

Lajmet
Boeing do të dëmshpërblejë familjet e viktimave të avionëve të rrëzuar
Published
4 years agoon
By
Betim GashiKompania amerikane Boeing krijoi një fond prej 500 milionë dollarësh për të dëmshpërblyer familjet e 346 viktimave të avionëve të rrëzuar të Boeing737 Max.
Fondi është pjesë e marrëveshjes me Ministrinë Amerikane të Drejtësisë dhe sipas Boeing, secila familje do të marrë rreth 1.45 milion dollarë kur të bëhen dokumentet e nevojshme.
Në janar, Boeing u zotua të paguante kompensim për familjet e të vrarëve në rrëzimin e avionit të Lyon Air në vitin 2018 dhe Ethiopian Airlines në vitin 2019.
Fondi është vetëm pjesë e një marrëveshjeje 2.5 miliardë dollarë që Boeing bëri me Departamentin e Drejtësisë pasi prokurorët akuzuan kompaninë për mashtrim me certifikata të sigurisë për avionët e rrëzuar.
Marrëveshja i mundësoi Boingut që të shmangte procedurat gjyqësore, por jo edhe çështjet civile, e cila vazhdon.
Megjithëse është arritur një marrëveshje me shumicën e familjeve të viktimave të epokës së Lionit, ka ende pyetje të hapura në rastin e familjeve të Etiopian Airlines, pyetja e parë është pse ky lloj avioni fluturoi pas aksidentit të parë.
Ministria e Drejtësisë njoftoi se punonjësit e Boeing vendosën të mbanin fitimin në dëm të ndershmërisë, pasi ata fshehën informacione nga Administrata kompetente e Aviacionit (FAA) në lidhje me mangësitë e motorit të 737 Max.
Boeing pretendon se ka bërë gjithçka që mundet për të përmirësuar sigurinë e avionit.
Disa përfaqësues në Kongres kërkuan që FAA të lëshojë një certifikatë për aeroplanët e rinj dhe që të kryhet një hetim i pavarur se si trajtohet siguria në Boeing.
Modeli 737 Max u largua nga fluturimet 20 muaj pas dy përplasjeve fatale. Ata janë përsëri në veprim pasi FAA urdhëroi azhurnimet e programeve dhe ndryshimet në trajnimin e stafit.
Boeing pagoi një gjobë prej 17 milionë dollarë FAA muajin e kaluar pasi instaloi softuer që nuk ishte aprovuar më parë në aeroplanë.
Lajmet
Rektori Hajrizi shpreh ngushëllime për ndarjen nga jeta të Ambasadorit Frank Wisner
Published
15 hours agoon
February 25, 2025By
UBT NEWS
Rektori i UBT-së, Prof. Dr. Edmond Hajrizi, ka shprehur ngushëllime të sinqerta për ndarjen nga jeta të Ambasadorit Frank Wisner, një mik i madh i Kosovës dhe një diplomat i shquar që dha një kontribut të jashtëzakonshëm në procesin e Bisedimeve të Vjenës dhe në shumë procese të tjera të rëndësishme për Kosovën.
Në mesazhin e tij, Rektori Hajrizi e vlerësoi Ambasadorin Wisner si një kolos të madh të diplomacisë, i cili me përkushtimin e tij, luajti një rol kyç në mbështetjen e Kosovës në momentet më të rëndësishme të historisë së saj. Ai kujtoi se Wisner mbeti gjithmonë një zë i fuqishëm dhe një mbështetës i palëkundur i kauzës së Kosovës, duke dhënë zgjidhje edhe në situatat më të vështira./UBTNews/
Lajmet
Dështon përsëri mbajtja e seancës për votimin e buxhetit në Gjilan
Published
15 hours agoon
February 25, 2025By
UBTNews
Në mungesë të kuorumit, ka dështuar sërish të mbahet seanca urgjente e Kuvendit të Komunës së Gjilanit, e cila ishte ftuar nga kryetari i kësaj komune, Alban Hyseni, me pikën e vetme të rendit të ditës miratimin e buxhetit për vitin 2025.
“Në këtë seancë munguan këshilltarët e dy partive opozitare, LDK dhe PDK, dhe me këtë rast, kryesuesi i Kuvendit, Kushtrim Kadriu tha se me 13 këshilltarë prezentë, nuk ka kuorum për të filluar këtë seancë”, thuhet në një njoftim për media të kësaj komune.
Ndërkohë, kreu i komunës, Alban Hyseni, ka paralajmëruar konferencë për media.
Lajmet
Ndalohet në Jarinjë një person i dyshuar për krime lufte në Kosovë
Published
15 hours agoon
February 25, 2025By
UBTNews
Policia e Kosovës në pikën kufitare të Jarinjës, ka ndaluar një person i cili dyshohet se ka kryer Krime lufte kundër popullatës civile gjatë luftës në Kosovë.
Policia ka thënë se sipas hetimeve të kryera nga Hetuesit e Sektorit për Hetimin e Krimeve të Luftës, i dyshuari me iniciale D.R. është i dyshuar për veprën penale “Krime lufte kundër popullatës civile” të kryer gjatë luftës në Kosovë (1998-1999), në komunën e Gjakovës në periudhën kohore 07-10 maj 1999, duke vepruar në grup dhe të organizuar si zyrtar të mobilizuar me njësi të përbëra nga MUP-i serb.
“I dyshuari është shoqëruar në Policinë e Kosovës, ku është intervistuar në prani të avokatit të tij mbrojtës. Prokurori i rastit në Prokurorinë Speciale të Republikës së Kosovës është informuar për të gjitha veprimet hetimore dhe ka lëshuar aktvendimin për ndalimin e të dyshuarit për 48 orë, në përputhje me procedurat ligjore në fuqi”, thuhet në njoftim.
Policia e Kosovës është shprehur e përkushtuar të vazhdojë me hetimet dhe bashkëpunimin e ngushtë me autoritetet përkatëse për të siguruar drejtësi lidhur me krimet e luftës në Kosovë.
Lajmet
KQZ rikonfirmon: Të mërkurën fillon numërimi i votave nga votimi në përfaqësitë diplomatike
Published
16 hours agoon
February 25, 2025By
UBTNews
Komisioni Qendror i Zgjedhjeve ka rikonfirmuar se të mërkurën, më 26 shkurt, do të fillojë numërimi i votave nga votimi në 30 përfaqësitë diplomatike të Kosovës në të cilat u votua më 8 shkurt.
Ky njoftim është bërë në mbledhjen e KQZ-së të mbajtur të martën. Një ditë më herët, Zëdhënësi i KQZ-së, Valmir Elezi, ka treguar se numërimi i votave nga votimi në përfaqësitë diplomatike, më shumë se 15 mijë, do të fillojë të mërkurën.
Më 8 shkurt votimi jashtë Kosovës është zhvilluar në 30 përfaqësi diplomatike, me gjithsej 43 vendvotime dhe nga 20,324 votues të regjistruan kanë votuar 75.57% e tyre apo 15,352. Në mbledhjen e KQZ u njoftua edhe për përfundimin e procesit të vlerësimit të pakove me fletëvotime nga votimi jashtë Kosoës, respektiviht votimi përmes postës.
Sipas të dhënave të KQZ-së, nga rreth 69 mijë pako me fletëvotime të dërguara në kutitë postare të KQZ-së, janë aprovuar 62,990 zarfe, ndërkaq janë refuzuar 4,865 të tjera. Gjatë vlerësimit, është vërtetuar se 131 zarfe janë dërguar gabimisht në kutitë postare të KQZ-së, kurse 729 zarfe nuk janë vlerësuar, pasi aplikuesit aplikuesit kishin zgjedhur të votonin fizikisht në përfaqësitë diplomatike. Për vlerësimin e këtyre zarfeve, është e nevojshme skanimi i listës së votuesve të përfaqësive diplomatike, për të mundësuar krahasimin dhe shmangien e votimit të dyfishtë.
Arsyet e refuzimit të 4,865 zarfeve:
– 2,870 zarfe nuk janë proceduar, pasi votuesit ishin të anuluar gjatë fazës së aplikimit për regjistrim si votues jashtë Kosovës (29 gusht 2024 – 26 dhjetor 2024);
– 310 zarfe janë refuzuar, pasi fletëvotimi nuk ka qenë i personalizuar (një person – një fletëvotim); – 24 zarfe janë refuzuar, pasi nuk kanë pasur pullë/vulë postare;
– 138 zarfe janë refuzuar, pasi votuesit i kanë dërguar nga një shtet tjetër nga ai që kishin deklaruar gjatë regjistrimit;
– 178 zarfe janë refuzuar, pasi brenda tyre ka qenë vetëm dëftesa e regjistrimit, pa fletëvotim;
– 432 zarfe janë refuzuar, pasi brenda tyre ka munguar dëftesa e regjistrimit dhe kanë përmbajtur vetëm fletëvotimin;
– 45 zarfe janë refuzuar, pasi votuesit kanë dërguar fletëvotimin me dokument identifikues të Kosovës dhe nuk kanë përfshirë dëftesën e regjistrimit;
– 868 zarfe janë refuzuar, pasi votuesit kanë dërguar zarfin me fletëvotim më shumë se një herë.

