

Lajmet
Avokati i Mustafës thotë se sulmi mbi familjen Jashari ka rritur rezistencën e popullit të Kosovës kundër regjimit brutal serb
Avokati i Mustafës tha se sulmi mbi familjen Jashari ka shërbyer pikë kthese për rezistencën e popullit të Kosovës.
Published
3 years agoon
By
Betim GashiMbrojtja e Salih Mustafës ka filluar të paraqes deklaratën hyrëse para trupit gjykues në Dhomat e Specializuara të Kosovës në Hagë. Në pjesën e parë të saj, avokati Julius Von Bone ka folur për luftën e drejtë të Ushtrisë Çlirimtare të Kosovës dhe në anën tjetër për krimet të cilët i ka kryer Serbia mbi civilët shqiptar në Kosovë gjatë luftës së fundit.
Në hapje të deklaratës, avokati i Mustafës ka thënë se sulmi mbi familjen Jashari në Prekaz ka shërbyer pikë kthese për rezistencën e popullit të Kosovës.
“Adem Jashari konsiderohet si komandant legjendar i UÇK-së, përpjekjet e tij patriotike dhe heroike për çlirimin e Kosovës mbajnë mend edhe sot e kësaj dite në Kosovë, pra për çlirimin nga një regjim brutal. Me 5, 6, dhe 7 mars të vitit 1998 forcat ushtarake dhe policore sulmuan kompleksin e familjes së Adem Jasharit në Prekaz të zonës së Drenicës. Forcat serbe mendonin se me vrasjen e të gjithë familjes Jashari rezistenca e popullit kosovar do të kishte marrë një goditje përfundimtare, aq sa do të ndalonte rezistenca. Vrasja në masë e 59 njerëzve në kompleksin e familjes Jashari, në mes së cilëve edhe shumë fëmijë, disa prej të cilëve jo më shumë se 7 vjeç, është një prej krimeve më të këqija të regjimit serb të kryera ndonjëherë në Kosovë. Një prej krimeve të shumta që kanë kryer forcat serbe në Kosovë”, ka thënë avokati i Salih Mustafës.
Duke e kujtuar sulmin brutal të forcave serbe, Von Bone e ka quajtur atë regjim shtypës por që ka hasur në një rezistencë të fortë me një mbështetje të gjerë në gjithë popullin e Kosovës.
Ndërsa lidhur me ndërhyrjen e NATO-s në Kosovë, Von Bone ka thënë se ishte ndërhyrje humanitare e cila ishte tejet e nevojshme.
“Forcat serbe nuk i ndaluan veprimet e tyre për spastrim etnik aso kohe. Ato vazhduan në mënyrë të rregullt dëbimin me forcë të qytetarëve kosovar me kombësi shqiptare nga shtëpitë e tyre. Data më e rëndësishme në këtë kuadër është deportimi në masë të madhe i shqiptarëve nga stacioni i trenit të Prishtinës. Më 31 mars 1999 që është një tjetër ditë e ngulitur thellësisht në mendjet e shumë qytetarëve kosovar, ka ndodhur kjo, që ishte edhe një ngjarje me rëndësi në Kosovë. Kjo është përshkruar si një prej ngjarjeve të rëndësishme në raportet e OSBE-së të cilat mund t’i gjeni në dosjet e çështjes. Bëhet fjalë për spastrimin e lagjeve të Prishtinës”, ka thënë Von Bone.
Gjatë deklaratës hyrëse, mbrojtja e Mustafës ka folur për dëbimin e shqiptarëve nga pronat e tyre në Kosovë.
Ndërsa lidhur me aktakuzën ndaj të mbrojturit të tij, Von Bone ka folur më shumë për lokacionet në Kosovë dhe pjesën e Zllashit. Ai ka prezantuar edhe fotografi e video-incizime para trupit gjykues por të njëjtat nuk janë bërë publike.
“Nuk ka një material të përcaktuar në dosjen e çështjes gjyqësore rreth Zllashit, ne e dimë me përafërsi se ku ndodhet Zllashi pr nuk ka një përcaktim kufijsh të qartë të kësaj zone, ajo është një zonë e madhe ku shtëpitë janë të shpërndara në të gjithë zonën. Nuk ka një qendër të Zllashit ose fshat i Zllashit, në pikëpamjen administrative zona e Zllashit bie nën Mramos që është një fshat goxha më i madh ën cep të zonës malore, për të shkruar në Zllash nga Prishtina është goxha rrugëtim, veçanërisht për të shkuar në vendin e përcaktuar në aktakuzë. Është një udhëtim që kalon nëpër male, në pjesën dërrmuese të kohës në rrugë të pashtruara. Është ftohtë gjatë dimrit, rrugët janë plot me baltë dhe është e vështirë të udhëtosh me veturë”, ka thënë ai.
Von Bone do të vazhdojë paraqitjen e deklaratës hyrëse të mbrojtjes gjatë ditës së sotme. Ndërsa para trupit gjykues nesër do të flas dëshmitari i parë i mbrojtjes.
