Lajmet

​ATK-ja promovon të dhënat e hapura elektronike

Nga ATK-ja zotohen se do ta rrisin llogaridhënien.

Published

1 year ago

on

Administrata Tatimore e Kosovës (ATK) ka mbajtur të martën tryezën e diskutimit lidhur me promovimin e të dhënave të hapura të publikuara ne ueb-faqen e ATK-së.

Drejtori i përgjithshëm i ATK-së, Ilir Murtezaj duke folur për promovimin dhe politikat e ekonomisë në të ardhmen, tha se hapja e të dhënave nga ATK-ja është një hap i rëndësishëm në raport me transparencën me qytetarët dhe llogaridhënien.

“Hapja e të dhënave nga ATK -ja, është një hap i rëndësishëm në raport me transparencën në raport me qytetarët ku data aseta të hapura janë të qasshme dhe në të njëjtën kohë kanë sjell shumë avantazhe në palët e interesuara. Qëllimi i kësaj është rritja e transparencës, shkas i kësaj iniciative janë edhe zbatimi i planit për përmirësimin e integritetit të institucionit të ATK, si dhe nga kërkesat e shumtë që kanë ardhur dhe vazhdojnë të vinë nga organizata të ndryshme. ATK deri tani ka hapur 4 data asete që kanë të bëjnë më hyrjen, qarkullimin, me arkat fiskale dhe gjobat, ndërsa nga dje kësaj open data janë shtuar edhe 6 aseta të reja dhe në total kemi 10 asete ne ueb faqen e ATK-së. Në këto aseta kemi të bëjmë me deklarimin e numrit të punëtorëve, pagesat dhe rimbursimet…Sidoqoftë është thelbësore që hapja e të dhënave të ndjek standarde të larta të sigurisë dhe privatësisë për të mbrojtur informacionet ndjeshme të individëve…Hapja e të dhënave është një çelës për çdo institucion e organizata për rritje të transparencës dhe llogaridhënies”, tha Murtezaj.

Përfaqësuesja e USAID-it, Dardane Peja tha se këto të dhëna janë një burim i vlefshëm për politikat ekonomike të vendit. Ajo theksoi se do të vazhdojnë të mbështesin ATK-në në grumbullimin dhe publikimin e të dhënave.

“Gjatë viti të kaluar USAID-i përmes programit për qeverisje ekonomike ka dizajnuara dhe ka lansuar iniciativën për të dhënat e hapura…Kjo iniciativë përfaqëson një hap të rëndësishëm në ndërtimin e besimit publik përmes rritjes se transparencës dhe llogaridhënies. Të dhënat që janë publikuar deri më tani dhe që do të publikohen në të ardhme do të jenë një burim i vlefshëm për hartuesit e politikave ekonomike, për hulumtuesit, gazetarët, organizatat lokale dhe ndërkombëtare sepse duke analizuar trendet e rëndësishme ekonomike mund të përcaktohet edhe kontribuesit për zhvillimin ekonomik të vendit. Në do të vazhdojmë ta mbështesim ATK në grumbullimin e të dhënave të reja dhe në publikim e tyre sepse këto të dhëna do të kontribuojnë në kuptimin më të mirë të trendeve ekonomike si dhe në marrjen e disa vendimeve që janë shumë me rëndësi në përpilimin e politikave zhvillimore”, është shprehur Peja.

Ky organizim është mbështetur nga Programi i USAID për Qeverisje Ekonomike në Kosovë.

Related Topics:
Continue Reading

Lajmet

Si t’i largoni buburrecat nga shtëpia?

Published

2 hours ago

on

November 7, 2024

By

Kripa – Nëse qitni kripë në rrugën e buburrecave, ata shumë shpejt do të ngopen me kripë, e cila është fatale për traktin e tyre digjestiv.

Soda dhe sheqeri – Përzieni sodën e bikarbonatit dhe sheqerin pluhur në përpjesëtim të barabartë dhe qiteni nëpër vendin në të cilin grumbullohen buburrecat. Edhe përzierja e uthullës dhe ujit, në përpjesëtim 2:1 do ta zgjidhë problemin.

Limoni – Meqenëse buburrecat nuk e durojnë thartirën e limonit, me lëng limoni spërkatni vendet ku ka më së shumti buburreca.

Continue Reading

Bota

Raport i ri: Gati gjysma e të rinjve të BE-së janë të ekspozuar ndaj abuzimit në internet

Published

3 hours ago

on

November 7, 2024

By

Një raport i ri nga Eurostat ka zbuluar se të rinjtë në Bashkimin Evropian mbeten shumë të cenueshëm ndaj urrejtjes dhe abuzimit në internet. Sipas të dhënave të vitit 2023, gati gjysma e popullsisë të BE-së, në moshën 16 deri 29 vjeç, janë përballur me mesazhe armiqësore në internet të cilat ishin të orientuara kundër grupeve apo individëve të caktuar.

Saktësisht, 49% e të rinjve në këtë grupmoshë në Bashkimin Evropian janë ekspozuar ndaj gjuhës së urrejtjes, e cila përfshin shprehje armiqësore dhe diskriminuese në platformat online. Shtetet me normat më të larta të ekspozimit ndaj këtij fenomeni ishin Estonia (69%), Danimarka (68%), Finlanda (68%), Franca (65%) dhe Sllovakia (65%).

Nga ana tjetër, disa shtete të tjera kishin norma më të ulëta të ekspozimit, duke përfshirë Kroacinë (24%), Rumaninë (27%) dhe Bullgarinë (31%), ku më pak se një e treta e popullsisë e rinisë u përballën me urrejtje në internet.

