Lajmet

​Zbulohet busti i senatorit Bob Dole në Prishtinë

Publikuar

4 vjet më parë

më

Me nderime të larta shtetërore, e nën intonimin e dy himneve të Kosovës dhe atij të SHBA-së, sot është mbajtur ceremonia e zbulimit të bustit të senatorit amerikan Bob Dole, i cili sot shënon tridhjetë vjetorin e vizitës së tij të parë në Kosovë.

Të pranishmit vlerësuan lart kontributin e tij, derisa theksuan se vizita e tij para tridhjetë vjetësh i dha drejtim tjetër shtetit të Kosovës.

Kryeministri i Kosovës, Avdullah Hoti, ka thënë se zbulimi i këtij busti është nder i miqësisë së përhershme në mes të popullit të Kosovës dhe Amerikës.

Hoti: Ky bust është simbolik e miqësisë së përhershme në mes të Kosovës dhe Amerikës

“Është nder i imi që pas një pune të ish-kryeministrit në vënien e gurthemelit, që sot bashkë me ambasadorin dhe bashkë me të gjithë juve që jeni prezentë të zbulojmë bustin e senatorit Dole. Një person që po të lexosh CV-n e tij padyshim që impresionohesh dhe unë jam i bindur që secili prej nesh e merr si simbol dhe shembull të përkushtimit që duhet të ketë një politikan një atdhetar për vendin e vet në luftë dhe në paqe. Ky bust do të jetë vend ku dhe gjeneratat e ardhshme do të mësojnë për historinë e ndërtimit të miqësive në mes të dy vendeve”, ka thënë Hoti.

Për ambasadorin e Shteteve të Bashkuara të Amerikës në Kosovë, Philip Kosnett, kjo ditë nuk është vetëm zbulim i një busti, mirëpo siç ka theksuar ai në këtë ditë po kremtohet jeta e një prijësi për kauzën e lirisë.

Kosnett: Vizita e senatorit Dolle ishte pikë kthimi për lirinë e Kosovës

“Sot nuk po shënojmë vetëm shpalosjen e këtij busti, por po shënojmë edhe jetën e një heroi amerikan dhe një miku të vendosur të Kosovës, pikërisht në ditën e sotme para 30 vjetësh, senatori Bob Dolle erdhi për herë të parë në Kosovë dhe kjo është e rëndësishme, sepse shumë njerëz kanë vë në pah se vizita e tij ishte pikë kthimi për lirinë e Kosovës. Sot po e kremtojmë jetën e një prijësi, guximi dhe përkushtimi i të cilit për kauzën e lirisë ka frymëzuar aq gjatë popullin e ShBA-ve të Kosovës dhe miqve nëpër botë”, ka thënë ai.

Ndërsa, drejtori ekzekutiv i Odës Amerikane, Arian Zeka, ka thënë se vizita e senatorit Bob Dole i dha drejtim tjetër shtetit të Kosovës.

Zeka: Busti i Bob Dole është simbol i arritjeve të Kosovës gjatë këtyre tri dekadave

“Jehona e vizitës së senatorit Bob Dole dhe gjashtë senatorëve të tjerë tridhjetë vjet më parë në Kosovë, i dha drejtim tjetër rrugëtimit të Kosovës dhe hapjes së mundësive për ndërtimin e një shteti demokratik, i cili ofron perspektivë më të mirë, për qytetarët e sajë. Senatori Dole sot po jetësohet në Prishtinë dhe këtë në lagjen përmes të cilës nuk iu lejua të kalojë 30 vjet më parë, ku ishin mbledhur mijëra qytetarë që ta përshëndetnin. Busti i financuar bashkërisht nga Oda Ekonomike Amerikane dhe Qeveria e Kosovës, është simbol i së kaluarës dhe arritjeve të Kosovës gjatë këtyre tri dekadave”, ka thënë Zeka.

Përmes një video-mesazhi të pranishmëve iu është drejtuar edhe senatori Bob Dole, i cili duke kërkuar falje për mos prezencë, ka thënë se mbetet me shpresë që populli i Kosovës do të vazhdojë të përparojë dhe të bëhet gjithnjë e më i fuqishëm me kalimin e viteve.

Busti i senatorit amerikan Bob Dole u vendos në lagjen “Dardania” në Prishtinë, në rrugën që mban emrin e tij.

30 vjet më parë, më 29 gusht 1990, senatori Robert Dole, me gjashtë kolegë të tij, vizitoi Prishtinën, duke luajtur një rol të pakrahasueshëm në ndërkombëtarizimin e Kosovës.

Kjo vizitë shënon një moment historik në angazhimin amerikan në Kosovë dhe një nga arritjet më të mëdha në lobimin e komunitetit shqiptaro-amerikan për kauzën e Kosovës.

Etiketa
Vazhdo të lexosh

Lajmet

Mbi 900 mijë palestinezë janë zhvendosur nga Gaza gjatë dy javëve të fundit

Publikuar

42 minuta më parë

më

21 Maj, 2024

nga

Mbi 900 mijë njerëz, afërsisht 40% e popullsisë në Gaza, janë zhvendosur gjatë dy javëve të fundit si pasojë e bombardimeve të vazhdueshme të Izraelit, tha zëdhënësi i Organizatës së Kombeve të Bashkuara, Stephane Dujarric.

