Aktualitet

​28 profesionistë të paneleve solare gati për tregun e gjelbër të punës

Ky është kursi i parë që u organizua për punëkërkuesit e rinj në këtë lëmi.

Publikuar

6 muaj më parë

më

Lëvizja drejt një ekonomie të gjelbër krijon nevojën për ngritjen dhe rikualifikimin e fuqisë punëtore në Kosovë sipas ndryshimit të nevojave në tregun e punës. Në përpjekje për të përshpejtuar tranzicionin e gjelbër, UNDP organizoi për herë të parë një kurs për punëkërkuesit e rinj për të fituar aftësi dhe njohuri praktike në instalimin e paneleve solare.

UNDP njofton se 28 të rinjve që kaluan këtë program trajnimi intensiv gjashtëjavor për t’u bërë instalues të sistemit solar iu dorëzuan certifikatat për përfundimin e trajnimit.

Ceremonia u zhvillua në prani të Maria Suokko, përfaqësuese e përhershme e UNDP-së në Kosovë, Keisuke Yamanaka, i Ngarkuar me Punë në Ambasadën e Japonisë në Kosovë dhe Avni Syla, Partner Menaxhues në kompaninë Elen që e ka realizuar trajnimin.

“Programi i trajnimit ofroi aftësi dhe njohuri shtesë për të trajnuarit nga Qendrat e Aftësimit Profesional (QAP), të cilët tanimë kishin përfunduar një kurs për instalimin e energjisë elektrike, por nuk ishin në gjendje të gjenin punë. Disa studentë universitarë të interesuar për praktikë dhe karrierë në tregun e instalimeve solare gjithashtu iu bashkuan programit”, thuhet në njoftim.

Maria Suokko, Përfaqësuese e Përhershme e UNDP-së në Kosovë, në fjalën e saj hyrëse shprehu entuziazmin e saj për profesionistët e sapocertifikuar: “Tranzicioni drejt energjisë së rinovueshme nuk është vetëm thelbësor për shëndetin e planetit tonë, por gjithashtu kontribuon në rritjen e qëndrueshme ekonomike dhe mirëqenien e njerëzve. Ky trajnim për instalime solare është i pari i këtij lloji. Ne llogarisim në mbështetjen tuaj për të kontribuar në tranzicionin e gjelbër në komunitetet tuaja duke rritur ndërgjegjësimin për përfitimet e energjisë solare – dhe duke instaluar sisteme solare të cilësisë së lartë”.

Keisuke Yamanaka, i ngarkuar me punë në Ambasadën e Japonisë në Kosovë me këtë rast theksoi: “Duke ofruar trajnime për instalues solar, ne po trajtojmë dy sfida të rëndësishme – ndryshimin e klimës dhe krijimin e mundësive të reja të punësimit. Efektet e ndryshimeve klimatike po bëhen gjithnjë e më të dukshme pasi ngjarjet ekstreme të motit vazhdojnë të ndërhyjnë në mënyrën tonë të jetesës. Prandaj, tranzicioni në një ekonomi më të gjelbër është një mundësi për një planet më të qëndrueshëm dhe vende të gjelbra pune”.

Falë këtij trajnimi, 28 instaluesit solar të sapocertifikuar tani posedojnë ekspertizën për të instaluar, mirëmbajtur dhe riparuar sistemet e energjisë solare. Pritet që ata të kenë një rol kritik në lëvizjen e Kosovës drejt energjisë së ripërtëritshme dhe zhvillimit të qëndrueshëm ekonomik.

Etiketa
Vazhdo të lexosh

Aktualitet

​Sot Dita Ndërkombëtare pa Makina

Kjo ditë synon sensibilizimin e njerëzve që të shmangin të paktën për një ditë makinat e tyre.

Publikuar

2 ditë më parë

më

22 Shtator, 2023

nga

Sot shënohet Dita Ndërkombëtare pa Makina, e cila synon sensibilizimin e njerëzve që të shmangin të paktën për një ditë makinat e tyre, të cilat emetojnë lëndë të dëmshme për organizmin dhe si një përpjekje për të kontribuar në mbrojtje të mjedisit.

Që prej vitit 1988 në Paris ka filluar të festohen kjo ditë dhe brenda katër viteve ka arritur të bëhet Dita Botërore e Lëvizjes pa Makina në të gjithë botën.

