Aktualitet

​Abramovich u pa në Tel Aviv, avioni i tij u ul në Stamboll

Abramovich mohoi të kishte lidhje të ngushta me Putin-in.

Published

4 years ago

on

Miliarderi rus i sanksionuar Roman Abramovich është parë sot në aeroportin “Ben Gurion” në Tel Aviv, para se aeroplani që lidhet me të, fluturoi për në Stamboll.

Një foto e siguruar nga Reuters tregon Abramovich, pronarin e Chelsea, të ulur në një hapësirë VIP në aeroport me një maskë të ulur nën mjekër.

Agjencia britanike e lajmeve thekson se nuk mund të konfirmojë nëse ai hipi në fluturim për në Stamboll.

Abramovich, i cili ka nënshtetësi izraelite dhe portugeze, ishte në mesin e shtatë miliarderëve rusë të shtuar në listën e sanksioneve britanike të enjten, si pjesë e presionit për të izoluar presidentin rus Vladimir Putin për sulmin ndaj Ukrainës.

Të dërguarit e BE-së kanë rënë dakord të shtojnë Abramovich në listën e oligarkëve rusë të sanksionuar, thanë sot burime diplomatike.

Abramovich mohoi të kishte lidhje të ngushta me Putin-in. Një person i paidentifikuar i njohur me situatën e sotme tha për Reuters se aeroplani i përdorur nga Abramovich fluturoi për në “Ben Gurion” të dielën nga Moska.

Faqja e gjurmimit të fluturimeve “Flight Radar 24” tregon se aeroplani me numrin LX-RAY, është në fakt një aeroplan i madh biznesi “Gulfstream” (Abramovich zotëron një të tillë), dhe se ai u ul në Stamboll pasi u ngrit nga Izraeli.

Vendet e gjurmimit të fluturimeve tregojnë se aeroplani u ul në Izrael nga Moska vonë të dielën në mbrëmje.

Izraeli ka vendosur kufizime për aeroplanët privatë rusë që nga fillimi i sulmit ndaj Ukrainës, që do të thotë se nuk mund të qëndrojë në tokën izraelite për më shumë se 24 orë.

Related Topics:
Continue Reading

Lajmet

“Ditët e Artit dhe Dizajnit 2026” nisin në UBT në kuadër të 25-vjetorit, duke e kthyer institucionin në qendër të kreativitetit dhe inovacionit artistik

Published

7 minutes ago

on

May 7, 2026

By

Në kuadër të jubileut të madh të 25-vjetorit të UBT-së, Fakulteti i Artit dhe Dizajnit nis edicionin special të “Ditëve të Artit dhe Dizajnit 2026”, një platformë gjithëpërfshirëse artistike dhe kulturore që do të zhvillohet përgjatë muajve maj dhe qershor, duke sjellë në fokus kreativitetin, inovacionin dhe fuqinë transformuese të artit në arsimin modern.

I konceptuar si një nga komponentët më të rëndësishëm të programit jubilar, ky organizim shumëdimensional do ta shndërrojë UBT-në në një hapësirë dinamike të artit, dizajnit dhe kulturës bashkëkohore, përmes një serie ekspozitash, performancash, prezantimesh kreative dhe aktiviteteve interaktive që promovojnë talentin e studentëve, stafit akademik dhe komunitetit krijues.

“Ditët e Artit dhe Dizajnit 2026” synojnë të pasqyrojnë jo vetëm identitetin inovativ të Fakultetit të Artit dhe Dizajnit, por edhe vizionin e UBT-së si një institucion lider që ndërthur arsimin, teknologjinë, kulturën dhe krijimtarinë në funksion të zhvillimit të së ardhmes.

Continue Reading

Lajmet

Mbi 2 mijë gjoba në trafik brenda 24 orëve

Published

21 minutes ago

on

May 7, 2026

By

Policia e Kosovës ka publikuar statistikat e përgjithshme për 24 orët e fundit, duke pasqyruar gjendjen e sigurisë dhe aktivitetet në teren.

