Aktualitet

​Bullgaria me program arsimor për të ndihmuar promovimin e aftësive sociale të fëmijëve

Qëllimi i projektit është të zhvillojë aftësitë emocionale te fëmijët, si dhe aftësitë e ndërveprimit midis fëmijëve dhe prindërve.

Published

on

Programi arsimor Play with Fori është përfshirë në projektin EU-SELF Përmbledhje e praktikave të mira në Evropë në promovimin e zhvillimit social dhe emocional të fëmijëve parashkollorë.

Programi është zhvilluar nga profesori Sevjian Eubova pranë Universitetit Preslav në Shumen, njoftoi universiteti në faqen e tij të internetit.

EU-SELF grupon gjashtë vende në të gjithë Evropën, secila me përvojën e vet në fushën e aftësive sociale dhe emocionale te fëmijët.

Projekti koordinohet nga Universiteti i Ri bullgar dhe përmbledhja është përpiluar nën drejtimin editorial të Universitetit të Shkencave të Aplikuara dhe Arteve të Brukselit Erasmus në Bruksel.

Eubova punoi në projekt në bashkëpunim me organizatën jofitimprurëse hungareze Galileo Progetti, një kopsht fëmijësh në Bullgari, Maieutica y Centro Social de Soutelo në Portugali, Universitetin në Tuzla dhe Shkollën Montessori IG Provate në Bosnje e Hercegovinë, si dhe Universitetin Lund në Suedi.

Qëllimi i projektit është të zhvillojë aftësitë emocionale te fëmijët, si dhe aftësitë e ndërveprimit midis fëmijëve dhe prindërve. Një zhvillim i tillë mundëson aplikimin e njohurive, qëndrimeve dhe aftësive për të kuptuar emocionet, zhvillimin e empatisë dhe marrëdhënieve pozitive, si dhe vendimmarrje të përgjegjshme.

Programi ka për qëllim fëmijët e moshës parashkollore, me një orë mësimi në javë që zgjat nga 15 deri në 25 minuta në varësi të grup-moshës./BTA

Continue Reading

Aktualitet

27 vjet nga rënia e Fehmi dhe Xhevë Lladrovcit

Published

on

Sot bëhen 27 vjet nga rënia heroike e komandantit të Ushtrisë Çlirimtare të Kosovës, Fehmi Lladrovci dhe bashkëshortes së tij, Xhevë Krasniqi-Lladrovci, po ashtu njëra ndër luftëtaret e para të UÇK-së.

Çifti Fehmi e Xhevë Lladrovci, ishin ndër figurat më emblematike të organizimit dhe luftës për liri në Kosovë, të cilët ranë më 22 shtator të vitit 1998, në një betejë të vështirë e të pabarabartë me forcat serbe në Çiçavicë.

Bashkë me ta ra edhe studentja, Fatime Hetemi dhe shumë dëshmorë të tjerë.

Fehmi Lladrovci ishte komandant i Brigadës 114 të UÇK-së, emrin e të cilit do ta mbajë kjo brigadë.

Në sheshin e Drenasit janë vendosur shtatoret e dëshmorëve Fehmi dhe Xhevë Lladrovci./S.K/KP/

Continue Reading

Aktualitet

​Sot Dita Ndërkombëtare pa Makina

Published

on

Sot shënohet Dita Ndërkombëtare pa Makina, e cila synon sensibilizimin e njerëzve që të shmangin të paktën për një ditë makinat e tyre, të cilat emetojnë lëndë të dëmshme për organizmin.

Kjo konsiderohet edhe si një përpjekje për të kontribuar në mbrojtje të mjedisit.

Që prej vitit 1988 në Paris ka filluar të festohen kjo ditë dhe brenda katër viteve ka arritur të bëhet Dita Botërore e Lëvizjes pa Makina në të gjithë botën.

Në kuadër Ditës Ndërkombëtare pa Makina, edhe në Kosovë janë mbajtur disa aktivitete, ndërsa sot në veri të Mitrovicës do të vendoset një eko-ulëse me energji solare nga Ministria e Mjedisit dhe Planifikimit Hapësinor. /S.K/KP/BBC

Continue Reading

Aktualitet

Osmani takohet me të rinjtë shqiptaro-amerikanë në New York

Published

on

Presidentja e Kosovës, Vjosa Osmani ka takuar të rinjtë shqiptaro–amerikanë, në New York. Ajo përmes rrjeteve sociale ka shkruar se platforma si ‘Zani’ po punojnë për t’i bashkuar të rinjtë shqiptarë kudo në botë, që të mos i harrojnë kurrë rrënjët dhe të kontribuojnë në interes të kombit.

Përveç tjerash, Osmani gjithashtu ka falenderuar ata për punën e çmuar.

“Bashkë me të rinjtë e jashtëzakonshëm shqiptaro–amerikanë, në Neë York!Platforma si Zâni po punojnë për t’i bashkuar të rinjtë shqiptarë kudo në botë, që të mos i harrojnë kurrë rrënjët dhe të kontribuojnë në interes të kombit tonë. Ishte kënaqësi t’i takoja dhe t’i falënderoja për punën e çmuar që po bëjnë”, ka shkruar Osmani.

Kujtojmë se Osmani ka udhëtuar në New York për të marrë pjesë në fillimin e punimeve të Asamblesë së Përgjithshme të Kombeve të Bashkuara. /S.K/KP/

Continue Reading

Aktualitet

Osmani takon Gheit nga Liga Arabe, kërkon njohjen e Kosovës nga shtetet anëtare

Published

on

Presidentja e Kosovës, Vjosa Osmani ka takuar Sekretarin e Përgjithshëm të Ligës Arabe, Ahmed Aboul Gheit.

Përmes një postimi në Facebook, Osmani tha se në takim me Sekreatin e Përgjithshëm të Ligës Arabe ka theksuar rëndësinë e bashkëpunimit mes Kosovës dhe Ligës Arabe duke potencuar nevojën për mbështetje në procesin e njohjes së Kosovës nga shtetet anëtare të kësaj organizate të cilat ende nuk e kanë ndërmarrë këtë hap.

“Në New York, zhvillova një takim me Sekretarin e Përgjithshëm të Ligës Arabe, Ahmed Aboul Gheit.Theksova rëndësinë e bashkëpunimit ndërmjet Kosovës dhe Ligës Arabe, si dhe nevojën për mbështetje në procesin e njohjes së Kosovës nga shtetet anëtare të kësaj organizate që ende nuk e kanë ndërmarrë këtë hap”, ka shkruar Osmani në Facebook.

Kujtojmë se Osmani ka udhëtuar në New York për të marrë pjesë në fillimin e punimeve të Asamblesë së Përgjithshme të Kombeve të Bashkuara./S.K/KP/

Continue Reading

Të kërkuara