Bombardimet e Izraelit u shoqëruan me luftime të vazhdueshme, kryesisht në lindje të Rafahut dhe Jabalisë. Ai tha se nga palestinezët e zhvendosur, 812 mijë janë nga Rafah dhe mbi 100 mijë nga veriu i Gazës.

“Deri më sot, më shumë se 75% e Rripit të Gazës – rreth 285 kilometra katrorë – është nën urdhra evakuimi mes armiqësive në rritje”, tha Dujarric.

Individët e zhvendosur po kërkojnë strehim në hapësira të hapura, ndërtesa të dëmtuara dhe toka bujqësore në Khan Younis dhe Deir al-Balah./UBTNews/

Vazhdo të lexosh

Lajmet

​Kurti: Arratisja e Enver Sekiraqës është dështim i sistemit gjyqësor, urgjente reforma në drejtësi

Publikuar

54 minuta më parë

më

21 Maj, 2024

nga

Kryeministri i Kosovës, Albin Kurti ka thënë se arratisja e Enver Sekiraqës është dështim i sistemit gjyqësor. Kreu qeveritar në mbledhjen e qeverisë të mërkurën, tha se vrasësit e policëve në liri janë kulmi i padrejtësisë.

Sipas tij, reforma në drejtësi dikur ishte nevojë, kurse tashmë është urgjencë institucionale dhe shtetërore.

“Të gjithë ata që e kanë njohur Triumfin si profesionist të pashoqë, të shkathtë në detyrë e shumë njerëzor me qytetarë. Triumfin e kam takuar edhe unë dhe kam po këtë përshtypje. Arratisja e personit përgjegjës për vrasjen e tij, Enver Sekiraqa është dështim i sistemit gjyqësor që vazhdon të arratiset vet nga drejtësia. Më e rëndë bëhet situata kur këso raste nuk përbëjnë përjashtim ose nuk ngjajnë më si rastësi. Qeveria e Kosovës angazhohet çdo ditë për të përfshirë qytetarët nga të gjitha komunitetit padallim në jetën institucionale, zhvillimin ekonomik, drejtësinë sociale të Republikës sonë të përbashkët. Vendosja e rendit dhe ligjit është kusht i domosdoshëm për arritjen e këtij synimi. Këtë nuk e bëjnë askujt të posaçëm por gjithnjë për të gjithë, për interesin publik. Shteti i së drejtës dhe sundimi i ligjit janë dhe duhet të jenë qëllim dhe përkushtim i shtetit. Me gjyqësorin e mirë që drejtësinë dhe ligjit i bënë sinonime në përshtypjen e qytetarëve dhe shoqërisë. Vrasësit e policëve në liri janë kulmi i padrejtësisë, reforma në drejtësi që dikur ishte nevojë tashmë është urgjencë. Urgjencë institucionale, shtetërore dhe kombëtare”, tha ai.

Vazhdo të lexosh

Lajmet

Presidenti izraelit thotë se normalizimi i marrëdhënieve me Arabinë mund ndryshojë lojën

Publikuar

2 orë më parë

më

21 Maj, 2024

nga

Presidenti izraelit, Isaac Herzog thotë se normalizimi i marrëdhënieve me Arabinë Saudite mund të ndryshojë historikisht lojën në Lindjen e Mesme.

Duke folur në Institutin e Demokracisë në Izrael, Herzog tha se ai e ka diskutuar këtë mundësi me Këshilltarin e Sigurisë Kombëtare të SHBA, Jake Sullivan, të dielën.

“Ekziston një opsion për normalizim me Arabinë Saudite. Kjo është një lëvizje që mund të sjellë ndryshim të jashtëzakonshëm, një ‘ndryshues i lojës’ historik që përbën një fitore mbi perandorinë e së keqes”, tha Herzog./UBTNews/

Vazhdo të lexosh

Lajmet

Vazhdon procesi gjyqësor ndaj ish-krerëve të UÇK-së

Publikuar

3 orë më parë

më

21 Maj, 2024

nga

Në Dhomat e Specializuara të Kosovës në Hagë sot do të vazhdojë procesi gjyqësor ndaj ish-krerëve të Ushtrisë Çlirimtare të Kosovës Hashim Thaçit, Kadri Veselit, Rexhep Selimit dhe Jakup Krasniqit.

Në seancën e sotme pritet të dëshmojë dëshmitari i radhës.

Kurse në seancën e 7 majit në çështjen gjyqësore ndaj ish-krerëve të UÇK-së është vendosur që të mos dëgjohet dëshmitari me kodin 02486, dëshmia e të cilit ishte planifikuar që të dëgjohet përmes video-lidhjes gjatë të premtes më 10 maj 2024.

Sipas kryetarit të trupit gjykues, Charles Smith III, dëshmitë e këtij dëshmitari të dhëna më herët i plotësojnë kushtet që të pranohen si prova pa qenë nevoja që ai të dëshmojë serish fizikisht.

Vazhdo të lexosh

Të kërkuara