Aktakuza ndaj Salih Mustafës, i cili është i arrestuari i parë nga Specialja, është konfirmuar më 12 qershor të vitit 2020 ndërsa ai u arrestua më 24 shtator të vitit të kaluar, me pretendimin për krime lufte. Ai po qëndron në qendrën e paraburgimit në Hagë ndërsa në deklarimin e tij para trupit gjykues, Salih Mustafa është deklaruar i pafajshëm.
Aktualitet
I kapen 38 qese kokainë një personi në Prishtinë
Published
19 minutes agoon
August 27, 2025By
UBT News
Policia e Kosovë në Prishtinë ka njoftuar se ka gjetur tek një person 38 qese substanca që dyshohet të jenë lëndë narkotike të llojit kokainë.
Policia njofton se droga është gjetur tek drejtuesi i një veture gjatë kontrolleve të rregullta ka në rrugën “Ahmet Krasniqi” në kryeqytet.
“I dyshuari menjëherë është proceduar më tej dhe ndaj tij janë ndërmarrë veprimet e nevojshme ligjore dhe hetimore”, thuhet në një njoftim të policisë.
Bota
Vetoja e presidentit polak kundër ndihmave për refugjatët ukrainas shkakton stuhi politike
Published
34 minutes agoon
August 27, 2025By
UBT News
Presidenti i Polonisë, Karol Nawrocki, i cili është një nga aleatët më të afërt të Kievit në luftën kundër pushtuesit rus. e ka përdorur veton kundër një projektligji për ndihma për refugjatët ukrainas, duke shkaktuar stuhi politike në këtë vend të Evropës Qendrore.
Nawrocki, i cili shpesh ka ngritur çështje të ndërlikuara historike midis Varshavës dhe Kievit, e përdori të martën veton ndaj një projektligji që, duke filluar nga 1 tetori, do t’ua mohonte refugjatëve ukrainas në Poloni të drejtën për të punuar.
Sipas kritikëve, ky veprim i tij do të bëjë që refugjatët të bëjnë punë të padeklaruar dhe Qeveria polake do të humbë të ardhura nga taksat si pasojë.
Të hënën, Nawrocki paraqiti gjithashtu plane për ta kufizuar qasjen e refugjatëve ukrainas në përfitimet për fëmijë dhe kujdesin shëndetësor.
I zgjedhur pas një fushate që pasqyronte disa prej politikave të presidentit amerikan, Donald Trump, Nawrocki ka premtuar një politikë “Polonia e Para”, duke përfshirë vendosjen e kufizimeve për të drejtat e të huajve në vendin që është anëtar i BE-së dhe NATO-s.
Politikani konservator u zgjodh pasi mposhti ngushtësisht në rundin e dytë kryetarin liberal të Varshavës, Rafal Trzaskowski, në zgjedhjet e 1 qershorit.
Rezultati i zgjedhjeve përbënte një goditje të rëndë për kryeministrin Donald Tusk, i cili është aleat i ngushtë i Trzaskowskit dhe mbështetës i zëshëm i Ukrainës.
Edhe vetë Nawrocki ka shprehur mbështetje për Ukrainën në luftën kundër forcave pushtuese ruse. Por, ai ka thënë se i është kundër anëtarësimit të Ukrainës në NATO, një qëndrim që duket se polakë po e ndajnë gjithnjë e më shumë.
Megjithëse në përgjithësi e mbështesin betejën e Kievit kundër Rusisë, shumë polakëve u ka humbur durimi me fluksin e rreth 1.5 milionë refugjatëve të luftës nga Ukraina dhe kostot e lidhura me ta.
Vendimet e Nawrockit kanë nxitur kritika nga mbështetësit e Ukrainës brenda Qeverisë polake.
“Vendimi i tij minon stabilitetin e ekonomisë, kohezionin social, detyrimet ndërkombëtare të Polonisë dhe sigurinë e të gjithë vendit”, thuhet në një deklaratë të Ministrisë së Brendshme të Polonisë.
Ministria shtoi se vendimi për të vënë veton ndaj projektligjit për ndihmën për refugjatët ukrainas mund të krijojë shpenzime shtesë prej 2.18 miliardë dollarësh, duke ushtruar trysni shtesë mbi një buxhet tashmë të tendosur.
Bota
Trump: Nëse Rusia nuk lëviz drejt paqes, shpallim luftë ekonomike
Published
37 minutes agoon
August 27, 2025By
UBT News
Presidenti i Shteteve të Bashkuara, Donald Trump, sërish e ka hedhur poshtë mundësinë e ndonjë takimi së shpejti mes udhëheqësve rusë dhe ukrainas, si dhe ka folur për mundësinë e sanksioneve të reja ndaj Moskës, megjithëse tha se edhe pala ukrainase është në faj.
