Lajmet

​Zbulohet emri i kryeqytetit të ri të Indonezisë

Ideja e ndërtimit të një kryeqyteti të ri në Borneo u propozua për herë të parë në vitin 2019, pasi që kryeqyteti aktual po fundoset.

Published

on

Indonezia e ka quajtur kryeqytetin e saj të ri Nusantara, ndërsa ligjvënësit miratuan zhvendosjen nga Xhakarta në Kalimantan, një zonë e mbuluar nga xhungla në lindje të ishullit Borneo.

Sri Mulyani, ministri i Financave i Indonezisë, tha në një konferencë për shtyp të martën se do të ketë pesë faza të zhvillimit në kryeqytetin e ri.

“Faza e parë pritet të fillojë në vitin 2022 dhe të zgjasë deri në vitin 2024, me zhvillimin që pritet të zgjasë deri në vitin 2045”, tha Monoarfa.

Ideja e ndërtimit të një kryeqyteti të ri në Borneo u propozua për herë të parë në vitin 2019, pasi që kryeqyteti aktual po fundoset.

Xhakarta është mbipopulluar, e ndotur dhe po fundoset në një shkallë alarmante për shkak të nxjerrjes së tepërt të ujërave nëntokësore. Qyteti është shtëpia e më shumë se 10 milionë njerëzve dhe ndodhet në ligatinat në ishullin Java. Ajri është mjaft i ndotur, dhe Xhakarta është gjithashtu e njohur për bllokimin e trafikut.

Duke ndërtuar një kryeqytet të ri në Kalimantan lindor, qeveria shpreson të jetë në gjendje të heqë një pjesë të presionit nga Xhakarta. I njohur për xhunglat dhe popullsinë e orangutanëve, Kalimantani lindor dhe Borneo janë të pasur me minerale dhe vetëm 3.7 milionë njerëz jetojnë në provincë, sipas regjistrimit të fundit të popullsisë.

Fjala “Nusantara” në gjuhën Java do të thotë “arkipelag”. Njoftimi i emrit të qytetit të ri ka ndezur gjithashtu një debat në rrjetet sociale. Disa kanë thënë se emri i ri mund të jetë konfuz pasi Nusantara është një term i vjetër Java, i përdorur në Indonezi për të treguar kombin e arkipelagut në tërësi.

Projekti vlerësohet të kushtojë 32.4 miliardë dollarë dhe do të jetë një nga më të mëdha të infrastrukturës që qeveria indoneziane ka ndërmarrë ndonjëherë.

Botë

Australia kërkon ashpërsim të ligjeve për armë pas sulmit me 15 të vrarë në Sydeny

Published

on

Kryeministri australian, Anthony Albanese tha se do të vendosë rregulla më të rrepta, duke përfshirë kufizimet kohore për licencimin, në agjendën e kabinetit të tij.

Kryeministri i shtetit të Uellsit të Ri Jugor, Chris Minns, është zotuar për një përgjigje dërrmuese ndaj sulmit në Sydeny ku mbetën të vrarë 15 persona. A

Sipas CNN, Australia tashmë ka disa nga ligjet më të rrepta për armët në botë.

Viktima më e re është një fëmijë: Një vajzë 10-vjeçare me emrin Matilda është identifikuar si një nga 15 të vrarët në sulm. Ajo po festonte natën e parë të Hanukkah me familjen e saj kur personat e armatosur hapën zjarr. Ajo vdiq nga plagët e marra në spital.

Të dyshuarit babë e bir: Djali 24-vjeçar, i cili kishte lindur në Australi, ishte ekzaminuar më parë nga agjencia e sigurisë së vendit ASIO, e cila vlerësoi se nuk kishte kërcënim për përfshirjen e tij në dhunë. Babai, të cilin policia e qëlloi dhe e vrau në vendngjarje, kishte një licencë gjuetie rekreative dhe ishte pjesë e një klubi armësh. Ai mbërriti në Australi në vitin 1998.

Policia ka bastisur një shtëpi periferike në Sydney në lidhje me sulmin. Nuk është e qartë se kush jetonte në shtëpi. Fqinjët përshkruan skena kaosi dhe frike ndërsa oficerët mbushën rrugën e tyre zakonisht të qetë.

