Lajmet

​Azemi: Shqetësuese, MPMS largoi nga puna 400 punëtorë

Azemi: Ministria ka paraparë ekipe lëvizëse, që i bie që pastrimi i objekteve të bëhet më rrallë.

Published

on

Sindikata e Pavarur e Sektorit Privat (SPSPK) ka kundërshtuar vendimin e Ministrisë së Punës dhe Mirëqenies Sociale (MPMS) që të anulojë tenderin e ri për mirëmbajtje dhe siguri, pasi kështu kanë mbetur pa punë 400 punëtorë të sektorit privat.

Kryetari i sindikatës, Jusuf Azemi tha se përkundër premtimeve të qeverisë Kurti se paga minimale do të rritet, ka ndodhur e kundërta, pasi me tenderin e ri është ofruar pagë bruto prej 200 euro. Ai ka kërkuar nga kryeministri Albin Kurti që të pranojë kërkesat e sektorit privat dhe të nënshkruajë kontratën kolektive.

“Shqetësimi kryesor është largimi i 400 punëtorëve nga sektori privat nga Ministria e Mirëqenies Sociale. Disave u është thënë se nuk mund të punojnë, e disave se nuk mund të shkojnë në vendin e punës. Këta punëtorë pa fajin e tyre që nga 1 qershori nuk janë më në listat e pagave për punën që e kanë kryer qe 20 vjet. Shkak i largimit të tyre është tenderi i ri, sipas të cilit nuk mund të punësohen më shumë se 70 punëtorë. Kërkesa jonë është që Ministria të tërheq tenderin sepse po krijon raste sociale”, tha ai.

Azemi tha se Ministria ka paraparë ekipe lëvizëse, që i bie që pastrimi i objekteve të bëhet më rrallë.

“Përderisa qeveria Kurti ka premtuar pagë 350 euro, ne i’u kemi gëzuar ndryshimeve, por ky ndryshim po shkon në disfavor të punëtorëve të Kosovës. Ne po flakemi jashtë vendeve tona të punës. Është e rëndë që një punëtor po mbetet jashtë vendit të punës. Kjo ka mundur të ndodh në vitet e 90-ta por jo tani. Z. Kryeministër kur e ke ndërmend të nënshkruash kontratën kolektive, keni paraparë Gjykatën e Punës, apo e jeni pasur veç për media”, theksoi ai.

Ai tha se janë diskriminuar edhe punëtorët teknik në institucionet arsimore, pasi nuk kanë marrë shtesat prej 100 euro.

“Rreth 800 punëtorë të sektorit privat që punojnë në kampin ‘Bonsteel’ nuk janë paguar qe 20 vite. Nuk e kanë asnjë cent në fondin e tyre. Këtë vit deri më tani kemi 8 raste të vdekjes në vendin e punës. Kemi kërkuar që të kemi një fond special dhe në raste të tilla të stimulohen këta punëtorë. Kemi punëtorë teknik nëpër QKMF pa kontrata të punës, këtë ua ka mundësuar vet shteti”, tha ai.

Lajmet

Sveçla në Forumin e përbashkët të BE-së dhe Ministrave të Brendshëm të Ballkanit Perëndimor

Published

on

By

Ministri i Brendshëm në detyrë, Xhelal Svecla ka marrë pjesë Forumin e përbashkët të BE-së dhe Ministrave të Brendshëm të Ballkanit Perëndimor, i organizuar nga Presidenca Daneze e Këshillit të Evropës dhe Ministria për Siguri e Bosnje dhe Hercegovinës.

Ai ka thënë se aty u diskutua për sfidat e sigurisë që sjell zhvillimi i teknologjisë.

Dje në Sarajevë u mbajt Forumi i përbashkët i BE-së dhe Ministrave të Brendshëm të Ballkanit Perëndimor, i organizuar nga Presidenca Daneze e Këshillit të Evropës dhe Ministria për Siguri e Bosnje dhe Hercegovinës. Gjatë dy sesioneve të Forumit diskutuam për sfidat e sigurisë që sjell zhvillimi i teknologjisë, veçanërisht në fushën e narkotikëve, ekstremizmit të dhunshëm dhe terrorizmit, si dhe për çështjet që lidhen me migrimin, azilin, menaxhimin e kufinjve dhe përafrimin e politikave të vizave. Në adresimin tim prezantova angazhimet e Republikës së Kosovës në këto fusha si dhe sfidat e bashkëpunimit veçanërisht në fushën e terrorizmit, duke refuzuar sjelljen e kryesve të këtyre akteve para drejtësisë.  Në margjinat e këtij forumi nënshkruam edhe planin e përbashkët në parandalimin dhe luftimin e terrorizmit dhe ekstremizmit të dhunshëm për Ballkanin Perëndimor”, ka shkruar Sveçla./EO

Continue Reading

Lajmet

Veliaj: Kjo është një betejë që e bëj edhe për Ogertën, Florin e Arlindin

Published

on

By

Erion Veliaj në Gjykatën Kushtetuese, aty ku po shqyrtohet ankimimi për shkarkimin e tij si të ligjshëm apo jo nga drejtimi i Bashkisë së Tiranës, u shpreh se kjo është që betejë që ai është duke e bërë edhe për ata që do të vijnë pas tij.

