Sport

​Atletico Madrid-Chelsea, formacionet e mundshme

Published

on

Chelsea do të përballet me Atletico Madridin në ndeshjen e parë të 1/16-ës, në kuadër të Ligës së Kampionëve.

Ndeshja do të zhvillohet në shtetin e Rumanisë, për shkak të protokollit antiCOVID-19 kundër udhëtimeve që ka shteti i Spanjës.

Teknikisht, në këtë ndeshje Atletico është vendas, ndërsa përballja tjetër do të zhvillohet në Londër, në muajin mars.

Skuadra spanjolle ka arritur të prekë dy herë finalen e Ligës së Kampionëve, dhe tri herë finalen e Ligës së Evropës në 11 sezone, ndërsa ka regjistruar nëntë fitore në 11 xhiro me nga dy ndeshje kundër ekipeve angleze.

Ndeshja e sotme në Rumani do të jetë e para mes këtyre dy skuadrave, që nga sezoni 2017/18 i Ligës së Kampionëve, ku atëkohë “Blutë” e Londrës regjistruan fitore 2:1 në Madrid, ndërsa në ndeshjen e kthimit në “Stamford Bridge” barazuan me rezultat 1:1.

Simeone do të ketë probleme me lëndime, ku do të jetë pa shërbimet e mbrojtësit Jose Gimenez, dhe lojtarëve si Yannick Carrasco, Sime Vrsaljko e Hector Herrera.

Në anën tjetër, Thomas Tuchel ka konfirmuar që mungesa e vetme te Chelsea do të jetë mbrojtësi veteran Thiago Silva.

Të dy skuadrat kanë për qëllim të sigurojnë fitoren dhe për këtë kanë vendosur lojtarët më të mirë në dispozicion.

Atletico Madrid (3-5-2): Oblak; Savic, Felipe, Hermoso; Llorente, Kondogbia, Koke, Saul, Lodi; Felix, Suarez

Chelsea (3-4-3): Mendy; Azpilicueta, Christensen, Rudiger; James, Kante, Jorginho, Alonso; Mount, Abraham, Werner

21:00 Atletico Madrid – Chelsea (Stadiumi neutral, Arena Nationala)

Sport

Emir Sahiti humb vendin te Hamburgu, trajneri i kërkon përmirësim

Published

on

Sulmuesi kosovar, Emir Sahiti, nuk po gjen hapësirë te skuadra gjermane e Hamburgut, pasi në dy ndeshjet e fundit të Bundesligës ndaj Heidenheim dhe Union Berlin nuk është përfshirë as në listën e të ftuarve.

Edhe në përballjen kundër Bayern Munichut, 25-vjeçari ishte vetëm në stol, pa marrë minuta në fushë.

Shkak për këtë situatë duket të jetë forma jo e mirë e lojtarit, gjë që e konfirmoi edhe trajneri Merlin Polzin, i cili i ka kërkuar Sahitit përmirësim në disa aspekte të lojës.

“I kam shpjeguar Emirit se në cilat pozita duhet të përmirësohet. Finalizimi dhe përfundimi i aksioneve janë segmentet ku ai ka më shumë nevojë të punojë. Situata në skuadër nuk është e lehtë për shkak të konkurrencës së madhe, por ai ka po aq shanse sa të gjithë të tjerët për të fituar një vend në ekip”, tha Polzin.

Mbetet të shihet nëse Sahiti do të arrijë ta bindë trajnerin gjatë stërvitjeve të kësaj jave, në mënyrë që të jetë pjesë e skuadrës për ndeshjen e radhës, ku Hamburgu pret në shtëpi Mainz 05. /A.Z/UBT News/

Continue Reading

Lajmet

​U dëmtua kundër Interit, sulmuesi italian mbyll para kohe sezonin

Published

on

Një lajm jo i mirë për Cagliarin nis kur Andrea Belotti doli nga fusha pothuajse i përlotur në pushimin e ndeshjes të së shtunës në shtëpi kundër Interit.

Testet që iu nënshtrua sulmuesi zbuluan një këputje të ligamentit të kryqëzuar anterior në gjurin e tij të majtë, sipas një deklarate nga klubi sard.

“Lojtari do t’i nënshtrohet testeve të mëtejshme dhe vizitave të specialistëve në ditët në vijim”, thuhet në njoftim.

Për “gjelin”, sezoni praktikisht ka mbaruar, dhe kujtojmë se Belotti iu bashkua Cagliarit në fund të merkatos të verës dhe luajti tre ndeshje në kampionat për kuqeblutë, duke shënuar dy gola në një fitore 2-1 ndaj Leçes.

Continue Reading

Lajmet

​Gjykata spanjolle liron Dani Alves-in

Published

on

Gjykata e Lartë e Katalonjës ka rrëzuar të premten dënimin për përdhunim ndaj ish-futbollistit brazilian Dani Alves, duke arsyetuar se çështja kishte mospërputhje dhe kontradikta në dëshmitë e paraqitura.

Alves, 41 vjeç, ishte dënuar vitin e kaluar me katër vjet e gjysmë burg për përdhunimin e një gruaje në një klub nate në Barcelonë në vitin 2022. Megjithatë, gjykata e apelit vendosi se dëshmia e akuzueses nuk kishte besueshmëri të mjaftueshme, duke theksuar se mungonin prova të qarta për të mbështetur akuzën.

“Dani Alves është shumë i lumtur. Ai është i pafajshëm, kjo është demonstruar. Drejtësia ka folur,” deklaroi avokatja e tij, Ines Guardiola.

Ndërkohë, avokatja e akuzueses, Ester Garcia, paralajmëroi se do ta çojë çështjen në Gjykatën Supreme të Spanjës, proces që mund të zgjasë deri në një vit./S.K/KP/Morung Express/

 

Continue Reading

Lajmet

Caktohet data, Pogba rikthehet në fushë

Published

on

Paul Pogba është shumë pranë rikthimit në futboll pas një periudhe të gjatë mungese tha trajneri i Monacos, Adi Hütter. Ai zyrtarisht ka konfirmuar se mesfushori francez po përparon ndjeshëm.

“Fizikisht dhe mendërisht po shkon mirë. Është stërvitur për tre muaj dhe është afër kthimit në skuadër,” deklaroi Hütter.

Sipas mediave franceze, Pogba pritet të jetë i disponueshëm më 5 tetor, në ndeshjen e Ligue 1 kundër Nice në Stade Louis II.

Ndërkohë, rikthimi në sfidën e së shtunës kundër Lorient shihet më pak i mundshëm.

Ish-mesfushori i Juventusit nuk ka luajtur një ndeshje zyrtare që prej 3 shtatorit 2023, kur u aktivizua ndaj Empolit.

Pak javë më vonë, ai u pezullua për doping dhe u dënua fillimisht me katër vite jashtë fushave. Megjithatë, në tetor 2024, Gjykata e Arbitrazhit Sportiv uli ndalimin në 18 muaj, që skadoi më 11 mars 2025.

Pas ndarjes me Juventusin, Pogba refuzoi një transferim në MLS dhe verën e kaluar nënshkroi një kontratë dyvjeçare me Monacon, e vlefshme deri më 30 qershor 2027.

Klubi monegask e ka regjistruar 31-vjeçarin edhe për Ligën e Kampionëve, ku pritet të rikthehet në tetor.

Ky rikthim do të shënojë një moment të rëndësishëm për kampionin e botës 2018, i cili synon të rifitojë formën dhe të lërë pas periudhën më të vështirë të karrierës së tij./S.K/KP/CNN/

Continue Reading

Të kërkuara