Shëndeti

Cili është peshku më i shëndetshëm e më i rrezikshëm për t’u ngrënë?

Disa nga peshqit më të shëndetshëm për t’u ngrënë janë salmoni i egër, sardelet, harenga, trofta, skumbri, dhe merluci.

Published

3 years ago

May 10, 2022

Betim Gashi

Peshku është i mirë jo vetëm që është plot proteina dhe me pak yndyra të ngopura, por është i pasur edhe me acide yndyrore omega-3 që zvogëlojnë rrezikun e sëmundjeve të zemrës dhe goditjes në tru. Por disa lloje peshqish janë edhe të rrezikshëm nëse hahen shumë.

“Historikisht, peshku ka qenë gjithmonë pjesë e dietës së banorëve të zonave blu, ku jetojnë 100-vjeçarë. Është interesante se në këto rajone, njerëzit hanë kryesisht ushqime bimore, me sasi të vogla të proteinave shtazore, përfshirë peshkun”, tha dietologia dhe dietologia Felicia Stoler.

Por ajo që është e rëndësishme për shëndetin është edhe mënyra se si përgatitet peshku. Kur skuqet në vaj të thellë, humbet vlerën e tij shëndetësore. Është mirë të konsumoni peshk të gatuar ose të pjekur në skarë, dhe i ngrirë është po aq i mirë sa i freskët, tha Stoler për PureWow.

Disa nga peshqit më të shëndetshëm për t’u ngrënë janë salmoni i egër, sardelet, harenga, trofta, skumbri, dhe merluci. Ekspertët rekomandojnë të hani rreth 300 gramë peshk ose ushqim deti në javë.

Gjurmët e merkurit gjenden në të gjitha llojet e peshqve dhe butakëve. Edhe pse nuk do të ndikojë në shëndetin tuaj në sasi të vogla, është toksik në sasi më të mëdha.

Ekspozimi i metil-merkurit lidhet me zhvillimin e vonuar neurologjik, humbjen e shikimit periferik, mungesën e lëvizshmërisë ose koordinimit, dëmtimin e të folurit dhe dobësinë e muskujve, sipas Agjencisë Amerikane për Mbrojtjen e Mjedisit.

Gratë shtatzëna që konsumojnë metil-merkur mund t’i ekspozojnë foshnjat e tyre ndaj problemeve të sistemit nervor dhe problemeve neurologjike. Në sasi të mëdha mund të shkaktojë dëmtime të përhershme në tru dhe në sistemin nervor, paralajmëron Agjencia për Substancat Toksike dhe Regjistri i Sëmundjeve. Agjencia për Mbrojtjen e Mjedisit madje e konsideron metil-merkurin një kancerogjen të mundshëm për njerëzit.

Prandaj, duhet të shmanget konsumimi i tepërt i peshkut me përmbajtje të lartë të merkurit, ndërsa gratë shtatzëna, gratë gji-dhënëse dhe fëmijët e vegjël duhet të kufizojnë plotësisht marrjen e tij. Disa nga këto specie janë peshkaqeni, peshku shpatë dhe toni.

Shëndeti

Ushqimet më të mira kundër fryrjes së stomakut

Published

2 days ago

May 8, 2025

Albina Zeneli

Dhimbjet e barkut, gazrat dhe fryrja e stomakut janë simptoma të një tretjeje problematike por edhe pasoja të ushqyerjes së keqe.

Ka ushqime të caktuara që shkaktojnë fryrje artificiale të stomakut por edhe gazra të vazhdueshme dhe një ndjesi parehatie të madhe.

Në shumë raste, fryrja e stomakut mund të eliminohet falë konsumit të ushqimeve dhe pijeve të caktuara të shëndetshme për tretjen.

Cilat janë ushqimet që eliminojnë fryrjen e stomakut?

Kivi – Një frut i pasur me fibër. Ekspertët thonë se ngrënia e dy frutave në ditë për katër javë me rradhë eliminon konstipacionin dhe fryrjet e stomakut.

Çaji i nenexhikut – Ky çaj është përdorur prej shekujsh për të përmirësuar tretjen e zgjidhur problemet e stomakut. Ky çaj ose suplementët e nenexhikut mund të konsumohen rregullisht për katër javë. Në këtë mënyrë përgjysmojnë simptomat e problemeve me tretjen dhe do të shfryjnë stomakun.

Bananja – Ky frut është një burim i pasur i fibrës e cila ushqen bakteret e mira në stomak dhe përmirëson tretjen. Gratë që hanë dy banana në ditë për 2 muaj me rradhë kanë një bark më të sheshtë.

