Sport

​Broja: Jam gati për Shqipërinë, ja pse nuk po luajë shumë të Chelsea

Broja ka thënë se nuk e di nëse do të startojë ndaj Izraelit pasi këtë e vendosë trajneri.

Published

4 years ago

on

Në kuadër të Ligës së Kombeve, Shqipëria do t’i zhvillojë dy ndeshjet e fundit ku do të ballafaqohet me Izraelin në udhëtim me 24 shtator dhe pastaj tre ditë më vonë e pret Islandën në “Air Albania”.

Sulmuesi më në formë i kombëtares kuqezi, Armando Broja ka thënë se është i gatshëm dhe në formë shumë të mirë fizike dhe ka potencuar se synimi i skuadrës që që të marrë pikët e plota nga të dy këto ndeshje.

“Mendimi im është se këto dy ndeshje janë ndeshje të rëndësishme dhe duhet fitorja dhe tre pikë për të dy ndeshjet edhe trajneri e bënë ekipen. Në stërvitje jemi duke i bërë skemat për ta fituar ndeshjen edhe vetëm fitoren e kemi në mendje dhe shpresojmë që t’i fitojmë tre pikë dhe më e rëndësishme është të fitohet ndeshja”, tha fillimisht Broja.

Përkundër se ndihet i gatshëm, Broja ka thënë se nuk e di nëse do të startojë ndaj Izraelit pasi këtë e vendosë trajneri.

“Nuk e di, do të shohim sepse unë nuk e përzgjedhi ekipin, e bënë trajneri, të shohim se çfarë thotë trajneri por nëse më inkuadron do ta jap maksimumin dhe shpresojmë në tre pikë. E dimë se do të jetë ndeshje e vështirë se kur kemi luajtur në Tiranë na kanë mposhtur 2-1 por na duhet fitorja dhe shpresojmë të luajmë mirë si ekip dhe ta marrim fitoren e ndeshjes. Për mua nuk ka shumë presion se luaj futboll që nga mosha tre vjeçare dhe për mua nuk ka emocione apo presion, vetëm luaj për qejf dhe për fitoren e ndeshjes dhe ta ndihmojë ekipin. Jo, nuk ka shumë presion”, theksoi sulmuesi kuqezi.

Broja foli edhe për minutazhën e vogël që po i jepet në dispozicion te Chelsea duke e arsyetuar atë se skuadra londineze është shumë e forte në krahasim me Southamptonin, skuadër tek e cila kishte luajtur sezonin e kaluar në formë huazimi.

“Jo jo gjithmonë jam në formë, bëjë stërvitje për çdo ditë edhe ne e dimë që është më e vështirë të inkuadrohesh te ekipi i Chelsea se sa në Southampton por stërvitem çdo ditë me lojtarë shumë të mirë edhe këtu në Shqipëri. Fizikisht jam mirë edhe po vazhdojmë të stërvisim mirë si ekip edhe vetëm fitoren e kemi në mendje dhe tre pikët”, tha Broja në fund.

Related Topics:
Continue Reading

Sport

Lineker dhe Rooney kritikojnë Tuchelin pas eliminimit të Anglisë: “Na kushtoi me vendimet e tij”

Published

31 minutes ago

on

July 16, 2026

By

Legjendat e futbollit anglez, Gary Lineker dhe Wayne Rooney, kanë drejtuar kritika të forta ndaj përzgjedhësit të Anglisë, Thomas Tuchel, pas humbjes 2:1 ndaj Argjentinës në gjysmëfinalen e Kupës së Botës.

Gary Lineker vlerësoi se qasja taktike e Anglisë pas golit të epërsisë ishte e gabuar dhe tepër mbrojtëse.

“Ne shënuam një gol, pastaj u kthyem në mbrojtje. Taktikisht ishte e habitshme, për të qenë plotësisht i sinqertë. Ishte një veprim negativ nga ana e Tuchelit”, deklaroi Lineker në podcastin “The Rest is Football”.

Kritikave iu bashkua edhe Wayne Rooney, i cili beson se vendimet e trajnerit gjerman ndikuan drejtpërdrejt në eliminimin e Anglisë.

“Vendimet që ka marrë Thomas Tuchel, duhet të jemi të sinqertë, na kanë kushtuar me eliminim”, u shpreh legjenda e Manchester Unitedit.

Anglia u eliminua në gjysmëfinale pas humbjes 2:1 nga Argjentina, e cila tashmë ka siguruar një vend në finalen e madhe të Kupës së Botës.

D.L

Continue Reading

Sport

Romero dhe Martinez kundër Gary Neville: “Ne përgjigjemi në fushë”

Published

36 minutes ago

on

July 16, 2026

By

Mbrojtësit e Argjentinës, Cristian Romero dhe Lisandro Martinez, kanë reaguar ashpër ndaj kritikave të legjendës së futbollit anglez, Gary Neville, duke i cilësuar komentet e tij si të padrejta.

