Lajmet

​Vihet gurthemeli i urës që lidh Kamenicën me Bujanocin

Published

5 years ago

on

Është vënë të martën gurthemeli i urës që lidhë Kamenicën me Bujanocin dhe Luginën e Preshevës.

Me këtë rast, kryetari i Komunës së Kamenicës, Qëndron Kastrati tha se me ndërtimin e urës në Breznicë dhe Karaçevë të Poshtme do të lehtësohet qarkullimi dhe lëvizja e qytetarëve të të dy anëve.

Kastrati tha se ndërtimi i kësaj ure ka një rëndësi të veçantë pasi lidhë Kamenicën me Bujanocin, teksa shtoi se për ndërtimin e saj kanë kërkuar edhe ndihmën e qeverisë, por që për shkak të rrethanave kanë arritur që ta implementojnë si dy komuna. Kastrati tha se ky është vetëm një ndër projektet e para me Komunën e Bujanocit.

“Sot, për mua personalisht është një prej momenteve më të veçanta dhe që kam një emocion të veçantë, duke pasur parasysh dy komuna së bashku dhe raportet në mes të shteteve që i kemi, po arrijmë me fillua dhe me e ndërtua një urë me kushte më të mira për qytetarët e kësaj pjese… Uroj që ky projekt të jetë ndër të parët dhe që në të ardhmen si shtet i Kosovës por edhe si shtet i Shqipërisë të jemi sa më afër dhe t’u gjendemi sikurse shtetet demokratike”, tha ai.

Kryetari i Komunës së Bujanocit, Nagip Arifi, tha se ky projekt është i një rëndësie të veçantë pasi bashkon dy shtete.

“Sot është një kënaqësi e posaçme për ju dhe për neve sepse së bashku me Komunën e Kamenicës, për herë të parë po e bëjmë një projekt të përbashkët, ku me ndërtimin e kësaj ure po i lidhim jo vetëm 2 fshatra, jo vetëm komuna e Bujanocit por edhe Republika e Serbisë me Republikën e Kosovës. E ka një rëndësi të veçantë ky projekt”, tha ai.

Projekti për ndërtimin e urës në Breznicë kushton mbi 52 mijë euro, ku 41 mijë prej tyre të financuara nga Komuna e Kamenicës.

Related Topics:
Continue Reading

Lajmet

Prishtinë: Arrestohet i dyshuari për lëndim të rëndë trupor

Published

15 minutes ago

on

August 19, 2026

By

Një person ka pësuar lëndime të rënda trupore si pasojë e një sulmi fizik që ka ndodhur në rrugën “Nikolla Tesla” në Prishtinë.

Sipas raportit 24-orësh të Policisë së Kosovës, incidenti ka ndodhur pas një mosmarrëveshjeje mes dy personave, me ç’rast i dyshuari e ka sulmuar viktimën duke i shkaktuar lëndime të rënda në kokë.

Viktima është dërguar menjëherë për trajtim të nevojshëm mjekësor në Qendrën Klinike Universitare të Kosovës (QKUK).

Ndërkaq, i dyshuari është arrestuar nga policia dhe, me vendim të prokurorit të shtetit, është dërguar në mbajtje.

Continue Reading

Lajmet

Tre të mitur arrestohen në Pejë pas përleshjes, një person dyshohet se u ther me thikë

Published

15 minutes ago

on

August 19, 2026

By

Sipas raportit të Policisë së Kosovës, tre të mitur meshkuj janë arrestuar në Pejë pas një përleshjeje, gjatë së cilës një person dyshohet se është therur me thikë.

Rasti ka ndodhur më 18 gusht, rreth orës 09:40, në rrugën “Agim Qela”. Sipas Policisë, gjatë përleshjes, njëri nga viktimat ka pësuar lëndime nga therja me thikë, ndërsa një person tjetër ka marrë lëndime të lehta trupore.

Të dy viktimat janë dërguar për tretman mjekësor.

Gjatë intervenimit, nga të dyshuarit janë konfiskuar një thikë dhe një pistoletë me gaz.

Pas intervistimit, me vendim të prokurorit, të tre të dyshuarit janë dërguar në mbajtje./A.K/

Continue Reading

Lajmet

Tentoi të grabiste një market në Prishtinë, nxori mjetin e mprehtë ndaj punëtores

Published

17 minutes ago

on

August 19, 2026

By

Sipas raportit të Policisë së Kosovës, një shtetas i Algjerisë është arrestuar në Prishtinë nën dyshimin për vjedhje grabitqare në një market.

Rasti ka ndodhur më 18 gusht, rreth orës 19:15. Sipas Policisë, i dyshuari gjatë incidentit ka nxjerrë një mjet të mprehtë para punëtores së marketit, por është ndaluar dhe arrestuar nga një zyrtar policor.

Gjatë kontrollit, nga i dyshuari është sekuestruar një mjet i mprehtë metalik dhe dy telefona celularë, ndërsa njëri prej telefonave dyshohet se rezulton të jetë i vjedhur.

Pas intervistimit, me vendim të prokurorit, i dyshuari është dërguar në mbajtje./A.K/

Continue Reading

Lajmet

Katër raste të dhunës në familje në Gllogoc, Fushë Kosovë, Leposaviq e Mitrovicë

Published

21 minutes ago

on

August 19, 2026

By

Sipas raportit të Policisë së Kosovës, katër raste të dhunës në familje janë raportuar më 18 gusht në Gllogoc, Fushë Kosovë, Leposaviq dhe Mitrovicë të Jugut.

Në Gllogoc, sipas Policisë, një grua dyshohet se është sulmuar fizikisht nga bashkëshorti i saj. Viktima ka pranuar tretman mjekësor, ndërsa pas inicimit të rastit, ajo së bashku me fëmijët është dërguar në strehimore. I dyshuari është liruar në procedurë të rregullt.

Në Fushë Kosovë, Policia ka raportuar se një grua dyshohet se në vazhdimësi ka përjetuar dhunë fizike dhe psikike nga bashkëshorti i saj. I dyshuari është arrestuar dhe, me vendim të prokurorit, është dërguar në mbajtje.

Në fshatin Belucë të Leposaviqit, sipas raportit policor, një person dyshohet se ka shfaqur sjellje agresive dhe ka demoluar disa gjësende në shtëpi. Policia ka bërë të ditur se dyshohet se ai ka probleme të shëndetit mendor dhe është dërguar për trajtim në Spitalin e Mitrovicës. Rasti është iniciuar në konsultim me prokurorin.

Ndërsa në Mitrovicë të Jugut, Policia ka raportuar se një grua dyshohet se është sulmuar fizikisht nga djali i saj. I dyshuari është arrestuar dhe, me vendim të prokurorit, është dërguar në mbajtje./A.K/

Continue Reading

Të kërkuara