Lajmet

Çfarë është aluloza në ushqimet që konsumojmë?

Published

4 years ago

August 21, 2021

Betim Gashi

Aluloza është një sheqer i thjeshtë që gjendet natyrshëm në sasi të vogla në ushqime të caktuara si gruri, fiqtë, rrushi, sheqer kafe, shurupi i panjës.

Ky ëmbëlsues ka dalë në treg në vitin 2015 dhe ka arritur një popullaritet të madh, pasi ka 90 për qind më pak kalori sesa sheqeri i rregullt.

Dietologia Joan Salge Blake, një profesoreshë e të ushqyerit klinik në Universitetin e Bostonit, thotë se përveç se përmban një sasi shumë të vogël kalorish, efekti i alulozës në sheqerin në gjak është minimal, kështu që mund të jetë e dobishme për personat me diabet.

Në prill 2019, Administrata e Ushqimit dhe Barnave (FDA) lëshoi udhëzime që aluloza do të vazhdonte të llogaritej në kaloritë totale në ushqim, por agjencia do t’u lejonte prodhuesve të “ushtronin diskrecionin për të lejuar përdorimin e një numri të kalorive të rishikuar, më të ulët”.

Kjo do të thotë që prodhuesit tani u lejohet të përdorin 0.4 kalori për gram alulozë kur përcaktojnë numrin e kalorive që rrjedhin nga aluloza. Para kësaj, aludimi llogaritej si katër kalori për gram ëmbëlsues, që është i njëjti numër i kalorive që ka sheqeri i zakonshëm.

“Për shkak se trupat tanë reagojnë ndryshe ndaj alulozës sesa sheqeri i rregullt, FDA ka vendosur ta përjashtojë atë nga deklarata e sheqerit”, shpjegon Sara Marjoram, një dietologe e regjistruar nga Atlanta.

“Shkenca kohët e fundit ka zbuluar mënyra për të prodhuar alulozë në një shkallë më të gjerë përmes procesit të përpunimit të misrit. Shija e saj është e ngjashme me sheqerin dhe mund të përdoret në produkte të pjekura, të ngrira ose të lëngshme për të arritur ëmbëlsinë e tyre,” shton ajo.

Ekzistojnë lloje të ndryshme të sheqernave, të cilat përfshijnë monosakaride, disakaride dhe oligosakaride. Dietologia Stephanie Ambrose thotë se monosakaridet janë sheqernat e thjeshtë, që përfshijnë glukozë, fruktozë dhe galaktozë.

“Sheqeri i zakonshëm përbëhet nga glukoza dhe fruktoza. Kur kombinohen dy monosakaride, formohet një disakarid. Aluloza, si një sheqer i thjeshtë, është një alternativë e shkëlqyeshme për individët që po përpiqen të humbin peshë dhe të ushqehen më shëndetshëm”, tha Ambrose.

Aluloza është në listën e ushqimeve të FDA-së që zakonisht njihen si të sigurta, një etiketë e njohur me shkurtesën GRAS. Kjo do të thotë që përbërësi është i sigurt në kushtet e përdorimit të synuar, por, thonë ekspertët, kjo nuk do të thotë që nuk duhet të keni kujdes kur e konsumoni.

“Kaloritë shtohen shpejt nëse përdorni sheqer të rregullt, që do të thotë se mund të zvogëloni ndjeshëm marrjen e kalorive duke zëvendësuar sheqerin e rregullt me alulozë. Nuk shkakton prishjen e dhëmbëve, i cili është një problem që ndodh me përdorimin e lartë të sheqerit te fëmijët dhe të rriturit”, tha Ambrose.

Related Topics:aluloza konsum kryesore ushqime

Up Next

Paris Hilton do t’i ketë dhjetë fustane në dasmën e saj

Don't Miss

Sa i shëndetshëm është uji mineral?

Lajmet

Peci: Të gjithë e shohim Nismën si partner eventual, ka pasur takime me Limajn

Published

15 minutes ago

June 2, 2025

UBTnews

Ministri në detyrë, Faton Peci ka thënë se Vetëvendosje e sheh Nismën si partner eventual.

