Lajmet

​Baerbock: Sulmi ndaj Policisë në veri ishte tinëzar nga një bandë terroriste e armatosur

Baerbock u shpreh se provokimet e palës serbe për rritjen e trupave në kufi me Kosovën e kanë tensionuar situatën.

Published

3 years ago

on

Ministrja e Jashtme e Gjermanisë, Annalena Baerbock kërkoi hetim nga Serbia për sulmin në veri të Kosovës në 24 shtator.

Në konferencën për shtyp pas samitit të Ministrave të Jashtëm të Procesit të Berlinit në Tiranë, Baerbock u shpreh se provokimet e palës serbe për rritjen e trupave në kufi me Kosovën e kanë tensionuar situatën. Sulmin nga grupi i armatosur serb, ku u vra polici i Kosovës, Afrim Bunjaku, ministrja gjermane e cilësoi tinëzar.

“Provokimet e palës serbe për rritjen e trupave në kufi me Kosovën e kanë nxehur edhe më tej situatën e cila edhe ashtu ishte e tensionuar dhe për këtë biseduam gjatë këtij takimi dhe kjo ndodh pas një sulmi tinëzar kundër Policisë së Kosovës nga një bandë terroriste të armatosur gjerë në dhëmbë. Presim që Serbia të çojë më përpara proceset hetimore për ngjarjet e 24 shtatorit dhe të kontribuojë në sqarimin e rrethanave të ngjarjes së majit kundër ushtarëve të KFOR. Situata është aq e tensionuar saqë NATO ka rritur prezencën e KFOR dhe përmes këtij sinjali ne bëjmë të qartë, qëndrojmë vigjilent, kontribuojmë për stabilitetin dhe sigurisë dhe të ardhmen e rajonit e kemi përemër, por çelësi i zgjidhjes së konfliktit është në Beograd dhe Prishtinë… nuk ka asnjë alternativë tjetër përveç që Serbia dhe Kosova të angazhohen për zbatimin e marrëveshjes së Ohrit dhe ajo që presim është më shumë gatishmëri për kompromis, më shumë kurajo për t’u bërë ballë edhe rrymave të kundërta të politikave të brendshme”, tha ajo.

Baerbock theksoi rëndësinë integrimit të Ballkanit Perëndimor në Bashkimin Evropian.

“Është kënaqësi fakti që Procesi i Berlinit zhvillohet për herë të parë në rajon, aty ku procesi i Berlinit është në shtëpinë e vet. ..veçanërisht për të rinjtë e këtij rajoni, është tërësisht e qartë që e ardhmja gjendet në Evropë, dhe nëse Evropa nuk vjen tek ata, ata do të gjejnë një rrugë drejt saj, me gjasë shumë prej tyre e kanë gjet këtë rrugë, andaj të gjithë duhet të përshpejtojmë ritmin e anëtarësimit në Bashkimin Evropian. Vizita në Kievë, e neve si ministra të BE-së na ka bërë të qartë edhe një herë se lufta e Rusisë ndaj Ukrainës e bën edhe e shndërron anëtarësimin e vendeve të Ballkanit Perëndimor të domosdoshëm në dimensionin gjeopolitik”, tha ajo.

Ministri i Jashtëm i Shqipërisë, Igli Hasani, u shpreh se këto takime zhvillohen në një moment të rëndësishëm për Ballkanin Perëndimor

“Lajmi i mirë është se ka një vullnet të ri politik për të zgjeruar Bashkimin Evropian me Ballkanin Perëndimor. Këto nisma na ndihmojnë të integrohemi në disa politika të tregut të përbashkët të Bashkimit Evropian. Qëllimi është që rigjallërimi i procesit të integrimit të konkretizohet me masa që janë të prekshme nga qytetarët. Energjia dhe transporti janë dy sektorë kyç në agjendën e këtij viti të Procesit të Berlinit. Përtej këtyre dy fushave, kemi punuar për nisma konkrete edhe në sektorë të tjerë”, tha Hasani në fund të këtij samiti.

24 delegacione nga vendet anëtare të Procesit të Berlinit u mblodhën sot në Tiranë në takimin e Ministrave të Jashtëm. Ky ishte ministeriali i fundit në serinë e tre ministerialeve që i paraprijnë Samitit në Tiranë, që do mbahet në 16 tetor.

Related Topics:
Continue Reading

Lajmet

KFOR viziton pjesëtarët në Mitrovicë, thekson gatishmërinë për sigurinë në veri

Published

20 minutes ago

on

August 31, 2026

By

Zyrtarë të lartë të misionit të NATO-s në Kosovë, KFOR, kanë vizituar së fundmi pjesëtarët e misionit që veprojnë në Mitrovicë, me fokus në praninë e vazhdueshme dhe situatën e sigurisë në veri të Kosovës.

