Shëndeti

Çfarë duhet të hani sipas moshës, për të jetuar shëndetshëm?

Published

3 years ago

October 25, 2022

UBT news

Mosha: 0-2 vjeç

Zarzavate, jeshillëqe, vezë dhe bulmet. Vezët janë të pasura me hekur, perimet si spinaqi apo brokoli përveçse me vlera ushqyese mund të përgatiten lehtësisht si pure dhe gjithashtu kosi, qumështi apo djathi janë të nevojshme për rritjen e bebushit!

Mosha: 2-vjeç- deri në adoleshencë

Fara dhe qumësht gjysmë i skremuar. Në këtë moshë kaloni tek qumështi gjysmë i skremuar dhe farat e llojeve të ndryshme për të fituar ca zakone të shëndetshme me mënyrën sesi ushqeheni. Mos hiqni dorë nga perimet dhe jeshillëqet sepse hekuri është shumë i rëndësishëm!

Mosha: Të rriturit e rinj

Mishra pa dhjam dhe shije të kuzhinave të ndryshme! Kjo është faza e eksperimentimit me kuzhinat. Për të mbajtur një dietë të balancuar, sigurohuni të keni një regjim ushqimor të pasur me mish (pa dhjam), fruta, perime, qiqra, etj. Është një fazë ideale për t’u ushtruar fizikisht si dhe për të provuar receta të reja nga e gjithë bota. Për vajzat në fillim të ciklit menstrual mirë është të fitojnë hekurin duke konsumuar më shumë vezë, spinaq dhe fruta të thata.

Mosha: Të 20-at

Vitamina B është shumë e rëndësishme në këtë moshë! Duke qenë se stili i jetës ka nisur të ndryshojë (alkooli, kafja, stresi, pagjumësia, etj) shumë të rinj kanë mungesë vitamine B. Prandaj, duhet konsumuar peshku me shumicë, mishi, bulmeti dhe vezët.

Mosha: +30

Drithëra! Shumica e njerëzve që hyjnë në të 30-at ndërgjegjësohen të kujdesen edhe më shumë për atë çfarë hanë, prandaj kalojnë tek drithërat. Ju duhen ushqime të pasura me fibra!

Mosha: Të 40-at

Ushqime të pasura me antioksidantë. Në këtë fazë të jetës, trupi ka nevojë për antioksidantë për të parandaluar dëmtimin e qelizave. Mos harroni frutat shumëngjyrëshe dhe perime!

Mosha: +50

Më shumë vaj ulliri, më pak gjalp. Eshtë periudha që duhet të kujdeseni për peshën, diabetin dhe problemet me zemrën. Prandaj kujdes me yndyrnat. Prandaj, shumë vaj ulliri, arra dhe fara.

Mosha: +60

Proteina! Për të ruajtur strukturën e muskujve, kockave dhe për të pasur stil të shëndetshëm jete. Proteinat gjenden në produktet e mishit, fasulet dhe arrat.

Mosha: 70+

Në këtë moshë, uria vjen duke u reduktuar, prandaj duhet të jeni të ndërgjegjshëm që ushqimet që konsumoni të përfshihen gjithë vlerat ushqyese.

Shëndeti

Ushqimet më të mira kundër fryrjes së stomakut

Published

8 hours ago

May 8, 2025

Albina Zeneli

Dhimbjet e barkut, gazrat dhe fryrja e stomakut janë simptoma të një tretjeje problematike por edhe pasoja të ushqyerjes së keqe.

Ka ushqime të caktuara që shkaktojnë fryrje artificiale të stomakut por edhe gazra të vazhdueshme dhe një ndjesi parehatie të madhe.

Në shumë raste, fryrja e stomakut mund të eliminohet falë konsumit të ushqimeve dhe pijeve të caktuara të shëndetshme për tretjen.

Cilat janë ushqimet që eliminojnë fryrjen e stomakut?

Kivi – Një frut i pasur me fibër. Ekspertët thonë se ngrënia e dy frutave në ditë për katër javë me rradhë eliminon konstipacionin dhe fryrjet e stomakut.

Çaji i nenexhikut – Ky çaj është përdorur prej shekujsh për të përmirësuar tretjen e zgjidhur problemet e stomakut. Ky çaj ose suplementët e nenexhikut mund të konsumohen rregullisht për katër javë. Në këtë mënyrë përgjysmojnë simptomat e problemeve me tretjen dhe do të shfryjnë stomakun.