Gjithashtu, Veliaj bëri edhe një analogji me kryetarin e Bashkisë së Tropojës dhe kërkoi të njëjtin trajtim.

“Për analogji, doja të përmendja një rast po në Shqipëri. Kryetari i Bashkisë së Tropojës ka qenë 11 muaj në arrest shtëpie, nuk ka qenë në zyrë, por në shtëpinë e tij. Tani lind pyetja, a janë të gjithë qytetarët e barabartë. Pse është ndryshe një qytetar i Tiranës nga një qytetar i Tropojës dhe pse toleranca në Tropojë është 11 muaj dhe në Tiranë është dy javë, 3 muaj dhe 7 muaj? Këtu kemi një disbalancë totale.

Dy gabime nuk prodhojnë më shumë drejtësi. Për të gjithë ata që kanë argumentin, po për qytetarët? Po patjetër, por së pari kam unë një betim dhe një kontratë të lidhur me qytetarët që duhet ta mbrojë. Së dyti, edhe për ata që po kandidojnë. Po sikur nesër t’ja bëjnë këtë Ogertës, Florit, Arlindit?! Kaosi që kemi tani nuk është gjë hiç me kaosin që mund të krijohet nëse kjo do të kthehet në standard. Kështu që kjo është edhe një betejë për ata që do të vijnë pas meje kurdo qoftë ajo ditë”, tha Veliaj./EO

Continue Reading

Lajmet

​Ndalohet një person për shkak se ndikoi gjatë zgjedhjeve në Kllokot

Published

on

By

Prokuroria Themelore në Gjilan në koordinim me Policinë e Republikës së Kosovës- NJHP në Gjilan, ka ndaluar një person për 48 orë me iniciale D.K. nga fshati Verbovc të Kllokotit, për shkak të dyshimit se ka kryer veprën penale ‘’Cenimi i përcaktimit të lirë të votuesve’’.

Prokuroria Themelore në Gjilan, brenda afateve të përcaktuara sipas Kodit të procedurës penale të Republikës së Kosovës, do të ushtrojë ndonjërën nga masat, për sigurimin e pranisë së të pandehurit në procedurën penale, që do të zhvillohet./KP

Continue Reading

Lajmet

​OVL e UÇK-së i reagon Kurtit: Qëllimshëm u anashkaluam sërish

Published

on

By

Organizata e Veteranëve të Luftës së Ushtrisë Çlirimtare të Kosovës ka reaguar ndaj deklarimeve të sotme të kryeministrit në detyrë, Albin Kurti, i cili në mbledhjen e Qeverisë ka folur për rritje të pensioneve dhe pagave.

Sipas OVL-UÇK-së, kryeministri në detyrë “edhe kësaj radhe nuk ka përmendur fare pensionet e veteranëve të luftës”.

Nga kjo organizatë thonë se Qeveria në detyrë po mundohet të krijojë përshtypje mashtruese me premtime për rritje që nuk mund të realizohen pa buxhet të miratuar nga Kuvendi.

Përmes këtij reagimi OVL e UÇK-së kërkon nga qeveria e ardhshme që pensionet e veteranëve të përfshihen në rritjen e pagës minimale.

Në një kohë kur vendi po shkon drejt zgjedhjeve, Qeveria në detyrë po mundohet të krijojë përshtypje mashtruese me premtime për rritje që nuk mund të realizohen pa buxhet të miratuar nga Kuvendi. Por edhe në këtë tentativë për mashtrim të qytetarëve, ku u përmendën të gjitha kategoritë shoqërore, veteranët e luftës së UÇK-së u anashkaluan sërish qëllimisht. Kjo është dëshmi e qartë se diskriminimi ndaj atyre që sakrifikuan më së shumti për lirinë e Kosovës po vazhdon. Në vend që të përmirësohet trajtimi i dinjitetshëm për veteranët, Qeveria në largim po tenton t’i harrojë ata plotësisht, madje edhe në momentet e fundit të mandatit. OVL UÇK kërkon që çdo qeveri e ardhshme të kthejë atë që na takon me ligj, përfshirjen e pensioneve të veteranëve në rritjen e pagës minimale, të drejtë që u mohua padrejtësisht nga qeveria Kurti me ndihmën e Listës Serbe”, thuhet në reagimin e OVL-UÇK-së.

Qeveria në detyrë ka miratuar projektbuxhetin në vlerë prej katër miliardë euro për vitin 2026.

Në mbledhjen e sotme, ekzekutivi mori vendim për rritjen e pensioneve në 150 euro, si dhe shtesave për fëmijë për 50 për qind nga muaji nëntor i këtij viti.

Po ashtu, qeveria në detyrë mori vendim për rritjen e pagës minimale për vitin 2026. Paga minimale u tha se do të rritet në dy faza: nga 1 janari i vitit 2026 paga minimale do të jetë 425 euro, ndërkaq nga korriku i vitit 2026 paga minimale do të bëhet 500 euro./KP

Continue Reading

Të kërkuara