Kronikë e zezë

​Arrestohen gjashtë persona, konfiskohen mbi 82 kilogramë drogë, armë e automjete

Published

5 years ago

on

Policia e Kosovës ka arrestuar gjashtë persona dhe ka konfiskuar 82 kilogramë drogë, armë, automjete dhe gjësende të ndryshme.

Nga policia kanë treguar se “Arrestimi i personave i tyre është bërë mbi dyshimin e bazuar për përfshirje në veprat penale ‘Blerja ,posedimi shitja dhe shpërndarja e paautorizuar e narkotikëve, substancave psikotrope ose analoge’, ‘Mbajtja nën kontroll dhe shfrytëzim i paautorizuar i armëve’, ‘Prodhimi dhe shpërndarja e produkteve të dëmshme mjekësore dhe pa banderolë’ si dhe ‘Shmangia nga pagesat e detyrueshme doganore ose tarifave akcizore’”.

Operacioni policorë është bërë në rajonin e Prishtinës dhe atë të Gjilanit.

“Policia e Kosovës në bashkëpunim dhe koordinim me Prokurorinë Shtetit, në vazhdën e angazhimeve në parandalimin dhe luftimin e veprave kriminale, konkretisht Drejtoria për Hetimin e Trafikimit me Narkotikë (DHTN),- njësia në Prishtinë, ka realizuar një operacion policor në rajonin e Prishtinës dhe të Gjilanit, i cili ka rezultuar me arrestimin e gjashtë (6) personave të dyshuar”, thuhet në komunikatën për media nga Policia e Kosovës.

Me urdhër të prokurorit kompetent është bërë edhe kontrollimi i katër lokacioneve, prej tyre dy banesa të banimit, njëra në Prishtinë dhe tjetra në Fushë Kosovë, si dhe dy shtëpi në Gjilan së bashku me një objekt përcjellës, të cilat dyshohet se grupi në fjalë i kanë përdorur për fshehje, shitje dhe shpërndarje të narkotikëve, si dhe për kontrabandë të barnave me origjinë të dyshimtë.

Gjatë realizimit të kontrollit në cilësi të provave materiale në lokacione të ndryshme janë gjetur të fshehura në vende dhe mjete të ndryshme, provat e sekuestruara:

  • 82 kilogramë e 914 gramë (tetëdhjetë e dy kilogramë e nëntëqind e katërmbëdhjetë gramë marihuanë).
  • 100 paketime të barnave të kontrabanduara, me peshë prej 100 kilogramëve e 180 gramëve
  • 1 pushkë gjuetie me 35 predha (fishekë) si dhe dy qese najloni të mbushura me barot dhe sfera për municion të armës së gjuetisë.
  • 1 armë e gjatë ‘AK- 47’ me një karikator.
  • 1 revole ‘TT’ me një karikator dhe 6 predha (fishekë).
  • 1 dylbi e armës së gjatë, 174 predha (fishekë).
  • 5 vetura të ndryshme
  • 15.774,50 € (Pesëmbëdhjetë mijë e shtatëqind e shtatëdhjetë e katër euro e pesëdhjetë cent), si dhe 20 (njëzet) franga zvicerane.
  • Barna të llojeve të ndryshme.

Personat e dyshuar janë arrestuar dhe me vendim të prokurorit kompetent janë dërguar në mbajtje për 48 (dyzet e tetë) orë.

Related Topics:
Continue Reading

Kronikë e zezë

Sekuestrohen narkotikë dhe pajisje për paketim në Suharekë, arrestohen dy persona

Published

7 hours ago

on

October 5, 2026

By

Policia ka ndaluar një veturë në Suharekë, ku gjatë kontrollit janë gjetur substanca të dyshuara narkotike dhe pajisje që dyshohet se janë përdorur për përpunimin dhe paketimin e tyre.

Rasti është regjistruar më 3 tetor 2026. Në veturë ndodheshin tre persona të dyshuar.

Gjatë kontrollit, policia ka sekuestruar 25.86 gramë substancë të dyshuar narkotike të llojit marihuanë dhe 0.83 gramë substancë të dyshuar narkotike të llojit kokainë.

Po ashtu, janë gjetur dhe sekuestruar dy peshore për matjen e substancave narkotike, një grinder për bluarjen e marihuanës, një brisk dhe 63 qese të vogla, të cilat dyshohet se shërbenin për paketimin e narkotikëve.

Në cilësi të provave materiale janë sekuestruar edhe tre telefona celularë dhe një shumë parash të gatshme.

Pas intervistimit dhe me vendim të prokurorit, dy nga të dyshuarit janë arrestuar dhe janë dërguar në mbajtje, ndërsa personi i tretë është liruar dhe rasti ndaj tij do të procedohet në procedurë të rregullt.

Rasti mbetet nën hetim nga organet kompetente.

D.L

Continue Reading

Kronikë e zezë

Prishtinë: Një i dyshuar shoqërohet në Polici për ngacmim

Published

7 hours ago

on

October 5, 2026

By

Sipas raportit 24-orësh të Policisë së Kosovës, në Prishtinë është raportuar një rast i veprës penale “Ngacmim”, ku i një i dyshuar burrë ka ngacmuar një viktimë grua.

I dyshuari është shoqëruar në stacionin policor dhe pas intervistimit, me vendim të prokurorit kujdestar, është liruar në procedurë të rregullt. /E.A/

Continue Reading

Kronikë e zezë

Aksident me fatalitet në Prishtinë, viktima ndërron jetë në QKUK

Published

7 hours ago

on

October 5, 2026

By

Një person ka ndërruar jetë si pasojë e plagëve të marra në një aksident trafiku në Prishtinë.

Sipas raportit të Policisë së Kosovës, aksidenti është raportuar më 3 tetor 2026. Viktima, ishte duke u trajtuar në Qendrën Klinike Universitare të Kosovës (QKUK), pasi ishte goditur nga një veturë.

Policia ka njoftuar se viktima ka ndërruar jetë më 4 tetor, gjatë kohës sa ishte duke marrë trajtim mjekësor.

Me vendim të prokurorit, trupi i pajetë është dërguar në Institutin e Mjekësisë Ligjore (IML) për obduksion.

Rasti është duke u hetuar nga organet kompetente.

D.L

Continue Reading

Kronikë e zezë

Raportohet për dhunim në Obiliq, i dyshuari në kërkim policor

Published

7 hours ago

on

October 5, 2026

By

Një rast i rëndë është raportuar në Obiliq, ku një person dyshohet se ka kryer veprën penale të dhunimit ndaj një gruaje.

Sipas të dhënave të Policisë së Kosovës, rasti është raportuar për periudhën 4 tetor 2026, nga mesnata deri në orën 09:00. I dyshuari është mashkull, shtetas i Kosovës, ndërsa viktima është femër, po ashtu shtetase e Kosovës.

Për rastin është njoftuar prokurori kompetent, ndërsa i dyshuari aktualisht ndodhet në kërkim policor.

Policia ka bërë të ditur se rasti është duke u hetuar dhe se procedurat hetimore janë në zhvillim.

D.L

Continue Reading

Të kërkuara