Aktualitet

​Çmimi i naftës u rrit me një dollar për fuçi

Çmimi i naftës u rrit në fillim të këtij viti pasi lufta e Rusisë në Ukrainë rriti shqetësimet për furnizimin.

Published

on

Nafta u rrit 1 dollarë për fuçi të martën, duke përmbysur rëniet e mëparshme, pasi Rusia raportoi se eksportet e naftës në Evropë përmes tubacionit Druzhba ishin ndalur që nga fillimi i gushtit, duke ngritur shqetësime për furnizimin e ngushtë.

Kompania ruse e energjisë Transneft njoftoi se Ukraina ka pezulluar rrjedhën e naftës për shkak se sanksionet perëndimore e kanë bërë të pamundur pagesën e tarifave të transitit nga Moska.

Çmimi i një fuçie në tregun e Londrës u rrit me 92 centë në 97.57 dollarë krahasuar me ditën e mëparshme të tregtimit. Në tregun amerikan, një fuçi u tregtua me 1.02 dollarë më shumë, në 91.79 dollarë.

Deri në lajmet e Druzhbës, pritjet në rritje se recesioni do të reduktonte kërkesën për naftë kishin neutralizuar shqetësimet për furnizimin.

Tregu i naftës ndjeu gjithashtu ndikimin e negociatave për të ringjallur marrëveshjen bërthamore të Iranit që do të lejonte eksporte më të mëdha të naftës iraniane.

Bashkimi Evropian paraqiti të hënën një tekst “përfundimtar” për të ringjallur marrëveshjen e Iranit të vitit 2015. Një zyrtar i lartë i BE tha se një vendim përfundimtar mbi propozimin, i cili ka nevojë për miratimin e SHBA dhe Iranit, pritet brenda “disa javësh”.

Bisedimet u zvarritën me muaj pa një marrëveshje.

Eksportet e naftës së papërpunuar të Iranit janë të paktën një milion fuçi në ditë nën nivelet e vitit 2018 kur presidenti i atëhershëm i ShBA Donald Trump u tërhoq nga marrëveshja bërthamore, kështu që marrëveshja mund të lejojë një rritje të konsiderueshme të furnizimit.

Çmimi i naftës u rrit në fillim të këtij viti pasi lufta e Rusisë në Ukrainë rriti shqetësimet për furnizimin, me çmimin në tregun e Londrës që arriti rreth 139 dollarë në mars, afër nivelit më të lartë të të gjitha kohërave.

Çmimi i naftës në tregun e Londrës ra në 92.78 dollarë të premten, më i ulëti që nga shkurti, pasi paralajmërimi i Bankës së Anglisë të enjten për një rënie të zgjatur rriti pritjet për konsum më të ulët të karburantit.

Në një raport të veçantë, OPEC njoftoi sot se një fuçi e shportës së naftës të anëtarëve të tij qëndroi në 100.78 dollarë të hënën, që do të thotë se u rrit me 77 cent në krahasim me ditën e mëparshme të tregtimit.

Bota

BE: Të përkushtuar ndaj përpjekjeve të SHBA-së për një marrëveshje tregtare

Published

on

By

Pas telefonatave me zyrtarët amerikanë, komisioneri i Tregtisë i BE-së Marosh Shefçoviç theksoi se Komisioni Evropian mbetet i përkushtuar për të arritur një marrëveshje tregtare me Shtetet e Bashkuara.

Në një postim në platformën e mediave sociale X, ai tha se zhvilloi “biseda pozitive” me sekretarin e Tregtisë të SHBA-së Howard Lutnick dhe Përfaqësuesin e Tregtisë Jamieson Greer, duke shtuar se Komisioni i BE-së do të “qëndrojë në kontakt të vazhdueshëm me Shtetet e Bashkuara”.

Presidenti i SHBA-së, Donald Trump e zgjati afatin për tarifat e tij të planifikuara prej 50% për mallrat e BE-së deri më 9 korrik, pas një telefonate me presidenten e Komisionit Evropian Ursula von der Leyen.

Trump kishte thënë se bisedimet tregtare me Brukselin “nuk po çojnë askund” dhe se për këtë arsye ai dëshironte një tarifë të drejtpërdrejtë prej 50% për të gjitha importet e BE-së duke filluar nga 1 qershori.

Continue Reading

Bota

50 persona të plagosur pasi makina përplasi turmën në Liverpool

Published

on

By

Një burrë është arrestuar pasi një automjet goditi dhjetëra njerëz në Water Street që po festonin titullin e Premier League të Liverpool FC të hënën, thanë autoritetet.

