Lajmet

​Administrata e Vushtrrisë, për gjashtë muaj ofrohen mbi 30 mijë shërbime për qytetarët

Qytetarët e vlerësojnë efikasitetin e administratës së komunës së Vushtrrisë në ofrimin e shërbimeve.

Published

4 years ago

on

Komuna e Vushtrrisë, përmes Drejtorisë së Administratës, ka ofruar mbi 30 mijë shërbime për qytetarët e saj, e këtë vetëm për gjashtë muajt e parë të këtij viti. Digjitalizimi i shërbimeve ka bërë që pritja në radhë të jetë minimale dhe shërbimet të kryhen shumë shpejtë.

Drejtoresha e Administratës në komunën e Vushtrrisë, Edona Gashi, thotë se po vazhdojnë që të investojnë në digjitalizim të shërbimeve, me qëllimin e vetëm që qytetarëve t’ju ofrojnë shërbime efikase.

Në zyrën e gjendjes civile gjithçka funksionon janë në mënyrë elektronike, si ofrimi i shërbimeve ashtu edhe menaxhimi i pritjes në radhë.

“Në raportin gjashtëmujor që e kemi bërë, prej janarit deri në qershor të vitit 2021 janë diku mbi 30 mijë shërbime që janë ofruar në Drejtorinë e Administratës, në njërin prej sektorëve… Drejtoria e Administratës për momentin ka katër sektorë, është koncepti i ‘one stop shop’ është ideja që qytetari t’i drejtojë kërkesat edhe ankesat tek sportelet e Qendrës për Shërbim me Qytetarët dhe në të njëjtën kohë ato të procesohen prej sporteleve në drejtoritë përkatëse… Tash së fundi e kemi vënë në funksion edhe e-kioska, e kemi ridizajnuar me një dizajn më modern për ta bërë më të lehtë qasjen e qytetarëve nëpër dokumente. Do të thotë ata që nuk munden të presin në rend shkojnë edhe drejtohen tek e-kioska, bëjnë kërkesën për të marrë njërin prej dokumenteve edhe e kryejnë aty për aty shërbimin”, thotë ajo.

Gashi thotë se si komunë ndër vite janë shpërblyer edhe me shumë çmime për transparencë dhe llogaridhënie.

“Komuna e Vushtrrisë ka marrë shumë shpërblime ndër vite, në vitin 2019 ka marrë shpërblimin si një ndër top pesë komunat me transparencë të lartë. Ka marrë edhe shpërblime të tjera për transparencë dhe për llogaridhënie nga organizata të ndryshme të huaja”, thotë Gashi.

Qytetarët e vlerësojnë efikasitetin e administratës së komunës së Vushtrrisë në ofrimin e shërbimeve.

Qytetari Berat Aliu, thotë se për një kohë shumë të shkurtër kohore u pajis me certifikatë të lindjes, teksa shprehet se shërbimi është shumë profesional.

“Erdha për ta marrë një certifikatë në komunë, shërbimi është shumë profesional, brenda minutës u krye çdo shërbim, në rregull është gjithçka”, thotë ai.

Edhe qytetari Faik Pronaj u shpreh i kënaqur me shërbimin që mori në administratën e Komunës së Vushtrrisë.

“Shumë të kënaqur jemi, janë duke punuar shumë mirë, shërbimet shumë të shpejta….Për një minutë, shumë shpejt”, thotë ai.

Drejtoria e Administratës në komunën e Vushtrrisë është e organizuar në katër sektorë, si Zyra e Gjendjes civile, Sektori për Punë të Përbashkëta dhe Teknologji Informative, Qendra për Shërbim me Qytetar dhe Zyra për të Drejtat e Njeriut.

Related Topics:
Continue Reading

Aktualitet

Rama dhe ministrat e rinj betohen para Presidentit Begaj

Published

5 minutes ago

on

September 19, 2025

By

Kryeministri i Shqipërisë Edi Rama dhe anëtarët e tjerë të kabinetit të ri qeveritar bënë sot betimin para Presidentit të Shqipërisë, Bajram Begaj.

Ceremonia zyrtare nisi në orën 10:00 në ambientet e Presidencës, ku u lexua edhe dekreti për emërimin e Këshillit të Ministrave.