“Për negociatat me Nismën Socialdemokrate negociatat e zhvillon Lëvizja Vetëvendosje ose kryeministri Albin Kurti. Ka pasur takime me Fatmir Limajn, para dy a tri ditësh. Nuk e di se në çfarë niveli është realizuar. Është konfirmuar edhe nga akterët e Vetëvendosje. Deri në këtë fazë nuk jam në dijeni të ketë lëvizur diçka. Ne të gjithë e shohim Nismën si partner eventual”, deklaroi Peci.

“Çdo herë vijmë me shpresën se ka lëvizur diçka nga kampi opozitar. E vërteta është që qytetarët presin që ne me ju ofru zgjidhje, ne nuk kemi bërë lëvizje në këtë drejtim. Tash, në vazhdimësi kemi komunikim. Unë nuk jam prej atyre që kam zhvilluar bisedime”, theksoi ai.

I pyetur se pse nuk po e ndërrojnë kandidaten për kryetare të Kuvendit, Albulena Haxhiu, Peci tha se “nuk është fundi i botës që opozita ta respektojë vendimin e Kushtetueses dhe të marrë pjesë në votim”.

“E kemi dhënë sqarimin, nuk është fundi i botës që deputetët të marrin pjesë në votim dhe ta respektojnë vendimin e Gjykatës Kushtetuese.”

Lajmet

Presidentja Osmani pret delegacionet ndërkombëtare për Forumin Ndërkombëtar për Gratë, Paqen dhe Sigurinë

Published

1 hour ago

June 2, 2025

UBTnews

Presidentja e Republikës së Kosovës, Vjosa Osmani, ka pritur delegacionet ndërkombëtare të cilat do të marrin pjesë në edicionin e tretë të Forumit Ndërkombëtar për Gratë, Paqen dhe Sigurinë.

Ceremonia zyrtare e hapjes së Forumit do të mbahet nga ora 10:00 dhe do të mirëpresë mbi një mijë pjesëmarrës nga më shumë se 45 shtete të ndryshme të botës.

Ky forum, që tashmë është shndërruar në një platformë ndërkombëtare me ndikim për çështjet e grave dhe sigurisë globale, këtë vit zhvillohet nën temën “Kodi i Sigurisë për Brezin Tonë”.

Lajmet

Sot tentimi i radhës për konstituimin e Kuvendit

Published

2 hours ago

June 2, 2025

UBTnews

Për herë të njëzet e pestë deputetët sot do t’i drejtohen ulëseve të tyre në përpjekje për të konstituuar legjislaturën e nëntë të dalë nga zgjedhjet 9 shkurtit.

Seanca konstituive ka nisur më 15 prill dhe deri tash të gjitha përpjekjet kanë dështuar.

Vazhdimi i radhës sot pritet të mbahet në orën 10:30. Vazhdimet e kaluara kanë qenë të shkurtra, për shkak të mos votimit të komisionit për mbikëqyrjen e votimit të fshehtë për zgjedhjen e Albulena Haxhiut – të cilin po e kërkon Lëvizja Vetëvendosje, Guxo e Alternativa, por që nuk po votohet nga partitë e tjera parlamentare.

Këto të fundit po këmbëngulin që të ndërrohet emri i kandidatit për të parin e Kuvendit, duke thënë se nuk do ta votojnë Albulena Haxhiun.

Grupi parlamentar i Aleancës për Ardhmërinë e Kosovës tashmë e ka dërguar në Kushtetuese për interpretim mënyrën e votimit të fshehtë për zgjedhjen e kreut të ri të Kuvendit./KosovaPress

Lajmet

Osmani pranoi letrat kredenciale nga ambasadori i ri i Hungarisë në Kosovë

Published

3 days ago

May 30, 2025

UBTnews

Presidentja Vjosa Osmani ka pranuar sot letrat kredenciale nga ambasadori i ri i Hungarisë në Prishtinë Laszlo Istvan Dux.

Gjatë ceremonisë, presidentja Osmani i uroi mirëseardhje ambasadorit Dux, duke theksuar faktin se Hungaria ka qenë ndër vendet e para që e ka njohur pavarësinë e Kosovës.

Osmani vlerësoi marrëdhëniet ndërmjet dy shteteve dhe shprehu përkushtimin për zgjerimin e mëtejshëm të bashkëpunimit në fusha me interes të përbashkët, veçanërisht në arsim dhe ekonomi, raporton KosovaPress.