Në kuadër Ditës Ndërkombëtare pa Makina, sot rruga “Dëshmorët e Kombit” në Prishtinë do të jetë e mbyllur për qarkullim të veturave nga ora 10:00 deri në 15:00.

Vazhdo të lexosh

Aktualitet

​25 vjet nga rënia e Fehmi dhe Xhevë Lladrovcit

Ata ishin ndër figurat më emblematike të organizimit dhe luftës për liri në Kosovë.

Publikuar

2 ditë më parë

më

22 Shtator, 2023

nga

Sot bëhen 25 vjet nga rënia heroike e komandantit të Ushtrisë Çlirimtare të Kosovës, Fehmi Lladrovci dhe bashkëshortes së tij, Xhevë Krasniqi-Lladrovci, po ashtu njëra ndër luftëtarët e para të UÇK-së.

Çifti Fehmi e Xhevë Lladrovci, ishin ndër figurat më emblematike të organizimit dhe luftës për liri në Kosovë, të cilët ranë më 22 shtator të vitit 1998, në një betejë të vështirë e të pabarabartë me forcat serbe, pas një qëndrese heroike të Fehmiut, Xhevës dhe luftëtarëve tjerë të UÇK-së në fortesat e ngritura në Çiçavicë.

Bashkë me ta ra edhe studentja, Fatime Hetemi dhe shumë dëshmorë të tjerë. Fehmi Lladrovci ishte komandant i Brigadës 114 të UÇK-së, emrin e të cilit do ta mbajë kjo brigadë. Në sheshin e Drenasit janë vendosur shtatoret e dëshmorëve Fehmi dhe Xhevë Lladrovci.

Më rastin e shënimit të 25 vjetori të rënies së heronjve të kombit, Fehmi Lladrovci, Xhevë Krasniqi – Lladrovci dhe dëshmorëve tjerë të renë më 22 shtator të vitit 1998, sot duke filluar nga ora 11:00 në sheshin “Fehmi Lladrovci”, do të bëhen homazhe pranë shtatoreve të tyre dhe do të vendosen buqeta lulesh.

Pastaj homazhet do të vazhdojnë edhe në varrezat e dëshmorëve të fshatit Gllanasellë duke filluar nga ora 11:30.

Vazhdo të lexosh

Aktualitet

Dëmtime serioze në bazën ajrore ruse në Krime pas sulmit

Ngjarja erdhi pasi ushtria ruse tha se kishte shkatërruar 19 dronë ukrainas mbi Krime dhe Detin e Zi.

Publikuar

3 ditë më parë

më

21 Shtator, 2023

nga

Një burim i inteligjencës ukrainase thotë se shërbimi i sigurisë dhe marina e Ukrainës SBU kanë goditur bazën ajrore Saky në Krimenë e pushtuar nga Rusia gjatë natës, duke shkaktuar “dëmtime serioze”.

Ngjarja erdhi pasi ushtria ruse tha se kishte shkatërruar 19 dronë ukrainas mbi Krime dhe Detin e Zi, duke mos dhënë detaje mbi viktimat apo dëmet./UBTNews/

Vazhdo të lexosh

Aktualitet

​Shqipëri, inflacioni 4.7% në korrik

Nga ana tjetër, çmimet e grupit “transporti” u ulën me 5.6%

Publikuar

4 ditë më parë

më

20 Shtator, 2023

nga

Niveli i përgjithshëm i çmimeve (inflacioni), i matur sipas metodës së EUROSTAT-it, u rrit në 4.7% në muajin korrik.

Sipas Institutit të Statistikave (INSTAT), rritja më e madhe e çmimeve prej 8.2 % vërehet në grupin “ushqime dhe pije joalkoolike”, pasuar nga grupet “mobilim, pajisje shtëpie dhe mirëmbajtje” me 6.3 %, “argëtim dhe kulturë” me 6.1 %, “hotele, kafene dhe restorante” me 4.6 %, “veshje dhe këpucë” me 4.4 %, “mallra dhe shërbime të ndryshme” me 3.9 %, “pije alkoolike dhe duhan” me 3 %, “shërbimi arsimor” me 2.6 %, “shëndeti” me 1.9 %, “qira, ujë, lëndë djegëse dhe energji” dhe “komunikimi” me 1 % secili.

Nga ana tjetër, çmimet e grupit “transporti” u ulën me 5.6%, transmeton ATSh. 

Vazhdo të lexosh

Të kërkuara