Gjuha e urrejtjes ishte shpesh e lidhur me pikëpamjet politike dhe sociale, me një mesatare prej 35% në të gjithë BE-në. Kjo ishte kategoria më e shpeshtë e mesazheve të armiqësore, veçanërisht në Estoni (60%), Finlandë (56%) dhe Danimarkë (49%).

Në raportin gjithashtu përmendet se 32% e të rinjve të BE-së ishin të ekspozuar ndaj mesazheve që synonin komunitetin LGBTQ+, me përqindjet më të larta të regjistruara në Estonia (46%), Sllovaki dhe Portugali (44%).

Përveç kësaj, 30% e të rinjve janë përballur me mesazhe armiqësore racore, me Holandën dhe Portugalinë që ishin vendet më të prekura, secila me 45% të të rinjve të ekspozuar ndaj këtij fenomeni.

Ky raport nxjerr në pah një shqetësim të madh për sigurinë dhe mirëqenien e të rinjve në internet dhe thekson nevojën urgjente për masa mbrojtëse dhe ndërhyrje për të reduktuar kërcënimet që vijnë nga urrejtja dhe diskriminimi online./UBTNews/

Continue Reading

Bota

Parlamenti izraelit miraton ligjin që lejon burgosjen e fëmijëve palestinezë nën 14 vjeç

Published

4 hours ago

on

November 7, 2024

By

Parlamenti izraelit (Knesset) miratoi sot një ligj të ri, i cili autorizon ndalimin e fëmijëve palestinezë nën 14 vjeç që akuzohen për vrasje që përfshijnë “terrorizëm ose aktivitete terroriste”. Ligji, i miratuar në leximin e dytë dhe të tretë me 55 vota pro dhe 33 kundër, e bën këtë dispozitë një ligj në fuqi.

Ky ligj është një masë e përkohshme pesëvjeçare, e cila lejon gjykatat izraelite të urdhërojnë ndalimin e fëmijëve nën 14 vjeç në ambiente të mbyllura, përfshirë burgjet, dhe ata do të vazhdojnë të vuajnë dënimin nëse mbushin 14 vjeç. Ligji gjithashtu lejon zgjerimin e periudhës së ndalimit për deri në dy vjet, nëse aprovohet nga ministrat e drejtësisë dhe mirëqenies dhe Komiteti Kushtetues i Knessetit.

Pjesë e legjislacionit është edhe një dispozitë që i lejon gjykatave të burgosin të miturit në burgje të zakonshme për periudha deri në dhjetë ditë, nëse ata konsiderohen të rrezikshëm. Ky veprim mund të zgjatet nëse gjykata vlerëson se rrethanat e justifikojnë një periudhë më të gjatë të ndalimit.

Aktualisht, më shumë se 270 të mitur palestinezë janë në paraburgimin izraelit, përkundër rezolutave të OKB-së dhe traktateve ndërkombëtare që ndalojnë burgosjen e fëmijëve. Grupi i të drejtave palestineze ka ngritur shqetësime të mëdha për këtë ligj, duke e quajtur atë një shkelje të të drejtave të fëmijëve.

Ligji është pjesë e një seri masash të reja të miratuara nga Knesseti, përfshirë një legjislacion që mundëson deportimin e anëtarëve të familjeve të palestinezëve të përfshirë në sulme kundër izraelitëve. Ky ligj është përqendruar kryesisht në qytetarët arabë të Izraelit dhe banorët palestinezë të Kudsit Lindor të pushtuar. Mediat izraelite kanë raportuar se Gaza mund të jetë një destinacion i mundshëm për ata që mund të deportohen.

Këto masa vijnë në një kohë kur tensionet në territoret palestineze janë përshkallëzuar në kontekstin e ofensivës brutale izraelite në Rripin e Gazës. Pas këtij sulmi, rreth 43,400 njerëz, kryesisht gra dhe fëmijë, kanë humbur jetën që nga tetori i vitit të kaluar, duke ngritur akuza për gjenocid ndaj Izraelit në Gjykatën Ndërkombëtare të Drejtësisë për veprimet e tij në Gaza./UBTNews/

 

Continue Reading

Bota

Britania e Madhe njofton sanksione të reja kundër Rusisë

Published

4 hours ago

on

November 7, 2024

By

Britania e Madhe ka shpallur një seri sanksionesh të reja kundër Rusisë, duke përfshirë Denis Sergeev, i dyshuari për helmimin e Sergei dhe Yulia Skripal në Salisbury në vitin 2018. Sanksionet gjithashtu synojnë furnizuesit që mbështesin prodhimin ushtarak të Rusisë dhe grupet mercenare të mbështetura nga Rusia që veprojnë në Afrikën Sub-Sahariane.

Zyra e Jashtme e Britanisë së Madhe ka njoftuar se rreth 56 sanksione do të targetojnë subjekte nga Kina, Turqia dhe Azia Qendrore, të përfshira në furnizimin dhe prodhimin e mallrave, përfshirë vegla makinerie, mikroelektronikë dhe komponente për dronët.

Sekretari i Jashtëm, David Lammy, theksoi se këto sanksione janë pjesë e përpjekjeve të Britanisë për të luftuar aktivitetet malinje ruse në mbarë botën. Ky njoftim vjen pak para pjesëmarrjes së Kryeministrit britanik, Keir Starmer, në Samitin e Komunitetit Politik Evropian në Budapest, ku ai pritet të diskutojë përpjekjet për të luftuar aktivitetet malinje ruse dhe të riafirmojë mbështetje të palëkundur për Ukrainën./UBTNews/

Continue Reading

Të kërkuara