Lajmet

​BB: Aktiviteti ekonomik në Kosovë pritet të zgjerohet 7.1 përqind

Prodhimi në vitin 2021 në Kosovë pritet të tejkalojë nivelet e vitit 2019 deri në fund të vitit.

Published

5 years ago

on

Kosova dhe shtetet tjera të rajonit po rikthehen nga recesioni ekonomik i vitit 2020 i shkaktuar nga COVID-19, falë një rimëkëmbjeje më të shpejtë sesa pritej më 2021. Kështu u tha sot gjatë publikimit online të raportit më të ri të rregullt ekonomik të Bankës Botërore për Ballkanin Perëndimor.

Në këtë raport thuhet se aktiviteti ekonomik në Kosovë për vitin 2021 pritet të zgjerohet me 7.1 përqind pas një rikthimi më të fortë sesa pritej.

Prodhimi në vitin 2021 në Kosovë pritet të tejkalojë nivelet e vitit 2019 deri në fund të vitit, por rreziqet për parashikimin mbeten të larta pasi vendi vazhdon të përballet me pandeminë.

Drejtori i Bankës Botërore për Kosovë dhe Maqedoni të Veriut Massimiliano Paolucci në video mesazhin e tij ka thënë se aktiviteti ekonomik pritet të tejkaloj nivelet e para të pandemisë deri në fund të vitit 2021, pothuajse për të gjitha ekonomitë në Ballkanin Perëndimor, përfshirë edhe Kosovën.

Paolucci ka thënë po ashtu se duhet të krijohet një shtytje për më shumë mundësi ekonomike, me politika dhe investime që fokusohen në reforma afatgjata për të transformuar rrënjësisht modelin e rritjes së Kosovës në një model që krijon vende të punës duke u udhëhequr nga produktiviteti më i lartë.

“Për Kosovën, raporti përsëritë parashikimet apo projeksionet dhe ekonomia e Kosovës po rimëkëmbet me shpejtësi nga tkurrja e shkaktuar nga pandemia në vitin 2020. Aktiviteti real ekonomik do të tejkaloj nivelet e vitit 2020 deri në fund të vitit 2021. Raporti gjithashtu thekson përmirësimin e pozitës fiskale të përkrahur nga rimëkëmbja e shpejt. Rimëkëmbja e fortë ekonomike duhet të shfrytëzohet për ta krijuar një vrull për mundësi më të mëdha ekonomike. Politikat dhe investimet duhet të fokusohen në reformat afatgjate për ta transformuar rrënjësisht modelin e rritjes së ekonomisë së Kosovës në një model të nxitur nga produktiviteti më i lartë, e cila vlen për të gjithë rajonin. Duke parë përtej pandemisë Covid-19, fokusi I politikës duhet të adresojë lehtësimin e pengesave kyçe kryesore për krijimin e vendeve të punës dhe transformimin ekonomik”, tha ai.

Ndërsa, ekonomisti nga Banka Botërore, Besart Myderrizi tha se rritjes së aktivitetit ekonomik në vitin 2021 i kontribuuan vizitat e diasporës, rritja e kredive për konsum dhe rritja e eksporteve.

Megjithatë, ai tha se presionet e ndjeshme të inflacionit, kryesisht nga çmimet më të larta të importit, mund të minojnë një rimëkëmbje më të fortë në investimet private.