Neville kishte kritikuar paraqitjet e dy mbrojtësve argjentinas, por pas fitores së Argjentinës ndaj Anglisë me rezultat 2:1 në gjysmëfinalen e Kupës së Botës, Romero dhe Martinez nuk i kursyen përgjigjet e tyre.

“E vetmja gjë që shpresoj kur të dal në pension është të mos bëhem aq budalla. Shpresoj të mos kritikoj asnjë lojtar”, deklaroi Romero për “DSports”.

Edhe Lisandro Martinez ishte i drejtpërdrejtë në reagimin e tij ndaj kritikave.

“Jemi mësuar që njerëzit të flasin gjithmonë për ne. Duket sikur atyre u pëlqen ta bëjnë këtë, por ne përgjigjemi në fushë, gjithmonë me respekt”, tha mbrojtësi argjentinas.

Argjentina siguroi një vend në finalen e madhe pas triumfit ndaj Anglisë, ndërsa në sfidën për titull do të përballet me Spanjën të dielën.

D.L

Continue Reading

Sport

Shishja e Pickfordit zbulon planin ndaj Messit dhe Argjentinës

Published

7 hours ago

on

July 16, 2026

By

Argjentina siguroi një vend në finalen e madhe të Kupës së Botës, pasi mposhti Anglinë me rezultat 2:1 në një gjysmëfinale plot emocione. Përveç festës së madhe në fushë, vëmendjen e rrjeteve sociale e tërhoqi edhe një moment i pazakontë pas përfundimit të takimit.

Menjëherë pas vërshëllimës së fundit të gjyqtarit, futbollistët argjentinas gjetën në fushë shishen e ujit të portierit anglez, Jordan Pickford. Në të ndodheshin shënime të detajuara me udhëzime për mënyrën se si duhej të reagonte në rast se ndeshja do të vendosej me penallti.

Në shishe ishin të shënuar emrat e lojtarëve kryesorë të Argjentinës, përfshirë Lautaro Martinez, Julian Alvarez, Enzo Fernandez dhe Lionel Messi. Pranë secilit emër kishte udhëzime specifike, si: “shtiru sikur do të hidhesh majtas, por hidhu djathtas”, “qëndro në qendër” ose “hidhu djathtas”, duke treguar strategjinë e përgatitur nga stafi anglez për një seri të mundshme penalltish.

Kamerat filmuan momentin kur Nico Gonzalez, Lionel Messi dhe Marcos Senesi po e shikonin me kureshtje shishen, ndërsa një pjesë e bisedës së tyre u bë virale pas leximit të buzëve.

“Shikoni çfarë gjeta. Ka shënime për Lautaron, Julianin…”, dëgjohet të thotë Nico Gonzalez, ndërsa Messi e shikon me habi përmbajtjen e shishes dhe kërkon t’i përkthehen udhëzimet e shkruara në anglisht.

Pamjet u shpërndanë me shpejtësi në rrjetet sociale, ku shumë tifozë e cilësuan momentin si një nga skenat më interesante dhe kurioze pas përfundimit të ndeshjes.

D.L

Continue Reading

Lajmet

Argjentina përmbys Anglinë me magjinë e Messit dhe arrin në finalen e madhe

Published

8 hours ago

on

July 16, 2026

By

Argjentina ka siguruar një kualifikim dramatik për në finalen e madhe pasi mposhti Anglinë me rezultatin 2:1 në gjysmëfinalen e zhvilluar në Atlanta. Edhe pse anglezët kaluan të parët në avantazh në minutën e 55-të me golin e Anthony Gordon, argjentinasit nuk u dorëzuan dhe treguan një karakter të jashtëzakonshëm në minutat e fundit të lojës.

Lionel Messi ishte sërish vendimtar duke dhuruar dy asistime kyçe: fillimisht për supergolin e Enzo Fernandezit që barazoi shifrat në minutën e 85-të, dhe më pas për Lautaro Martinezin, i cili shënoi golin e fitores në minutën e 92-të.

Me këtë përmbysje të madhe, Argjentina shkon në finalen e dytë radhazi dhe ka shansin e artë të mbrojë trofeun e Kupës së Botës të fituar në Katar në vitin 2022, një sukses që historikisht e kanë arritur vetëm Brazili dhe Italia shumë kohë më parë.

Ndeshja finale do të luhet këtë të dielë në New Jersey në orën 21:00, ku Argjentina do të përballet me Spanjën, e cila eliminoi Francën. Ndërkohë, Anglia dhe Franca do të diskutojnë vendin e tretë të shtunën në orën 23:00. /E.A/

Continue Reading

Të kërkuara