Sipas KFOR-it, gjatë vizitës komandanti i Njësisë së Specializuar Shumëkombëshe, MSU, ka vëzhguar aktivitetet e patrullimit dhe të sigurisë në terren.

Ndërkaq, shefi i shtabit të KFOR-it është takuar me pjesëtarë të MSU-së, si dhe me ekipet për ndërlidhje dhe monitorim, LMT, nga të cilat ka marrë informacione për zhvillimet dhe aktivitetet operative.

KFOR ka theksuar se prania e dukshme në terren dhe komunikimi i rregullt me komunitetet lokale ndihmojnë misionin të përshtatë praninë e tij dhe të jetë i gatshëm të reagojë në rast nevoje.

“Prania dhe gatishmëria përcaktojnë misionin”, thuhet në njoftimin e KFOR-it.

Misioni i NATO-s ka përsëritur përkushtimin për të ruajtur një prani të informuar dhe të gatshme në të gjithë Kosovën, përfshirë edhe veriun e vendit./A.K/

Continue Reading

Lajmet

Sot takimi Kurti-Abdixhiku: Përpjekje e radhës për marrëveshjen për presidentin

Published

1 hour ago

on

August 31, 2026

By

Kryetari i Lëvizjes Vetëvendosje, Albin Kurti, dhe ai i Lidhjes Demokratike të Kosovës, Lumir Abdixhiku, pritet të zhvillojnë sot një tjetër takim në përpjekje për të zhbllokuar ngërçin politik në vend.

Sipas burimeve të Ekonomia Online, takimi mes dy liderëve është paraparë të mbahet në orën 12:00. Fakti vjen pas disa takimeve intenzive që dy krerët partiakë kanë zhvilluar gjatë ditëve të fundit, ku në fokus të diskutimeve mbetet arritja e një marrëveshjeje për zgjedhjen e presidentit të ri dhe shmangia e zgjedhjeve të jashtëzakonshme parlamentare.

Përpjekja e fundit mes tyre u zhvillua të shtunën mbrëma, mirëpo pas përfundimit të saj nuk u dhanë detaje rreth përmbajtjes së diskutimeve. Kryeministri Kurti u mjaftua me një deklaratë të shkurtër, duke u shprehur se “do të ketë lajme atëherë kur të ketë rezultate konkrete”.

Takimi i sotëm konsiderohet vendimtar për të parë nëse palët do të gjejnë një gjuhë të përbashkët apo nëse vendi po shkon drejt një krize të re politike. /Ekonomia Online/

Continue Reading

Lajmet

Anëtarët e rinj të KQZ-së betohen para ushtrueses së detyrës së presidentes, Albulena Haxhiu

Published

2 hours ago

on

August 31, 2026

By

Anëtarët e rinj të Komisionit Qendror të Zgjedhjeve (KQZ) kanë dhënë sot betimin zyrtar para Ushtrueses së Detyrës së Presidentes së Republikës së Kosovës, Albulena Haxhiu.

Ceremonia e betimit u zhvillua në ambientet e Presidencës, ku 10 anëtarët e rinj u betuan për kryerjen e detyrës me përgjegjësi, paanshmëri dhe në përputhje të plotë me Kushtetutën dhe ligjet në fuqi. Ky moment shënon edhe fillimin zyrtar të mandatit të tyre të ri në krye të institucionit kryesor për organizimin dhe mbarëvajtjen e zgjedhjeve në vend.

Përmes këtij hapi, Komisioni Qendror i Zgjedhjeve rikompleton përbërjen e tij drejtuese, duke hapur rrugën për vazhdimin e punës administrative dhe përgatitjet operative për proceset e ardhshme zgjedhore në Republikën e Kosovës. /E.A/

Foto: Ekonomia Online

Continue Reading

Lajmet

Humb jetën gjatë transportit për në Tiranë 37-vjeçarja shtatzënë nga Pogradeci

Published

2 hours ago

on

August 31, 2026

By

Një 37-vjeçare me inicialet M. K., e cila ishte në muajin e shtatë të shtatzënisë, ka ndërruar jetë gjatë rrugës për në spitalin e Tiranës.

E ndjera ishte paraqitur fillimisht në spitalin e Pogradecit për shkak të disa problemeve shëndetësore. Pas ekzaminimeve mjekësore, mjekët vendosën ta dërgonin për trajtim më të specializuar drejt kryeqytetit.

Gjendja e saj është rënduar gjatë transportit, duke bërë që 37-vjeçarja të vdesë në afërsi të Elbasanit.

Pritet kryerja e autopsisë mjeko-ligjore për të përcaktuar shkakun e saktë të vdekjes, ndërsa autoritetet po bëjnë verifikimet e nevojshme për rastin. /Euronews/

Continue Reading

Të kërkuara