38 persona po trajtohen në spital dhe ky numër është pak më i ulët se 40 të raportuar si nën trajtim spitalor në një përditësim të mëparshëm nga zyrtarët./S.K/EO/

Continue Reading

Vendi

Parashikimi i motit: Mëngjesi i ftoftë dhe me mjegull

Published

on

Sot në Kosovë do të mbajë mot me vranësira të shtresave të ulëta dhe mjegull, e sidomos mëngjesi nisi mjaft i ftohtë për shkak të prezences së vazhdueshme të mjegullës në zonat më të ulëta.

Dita vende-vende me diell e në disa rajone mjegulla nuk do të vazhdojë të mbetet edhe orëve të ditës.

Si zakonisht në këto raste më nxehtë pritet të jetë në viset kodrinore-malore se në viset më të ulëta.

Temperatura nga -4 minimale deri në 7 gradë Celsius ajo maksimale.

Edhe ditëve të ardhshme sidomos të martën nuk pritet ndonjë ndryshim./S.K/EO/

Continue Reading

Rajoni

UBT shënon arritje historike: Renditet përsëri ndër institucionet më të mira në botë dhe i pari në rajon, sipas GreenMetric

Published

on

UBT është renditur ndër institucionet më të mira në botë nga UI GreenMetric World University Ranking, një ndër vlerësimet globale më prestigjioze për qëndrueshmërinë universitare dhe kampuset e gjelbra. UBT është institucioni i parë në rajon që pozicionohet me sukses në këtë renditje të rëndësishme ndërkombëtare.

Nga mbi 1,800 institucione pjesëmarrëse nga e gjithë bota, UBT është renditur në 50% e institucioneve më të mira, duke konfirmuar angazhimin e tij për krijimin e kampuseve të gjelbra, të qëndrueshme dhe inovative.

Në veçanti, në kategorinë e kampuseve inovative, në mesin e mbi 500 institucione të përfshira globalisht, UBT u rendit në vendin e 169, duke treguar përkushtimin e vazhdueshëm të institucionit ndaj standardeve ndërkombëtare dhe inovacionit në mjedis.

UI GreenMetric përdor një metodologji që vlerëson 39 indikatorë në gjashtë fusha kyçe: mjedisin dhe infrastrukturën, energjinë dhe ndryshimet klimatike, menaxhimin e mbetjeve, ujin, transportin, si dhe edukimin dhe kërkimin.

Rezultatet e këtij viti e pozicionojnë UBT-në si një nga institucionet më të përparuara në rajon për qëndrueshmërinë e kampusit dhe politikat inovative të menaxhimit. Kjo arritje e vendos UBT-në në një pozitë të veçantë në hartën akademike ndërkombëtare dhe përfaqëson një sukses të jashtëzakonshëm për institucionin dhe arsimin e lartë në Kosovë.

Ajo dëshmon se institucionet në Kosovë mund të konkurrojnë me sukses në skenën globale, duke tejkaluar standardet ndërkombëtare në qëndrueshmëri, inovacion dhe zhvillim të përgjegjshëm. UBT ka qenë pjesë e kësaj renditjeje prestigjioze edhe në vitet 2023 dhe 2024, duke treguar një angazhim të vazhdueshëm për qëndrueshmërinë mjedisore dhe ndryshimet klimatike.

Continue Reading

Lajmet nga UBT

Prof. Ferid Selimi: Kërkimi shkencor në Kosovë ka potencial, por kërkon standarde të qarta

Published

on

Profesori dhe Dekani i Fakultetit të Medias dhe Komunikimit në UBT, Prof. Dr. Ferid Selimi, ishte mysafiri i radhës në Podcastin e UBT-së, ku diskutoi gjerësisht mbi gjendjen aktuale të kërkimit shkencor në Republikën e Kosovës.

Në këtë episod, Prof. Selimi foli për terrenin akademik dhe institucional në vend, duke e vlerësuar atë si një hapësirë me potencial të konsiderueshëm, por që ende përballet me sfida strukturore dhe metodologjike. Ai theksoi se zhvillimi i kërkimeve të mirëfillta shkencore kërkon qasje të plotë në të dhëna, transparencë institucionale, infrastrukturë adekuate dhe mbështetje financiare, elemente të cilat në Kosovë shpesh mungojnë ose janë të fragmentuara.

Për më shumë, ndiqni Podcastin në Youtube: PODCASTI

Continue Reading

Të kërkuara