“Kosova këtë vit pritet të shënoj një zgjerim në aktivitetin ekonomik me 7.1 përqind, e cila paraqet një zgjerim të aktivitetit që shkon përtej nivelit të vitit 2019. Kjo po mbështet sidomos në rikthimin shumë më të lartë se sa pritjet nga vizitat e diasporës. Rikthimin e besueshmërisë së konsumatorit, por edhe mbështetjen fiskale dhe kredi dhënia më e lartë për konsumatorët. Krahasuar me parashikimin tonë të pranverës, kjo paraqet një revidim për së larti 3 pikë të përqindjes. Natyrisht ashtu siç shihet edhe në prezantim, Kosova do të ketë një nga rimëkëmbjet më të larta në rajon, apo përmbi mesataren regjionale. Megjithatë, duke qenë se rritja është duke u mbështetur nga një rimëkëmbje shumë e fortë në eksportet e shërbimeve, të cilat I ofrohen diasporës kryesisht gjatë vizitave në Kosovë. Po ashtu në të njëjtën kohë e kemi rritjen më të lartë të tregtimit privat rreth 16 përqind për kredi konsumuese. Inflacioni ka një trend rritës, kjo sidomos nga muaj qershor, megjithatë ky trend është në kuadër me trendeve globale. Mirëpo, ka krijuar edhe sfida për investime private, tash së fundmi po shohim se po krijon sfida edhe për konsumatorin”, theksoi Myderrizi.

Reporti gjithashtu shqyrton edhe tranzicionin e gjelbër që ofron mundësi të rëndësishme për Ballkanin Perëndimor, duke përfshirë integrimin më të ngushtë në zinxhirët globalë të furnizimit që janë më euro-centrik, dhe qasjen në burime të konsiderueshme të BE-së për të ndihmuar financimin e tranzicionit të gjelbër.

Menaxhimi efektiv i këtij tranzicioni të gjelbër, duke përfshirë edhe kompromiset e shumta në fushën e politikave, do të duhet të jetë fokus kryesor i vëmendjes së politikave për Ballkanin Perëndimor në vitet në vazhdim.

Related Topics:
Continue Reading

Lajmet

Vendoset mjet shpërthyes dhe letër kërcënuese në derën e një shtëpie në Pejë

Published

1 hour ago

on

June 26, 2026

By

Një mjet shpërthyes dhe një letër me përmbajtje kërcënuese janë gjetur të vendosura në derën e një objekti banimi në Pejë.

Sipas Policisë së Kosovës, rasti ka ndodhur më 25 qershor 2026, rreth orës 23:43. Menjëherë pas raportimit, policia ka siguruar vendin e ngjarjes, ndërsa njësia për deminim ka bërë largimin e mjetit shpërthyes.

Rasti është duke u hetuar./A.K/

Continue Reading

Lajmet

Ndahet nga jeta legjenda e rock-ut David Clayton-Thomas

Published

2 hours ago

on

June 26, 2026

By

David Clayton-Thomas, këngëtari kanadez dhe frontmeni i grupit legjendar Blood, Sweat & Tears, ka ndërruar jetë në moshën 84-vjeçare.

Fituesi i çmimit Grammy u nda nga jeta në mënyrë paqësore të mërkurën në një spital në Toronto, ka bërë të ditur publicisti i tij, Eric Alper. Shkaku i vdekjes nuk është bërë publik.

Clayton-Thomas ishte një nga zërat më të njohur të muzikës jazz-rock dhe interpretoi hite si “You’ve Made Me So Very Happy”, “And When I Die” dhe “Spinning Wheel”. Gjatë karrierës së tij shiti mbi 40 milionë disqe dhe konsiderohet një nga artistët që ndikoi në zhvillimin e këtij zhanri muzikor.

Ai iu bashkua grupit Blood, Sweat & Tears në vitin 1968. Albumi me të njëjtin emër u shit në mbi 10 milionë kopje në mbarë botën, qëndroi shtatë javë në krye të klasifikimit Billboard dhe fitoi pesë çmime Grammy, përfshirë edhe çmimin për Albumin e Vitit, duke lënë pas edhe albumin Abbey Road të The Beatles.

Në vitin 1970, grupi u bë formacioni i parë rock që zhvilloi një turne në Evropën Lindore, pas një kërkese të Departamentit Amerikan të Shtetit. Më vonë u zbulua se Clayton-Thomas ishte përballur me një ultimatum për ta zhvilluar turneun në këmbim të qëndrimit të përhershëm në Shtetet e Bashkuara.