Profesorët e UBT-së, Hajdi Xhixha dhe Arian Kadriu kontribuojnë në librin ndërkombëtar “Modern Wars and Grey Zones”

Rektori Hajrizi shpreh ngushëllime për ndarjen nga jeta të Ambasadorit Frank Wisner

Dështon përsëri mbajtja e seancës për votimin e buxhetit në Gjilan

Ndalohet në Jarinjë një person i dyshuar për krime lufte në Kosovë

Ligjvënësit ukrainas e mbështesin Zelenskyn pasi Trumpi e quajti “diktator”

Rusia pranon faljen e Vuçiqit për votën e Serbisë në OKB

Arma sekrete që BE mund të përdor si mjet presioni ndaj Trump dhe Putin për Ukrainën

KQZ rikonfirmon: Të mërkurën fillon numërimi i votave nga votimi në përfaqësitë diplomatike

BE-ja dëshiron të bëjë marrëveshje për mineralet me Ukrainën
Të kërkuara
-
Magazinë2 months ago
Ky mendohet se është djali 20 vjeçar i Parashqevi Simaku, Luke Nohfe
-
Bota4 weeks ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota1 month ago
Fluturimet e dëbimit kanë filluar, thotë Shtëpia e Bardhë
-
Bota4 weeks ago
Shtëpia e Bardhë: Armëpushimi në Liban do të zgjatet deri më 18 shkurt