sipas një artikulli në ‘’The Conversation’’ të shkruar nga imunologu Hayley Muendlein, shpesh shkaku i vdekjeve të të infektuarve nga një virus nuk është vetë virusi, por një infeksion bakterial shoqërues.

Ky ishte rasti jo vetëm me gripin spanjoll, siç tregoi analiza e mostrave të indeve të mushkërive nga të vdekurit (kryesisht vdekjet nga pneumonia bakteriale), por edhe me pandemitë H2N2 të vitit 1957 dhe H1N1 të vitit 2009 kur pothuajse një e pesta e pacientëve të infektuar u prekën gjithashtu nga infeksionet bakteriale të cilat rrisin rrezikun e tyre për vdekje.

COVID-19 duket se reagon në të njëjtën mënyrë: sipas një rishikimi sistematik të kryer në vitin 2021, midis 16% dhe 28% e të rriturve të shtruar në ICU për shkak të COVID kishin gjithashtu një infeksion bakterial.

“Krahasuar me ata që sapo u infektuan me koronavirus, këta pacientë qëndruan në spital dy herë më shumë, ishin katër herë më të rrezikuar të kishin nevojë për ventilim mekanik dhe tre herë më shumë në rrezik të vdisnin”, shpjegon Muendlein.

Prania e gripit sezonal dhe marrja e një infeksioni bakterial në të njëjtën kohë rrit rrezikun e shtrimit në spital: dy bakteret që zakonisht shkaktojnë koinfeksion janë Streptococcus pneumoniae dhe Staphylococcus aureus, të cilët zakonisht jetojnë në heshtje në traktin tonë të frymëmarrjes.

Por si ndërveprojnë viruset dhe bakteret, duke dobësuar trupin e strehuesit të infektuar? Ata punojnë në ekipe: viruset në fakt janë në gjendje të vrasin qelizat epiteliale që mbulojnë mushkëritë dhe veprojnë si një pengesë kundër patogjenëve të thithur, duke i lënë bakteret të lira.

Viruset gjithashtu mund të ndryshojnë sipërfaqen e qelizave epiteliale dhe imune duke reduktuar numrin e receptorëve që i lejojnë ata të njohin patogjenët dhe të përgatisin trupin për një përgjigje./atsh/

Related Topics:
Continue Reading

Lajmet

Arrestohet një person në Mitrovicë, sulmoi policët dhe kanosi me vrasje

Published

46 minutes ago

on

June 19, 2026

By

Një person është arrestuar në Mitrovicën e Jugut, pasi dyshohet se ka sulmuar një qytetar dhe më pas disa zyrtarë policorë.

Sipas raportit 24-orësh të Policisë së Kosovës, i dyshuari, mashkull kosovar, në gjendje të dehur kishte goditur një person tjetër, duke i shkaktuar lëndime trupore.

Gjatë arrestimit në vendin e ngjarjes, i dyshuari ka sulmuar një zyrtar policor. Sulmet kanë vazhduar edhe në stacionin policor dhe më pas në spital, ku ai dyshohet se ka sulmuar edhe dy zyrtarë të tjerë policorë, ndërsa i ka kanosur verbalisht me vrasje.

Po ashtu, ai ka dëmtuar motoçikletën e viktimës dhe një veturë tjetër.

Si pasojë e incidentit, tre zyrtarë policorë dhe viktima kanë pranuar trajtim mjekësor. Pas trajtimit mjekësor, me vendim të prokurorit, i dyshuari është dërguar në mbajtje.

/A.K/

Continue Reading

Lajmet

Arrestohet një person në Qendrën Korrektuese të Dubravës, dyshohet se tentoi të fuste drogë për një të burgosur

Published

47 minutes ago

on

June 19, 2026

By

Një person është arrestuar në Qendrën Korrektuese të Dubravës, pasi dyshohet se ka tentuar të fusë substanca narkotike gjatë një vizite.

Sipas raportit 24-orësh të Policisë së Kosovës, oficerët korrektues kanë vërejtur lëvizje të dyshimta mes një të burgosuri dhe një vizitori, të dy meshkuj kosovarë, në sallën e vizitave.

Gjatë kontrollit të të burgosurit është gjetur dhe konfiskuar një sasi e substancës së dyshuar narkotike të llojit marihuanë, me peshë rreth 10 gramë. Dyshohet se substanca i ishte dorëzuar nga vizitori.

I dyshuari është arrestuar dhe, pas intervistimit, me vendim të prokurorit është dërguar në mbajtje për procedura të mëtejshme hetimore.

/A.K/

Continue Reading

Lajmet

Vdes një i burgosur në Burgun e Dubravës, trupi dërgohet për obduksion

Published

49 minutes ago

on

June 19, 2026

By

Një person që po vuante dënimin në Burgun e Dubravës ka ndërruar jetë gjatë ditës së enjte.

Sipas raportit 24-orësh të Policisë së Kosovës, viktima, mashkull kosovar, fillimisht është dërguar në qendrën mjekësore të burgut dhe më pas në Spitalin e Pejës, ku mjekët kanë konstatuar se ai ishte pa shenja jete.

Lidhur me rastin është njoftuar prokurori kujdestar, i cili ka urdhëruar inicimin e rastit.

Trupi i pajetë është dërguar në Institutin e Mjekësisë Ligjore për obduksion, ndërsa hetimet lidhur me rrethanat e vdekjes janë duke vazhduar.

/A.K/

Continue Reading

Lajmet

Vrasje e rëndë në tentativë në Prishtinë, dy persona të plagosur

Published

52 minutes ago

on

June 19, 2026

By

Dy persona kanë mbetur të plagosur si pasojë e një incidenti me armë zjarri që ka ndodhur në rrugën “Papa Gjon Pali” në Prishtinë.

Sipas raportit 24-orësh të Policisë së Kosovës, rasti është cilësuar si “Vrasje e rëndë në tentativë”. Dy viktima meshkuj kosovarë kanë pësuar lëndime trupore, pasi dyshohet se janë sulmuar nga një i dyshuar mashkull kosovar me armë zjarri.

Policia ka arritur ta lokalizojë të dyshuarin, i cili kishte pësuar plagë në këmbë dhe është dërguar për trajtim mjekësor në QKUK. Nën mbikëqyrje policore në QKUK po qëndrojnë njëri nga të lënduarit dhe i dyshuari.

Sipas mjekëve, njëra nga viktimat ndodhet në gjendje të rëndë shëndetësore.

Në vendin e ngjarjes kanë dalë njësitë relevante policore, të cilat kanë kryer ekzaminimet e nevojshme dhe kanë konfiskuar veturën në të cilën dyshohet se ka ndodhur rasti.

Me vendim të prokurorit, i dyshuari është ndaluar për 48 orë.

/A.K/

Continue Reading

Të kërkuara