Ndihmësshefe e Policisë së Merseyside, Jenny Sims, tha në një konferencë për shtyp të hënën në mbrëmje se një 53-vjeçar britanik i bardhë nga zona e Liverpulit u arrestua në lidhje me incidentin, i cili “nuk po trajtohet si terrorizëm”.

Të paktën 27 persona u dërguan në spital, shpjegoi David Kitchen i Shërbimit të Ambulancës Veriperëndimore, pasi deklaroi se të gjithë ishin “të tmerruar dhe të trishtuar” nga incidenti.

Ai shtoi se 20 persona të tjerë u trajtuan në vend për lëndime të lehta, ndërsa disa të tjerë të panjohur raportuan në spitalet e qytetit. Midis të plagosurve ishin edhe katër fëmijë.

Katër persona tre të rritur dhe një fëmijë, u desh të shpëtoheshin nga poshtë automjetit, sipas Shefit të Zjarrfikësve të Shërbimit të Zjarrfikësve dhe Shpëtimit të Merseyside, Nick Searle.

Autoritetet u kërkuan përsëri njerëzve të mos spekulojnë më tej mbi rrethanat dhe të përmbahen nga shpërndarja e pamjeve të incidentit në mediat sociale.

Më herët të hënën, shërbimet e emergjencës kishin ngritur tenda dhe një restorant aty pranë u përdor si qendër mjekësore emergjente, raportuan mediat vendase.

Continue Reading

Bota

Merz thotë se aleatët e Kievit nuk do ta kufizojnë më rrezen e përdorimit të armëve për Ukrainën

Published

on

By

Kancelari gjerman, Friedrich Merz, tha të hënën se Gjermania, së bashku me aleatët e tjerë kyç perëndimorë të Ukrainës, kanë hequr kufizimet në rrezen e lejuar për përdorim të armëve që ia dërgojnë Kievit për t’u mbrojtur kundër Rusisë.

Merz, i cili mori detyrën në fillim të këtij muaji, gjithashtu premtoi se “do të bëjmë gjithçka që kemi në dorë për të vazhduar mbështetjen për Ukrainën, përfshirë edhe ushtarakisht”, në koordinim të ngushtë me aleatët e tjerë.

Nuk ka më kufizime në rreze për armët që i dorëzohen Ukrainës – as nga britanikët, as nga francezët, as nga ne dhe as nga amerikanët”, tha ai.

Kjo do të thotë se Ukraina tani mund të mbrohet, për shembull, duke sulmuar pozicione ushtarake në Rusi… Me përjashtime të pakta, nuk e ka bërë këtë deri tani. Tani mund ta bëjë”, shtoi ai.

Qeveria e mëparshme gjermane e kancelarit të qendrës së majtë, Olaf Scholz, mbështeti fuqishëm Kievin, por shmangu dërgimin e raketave me rreze të gjatë Taurus, nga frika se kjo mund të përshkallëzonte tensionet me fuqinë bërthamore, Rusinë.

Merz ka thënë më parë se ai është pro dërgimit të raketave Taurus, të cilat mund të godasin objektiva thellë në territorin rus.

Qeveria e tij që nga atëherë ka theksuar se nuk do të zbulojë më detaje mbi armatimin që po i dërgon Ukrainës, duke preferuar një qëndrim të paqartësisë strategjike.

Duke folur në një intervistë të gjatë për transmetuesin publik WDR, Merz nuk tha nëse Gjermania do të dërgojë tani raketat Taurus në Kiev.

Megjithatë, kancelari i sapoemëruar e shfrytëzoi rastin për të kritikuar mungesën e gatishmërisë së presidentit rus, Vladimir Putin, për t’u angazhuar në bisedime për t’i dhënë fund luftimeve në Ukrainë.

Shefi i Kremlinit ka reaguar ndaj përpjekjeve diplomatike për të ndalur konfliktin duke e ndjekur luftën “më ashpër se më parë”, tha Merz për WDR.

Putin, në mënyrë të qartë, i sheh ofertat për bisedime si një shenjë dobësie”, tha Merz.

Që kur presidenti amerikan, Donald Trump, u rikthye në Shtëpinë e Bardhë këtë vit, ai ka kërkuar të shtyjë të dyja palët, Ukrainën dhe Rusinë, drejt bisedimeve të drejtpërdrejta në nivelin më të lartë.

Javën e kaluar, Trump sugjeroi Vatikanin si vend të mundshëm pritës për një takim, me qeverinë italiane që deklaroi se udhëheqësi i Kishës Katolike ishte i gatshëm të organizonte bisedimet.

Por, Moska ka shprehur dyshime për potencialin e Selisë së Shenjtë si ndërmjetësuese.

