Sport

Bayerni gati të bëjë transferimin befasues në këtë merkato

Reprezentuesi anglez ndihmoi skuadrën e Pep Guardiolës për të fituar tripletën këtë sezon.

Published

3 years ago

June 19, 2023

UBT news

Bayern Munich është në bisedime të avancuara për të transferuar Kyle Walker nga Manchester City në Bundesligë sezonin e ardhshëm, sipas “Sky Sport Germany”.

Reprezentuesi anglez ndihmoi skuadrën e Pep Guardiolës për të fituar tripletën këtë sezon dhe është shtylla kryesore e skuadrës së Kombëtares së Anglisë që drejtohet nga Gareth Southgate, por tani duket i gatshëm për një ndryshim dhe është i gatshëm për t’iu bashkuar skuadrës së Thomas Tuchel.

Walker u përjashtua nga formacioni startues i Manchester Cityt për finalen e Ligës së Kampionëve dhe kjo ka bërë që ylli i Anglisë të kërkoj largimin tnga kampionët e Premier Ligës në afatin kalimtar të verës.

Gazetari i “Sky Germany”, Florian Plettenberg, ka shkruar se ka pasur bisedime të rëndësishme mes Bayernit dhe përfaqësuesve të Walker, edhe pse ende nuk është arritur një marrëveshje mes klubeve.

Walker, 33 vjeçar, raportohet të jetë i etur për një ndryshim të skuadrës, sidomos pasi nuk i është bërë e qartë nëse është pjesë e planeve të Pep Guardiolas për sezonin e ardhshëm.

Vendi

Akil Gjakova mbyll garën pa medalje në Abu Dhabi

Published

3 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

4 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

6 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/