Tashmë pritet që të zhvillohet mbledhja e parë e qeverisë së re në Kryeministri./S.K/EO/

Continue Reading

Aktualitet

Qeveria miraton ndryshimet për sanksionet e BE-së dhe SHBA-së ndaj Rusisë dhe Bjellorusisë

Published

7 minutes ago

on

September 19, 2025

By

Qeveria e Kosovës në detyrë ka miratuar Propozim-Vendimin për ndryshimin dhe plotësimin e Vendimit të Qeverisë Nr. 01/64, të datës 25 dhjetor 2022, lidhur me zbatimin e pakove 15, 16, 17 dhe 18 të sanksioneve të Këshillit të Bashkimit Evropian, si dhe masave të Shteteve të Bashkuara të Amerikës ndaj Federatës Ruse dhe Bjellorusisë, në lidhje me situatën në Ukrainë.

Ministri në detyrë i Punëve të Brendshme, Xhelal Sveçla, tha se vendimi vjen si pjesë e angazhimit të Kosovës për të mbështetur Ukrainën dhe për të harmonizuar politikat me partnerët ndërkombëtarë.

“Për të mbështetur kundërshtimin e agresionit të Federatës Ruse kundër Ukrainës, në përputhje me masat dhe sanksionet e BE-së dhe SHBA-së, MPJD propozon për shqyrtim dhe miratim vendimin për zbatimin e pakos 15, 16, 17 dhe 18 të sanksioneve të BE-së ndaj Federatës Ruse si dhe masave shtesë përkatëse. Më 16 dhjetor 2024 Këshilli i BE-së miratoi pakon e 15 të sanksioneve ndaj Federatës Ruse, kjo pako përfshin masa kufizuese ekonomike dhe individuale me qëllim të kufizimit e mëtejmë të aftësisë së Rusisë për të zhvilluar luftën e saj të paligjshme, të paprovokuar dhe pa justifikuar të agresionit kundër Ukrainës”, tha ai./S.K/EO/

Continue Reading

Aktualitet

Qeveria ndan mbi 2 milionë euro për subvencionimin e teksteve shkollore

Published

11 minutes ago

on

September 19, 2025

By

Qeveria e Kosovës ka miratuar kërkesën për transferimin e mjeteve buxhetore deri në 25% të ndarjes së ndikuar negativisht për vitin 2025, për subvencionimin e blerjes së teksteve dhe materialeve mësimore për vitin shkollor 2025/2026, njoftoi Ministria e Financave, Punës dhe Transfereve (MFPT).

Ministri në detyrë, Hekuran Murati, tha se kërkesa për këtë transferim ka ardhur nga Ministria e Arsimit.

“Nga MASHTI kemi pranuar kërkesën për transfer të brendshëm në vlerë prej 2 milionë e 41 mijë eurove që ndikon deri në 25 për qind të ndarjes së ndikuar negativisht nga ligji për ndarjet buxhetore”, tha Murati./S.K/EO/

Continue Reading

Lajmet

Renditja e fazës së ligës në Ligën e Kampionëve 2025/26

Published

13 minutes ago

on

September 19, 2025

By

Pas mbylljes së javës së parë të fazës së ligës në edicionin 2025/26 të Ligës së Kampionëve, surprizat nuk kanë munguar dhe renditja aktuale e dhjetë skuadrave kryesuese premton një garë të fortë.

Në krye të tabelës ndodhet Eintracht Frankfurt që ndan vendin e parë me Paris Saint-Germain, i cili gjithashtu nisi në mënyrën më të mirë të mundshme.

Në ndjekje të tyre janë Club Brugge dhe Sporting, të dyja me tre pikë dhe një diferencë golash +3.

Vendin e pestë e ndajnë Union Saint-Gilloise, Bayern Munich, Arsenal, Inter dhe Manchester City, të gjitha me nga tre pikë dhe golavarazh +2, duke treguar se konkurrenca është tepër e ngushtë që në start.

Qarabağ, me një fitore minimale dhe golavarazh +1, mbyll dhjetëshen e parë.

Renditja e javës së parë tregon qartë se format i ri i fazës së ligës sjell më shumë rivalitet dhe çdo gol mund të bëhet vendimtar për pozitën përfundimtare.

Edhe pse është vetëm fillimi, pritet një sezon i nxehtë ku ekipet më të mëdha të Europës do të luftojnë fort për të siguruar një vend në fazat e eliminimit direkt./S.K/KP/

Continue Reading

Të kërkuara