Ministri i Jashtëm rus, Sergei Lavrov, tha se do të ishte “jo elegante” që Kisha Katolike të ndërmjetësonte bisedime mes dy vendeve kryesisht ortodokse.

Merz tha se mbështetësit perëndimorë të Ukrainës kanë kërkuar të përdorin të gjitha opsionet diplomatike të disponueshme për të nisur bisedimet.

Pas tri javëve të fundit, askush nuk mund të na akuzojë seriozisht se nuk i kemi shteruar të gjitha mjetet diplomatike që kishim në dispozicion”, tha Merz. Përveç “ngritjes së flamurit të bardhë”, mbështetësit e Ukrainës kanë “bërë gjithçka që kanë mundur.”

Nëse edhe një ofertë për takim në Vatikan nuk merr aprovimin e [Putinit], atëherë duhet të jemi të përgatitur që kjo luftë të zgjasë më shumë se sa dëshirojmë apo mund të imagjinojmë”, tha Merz./REL/

Continue Reading

Bota

OBSH-ja kërkon të lejohet hyrja e kamionëve me ndihma mjekësore në Gazë

Published

on

By

Një zyrtar i lartë i Organizatës Botërore të Shëndetësisë dënoi të hënën faktin që asnjë nga kamionët e agjencisë me ndihma mjekësore nuk u lejua të hynte në Rripin e Gazës që nga përfundimi i bllokadës nga Izraeli.

Ndihma humanitare ka filluar të depërtojë sërish në territorin palestinez gjatë ditëve të fundit, pas më shumë se dy muajsh me qasje të bllokuar.

Por, për më shumë se 11 javë, “nuk ka pasur asnjë kamion të OBSH-së që ka hyrë në Gazë për mbështetje në kujdesin mjekësor”, tha drejtoresha rajonale për Mesdheun Lindor e OBSH-së, Hanan Balkhy, gjatë një konference për media në Gjenevë.

Situata është shkatërruese. Ne jo vetëm që jemi të shqetësuar për punën që po mbështesim, dhe dëshirojmë e shpresojmë të vazhdojmë ta mbështesim popullin, por jemi jashtëzakonisht të shqetësuar për pasojat e kësaj”, tha ajo, duke përmendur ndikimin për brezat që do të vijnë.

Izraeli ka intensifikuar një ofensivë të re për ta shkatërruar grupin militant Hamas – të shpallur organizatë terroriste nga SHBA-ja dhe BE-ja – duke nxitur dënime ndërkombëtare për bllokadën që ka filluar në mars dhe që ka shkaktuar mungesa të rënda ushqimore dhe mjekësore.

Rreth 400 kamionë kanë marrë dritën e gjelbër për të hyrë në Gazë… por furnizime nga vetëm 115 kamionë kanë arritur të kalojnë – dhe asgjë nuk ka arritur në veriun e rrethuar,” tha Balkhy, duke shtuar se asnjëri prej tyre nuk ishte i OBSH-së.

Ajo tha se 51 kamionë me pajisje mjekësore ndodheshin në pritje për të kaluar kufirin.

Ahmed Zouiten, drejtori për emergjenca i rajonit të OBSH-së, tha se ai shpresonte që ishte vetëm çështje kohe para se kamionët e agjencisë shëndetësore të OKB-së të mund të hynin në territor.

Por, ai tha se ishte “shumë herët për ne ta dimë” nëse ata do të kalonin së shpejti apo nëse kishte “çështje që duhet t’i ndjekim më tej”.

Ofensiva e re e Izraelit ka nxitur kritika ndërkombëtare, me liderë evropianë dhe arabë që janë takuar në Spanjë për të kërkuar një fund të luftës “çnjerëzore” dhe “pa kuptim”, ndërkohë që grupet humanitare thonë se kjo sasi e vogël ndihmash është larg së mjaftuari.

Sulmi i Hamasit në tetor të vitit 2023 ndaj Izraelit, që shkaktoi luftën, rezultoi me vdekjen e 1.218 personave, kryesisht civilë, sipas një përllogaritjeje të AFP-së bazuar në shifra zyrtare.

Militantët gjithashtu morën 251 pengje, nga të cilët 57 mbeten në Gaza, përfshirë 34 që ushtria izraelite thotë se janë të vdekur.

Të hënën, Ministria e Shëndetësisë në Gazën e drejtuar nga Hamasi tha se të paktën 3.822 persona janë vrarë në territor që nga kolapsi i armëpushimit më 18 mars, duke e çuar numrin total të viktimave të luftës në 53.977, kryesisht civilë./REL/

Continue Reading

Të kërkuara