Gjatë kësaj kohe, janë arrestuar 29 persona për vepra të ndryshme penale, prej të cilëve 23 janë dërguar në mbajtje me vendim të prokurorit.

Sa i përket sigurisë në komunikacion, gjatë ditës së fundit nuk është shënuar asnjë aksident me fatalitet. Megjithatë, janë regjistruar 19 aksidente me të lënduar dhe 54 aksidente me dëme materiale.

Policia ka vazhduar ndëshkimin e shkelësve të rregullave të trafikut, duke shqiptuar 2,252 tiketa gjobitëse për shoferët që nuk kanë respektuar ligjin.

Për sa i përket personave në vuajtje të dënimit, në këtë raport nuk është regjistruar asnjë rast i ri i dërgimit në qendrat e paraburgimit apo burgjet e vendit.

Continue Reading

Kronikë e zezë

Arrestohet i dyshuari në Gjakovë për vrasje dhe pjesëmarrje në rrahje

Published

48 minutes ago

on

May 7, 2026

By

Policia e Kosovës në raportin e saj njëditor njofton se pas një punë hetimore për vepërn penale, “vrasje- pjesëmarrje në rrahje” është arrestuar i dyshuari në Gjakovë.

I dyshuari është intervistuar dhe me vendim të prokurorit të rastit është dërguar në mbajtja për 48 orë.

“Pas një pune hetimore  në lidhje me rastin është identifikuar dhe arrestuar i dyshuari i dytë mashkull kosovar dhe i njëjti pas intervistimit me vendim të prokurorit dërgohet në mbajtje për 48 orë”, thuhet në raport.

Continue Reading

Aktualitet

Irani po shqyrton propozimin e SHBA-së, ndërsa Trump thotë se lufta do të përfundojë shpejt

Published

1 hour ago

on

May 7, 2026

By

Presidenti i SHBA-së, Donald Trump, ka parashikuar se lufta në Iran do të “përfundojë shpejt”, duke shtuar se shumica e njerëzve e kuptojnë synimin e tij për t’i dhënë fund ambicieve bërthamore të Teheranit. Këto komente vijnë pasi Irani deklaroi se propozimi amerikan për t’i dhënë fund luftës është ende duke u shqyrtuar, raporton BBC.

Mediumi amerikan Axios ka raportuar se Shtëpia e Bardhë beson se po i afrohet një memorandumi mirëkuptimi me 14 pika, i cili mund të shërbejë si kornizë për negociata më të detajuara bërthamore. Megjithatë, një anëtar i lartë i parlamentit iranian e ka cilësuar këtë si një “listë dëshirash”, ndërsa zëdhënësi i Ministrisë së Jashtme tha se Teherani do t’i ndajë qëndrimet e veta mbi propozimin amerikan përmes ndërmjetësve pakistanezë.

Ministri i Jashtëm i Pakistanit u shpreh se vendi i tij po bën përpjekje që këtë armëpushim ta shndërrojë në një fund të përhershëm të luftës.

Sipas raportimit të Axios, ky memorandum njëfaqësh përfshin pika si pezullimi i pasurimit bërthamor nga Irani, heqja e sanksioneve dhe rikthimi i lëvizjes së lirë në Ngushticën e Hormuzit.

Burimet e cituara pohojnë se shumë nga kushtet e parashikuara do të varen nga arritja e një marrëveshjeje finale. Edhe agjencia e lajmeve Reuters ka konfirmuar ekzistencën e këtij propozimi, ndonëse ai nuk është bërë ende publikisht i ditur.

Gjatë një aktiviteti virtual elektoral të mërkurën mbrëma, Trump u shpreh optimist para republikanëve në Georgia se lufta do të mbyllet së shpejti, duke theksuar se ishte veprim i drejtë ndalimi i Iranit për të poseduar armë bërthamore. Ai shtoi gjithashtu se SHBA-ja ka pasur bisedime shumë të mira me Iranin gjatë 24 orëve të fundit dhe se një marrëveshje është e mundshme, duke nënvizuar se vështirësitë për amerikanët, si çmimet e larta të karburantit, do të jenë afatshkurtra.

Continue Reading

Të kërkuara