Kefiri – Përmban enzimë të rëndësishme që shpërbën laktozën, një sheqernë tek qumështi që shkakton probleme me stomakun. Pirja e kefirit zgjidh problemet me tretjen dhe eliminon fryrjen dhe gazrat me të paktën 70%.

Xhenxhefili – Xhenxheri është përdorur prej mijëra vitesh për të qetësuar stomakun e përmirësuar tretjen. Ai qetëson muskujt e lejon trupin të nxjerrë gazrat më me lehtësi. Xhinxheri, një prej përbërësve kryesorë të këtij zhardhoku, ofron përfitime të shkëlqyera për stomakun dhe tretjen.

Pjepri – Ka aftësi çliruese edhe madje ndihmon në eliminimin e ujrave të tepërt nga organizmi. Ai shfryn stomakun por edhe shërben si zëvendësues natyral i elektroliteve sepse është shumë i pasur me kalium. /UBT News/

Shëndeti

Qëndrimi ulur për periudha të gjata rrit rrezikun për sëmundje kronike

Published

2 days ago

May 8, 2025

Albina Zeneli

Qëndrimi ulur për më shumë se 6 orë në ditë lidhet me rritjen e rrezikut për diabet, obezitet dhe sëmundje të zemrës, paralajmërojnë ekspertët e shëndetit.

Rekomandohet ngritja dhe lëvizja çdo 30–60 minuta.

Kur trupi është në gjendje pasive për periudha të gjata, metabolizmi ngadalësohet, muskujt e këmbëve dobësohen dhe qarkullimi i gjakut ngadalësohet, duke rritur rrezikun për mpiksje gjaku dhe tension të lartë.

Zgjidhja praktike është përdorimi i tavolinave të ngritura, pushimet aktive ose ecjet e shkurtra gjatë ditës së punës.

Edhe lëvizje të vogla, si shtrirja apo ushtrime të lehta, bëjnë ndryshim të madh në afatgjatë.

Shëndeti

Të mirat dhe “dëmet” nga konsumimi i fasuleve

Published

2 days ago

May 8, 2025

Albina Zeneli

Fasulet konsiderohen si ushqim i shëndetshëm dhe janë të pasura më shumë vitamina. Por, ato kanë edhe disa efekte jo shumë të këndshme.

Ndër dobitë e fasuleve janë përmbajtja e lartë e hekurit, kaliumit, fibrave, proteinave dhe vitaminës B, transmeton EO.

Gjithashtu fasulet kanë veti kundër kancerit, për shkak të kimikateve që përmbajnë të cilat luftojnë qelizat kancerogjene.

Ndër të tjera parandalojnë sëmundjet e zemrës, ulin kolesterolin dhe ndihmojnë në humbje peshe, për shkak se ngopin dhe nuk shëndoshin.

Të prekurit nga diabeti nuk duhet t’i ndajnë nga tryeza, për shkak se garantojnë një burim të qëndrueshëm të glukozës.

Por krahas dobive fasulet kanë edhe efekte të pakëndshme si gazrat, rritje të presionit të gjakut dhe stimulojnë shkaktimin e migrenë.

Shëndeti

Ankthi i heshtur: Si manifestohet te gratë dhe pse nuk merret seriozisht?

Published

2 days ago

May 8, 2025

Albina Zeneli

Ajo është vajza që gjithmonë mban situatat nën kontroll. Qesh, është e organizuar, e vëmendshme me të gjithë. Por ajo që nuk shohim është lodhja që ndjen nga brenda, ndjesia e përhershme e ankthit dhe tensionit që nuk shprehet me fjalë.

Shpesh, tek gratë ankthi nuk vjen me panik apo shpërthime emocionale, por me një ndjesi konstante të “mosmjaftueshmërisë”.

Perfeksionizmi, mbingarkesa me përgjegjësi dhe pritshmëritë sociale bëjnë që shumë gra ta fshehin ankthin me një buzëqeshje, madje edhe nga vetja e tyre.

Mjekët dhe rrethi shoqëror mund të mos e kuptojnë fare – sepse gratë kanë mësuar ta mbajnë veten gjithmonë “në rregull”.

Por kjo është pikërisht ajo që e bën ankthin e tyre më të rrezikshëm: fakti që nuk merret seriozisht, as kur ka nevojë urgjente për ndihmë.

Stop ankthit të heshtur!