Bananja – Ky frut është një burim i pasur i fibrës e cila ushqen bakteret e mira në stomak dhe përmirëson tretjen. Gratë që hanë dy banana në ditë për 2 muaj me rradhë kanë një bark më të sheshtë.

Kefiri – Përmban enzimë të rëndësishme që shpërbën laktozën, një sheqernë tek qumështi që shkakton probleme me stomakun. Pirja e kefirit zgjidh problemet me tretjen dhe eliminon fryrjen dhe gazrat me të paktën 70%.

Xhenxhefili – Xhenxheri është përdorur prej mijëra vitesh për të qetësuar stomakun e përmirësuar tretjen. Ai qetëson muskujt e lejon trupin të nxjerrë gazrat më me lehtësi. Xhinxheri, një prej përbërësve kryesorë të këtij zhardhoku, ofron përfitime të shkëlqyera për stomakun dhe tretjen.

Pjepri – Ka aftësi çliruese edhe madje ndihmon në eliminimin e ujrave të tepërt nga organizmi. Ai shfryn stomakun por edhe shërben si zëvendësues natyral i elektroliteve sepse është shumë i pasur me kalium. /UBT News/

Shëndeti

Qëndrimi ulur për periudha të gjata rrit rrezikun për sëmundje kronike

Published

12 hours ago

May 8, 2025

Albina Zeneli

Qëndrimi ulur për më shumë se 6 orë në ditë lidhet me rritjen e rrezikut për diabet, obezitet dhe sëmundje të zemrës, paralajmërojnë ekspertët e shëndetit.

Rekomandohet ngritja dhe lëvizja çdo 30–60 minuta.

Kur trupi është në gjendje pasive për periudha të gjata, metabolizmi ngadalësohet, muskujt e këmbëve dobësohen dhe qarkullimi i gjakut ngadalësohet, duke rritur rrezikun për mpiksje gjaku dhe tension të lartë.

Zgjidhja praktike është përdorimi i tavolinave të ngritura, pushimet aktive ose ecjet e shkurtra gjatë ditës së punës.

Edhe lëvizje të vogla, si shtrirja apo ushtrime të lehta, bëjnë ndryshim të madh në afatgjatë.

Shëndeti

Të mirat dhe “dëmet” nga konsumimi i fasuleve

Published

14 hours ago

May 8, 2025

Albina Zeneli

Fasulet konsiderohen si ushqim i shëndetshëm dhe janë të pasura më shumë vitamina. Por, ato kanë edhe disa efekte jo shumë të këndshme.

Ndër dobitë e fasuleve janë përmbajtja e lartë e hekurit, kaliumit, fibrave, proteinave dhe vitaminës B, transmeton EO.

Gjithashtu fasulet kanë veti kundër kancerit, për shkak të kimikateve që përmbajnë të cilat luftojnë qelizat kancerogjene.

Ndër të tjera parandalojnë sëmundjet e zemrës, ulin kolesterolin dhe ndihmojnë në humbje peshe, për shkak se ngopin dhe nuk shëndoshin.

Të prekurit nga diabeti nuk duhet t’i ndajnë nga tryeza, për shkak se garantojnë një burim të qëndrueshëm të glukozës.

Por krahas dobive fasulet kanë edhe efekte të pakëndshme si gazrat, rritje të presionit të gjakut dhe stimulojnë shkaktimin e migrenë.

Shëndeti

Ankthi i heshtur: Si manifestohet te gratë dhe pse nuk merret seriozisht?

Published

15 hours ago

May 8, 2025

Albina Zeneli

Ajo është vajza që gjithmonë mban situatat nën kontroll. Qesh, është e organizuar, e vëmendshme me të gjithë. Por ajo që nuk shohim është lodhja që ndjen nga brenda, ndjesia e përhershme e ankthit dhe tensionit që nuk shprehet me fjalë.

Shpesh, tek gratë ankthi nuk vjen me panik apo shpërthime emocionale, por me një ndjesi konstante të “mosmjaftueshmërisë”.

Perfeksionizmi, mbingarkesa me përgjegjësi dhe pritshmëritë sociale bëjnë që shumë gra ta fshehin ankthin me një buzëqeshje, madje edhe nga vetja e tyre.

Mjekët dhe rrethi shoqëror mund të mos e kuptojnë fare – sepse gratë kanë mësuar ta mbajnë veten gjithmonë “në rregull”.

Por kjo është pikërisht ajo që e bën ankthin e tyre më të rrezikshëm: fakti që nuk merret seriozisht, as kur ka nevojë urgjente për ndihmë.

Stop ankthit të heshtur!