Ai u largua nga grupi në vitin 1972 për shkak të lodhjes nga turnetë e shumta, por më vonë publikoi mbi një duzinë albumesh solo dhe iu rikthye Blood, Sweat & Tears në fillim të viteve 1980.

David Clayton-Thomas lë pas dy vajzat e tij, Ashleigh Clayton-Thomas dhe Christine Graham. Sipas publicistit të tij, në një datë të mëvonshme do të organizohet një koncert përkujtimor në nder të jetës dhe muzikës së tij, ndërsa të ardhurat do t’i dedikohen organizatës bamirëse Peacebuilders Canada. /A.K/

Continue Reading

Lajmet

Spekulimet shtohen, Taylor Swift dhe Travis Kelce mund të martohen në Madison Square Garden

Published

2 hours ago

on

June 26, 2026

By

Spekulimet për martesën e këngëtares me famë botërore Taylor Swift dhe yllit të NFL-së, Travis Kelce, janë shtuar pas raportimeve se është paraqitur një kërkesë për mbylljen e disa rrugëve pranë Madison Square Garden në New York gjatë fundjavës së 4 Korrikut.

Zëdhënësja e zyrës së kryetarit të New Yorkut, Dora Pekec, konfirmoi për BBC se në fillim të qershorit është dorëzuar një kërkesë për mbylljen e rrugëve rreth arenës nga 2 deri më 4 korrik. Megjithatë, ajo nuk bëri të ditur se kush e ka paraqitur kërkesën, ndërsa CNN raportoi se emrat e Swift dhe Kelce nuk figurojnë në dokumentacion.

Sipas The New York Times, disa lojtarë të ekipit Kansas City Chiefs, ku luan Kelce, kanë rezervuar dhoma hoteli në afërsi të arenës. Po ashtu, policët e Amtrak, që kujdesen për sigurinë në stacionin Penn Station poshtë Madison Square Garden, janë njoftuar të jenë të përgatitur për një dasmë të mundshme të Swift gjatë fundjavës festive.

Raportimet thonë se më 2 korrik mund të organizohet një ceremoni private me rreth 100 të ftuar, ndërsa më 3 korrik një festë më e madhe, ku nuk përjashtohen edhe performanca muzikore.

Lajmi ka ngjallur reagime të shumta mes fansave. Disa e kanë cilësuar Madison Square Garden si një zgjedhje të pazakontë për një martesë, duke menduar se Swift do të zgjidhte një ambient më romantik, si rezidenca e saj në Rhode Island. Të tjerë, megjithatë, e konsiderojnë arenën një vend simbolik, pasi ajo lidh botën e muzikës dhe sportit, dy fushat ku çifti ka ndërtuar karrierën.

Një tjetër arsye që përmendet është siguria e lartë që ofron arena, me hyrje private dhe masa të rrepta që do ta bënin të vështirë fotografimin e çiftit dhe të ftuarve nga paparacët.

Taylor Swift dhe Travis Kelce njoftuan fejesën e tyre në muajin gusht, ndërsa deri më tani nuk kanë konfirmuar zyrtarisht datën apo vendin e martesës./A.K/

Continue Reading

Lajmet

Një grua gjendet pa shenja jete në Lipjan, trupi dërgohet për obduksion

Published

2 hours ago

on

June 26, 2026

By

Një grua ka humbur jetën në rrethana ende të panjohura në Lipjan.

Sipas Policisë së Kosovës, rasti është raportuar më 25 qershor, rreth orës 09:55, nga një dëshmitare, e cila ka njoftuar se viktima kishte rënë papritur në tokë.

Në vendin e ngjarjes kanë dalë ekipet e emergjencës, të cilat kanë konstatuar vdekjen e viktimës.

Me urdhër të prokurorit, trupi i pajetë është dërguar në Institutin e Mjekësisë Ligjore (IML) për obduksion, ndërsa rasti po hetohet si “Hetim mbi vdekjen”./A.K/

Continue Reading

Të kërkuara