“Unë dua që lufta të përfundojë. “Ajo që e kam në mendje është shumë, shumë serioze, nëse më duhet ta bëj. Por, dua ta shoh duke përfunduar”, theksoi ai. Ne duam përfundimin e saj. Ne kemi sanksione ekonomike”, u tha Trump gazetarëve të martën në Shtëpinë e Bardhë.
Trump shtoi: “Nuk do të jetë një luftë botërore, por do të jetë një luftë ekonomike. Një luftë ekonomike do të jetë e keqe, dhe do të jetë e keqe për Rusinë, dhe unë nuk e dua këtë”.
Ka kohë që Trump e përdor kërcënimin me sanksione ekonomike apo tarifa të larta kundër vendeve të tjera në çështje ndërkombëtare.
Ai ka paralajmëruar por ende nuk ka vendosur masa ekonomike kundër Moskës, megjithëse SHBA-ja dhe Perëndimi kanë vendosur një sërë sanksionesh të rënda ndaj Rusisë prej se ajo e filloi pushtimi e plotë të Ukrainës në shkurt të vitit 2022.
“Mendoj se, në shumë mënyra, ai [presidenti rus Vladimir Putin] është aty. Ndonjëherë ai është aty dhe [presidenti ukrainas Volodymyr Zelensky nuk është aty. As Zelensky nuk është plotësisht i pafajshëm. Unë kaloj shumë mirë me të tani, por kemi marrëdhënie shumë më ndryshme sepse tani nuk po ia japim asnjë qindarkë Ukrainës”, tha Trump, duke iu referuar një marrëveshjeje ku anëtarët e NATO-s blejnë armë amerikane për t’u përdorur nga Kievi”, nënvizoi ai.
Trump gjithashtu la të kuptohej për mundësinë e masave kundër Kievit, por nuk dha hollësi.
“Unë kam marrëdhënie shumë të mira me Putinin. Nëse mund t’i shpëtoj mijëra njerëz nga vdekja përmes sanksioneve ndaj Rusisë ose Ukrainës ose kujtdo tjetër, është mirë”, shtoi ai.
Kur u pyet për refuzimin e Putinit për t’u takuar ballë për ballë me Zelenskyn dhe për dyshimet e Kremlinit mbi legjitimitetin e udhëheqësit ukrainas, Trump tha se nuk ka rëndësi çfarë thonë rusët sepse të gjithë po bëjnë shfaqje.
Rusia ka vazhduar me pushtimin e plotë të Ukrainës pa ndërprerje pas takimeve të Trumpit me Putinin në Alaskë, më 15 gusht, dhe me Zelenskyn dhe liderët evropianë në Shtëpinë e Bardhë tri ditë më vonë.
Trump, i cili që prej se e mori detyrën në janar ka kërkuar ta ndërmjetësojë përfundimin e luftës, i përdori ato takime për ta organizuar një takim ballë për ballë mes Putinit dhe Zelenskyt, të cilët nuk janë takuar që nga viti 2019.
Zelensky – i cili ka kërkuar një takim të tillë me Putinin – më 26 gusht tha se Turqia, vendet e Gjirit ose shtetet evropiane mund të shërbejnë si mikpritës të çdo takimi që ai mund të mbajë me Putinin.
Aktualitet
Oda Amerikane diskuton tarifat 0% për mallrat amerikane
Published
41 minutes agoon
August 27, 2025By
UBT News
Oda Ekonomike Amerikane në Kosovë do të mbajë një forum me temën “Largimi i barrierave, ndikimi ekonomik i tarifave 0% për mallrat amerikane”, që synon të trajtojë përfitimet ekonomike dhe ndikimin e drejtpërdrejtë të politikave të tregtisë së lirë ndërmjet Shteteve të Bashkuara të Amerikës dhe Kosovës.
Ngjarja do të zhvillohet në selinë e Odës Amerikane, më 26 gusht 2025, në ora 15:30, dhe pritet të mbledhë përfaqësues të institucioneve shtetërore, bizneseve vendore, investitorëve dhe përfaqësuesve diplomatikë.
Forumi do të ofrojë një hapësirë për diskutim të politikave aktuale tregtare dhe mundësive që krijohen për bizneset vendore përmes heqjes së barrierave dhe aplikimit të tarifave 0% për mallrat amerikane.

Ditë kyçe për Barcelonën në afatin e transferimeve

Real Madridi synon rikthimin e Nico Paz në vitin 2026

I kapen 38 qese kokainë një personi në Prishtinë

E ardhmja e Vinicius Junior te Real Madridi mbetet e pasigurt

Akuzohen nga Italia si pjesëtarë të grupeve kriminale, arrestohen tre persona në Fier

Barcelona refuzon të shesë Fermin Lopezin, pavarësisht interesimit të Chelseat

Leon Avdullahu zgjedh Kosovën, Shaqiri: Kishim folur për këtë

Vetoja e presidentit polak kundër ndihmave për refugjatët ukrainas shkakton stuhi politike

Trump: Nëse Rusia nuk lëviz drejt paqes, shpallim luftë ekonomike
Të kërkuara
-
Lajmet nga UBT3 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA